هو من ابسط حق مشجعين الريال المطالبة بتغير الاوضاع اللي حاصله حاليا بالفريق ،، بعد خيبة الامل اللي صارت الى الان ،، الوضع يحتاج تغيير. بس انا من وجهة نظري التغير مايكون بالاسامي وتعاقدات جديدة ،، التغير يكون بالسياسة. لان يا كثر ما اننا تعاقدنا ولا شفنا نتيجة.
خلونا ناخذ البرسا مثال ،، البرسا اللي نشوفه الحين ما كان كذا في 2007 ولا 2006 ،، ما صار على الوضع هذا الا من 2008 - 2009 ،، ومن عام 2000 الى 2007 كانو يعانون في بعض المواسم ،، خصوصا في موسم 2007 - 2008 . البرسا هذاك الموسم خسر 9 مباارايات ،، وكان بالمركز الثالث بعد فياريال. الموسم اللي بعده على طوول ،، حققو انجاز تاريخي ،، طبعا بغض النظر هل كان فيها غش او لا ،، انا اتكلم على اسلوب اللعب والحماس اللي باللاعبين كان بصراحة شي محد يقدر ينكره.
جمهور + صحافه + اداراة كانت تدعم لاعبينهم ،، وهذا واحد من اسرار نجاح البرسا ،، هم عارفين اذا هم فازو بيلقون اللي يفرح لهم ،، ولو خسرو بيلقون اللي يصفق لهم ويحاول انتشالهم ورفع معنوياتهم. على عكس الريال ،، اللي مطالب بالفوز ولا شي غيره. واللي صدق الواحد يتعجب منه هو لو الفريق بدع ولعب بمستوى عالي تجي الصحافه وتمدح مددددح كانهم حققو بطوله وما كانهم بس فازو بمباراة. بس خلهم يخسرون او يتعادلون وشف ((التسفيييل)) اللي بيجيك. واللي يقهر اكثر ،، تجيك صحيفة معينه ،، وتطالب الفريق بتحسيين احاوله ،، وبنفس الوقت تجييك وتقعد تطلع اشاعاات وتزعز الاستقرار بالفريق !!!! ياخي بالعقل !! الحين تبيني اتحسن وانت قاعد تحرش اللاعبين بينهم وبين بعض !!! بالعربي الصحافه
بدل ما هي عون صارت فرعون
بغض النظر اذا الصحافه الكلام اللي تطلعه صحيح او لا ،، هنا مورينيو لازم يسوي شي فيها ،، يعني اقلها يقاطع المؤتمرات الصحافيه ،، يمنع اللاعبين التحدث مع اي صحفي او يمنعهم من المقابلات بعد المبارايات ،، منها يقطع الشك عشان محد يجي يتكلم ومنها الصحافه تتادب وتترك عنها حركاتها ،، او انه اذا مرره زادة يقاضيهم على كل صغيره وكبيره ،، بس المشكله هي ان بيريز ما راح يسمح للمو بهالشي.
طبعا فيه اشيا اهم من موضوع الصحافه ،، واللي هي الجمهور ،، دايم يقولون الجمهور هو اللاعب رقم 12 بالفريق ،، وانا ما عرفت معناها الحقيقي الا هذا الموسم. بالله عليكم هذا جمهور يجي ملعب ؟!!!!!!! لا حماس ولا هم يحزنون ،، وماتجي الدقيقة 80 الا وتلقى الكراسي نصها فاضيه !!!! طبعا هم يطلعون بدري حتى لو الفريق فايز !! شوفو الجماهير الثانيه ،، شوفو جماهير ارسنال
ارسنال اللي لهم سنين ما اخذو الدوري ولا حتى الوصافه وشوفو كيف الولاء
يهزون لك الملعب هززز ،، وانا شخصيا قد حضرت لهم مباراة ،، ياحبيبي على الجنووون. ياخي يكفي يوم مباراتهم مع البرسا في دوري الابطال ،، مباراة الذهاب ،، ارسنال كان وضعه زفت وماعنده التشكيلة اللي تنافس ،، ومع هذا الملعب كان مليان على الاخر + اي مشجع ارسنالي تساله مين بيفوز يقولك ارسنال وبكللللل ثقه
وصدق بالاخير فازو 2-1
طيب ارسنال وفريق كبير ،، نشوف فريق اصغر منه ،، بروسيا دورتموند ،، مانشيستر سيتي << اللي وحتى لو فريقهم منهزم يخرشون الملعب خررررش. ياخي لا نرووح بعيد ،، اشبيلية ،، بيتيس ،، ملقا ........
هذي احد الفوارق ،، يعني الى الان لاجمهور ولا صحافه ،، بس نجي للي اهم من هذا كله ،، اللي يطالب باقالة مورينيو ،، انا ابيك تتخيل لو حالك حال ارسنال ،، وش بتسوي ؟؟ ارسنال ما حققو اي بطوله من سنيييين ،، على الاقل مورينيو كل موسم جايبلك بطوله ،، وغير كذا كل موسم قاعد يحقق لك اشيا كبيره ومهمه ،، ما عدا هذا الموسم ،، ف انا اشوف من الظلم اننا نطالب باقالة مورينيو. ترا اللي سواها بالريال شي مو سهل ،، المفروض ان الادراة تجلس معه وتجلس مع ركائز الفريق (كاسياس - الونسو - راموس - كريس ) ويتفاهمون ،، ولو كان بينهم مشاكل يحلونها.
اما بالنسبة لانتداب لاعبين فانا ضدها مليووووون ٪ عدا شي وااااحد ،، واللي هو (كارفا - اربيلوا - البيول ) اوت ،، وبقيمتهم زود عليها شوي وجب لك ضهير ايمين. وببببببس
اما بالنسبة للهجوم فانا اسغرب والله اللي مقلل من قيمة هيقوين او بنزيما !!! فيه فرق بين اذا لاعب زلابه او لاعب نازل مستواه ،، هيقوين نازل مستواه لا اكثر ولا اقل ،، يعني اول ماينزل مستوى لاعب اجي اطالب ببيعة !!!!! هيقوين افضل لاعب من ناحية التمركز + انهاء الهجمه. بس الموسم هذا ما حالفة الحظ حالة حال كريس - اوزيل - دي ماريا - .... وبنزيما ينطبق عليه نفس الكلام بعد. وعلى فكرة ،، رؤول اللي يعتبر اسطووووورة مو بس مع الريال حتى مع المنتخب وكانت تجيه اوقات مثل الاوقات اللي مر فيها هيقوين وغيره من اللاعبين.
مورينيو انا تقيمي له 8 / 10 ،، وطبعا التقييم هذا من يوم ما استلم منصبه ،، مشكلته انه خواف في كثير من المناسبات واتمنى يجرب التشكيلة والخطة هذي
كاسياس
مارسيلو (او كوانتيراو) - بيبي - راموس ايسيان الونسو -
مودريتش كريس - اوزيل (او كاكا ) - دي ماريا
بنزيما
لان وجود اربيلوا مصيبة ونكبه ،، بس اذا لعبة ب 3 مدافعين بيكون تركيزهم اعلى ،، وبنفس الوقت بتعطي حلول اكثر بالوسط والهجوم.
عموما اسف على الاطالة ... وكل اللي ابي اوصله انه لازم نصبر
13199Likes
!! 
الوضع العادي
