إقتباس الرسالة الأصلية كتبت بواسطة روما الأمل الكلب زيمان و خطته توتي عشرآت حالات الطرد !!

عزيزي دي روسي مايجي خصلة من خصلات توتي عندما كانت خصلاته تتراقص بالمطر وجانبة دل فيكيو و مونتيلا

بعدين اذا انت تقول توتي انطرد في النهائي !! النهائي ذاك اسميه نهائي مسلوب منك يعني دخول توتي للمباراة مشحون للاخر من الحكم و من كلام بالتويلي له ، وغير كذا توتي برد قلب جمهور روما بضرب بالتوتيلي وخلى بالتويلي رجال .

فـ دي روسي من دخلته للمباراة وهو ناوي على ايش مادري ، و اللاعب كان عارف حالة ماراح يلعب الا باخر لحظة لعبه زيمان .. ي عزيزي ي دي روسي انت في نهاية الشوط الاول يعني باقي 45 دقيقة ليه تحط نفسك بموقف بايخ وتحرج معك الفريق .. يعني ضرب ماله سنع ابد مافيه اي سبب للضرب ، وش استفدنا من الضربه ؟ اخذت احمر وطلعت ليتك فاقع وجهه اقول كثر خيرك ..


المهم ياجماعة ارجع للمباراة البايخة .. يعني روما يوم شد المطر روما مافيه اي فعالية والسبب لعب روما على الارض ولعب لتسيو كرات طويلة وهذا اللي فرق في الفعالية ، الامر الثاني هدفهم الاول ذكرني برميات رابح اللي في الرمية الملتهبه ، حارسنا سواليف ماالومه مباراة اكبر منه و صغير لكن والله من البديهي تردها زي الناس عطها لكمة مثل لكمة دي روسي لماوري اما جالس دغدغها مايمشي هالكلام ، الهدف الثالث وجه النكبه بيريس عطاها لماوري مقشره زي اللوز ..

فيه امور ماني مقتنع فيها ابد من زيمان اول حاجة ، تبديله للميلا ليه ؟؟ يعني لاميلا اكثر فعالية بالحركة وسرعة التنقل من توتي ، توتي في المطر ماقدر يصنع كور للفريق لانه مافي امل يمسك الكورة ويتحرك فيها وينقلها زي مايحب يعني بالاصح طلع توتي ودخل تاخسيدس علشان يغطي مكان النكبه دي روسي ، واللعب بمهاجمين و و نزل الحبيب بيانتش بدل فلورنزي ، والله ياجماعة بيانتش يفرق في الوسط لاعب حرك الفريق لكن ماعندك هجوم يسبب خطورة بالاختراقات بالله شفتوا بيانتش يخترق لتسيو زي السلام عليكم ، يعني هنا محتاجين لاميلا او نزل سنجوب لوبيز لاعب ينفعك بالاختراقات ..

الى اخر لحظة كان بالامكان العودة للمباراة ، ماكانت صعبه علينا المباراة .. اللي صعبها علينا المطر + طرد + هدفين هدية ..


انا مع خروج دي روسي من روما ، اذا كان ظنه انه بيكون مثل توتي في روما فهي صعبة عليه ، واذا كان يظن انه بيحقق بطولات هالوقت فهي صعبه لان روما ماستقرت لا فنيآ ولا اداريآ ..


بعد اتمنى زيمان يروح ويفكنا من خطته القديمة ومن لعبه المكشوف ، يعجبني المدرب اللي يسخر امكانيات فريقه ويعجبني المدرب اللي عنده الخطط البديلة ويعجبني المدرب اللي ماله بالهياط له بالشغل .. بلغ سلامي لـ مونتيلا



وسلامتكم