الف مبروك مدريديه الفوز .. فوز معنوي وتاريخي لا اكثر .. مابي ابالغ فـ الفرحه لأني اعرف جيداً وش تعني مباراة المانيو ووشلون هي صعبه .. المانيو يختلف عن البرسا تماماً .. مافزنا عليه بالبرنابيو وفريقنا كامل .. عاد بنفوز عليهم في الأولد ترافولد .. ع العموم .. مباراة اليوم طلعنا منها بفوائد كثيره .. منها كسبنا الثقه قبل معرككة الأولد ترافولد .. مورينهو مرتاح اكثر واثبت نفسه في مباراتي الكلاسيكو .. والصحافه ابتعدت عن الفريق شوي وماصرنا نسمع اشاعات .. الفريق قدر يلعب 1 ساعه كاامله بدون كرسيتانو وقدم مستوى طيب .. موراتا في اول كلاسيكو يشارك فيه قدم مستوى جيد .. فاران تعود على المباريات الكبيره وراح نستفيد منه كثير .. اراحة عدد كبير من اللاعبين راح يفيدنا .. اوزيل الونسو دي ماريا هيغوين .. كل هالعناصر ارتاحت اليوم .. وتواجدها في مباراة المانيو بنسبة 90% .. اضف الى ذلك مشاركة رونالدو و خضيره في نص ساعه فقط ..الخوف فقط من الدفاع .. اللي كله شارك اليوم وشارك بمباراة الكاس .. باستثناء بيبي ..
بمباراة اليونايتد اكثر شي اخاف منه هو الدفاع .. تحديداً فـ الفاولات والركنيات .. اتمنى مشاركة فاران بسبب طوله فـ العرضيات .. بس محتتار بين راموس وبيبي .. راموس ينفع لمباريات مثل مباراة البرسا .. كرات بينيه ودايم يضغط عليهم .. بس يلعب ضد فريق مثل مانشستر كرات هوائيه .. يعجبك في بعض الاحيان .. بس بشكل عام نكباته كثيره .. شفناه شلون نكب بالهدف الاول بالذهاب .. بيبي ايضاً ماهو بعيد عنه .. اتمنى اشوف فاران اساسي ومعه ي بيبي او راموس ..
فيرغسون ماهو رورا ولا تيتو .. مدرب فاهم وصعب تهزمه .. شفناه بالبرنابيو وش سواء .. عمل تكتيك خورافي وماعطاء الريال المساحات مثل ماسواء البرسا .. والسير اكيد تابع مباراة الريال والبرسا بـ اياب الكاس .. والمباراة راح تكون مشابهه لمباراتنا معهم .. كلهن بالذهاب انتهن 1-1 .. السير بيكون فاهم الدرس جيداً وماراح يبالغ فالهجوم خصوصاً انه يملك الأفضليه بالنتيجه .. والله اني معجب بهالشايب .. حتى بالتصريحاته يحاول يخدرك .. بالله كم مره صرح عن رونالدو ؟! خطيير هاللشايب ..
الشي الجيد هي حالة فان بيرسي .. يمر بأسوء حالاته هالموسم له اربع مباريات ماسجل .. وجاي من اصابه ..
أعصاآب مافيه .. مباراة حياة او موت اذا خسرنا راح يواجه مورينهو سيل من الأنتقادات .. واذا فاز عاد اتمنى يعطونه عقد مدى الححياة .. واكييد راح يرد على الجمهور اللي في يوما ما كان يصفر عليه .. برشلونه فريق عادي تفوز عليه .. صحيح فريق كبير والفوز عليه مرتين بأقل من اسبوع يعني دافع معنوي كبير جداً .. بس المانيو يختلف اختلاف كلي عن البرسا من ناحية اللعب .. البرسا يلعب استحواذ ع الكره ويعطيك مساحات في الخلف عكس المانيو .. اللي اكيد ماهو معطي مدريد ولا ربع مساحه ..
فضفضت بكل مافي مخي
القاكم بعد مباراة المانيو ( اذا فزنا ) .. عاد تخيلو لو نفوز .. تهزم البرسا مرتين واليونايتد في اسبوع .. شي خوورافي والفرحه غيير شكل
تصبحون على خيير واسف على قلة تواجدي معكم .. والشباب م مقصرين
أعتقد توني فهمت مورينيو زين ! يمكن كلامي يكوم مبني ع الي شفته او مجرد احتمالات
او أني اكون واهم !!
برششلونه في عام 2004 + 2005 + 2006 + 2007 كان فيه تشافي انيستا وو الخ !!
لكن لماذا لم يظهر اعتقد ان ريكارد بنى فريق و جواريولا اكمل المسيره
فبنائك ل فريق لايأتي ب يوم او يومين او شهر وشهرين بل ياخذ سنين
هذا ب الظبط م وصل اليه برشلونه !
^ الم نكن نجهل أمر هولاء بوجود الاساطير ! زيدان , بيكهام , رونالدو , والبقيه .. هنا انا لن انكر م فعله برشلونه في نفس العام ! لكن كانت هناك مساوات لان برشلونه يملك اساطير ايضا , رونالدينيو و ايتو , والبقيه ..
بعد إعتزال الاساطير أصبح الريال يجهل ماذا يفعل فريق كامل مستجد بل في تجدد كل سنه لكن الكبير يمرض ولايموت !!
مورينيو استطاع حبه حبه ان يغير جلدة الفريق , ان يبني فريق ب فريقين يسد احتياجاته ب التشكيل الاساسي + التشكيل الاحتياطي
أعتققد اننا سنفتخر بوجود هذا الفريق بقيادة مورينيو ! مع هروب جوارديولا > كان الحلقه الاذكى علم ان الريال اشتد ساعده فهرب !! هروبه كان بداعي اسباب شخصيه لكن الان ! يوقع مع البايرن ! هروبه كان لكي لايلطخ تاريخه بعودة الريال .. الحلقه الاذكى انت ي بيب !
نهاية : ضربة جزاء ادريانو سوا كانت صحيحه او خاطئه ! اعتقد انها الانقاذ ل جماهيرهم حتى يتحججون ويعتقدون بانهم ظلموا .. الريال لعب ب احتياطه وكنا جميعآ نعتقد ان التعادل مع برشلونه ك الفوز لكن المو عرف من اين توكل الكتف سواء تعادلت او خسرت ستبقى عارآ عليكم احتياطي الملكي يحرج كبار برشلونه ! ..
مشرف منتدى الرياضة العربية والعالمية محرر أخبار رابطة ريال مدريد
تاريخ التسجيل: 16/09/2010
المكان: Santiago Bernabéu
مشاركات: 13,327
سوف يبدأ ريال مدريد غداً بـ الإعداد لـ مواجهه الإياب بـ دور الـ 16 في دوري أبطال أوروبا ضد مانشستر يونايتد يوم الثلاثاء , سوف تبدأ الدورة التدريبية بالساعة 11:00 صباحاً بـ سيوداد ريال مدريد وسوف تكون الأبواب مفتوحة لـ وسائل الإعلام.
ألف مبروك الفوز .. ولو إننا لعبنا قدام فريق سياحي ومايقيمنا قدام فرق كبيرة زي اليونايتد بس أهم شئ إننا دربنا الإحتياطي زين عشان نتأكد إن كل أسلحتنا جاهزة
يقول توماس رونسيرو :" أتمنى من مورينهو إشراك زوجات اللاعبين في الكلاسيكو القادم ".
إقتباس
الرسالة الأصلية كتبت بواسطة هــلاالـي
اوكي ماختلفنا بس عندك كاليخون وكوينتراو ومودريتش وايسيان جاو بمبالغ خياله وكانو اشاسيين في فريقهم الوحيد الي نقدر نقول انه من الصف الثاني موراتا مع اني والله معجب به هاالاعب
من الغبنة قال كاليخون وإيسيين جايين بمبالغ خيالية .. الأول بند إعادة الشراء ماتعدا ١٠ مليون وكان في إسبانيول والثاني إعارة إلى نهاية الموسم ترى حتى انتم شارين سيسك وسانشيز بمبالغ خرافية وكانوا احتياط اليوم هل لو دخلوا بالشوط الثاني راح تقول اوه لعبنا بالأساسي لأنهم غاليين وكانوا اساسيين بأنديتهم ؟ أجل إذا كذا بجيب البيشي من الهلال وألعبه قدامكم وعيب علي أقول إنه احتياط لأنه أساسي بالهلال أكثر جمهور يألف بكرة القدم جمهور برشلونة سبحان الله
١) اللاعب غالي وكان يلعب أساسي بفريقه القديم معناه إنه أساسي
٢) الكرة الذهبية تروح لأفضل لاعب لأنه محقق أكثر بطولات .. إن ماحقق بطولات قلتوا مالها دخل البطولات هي مستوى شخصي .. إن كان سيئ بالثنتين قلتوا ياخي انت تفهمم اكثر من المدربين والصحفيين ؟
٤) قبل أسبوعين : راح نحقق الثلاثية، راح ناكل مدريد وميلان، راح نحطم رقم قياسي بعدد الفوز في عهد تيتو..
الآن : ياحبيبي مبسوط بفوزك عشان جايني في أسوأ موسم لي وفريقي هالسنة مو في مستواه وبدون مدرب ؟
٥) حتى لاعبينكم مثلكم : الذهاب ١-١ ( ميسي يتوعد في أربيلوا ويقول بتشوفون شغلكم في الكامب نو .. يتصفق كفين عقب هالكلمة ويرجع يتصفق بـ ٣ في الكامب نو )
٦) البرشلوني: فزنا عليكم ٥-٠ قبل كم سنة .. المدريدي: طيب واحنا فزنا عليكم ١١-١ و٨-٠ و٥-٠ وهالسوالف الزينة ! البرشلوني: ياحبيبي لا تكلمني في التاريخ كلمني في اليوم .. المدريدي: طيب اليوم فزت عليك! البرشلوني: ما أقصد اليوم اليوم أقصد آخر ٥ سنوات شوف وش كنت مسوي فيك ! المدريدي: طيب آخر ٥ سنوات من التاريخ ليه انت تتكلم بالتاريخ ولما أنا أقولك تاريخياً صكيتك ١١ تقولي لاتكلمني بالتاريخ ؟ البرشلوني:
٧) ياحبيبي الفرق الكبيرة ماتتعذر بالتحكيم تراكم أزعجتونا يالمدريدية تحكيم وتحكيم تعلموا من برشلونة ماعمرنا اشتكينا من الحكم ! اليوم: ممكن تقرير الحكم لو سمحت فقط للمعرفة ؟ بس ممكن رأيكم في هالصورة ؟ (صورة أدريانو وهو يعطيها حركة السدحة عالسرير )
٨) حتى رئيسكم وفالديس وتشافي وبيكيه وآلفيس طالعين ومصرحين إن يجب ترك التحكيم والتركيز على المباريات ولحد يشكك بالتحكيم والفرق الكبيرة ماتتشكى من التحكيم .. اليوم كلهم يصيحون عند الحكم وواحد متباقس معاه وفاكينه الشرطة
٩) قبل سنتين: خذوا الكأس ماهمنا أهم شئ إن الدوري لنا .. السنة الماضية: حلال عليكم الدوري أهم شئ طلعناكم من الكأس واخذناه .. هالسنة: اوكي طلعنا من الكأس ماطقيناله خبر بس شوف الدوري؟ +١٣ ياحبيبي !!
مبروك الفوز اجل بنلعب بزوجات اللاعبين الكلاسيكو القادم هههههههههه
برسا في وضع لايحسد عليه ربما ان الريال اطلق رصاصة الرحمه على البرسا واعتقد ان مسلسل اهدار النقاط بدأ اتمنى لو يستغلها الجار اتلتيكو ويقترب منهم ويضيق الخناق عليهم ويحسم الدوري فالاجهاد البدني والعامل النفسي والخساير من الريال والخروج من الكأس والابطال ان شاء الله كلها لها تأثير كبير عليهم
فيه نقطه احب انوه عليها للامانه راموس في القلب يخوف جدا مادري تشوفون مثلي ولا لا شاهدنا الشوارع الى صارت فيه
اخاف من لقاء المانيو ينكبنا
البارح حسنته الوحيده انه جاب الهدف
لعنبوه بهدف ميسي ما كأن فيه مدافع غبي لهالدرجه ميسي يشوت يسار طبيعي راح يراوغ عكس عشان يشوتها لوب او غيره المهم انه ماراح يراوغ لليمين ويصعبها على نفسه ويشوتها بقدمه اليمين الضعيفه اقل شي ياخي الصق له ضيق عليه لاتخليه يفكر كيف يسدد
وربي كأنه لعب بزران
غير لقطة الهدف
لما طالبوا بالبلنتي ادريانو يمر مرور الكرام وراموس نكبننا لولا رحمة القدر
بمباراة الكأس في برنابيو لقطة بيدرو لما احتك مع الونسو شوفوا كيف تجاوز راموس كبري على الطاير ولا كأن فيه بشر أصلا هههههههه
بمباراة اليونايتد لا مبالاة بكرة الهدف مباريات كثير يجيب العيد او ياخذ انذارات بالهبل او طرد
مبارايات كثير تحط يدك على قلبك والمشكله انه الكابتن عاد
مادري احس راموس لايصلح يكون قلب دفاع بوجود فاران وبيبي اعتقد افضل بمراحل من راموس
ايضا لو يلعب ظهير راح نفتقد طريقة اربيلوا في اغلاق الجهه اليمين وخبثه الكروي وراموس ايضا بالظهير نكبه احيانا ونتذكر 6-2 ضد برسا
ومو من المنطقي احطه ظهير من أجل فقط انه هجومي اكثر من اربيلوا والاجنحه موجوده ولاعتب على الظهير ان لم يكن هجومي فالاصل في الظهير ان يكون مدافع اولا ومساند للهجمه ثانيا
ايضا اذا وضعته في الاحتياط راح تفتقد الضربات الرأسيه وفرص تحقيق هدف
يلحس مخك هاللاعب تهور وطفاقه وخشونه ونكبه ثم يلخمك بهدف يعدل ام جوك ههههههههه
لا ادري ,,,,,,,,,, الحقيقه المانيو غير عن البرشا والمنطقه الدفاعيه يجب ان تكون على أعلى مستوي
مآكآن بـ الآمس روحً من آبناء المرينغي ( قد ) آعيـد ..!!
هيبه ( جعلت ) الكل يقف آحترآماً و رعبً لهذا الفريق ..!!
حدثتكم فيمآ سبق ( المو ) وحدهـ القآدر ع آنهاء هذآ المسلسل وهآ هو بالفعل قـد آنهآهـ
وجعل من الكتلان في دوآمه لن تنسي ( لم يستنجد لصرخآتهم ) آو حتي آستعطافهم ولم يكتثر لتلك الدموع المتساقطه ..!!
آسقطهم في دآرهم وآعآد الكرهـ بـ الصف الثاني لـ يسقطهم ايضاً في دارهـ ( آي ) حربً شنيتهآ عليهم ( فحتماً ) سيخسرونهآ بك آنت وبـ رجآلً لم يخيب الظن بهم ..!!
قتلتهم ( وآنكسرت الرآيآت الزرقاء ) في الكآمب نو وآرتفعت الرآيآت البيضاء ..!!
وبعد ثلاث آيآم فقط ( نري البرنابيو ) بحله مختلفه بروحً آخري و بعناصر مختلفه تعيد لنآ الوضع الطبيعي لهذآ الفريق المتغطرس ( والمدعوم ) من آعلامه البلطجي ..!!
بهذآ الموسم تجرعو الكثير و سيتجرعونه قادماً كثيراً ايضاً ..!!
فلسفه ( صبآحيه ) فآخرهـ كآنت مختلطه بـ نسمآت مدريد ..!!
بيبي آي روحاً تمتلكه ( قسم بآلله يعجبني بـ الكتلان )
من قبل كآن الجميع متقف آن يعطي لـ كآكآ فرصه اللاعب امام البرسآ في مباراهـ الكآس ( ولكنهآ لم تسنح له ) و بـ الآمس اعطيت له الفرصه كآمله وليته لم يأخذهآ
فـ ياليت تختفي تلك الاصوآت المطالبه به ولـ نودعه مع البنز وهيقوين نهايه الموسم
..!!
مورآتآ أقسم بالله آنه بطل ( ) آخذ الفرصه ولم يخيب الظن ( حبيته )
آتمني آن تعطي له الفرصه الي نهايه الموسم ..!!
رآموس الله يسآمحك خليت البعض يصلوآ الي مالآنريدهـ ان يصل اليه ..!!
وحوش آمس آقسم بالله وحوش ..!!
الآن نبي نشن حمله هيآط ع مستوي خرآفي لم يتبقي سوي يومين ( ع مبآرآهـ ) المانيو نريد آن نجعل من هذا المكآن آهتزآز ضخم جداً ( فـ الان ) آصبحنآ بقمه المستوي المطلوب ( ونستطيع به ) آن نخطو خطوهـ قآدمه في الابطآل آمآم المآنيو والتي ستكون ضرب قآسمه ومفرحه لنآ كآ مدريديستا وآبنائنآ يستطيعون ..!!
آحتجآج الكتلان بـ الآمس ليس بالعادهـ الغربيه ابداً بكل مباراهـ لهم يفعلون مايكسبون به ..!!
البرنابيو كآن مشحون ع الآخر قآم بـ عدت آهزوجآت ضد لاعبي البرسآ ( ياليت ) من لديه القدرهـ ع جلب تلك المقاطع ( لايبخل علينـا ) فيها ..!!
لقطه المباراهـ لـ اربيلوآ بتدخله في آخر الوقت ع ألكسيس قسم بآلله آنه بطل ( وقتهآ ) وآقف ومع الانطلاقه لا شعورياً قلت آكسرهـ آكسرهـ ووسوآلهآ البطل ( هههههههههآ ) ..!!
آلف مبروك آحبتي هذا الانتصآر الفخم قبل موقع ( الابطآل ) ..!!
13199Likes
![الصورة الرمزية الخاصة بـ ..[ Dany ]..](images2/images14/images/avatars/world/rm11.png)
![..[ Dany ].. غير متواجد حالياً](images/coc/images/statusicon/user_offline.gif)
..
. وشكرا 
.. تهزم البرسا مرتين واليونايتد في اسبوع .. شي خوورافي والفرحه غيير شكل 
..
) آخذ الفرصه ولم يخيب الظن ( حبيته ) 
الوضع العادي
