الكاسر
كلامك منطقي وسليييم 100٪ ،، بس خلنا نكون صادقين وصريحين
![Biggrin](images/smilies/biggrin.gif)
ما يحتاج نلعب على بعض ،، مباراة الذهاب زين انها خلصت 4 ،، زين انها ما خلصت 5 او 6 حتى
انت تقول الهدف الرابع اثر على الفريق نفسيا ،، ومثل ماقلت انت 3 ارحم من 4 ،، بس المباراة هذيك اداء الفريق كان سييييييييييييء الى ابعد الحدود ،، اتحدى اي مدريدي يقول ايه والله قدمنا مباراة كويسه ،، لا مستوى ولا نتيجة ،، والكل انتقد المو بعد المباراة بسبب اسلوب لعبه ،، يكفي انه مطلع التشكيلة قبل المباراة بيوم
![Biggrin](images/smilies/biggrin.gif)
فيه اهيط من كذا ؟؟ وبالاخير اكلها
عشان كذا اللي ابي اوصله لك هو بتحكيم او غيره دورتموند كان افضل ،، صدقني انا مدريدي الى النخااااع ،، وما ارضى اشوف الريال بالحاله هذي ،، بس اذا شفت ان الفريق من جمبها ابقول انه من جمبها وماراح اعطيهم اكثر من حقهم ،، لان النتيجة هذي راح تبقى تاريخيه وحرام انها على نادي بحجم الريال
![ورده](http://upload.alhilal.com/img/009/67.gif)
![ورده](http://upload.alhilal.com/img/009/67.gif)
=================
خروج مورينيو كان متوقع بنسبة كبييييره ،، من بداية الموسم وكان فيه شك كبير ،، صحيح انه مدرب كبير ،، بس طلعته فيها خيرة للنادي باذن الله ،، اسس فريق قوي ،، ان شالله هذا الفريق راح يفيدنا سنوات طويلة ،، و لا تنسون نقطة جدااا مهمة ،، ثلاث ارباع الفريق مايبون مورينيو ،، اتوقع اللي يبي مورينيو (ايسيان - لوبيز - مودريتش) ،، الباقين يبونها من الله ،، طلعته راح تهدي التوترات داخل النادي
المدرب اللي راح يشرف على الفريق ما اتوقع بيواجه صعوبات ،، مين ما كان المدرب فالصحافة راح ترحب فيه ،، لان اللي براسهم طاح
![Biggrin](images/smilies/biggrin.gif)
فمن هذي الناحية ماعنده مشاكل
من ناحية ثانيه واللي هي تكوين الفريق ،، فالفريق تقريبا جاهز ،، يحتاج بعض الاسامي ،، الاسامي هذي تعتمد على كيف هو ناوي يلعب
طبعا اقرب مدرب لنا حاليا مثل ما الكل عارف هو انشيلوتي ،، انشيلوتي ينخاف منه ،، ماتدري ايش بيسوي ،، مدرب كبير طبعا ،، بس تحتار منه ومن اسلوب لعبه ،، هل بيلعب بطريقة هجوميه ،، هل بيكون خايف وبيعتمد على اساليب دفاعيه ؟ الله اعلم ،، بس اللي اعرفه واضمن لكم اياه هو ان كاكا بيكون اساسي
![Biggrin](images/smilies/biggrin.gif)
![Smilie47](images/smilies/smilie47.gif)
صحيح كاكا كبر بالسن (30 سنه) بس اتوقع لو جا انشيلوتي بيرجع لنا كاكا ميلان ،، ما استبعد ابد انه يحول اوزيل للجناح الايمن ويحط كاكا مكانه
![Biggrin](images/smilies/biggrin.gif)
بيسوي انه بيفرض كلمته زي مورينيو ،، وبيمسك الباب من ثاني موسم
على العموم الايام الجايه ان شالله تجينا الاخبار الزينه عن اللاعبين اللي بيجون للنادي
![ورده](http://upload.alhilal.com/img/009/67.gif)
![ورده](http://upload.alhilal.com/img/009/67.gif)