يعني خلاص نقول مبروك الصفقه
<< مع انها مو من القلب والله
ادري اني ابلشتكم في هذي السالفه بس والله من الغبنه ،، انا الى الحين منيب مستوعب ،، 100 مليون !!!!! 100 مليون يا بيريز يا ظالم يامخفه
ادري انها موب طالعه من جيبي ،، بس باللهي وش شايف في بايل اللي تقول يستاهل ال 100 مليون !!!!!! انا كل ما اتخيلها تجي صورة بايل في بالي واقول اما 100 مليون
وما يرفع ضغطي اكثر واكثرررر الا انها رايحه لليهودي ابن اللذينا
قسم بالله واطي
قلنا بايل سريع وعنده رجل ما ترحم ،، بس هل هو افضل من كريس ؟؟ يعني حتى ميزاته ما يتفوق فيها على كريس !!!! ومع هذا 100 مليون !! الولد لا بطولات او انجازات جماعيه ولا فرديه غير افضل لاعب بالدوري الانقليزي
كريس يوم يجي للريال الكل عارف ايش كانت انجازاته (الفرديه والجماعيه) ،، وحتى المبلغ اللي جا فيه كنا نقول مبلغ كبير ومبالغ فيه
انا منقهر من المبلغ هذا لعدة اسباب :
- كنا نقدر نستغلها في انتدابات افضل بكثيييييير ،، مو شرط تشتري لاعب وتجيبه عندك وقتها ،، اشتر لاعب وخله في ناديه اعاره ،، مثل قاندوقان او غيره
- المبلغ هذا بيخلي الانديه تطمع في الريال في المستقبل ،، يعني بيريز ماراح يجلس كل عمره بالريال
- المبلغ العالي والخرافي بيكون ضغط على بايل ،، عاد الكل عارف الصحافه الاسبانيه ،، ما تصدق خبر تشوف مستواك نازل الا وتتفلت عليك ،، يعني لو ضيع فرصه من اول مباراة بنشوف " بايل فاشل ،، او بايل قرر الرحيل
" ،، فا بيكون تحت ضغغغغغط الله يعينه
- حتى من ناحية الرااتب ،، راتبه العالي بيخلي لاعبين في الريال يطالبون برفع رواتبهم ،، وحتى لو ما طلبو بيحسون بالظلم
بالاخير اقول مبروك بايل علينا ،، وان شالله يكون قدها وقد كل قرش اندفع عليه ،، واعذروني ادري اني كل دقيقه طالع لكم بالسالفه هذي ،، بس والله من القهر والغبنه