ألف مبروك الفوز والنتيجة العريضة ، توّي منتهي من مشاهدة ملخص المباراة وحقيقةً الفريق ماعليه خوف في ظل وجود هؤلاء اللاعبين كلاعبين بدلاء ، اداء رائع جدّاً من الفريق // موسيس - روميو - بيازون : قدموا مباراة جميلة ، مستقبل مشرف للفريق بلاشك وبدلاء على أعلى مستوى ولعلّي أخص بالذكر الأسباني روميو هاللاعب مطربني للآخر / ثقة كبيرة من اللاعب في أداءه ، روعة الإستلام والتسليم والسرعة في إفتكاك الكرة وقطعها ، محور على مستوى عالي : تنقصه فقط الخبرة وحينها سوف يركن ميكيل في الدكّة ..

أزبيليكويتا : هاللاعب رائع جدا هجوميا ، لكنّه يعاني كثير دفاعيا ، المشكلة ليست في بنيته الجسمانية بالعكس تكوينه قوي وجميل ولكن المشكلة في أداءه الفنّي ، يحتاج للوقت ولإكتساب المهارة والخبرة أكثر من أشلي كول و إيفا ..

ماتا : هاللاعب شيء خرافي ، وجوده أهم من أي لاعب بالفريق حتى هازارد / هاللاعب بإختصار غير ، يحرّك اللعب على مزاجه ، صانع فرص من أعلى مستوى يتمناه كل مشجع ، ماتا أعتبره هو أهم لاعب في الخط الخلفي للمهاجم بدونه الفريق يعاني لأن اللاعب بإختصار قادر على تحريك اللعب بسرعة بالإضافة إلى تواجده دائما في المكان المناسب والمساندة اللي يقوم بها في خط الوسط واللي مايطبقها أي لاعب بالفريق بقدر اللاعب ماتا // ومع تواجد الثلاثي [ هازارد - ماتا - اوسكار ] لاينقصنا إلى فالكاو فقط ونصبح في القمّة ..

مارين : تمنيت أشوف اللاعب من البداية ، لكن أكيد المدرب شاف إن اللاعب مايقدر يشركه أساسي وخلّاه كبديل ، منذ دخولة قدم شغل جميل خصوصاً الفرصة اللي صنعها لتوريس لكنها ضاعت / أتمنى نشوفه في التشكيلة الإحتياطية قدام الأرسنال ..

(( فالكاو )) ، خبر الصن أفرحني وأتمنى إن تتم الصفقة بدون مشاكل ، سئمنا كثيراً من وجود توريس الغير مجدي أبداً للفريق ، الكل لاينكر مستوى توريس الخرافي اللي كان يقدمه مع الريدز لكن الآن توريس تغير منذ انضمامه لنا والضغط الإعلامي اللي واجهه وماقدر يتغلب عليه والنتيجة مهاجم بدون فايدة لاتمركز صح ولا ترجمة صحيحة ، اللاعب غير صالح أبدا بأن يلعب في فريق مثل تشلسي ، مسألة الصبر والصبر هذي مالها فايدة صبرنا عليه تقريباً سنتين والنتيجة 0 مكعب ، ويقولون هذا هو خليفة دروقبا ، أي خليفة تتكلمون عنه ياناس ، بإنتظار يناير على أحرّ من الجمر ..

سكاي تنفي الاخبار اللي منتشرة عن تشيلسي و فالكاو وتقول انه تشيلسي ما قدم اي عرض لاتلتيكو مدريد لفالكاو وتقول سكاي ان نادي أتلتيكو لن يرحب بفكرة انتقال اللعب وان النادي متمسك بالاعب

المصدر

إقتباس روميو هاللاعب مطربني للآخر / ثقة كبيرة من اللاعب في أداءه ، روعة الإستلام والتسليم والسرعة في إفتكاك الكرة وقطعها ، محور على مستوى عالي : تنقصه فقط الخبرة وحينها سوف يركن ميكيل في الدكّة ..

سبحان مغير الأحوال مره قلت روميو لاعب مبدع و يقدر يركن ميكيل بالدكه قلتلي لا بدري عليه و بالنسبة للخبرة الخبرة ماراح تجي و هو محيطه دي ماتيو ، اتمنى ببطولة كاس الأتحاد و الكارلنج تكون فرصته و دائم يلعب أساسي و انا متأكد ان بعدها بيعجبه دي ماتيو و بيركن ميكيل بالدكه

Chelsea vs Wolves Fernando Torres Goal - YouTube
هدف توريس من المدرجات

الف مبروك على الفوز بنتيجه كبيرهـ و التأهل

عقبال مباراتنا السبت ان شاء الله بالتوفيق لنا

تويترات
مارين : تشيلسي جيد بما فيه الكفايه للحفاظ ع دوري الأبطال
الإتحاد الانجليزي يصدر بيان يشكر فيه تيري ع ماقدمه للمنتخب
جول كوم : بيرتراند : اشلي كول يستحق ان يحصل ع مايطلبه من تشيلسي
قسم بالله بديت اخاف ان إداراتنا ماتجدد للفار معقوله إداراتنا بهالغباء يعني صح نبي فريق اغلب اللاعبين صغار بالسن بس هذا مؤ يعني اننا نكرش كل اللاعبين الكبار بالسن تكفى يإبرا إلا اشلي يارب يجددون له 3 سنوات قولو امين
جون تيري يستعين بطيب الذكر أعلاه ( اشلي كول ) في اليوم الثالث من الجلسة التأديبيه

شباب توقعاتكم نطيح مع مين بالكابيتال كاب انا اتوقع و اتمنى المخيسين كيو بي أر في حالة تأهلهم انا اذا ماتأهلو اتوقع توتنهام ( توقعاتكم )
خلونا نشعلل الرابطه شوي

تشيلسي ضد المانيو بالبريدج
المباراه بتكون ب ٣٠ اكتوبر بالتوفيق للبلوز و باذن الله بنصقعهم بالدوري و بالكابتل ون كب

إقتباس الرسالة الأصلية كتبت بواسطة Meshal995 تشيلسي ضد المانيو بالبريدج

ياويلهم .. البريدج راح يكون مقبره لهم
المباراه بعد شهر 30 او 31 اكتوبر

ياويلهم تشلسي مع المان في ملعببببنا :$

الغريب و العجيب بالموضوع ان حنا بنقابلهم بالدوري ب 28 اكتوبر بالبريدج و ب 30 اكتوبر بالبريدج بعد
بإذن الله بنصقعهم بكل المباراتين