|
إقتباس:
انا اللي اطلقت الاسم ذا عليك نكبتك:naughty: مااعتقد زيمان بيلعب توتي جناااح اتوقع راح يلعب ب ديستيرو واوزفالدو وراههم توتي وبيانيتش وراهم الوحش دانيلي وبرادلي والدفاع حدث ولا حرج:cry::cry::cry: |
مبرووك اخيراً وقعوا مع ديسترو .. حسب ما اعلنت السكاي : عقد ديسترو سيمتد لـ5 مواسم يبدأ بـ 1.5 مليون يورو ، وسيصل على سبيل الإعارة من جنوى بـ5 ملايين يورو وأحقية الشراء بـ7 ملايين .. وصرح اللاعب انه سعيد للغاية بالتوقيع لروما .. بالديني اكد انهم بيعززون روما بأسماء أخرى .. http://www.laroma24.it/ |
ما شالله تبارك الله .. غريكو و روسي بـ ميركاتو واحد .. يا منت كريم يا رب :D ! ألف مبروك جيت فييري زمانه ديسترو .. لامقيسا لاهنت ع الأخبار و المجهود يا طيب :):razz: |
الملك توتي و جيرارد لهم فديو سلموا فيه على بعض :D + في نفس الفديو كان فيه عرض لـ قميص الفريق الإحتياطي ، الفديو هنـا مباراتنا مع ليفربول راح تكون إن شالله فجر الخميس ، الساعة وحده و نص ، ع الجزيرة +4 بـ التوفيق لـ الجميلة :smilie47: |
فعلاً , روزي , المهرج , بايروتا , كاسيتي , جوان , كورتشي .. خروجهم مكسب لروما ! باقي أوكاكا تشوكا معشوق أسامة :d:smilie47: .. و بوريللو .. و نفتك من هالسملق اللي ناشبين لنا ! ما قصرت لامقيسيا على الأخبار هههههههههههههههههههههههههه :d:d |
http://a6.sphotos.ak.fbcdn.net/hphot...12141828_n.jpg :smilie47::smilie47: للي في النص طبعاً , أمآ اللي في الأطرآف في دآهية :d http://a6.sphotos.ak.fbcdn.net/hphot...32960629_n.jpg :d http://www.laroma24.it/IMG/CALCIATOR...o%20ottima.jpg إعآرة بـ 5 مليون ؟ مآ أقول إلآ عسآك تستآهل كل هالقروشة لآمقيسآ وسهى ؟ :d لآ لآ أمورنآ زينة :d |
الهجوم الآن : الفرانشا - أوزفالدو - ديسترو - لاميلا - بويان - نيكو كـ أسماء و إمكانيات فـ هو تقريباً من بين الأفضل في إيطاليا ، لكن يحتاج لـ الموازنة بين هـ الأسماء و إختيار الأنسب في المركز المناسب .. عموماً الملك هو الوحيد تقريباً الي ما راح يقدم الإضافة إن لعب كـ مهاجم جناح ، و ديسترو بـ شكل أقل ، باقي الأسماء ممكن تلعب كـ مهاجمي طرف و راح تشكل قوة و خطورة من ع الأطراف .. أتمنى إن زيمان يعيد النظر في موضوع إن توتي جناح يسار ! توتي راح يفيد الفريق أكثر إن لعب قريب من المرمى ، و ممكن يخلص الموسم بـ أكثر من 10 أهداف من كرات ملعوبة .. على كلٍ هي مبارايات إستعدادية ، يعني تجريبية بـ النهاية ، أقصد المباريات الي شارك فيها توتي كـ جناح .. |
^ حرام عليك يا ساهي :d.. ما اتوقع اننا وصلنا لمرحله اننا نُحسد على مهاجمينا من باقي متابعي الكالتشيو :razz:.. إقتباس:
خلينا نستثني توتي:smilie47:.. عندك اوزفالدو اداءه عادي جداً ! ، لاميلا مزاجي نوعاً ما ويكسر واجد :d لاعب جيد لكن لا يُعتمد عليه 100 % .. بويان ما قدم ذيك الإضافة الكبيره بروما .. ننتظر من ديسترو يثري هجومنا .. نيكو لاعب شاب اعتقد يحتاج للوقت .. إقتباس:
إقتباس:
إقتباس:
مين اللي يلعب بشكل جيد على الطرف ؟ اوزفالدو ولا بويان ؟! ممكن لاميلا افضلهم على الطرف :razz:.. روما تحتاج عمل كبير للامانه :yes:.. :rose: |
وجهة نظر و تحترم طبعاً ، و أنا أوافقك إن روما ما زالت تحتاج لـ عمل كبير لكن بـ خط الدفاع فقـط ، باقي الخطوط أشوفها أنا مكتملة كـ أساسين و أيضاً كـ إحتياطين ، يعني مثلاً وين النقص الي تشوفه ، أو الخط أو الخانة الي تحتاج لـ ترميم أو تدعيم بـ باقي الخطوط " حراسة - وسط - هجوم " ؟ في الوسط مثلاً إن أفترضنا إن التشكيل الأساسي هو : برادلي - دي دي - بيانتش ، وإحتياطهم اليوناني و ماركينهو و البطل فلورينزي ، إترك عنك الي بـ يقدمونه أو الظروف الي بـ تحصل من إصابات و إيقافات ووو هذا بـ علم الغيب ، لكن حالياً ما تشوف معي إن الخط مكتمل ؟ و قس على هذا خط الحراسة و الهجوم في الفريق .. بـ النسبة لـ بويان أشوفه أفضل مهاجم جناح في روما ، إختراقاته و محاولاته غالباً ما تكون فعاله ، الولد جماعي و متحرك ، الي يعيبه ضعفه البدني ، بويان الموسم الماضي تسبب بـ 3 ركلات جزاء الظاهر ، و سجل أيضاً 7 أهداف ، و صنع 3 / 4 أهداف ! أرقامه جيدة جداً كـ بداية له في روما و الكالتشو ، و أيضاً لا تنسى أنه دائماً ما كان يشارك كـ بديل .. مشكلة بويان هي في عقده ، و لا هو كويس و عال العال كـ بديل أو أساسي بـ درجة أقل .. أوزفالدو ما أقولك إنه جناح ميه ميه ، لكن أوزفالدو يملك مرونه ومهارة فردية ، و ممتاز في مساندة الدفاع ، المقصد إنه ممكن يلعب كـ جناح ، و يعتبر خيار أفضل من إنك تحط توتي ع الجناح .. نيكو شاب ؟ اوك شاب و حتى بوريني شاب ، و ديسترو الي بـ يثري إن شالله هجومنا شاب :razz: ، أنت عط الولد فرصة بـ الأول و بعدين إحكم ، نيكو و الله يملك إمكانيات و عقلية رهيبة ، و هو تقريباً مع بيانتش نجوم المباريات الإستعدادية لـ حد الآن عموماً أنا أشوف إن خط هجوم روما من الأفضل في الكالتشو ، مشكلة روما ما هي هنا ، المشكلة في الدفاااع وأنا ودي يا عم فادي تروح تاخذ لك لفة على مهاجمي باقي الأندية ، وتقارن :d |
^ الدفاع هو المشكله هذا شئ خالصين منه موب مشكله وبس يبيلنا طقم جديد اساسي الوحيد اللي الظاهر بيطقها اساسي كاستان ووممكن بورديسو ، خلنا من الدفاع مانقدر نتكلم بشئ الى الان ماكتمل هجوما كيف بيكون؟ عشان اكون صريح معك انا ال4-3-3 عمرها ماخشت مزاجي ومقتنع انها طريقه سقيمه:d ومعها ال 3-5-2 الا اذا طبقو بطريقه معينه وكان عندكم لاعبين قادرين على اداءها ، لو الخيار لي في روما بالعب بـ 4-3-1-2 او 4-3-2-1 اوحتى في بعض المباريات طريقه سبال 4-2-3-1 اما 4-3-3 ماتفيد ابدا ابدا اوزفالدو لاعب عادي وموب مشكل فارق وين مالعب ومع ذلك انسى يكون في الدكه هو وتوتي وديسترو يعني هـ الثلاثي هجوما طيب وين لاميلا وبويان؟ هـ الطريقه مفصله عليهم هم أفضل من يلعبون ع الاطراف بس وش نقول:s5s: لو يحط الزلابه زيمان وحده من طرقي اضمنلكم الاسكوديتو ستيكي ظهير كاستان بورديسو ظهير بيانيتش-- برادلي -- دي دي -------لاميلا(توتي)------- _توتي(اوزفالدو)-(ديسترو) :d:smilie47: |
^ صادق أنت ؟ زيمان ما فيه أمل يغير من طريقة لعبه ! هـ الخطة بـ النسبة لـ زيمان أشبه بـ دين يؤمن به :D ، عموماً أنا واثق من زيمان ، و واثق من إختياراته ، زيمان حول نادي بيسكارا النادي العادي الي شغلته بـ الحياة يكمل الأخوان بـ دوري السريا بي ، إلى نادي عنده هدف و شخصية قوية في الملعب ، و يملك ثبات وإستمرارية في النتائج و المستوى و كل هذا بـ عناصر أغلبها شابة .. |
^ وانا وش تتوقع مصبرني ولا جلست العن في فريقكم؟:d ماصبرني الا زيمان وموب لانه مدرب سوبر وبطل خخ لا انه مدرب من زمن الكالتشيو الجميل:d:smilie47: وهو أكثر مدرب خبره من المتواجدين الان في السيريا آ هذا اللشئ اللي يخليني اتفائل نوعا ما واقول اننا ممكن نسوي شئ اما سالفه دينه فهذي ما اقدر اقول عنها الا دلاخه قلتها على ايام سبال:smilie47: وارجع اقولها اليوم المدرب اللي يعتمد على طريقه وحده ضد كل الفرق وفي كل الظروف دلخ:d واحمق:s2: اوكي لاتجلس تحوق بالفريق مثل ماكان يسوي سئ الذكر:d حط طريقه معينه اساسيه وحطلك كم وحده باك اب خصوصا اذا كان فريقك جايب العيد ويلعب ضد فريق ممتاز مثل اليوفي هذي كانت ميزه رانيري انه يحترم الخصم ويعرف كيف يوقفه صحيح بعض الاحيان زياده عن اللزوم خخخ بس كان عاجبني الى حد ما المهم مايستفاد من هـ الرد اللي ان اللي مايغير رايه ويكابر مثل الحيط:d:smilie47: |
زيمان صحيح إنه يلعب و يعتمد على خطه واحده في كل المباريات ، و بـ اي ظرف من الظروف ! بس هذا مو بـ سبب إنه دلخ و أحمق مثل ما تفضلت أخوي لامقيسا :D ، أو بـ سبب إنه قليل حيلة أو دبره ، لا السبب إن فلسفة زيمان الكروية هجومية متطرفة :$ ، و يعتبر الـ 4 - 3 -3 من أصول دينه " فلسفته الكروية " رانييري ؟ ما هي ذهانه منه الله يسلمك ، إلا القمطة وما تفعل :D ! بـ الله من يذكر مباراة بايرن ميونخ الي لعبناها هونيك ؟ أجل تحترمه و هذي تعتبرها ميزه لـ أبو الرون يا لامقيسا خخ :) ؟ زيمان ؟؟ سوبر و بطل وملك ملوك المدربيين :$ :D ، أحد بـ راسه حرش ؟؟! |
^ الكره الهجوميه يعني طقلك 3 مهاجمين ؟ ايام سبالي كنا 4-6-0 وكنا فريق هجومي ومن الامتع في اوروبا منب اقولك لاتعتمد على طريقه اساسيه وحده بس مافيه طريقه في العالم صالحه لكل وقت ومباراه ! انا بكره بالعب ضد البرسا مثلا معقوله العب 4-3-3 ؟! بتاكلها على وجهك انت وكرتك الهجوميه:d الكره الهجوميه ميب صفصفه مهاجمين والعب 4-2-4 وحط كارلوس هجوم خخخ :d ، سالفه الطريقه اللي مستحيل يغيرها جايبتلي الهم بصراحه لان اي مدرب يعتمد على طريقه وحده في كل وقت مستحيل يكون ممتاز إقتباس:
|
إقتباس:
إقتباس:
الدفاع يا عمي مب مشكله ! إلا مافي دفاع اساساً .. دفاعنا كارثه واكيد بيجيبون كم لاعب لترميم دفاعنا الهزيل .. بالنسبه للهجوم واذا بتقارن بالاندية الثانيه .. اممم اتوقع الميلان مع انه باع ابرز مهاجم عنده " ابرا " ما زال هجومه افضل من هجومنا :razz:، تتكلم عن كاسانو .. باتو .. روبينيو ( مع انه ممكن يبيعونه لكن ما زال موجود معاهم ) .. الشعراوي .. بواتينق .. معليش مافي مقارنه بهجومنا ، اوزفالدو وبويان ممكن نشوف اداء افضل من اللي شفناه الموسم الماضي لو توظفو صح .. انا اشوف اوزفالدو لو ما يتعدى الصندوق بيكون اخطر من خارج منطقة الجزاء .. والمشكله بالحقيقة طريقة الــ 4-3-3 تحتاج مهاجمين تلعب على الاطراف يكون عندهم السرعه والقوة ! .. بويان لو يلعب مهاجم ثاني متأخر بيكون اخطر .. لكن تذبه على الطرف وهو مب بذيك القوة البدنيه زي ما الكل عارف ما راح يقدم شيء.. نيكو انا ما اقول انه سيء لكن لسا ما بدا الموسم وما سوا شيء يعني ما يؤمل فيه الكثيير يبقى لاعب شاب اي نعم قد يكون موهوب لكن يبيله وقت وفرصه .. ديسترو يفرق عنه ليش.. ديسترو تألق بسيينا وقدم شيء يثبت انه قادر على خدمتك هالموسم مع اني ما تابعته بس من كلام بعض الاخوان انه خيار جيد .. بالنسبه لزيمان وانه ما يغير خطته هذي مشكله بصراحه .. واتفق مع لاماجيكا المدرب المرن اللي يلعب بالخطه الأنسب للاعبيه ومب الخطه اللي يحبذها هو ! الا في حال انهم بيفرون له لاعبين يجيدون طريقة الــ 4-3-3 .. بالنسبة للوسط اتفق معك هو افضل الخطوط اللي عندنا .. مع الحراسه طبعاً .. عموماً ننتظر نهاية الميركاتو وبعدها نقدر نحكم .. :rose: |
| الوقت المعتمد في المنتدى بتوقيت جرينتش +3.
الوقت الان » 06:17 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd