إقتباس الرسالة الأصلية كتبت بواسطة مجنون نوااف يا شباب عندي سوال مهم جدا ولي كم يوم افكر فيه بخصوص ويلي . اللاعب ليه الى الان ما وقع مع اي فريق في العالم وهو داخل الستة الاشهر من زمان . والسوال الثاني متى تقفل فترة انتقالات العالم هل هي نفس فترتنا يعني بتقفل بعد 3 ايام . يعني ويلي بيقعد بدون نادي اذا ما وقع معه الهلال في هاليومين . صراحه شي غريب لاعب بمنتخب السويد وماعنده نادي . انا ما سالت هالسوال عشان استنتج انه بيقعد معنا او لا بس صراحة شي غريب .

فترة آلآنتقآلآت آلصيفيه بـ آوروبآ تغلق بـ 31 آغسطس . . يعني بعد شهر تقريباً
مثل كل موسم

إقتباس الرسالة الأصلية كتبت بواسطة مفخره الارض نفسي اعرف حاجة وحدة متى يبي يتأقلم هالمحترف الرابع وقبل التأقلم يبي يجيك منبشم معنى منبشم يعني شبعان من الوجبات السريعة ومتنفخ في اجازتة مع عائلتة اكيد متى يبي يعدونة لياقيا ومتى بينخرط جماعيا مع الفريق ومتى بيتأقلم اذا طارت الطيور برزاقها وين كلام الاداره بدينا نعمل للموسم الجديد قبل شهر من نهاية الموسم الله يكتب الي فية الخير للهلال

مين قالك انه المحترف الرابع في اجازة اصلا -- كوبيتي مثلا امس لاعب مباراة نهائيه مع فريقه ونيني مع باريس سان جيرمان بادين تدريبات من زمان وعندهم بكرا ودية مع تشيلسي وويلي توه طالع من اوروبا وتجهيزه ماياخذ وقت لانه محافظ على نظامه حسب ما نعرف من قبل .

يأخوان صوموا كل شئ حطيتوه بظهر الإداره ونسيتوا أن هناك مدرب مقدر الوقت وعارف وش
يسوي يعني التأخير برغبه من المدرب إذا هو رافض كل اللعبيه المعروضين يعني الإداره
خلاص ماتنفع مع أن الإداره طارحه كل الثقه بالمدرب بحسن الإختيار ومعطيته كامل الصلاحيه
والكل هنا موسم فيه ومافيه وإداره مدري وش تبي من هالتأخير ومن هالكلام العقل زين, إذا مستقبلنا متوقف على لاعب بلاش
منه ولانكسب في أنفسنا أثم في هذا الشهر الفضيل

كل عام وأنت وكل الزعماء بألف خير .. ومبروك على الجميع حلول شهر رمضان المبارك
جعلنا الله وإياكم من صوامه وقوامه ونسأله سبحانه أن يتقبل منا ومنكم صالح الاعمال انه سميع مجيب

هل الكوري الدايخ يستاهل الاستمرار في الفريق ..؟؟؟

إقتباس الرسالة الأصلية كتبت بواسطة جنون الهلآل فترة آلآنتقآلآت آلصيفيه بـ آوروبآ تغلق بـ 31 آغسطس . . يعني بعد شهر تقريباً مثل كل موسم

اهااااااا يعطيك العافيه كذا معقول يعني يمديه يدبر نفسه .

بس ليه حنا غير عن العالم مو حنا نطبق نظام الفيفا ؟

إقتباس الرسالة الأصلية كتبت بواسطة امووت بالزعيم كل عام وأنت وكل الزعماء بألف خير .. ومبروك على الجميع حلول شهر رمضان المبارك جعلنا الله وإياكم من صوامه وقوامه ونسأله سبحانه أن يتقبل منا ومنكم صالح الاعمال انه سميع مجيب هل الكوري الدايخ يستاهل الاستمرار في الفريق ..؟؟؟

وانت بخير ياخوي وصحة وسلامة ووياك والدينا والجميع ان شاء الله

الكوري ما كانه أنديه كورية درجة ثانية وتخب عليه بقوووووووووووووووووة فاشل ومصاب وبينكبنا وبس لو الادارة تعيرة وتجيب الكوري بارك تشونغ الارسنال ما يبيه والعين مقدم عرض له بس والله انه جني ولاعب موطبيعيابداً ياخي لو ناخذه اعارة قابلة للتعاقد بالافضلية

السلام عليكم مساء الخير ..
وش الجديد
شكلنا مالنا الا ويلي

إقتباس الرسالة الأصلية كتبت بواسطة جنون الهلآل وجود ويلهآمسون مآله شغل بفترة آلآنتقآلآت آبداً لأن عقده ينتهي بـ [ 5 اغسطس ] . . فـ حتى لو تقفلت فترة آلآنتقآلآت يوم آلآربعآء بـ آمكآن آلآدآره آلتجديد له تجديد لـ عقد سآري وليس تعآقد جديد . . هنآك فرق ولآ له دخل بفترة آلآنتقآلآت لكن آذآ تم آلتعآقد مع آجنبي خلآل آلسآعآت آلقآدمه . . سيتم آسقآط آسم ويلهآمسون تلقآئياً ولن يتم رفعه لـ لجنة آلآحترآف .

اجل السالفه كذا .. خلااص محترفنا الرابع ويلي 90%
يعطيك العافيه على التوضيح

ــــــــــــــــــــــــــــــــــــــــــ


دقيقة ‪Sami Al Jaber‬ ‏@SamiAlJaber
لعلي أجدها مناسبة في هذا الشهر الفضيل ان احلل وابيح كل من اخطاء في حقي او اغتابني او غلط علي ...يتبع



‬ ‏@SamiAlJaber
كما ارجو ان يسامحني كل من أخطأت في حقه بقصد او غير قصد والله على ما اقول شهيد


ــــــــــــــــــــــــــــــــ

إقتباس الرسالة الأصلية كتبت بواسطة my life *** تم الاتفاق بأذن المولى مع الاجنبي الرابع وبأذن الله سيعلن اليوم بعد العشاء ...

قصدك بعد التراويح . بس ليه مو بعد الفطور على طول مو احسن ؟

إقتباس الرسالة الأصلية كتبت بواسطة مجنون نوااف قصدك بعد التراويح . بس ليه مو بعد الفطور على طول مو احسن ؟

ههههههههههههههههههههههههههه.. وش دراك يمكن الرجال عنده مصادر

إقتباس الرسالة الأصلية كتبت بواسطة الـزعـيـم الـمـلـكـي السلام عليكم ورحمة الله وبركاته كل عام وانتو بخير ورمضان مبارك واعاننا الله وياكم على صيامه وقيامه فيه اخبار جديدة عن كوبيتي او فالديفيا او حتى ويلي ؟؟ باقي 3 ايام وتسكر فترة الانتقالات !!

الخبر نفس الخبر ماطرا علم جديد
بس شكلنا مالنا الا ويلي .. لكن ان شاء الله انها خيره

إقتباس الرسالة الأصلية كتبت بواسطة فآإرس الحربي الخبر نفس الخبر ماطرا علم جديد بس شكلنا مالنا الا ويلي .. لكن ان شاء الله انها خيره

الله يستر وييسر الامور يعطيك العافية

لكن ويلي كويس وحلو ان شاءالله