إقتباس الرسالة الأصلية كتبت بواسطة Blue Beast اعارة ولا انتقال نهائي ...!

اعاره .. مع اولوية الشراء

غداً سيسافر نوري شاهين من فينا الى ليفربول للخضوع للفحص الطبي !

كما ان موديرتش غداً سيسافر الى مدريد للخضوع للفحص الطبي والتوقيع رسمياً

التلفزيون التركي يقول انها اعاره مع احفية الشراء

مقطع لنوري شاهين

http://www.youtube.com/watch?feature=player_embedded&v=IUYojqT0vic

..

مبروك للشياطين صفقةة الروبن .. هجوم فتاك بقيادة روني والروبن ..

نوري شاهين لليفر .! الليفر من الصفقات الي عملها ينبأ بموسم افضل من الي قبل .. انتظر عودة الليفر ..

ذا كوب .. لوكاس ليفا .. وش صار عليه .. رجع من اصابته الي غيبته الموسم الماضي أو لا .؟

إقتباس ذا كوب .. لوكاس ليفا .. وش صار عليه .. رجع من اصابته الي غيبته الموسم الماضي أو لا .؟

رجع ولعب الوديات كلها ولعب مبارتين الدوري الاوربي .. مستواه مثل ماهو ماتغير !

السكواد النهائي لليفر الي بيبدأ فيه الليفر الدوري !

حراسة المرمى " رينا - جونز - دوني - غولاسكي "
دفاع " سكيرتل - اغير - جونسون - انريكي - كيلي - كاراغر - ويلسون "
وسط " الملك - الين - لوكا - شاهين - شيلفي - سيبرينغ - ادم "
اجنحه " سترلينغ - دوانينغ - جوكول - وهناك صفقتين بمستوى الاجنحه ستتم قبل اغلاق السوق "
مهاجمين " بوريني - سواريز - كارول "

هذا هو السكواد في حال ماطرأ شي اخر . مثل ماذكرت هناك جناحين سيأتون لنا والاقرب " تيلو - ديمبسي " وهناك اخبار بدأت تتصاعد بأن النادي مهتم بولكوت .. وكارول نسبة بقاءه بالفريق 40% ولم تظهر اسماء بديله له في حال خرج .. اي ممكن ان روجرز سيستخدم بوريني كرأس حربه !
ايضاً تشارلي ادم 70% سيخرج من الفريق والاخبار تقول سيدخل في مبادلة مع فولهام لضم ديمبسي !

صيف كبير لليفربول وروجرز .. روجرز يبني ليفربول مره اخرى .. بأذن الله ستكون لنا كلمة الموسم القادم ولو اني بدايتنا بالدوري قوية .. اول خمس جولات نلتقي الارسنال والسيتي والمانيو ، لكن الجميل ان جميع هذه المباريات ستكون بالانفيلد .. ليفربول بأمان مع روجرز .. من يرى طريقة لعبه بالوديات .. ونوعية الاعبين الي اختارهم .. يعلم ان مستقبل ليفربول بااهر معه الله يوفقنا ان شاء الله .. مابي اكون طماع .. كل الي ابيه من روجرز المركز الرابع ومابي غيره .. عقبها نوسع سقف الطموحات ان شاء الله

هذا ماعندي اليوم ..

اخواني .. ما رأيكم بعمل روجرز وسوق ليفربول حتى الان ؟

إقتباس الرسالة الأصلية كتبت بواسطة Super Mou وما زال هناك من يثق في ارسين فينغر ! ____________________________

معليش يالغالي لكن اسمح لي اللي سواه فينغر هو عين العقل والمنطق وهو نفس الشي اللي راح يعمله أي مدرب في العالم لما يكون عنده لاعب بنفس وضعية فان بيرسي ..

يعني لاعب عمره 29 سنة وينتهي عقده نهاية الموسم وأعلن انه رافض تجديد العقد مع الأرسنال ، وعندي فرصة أكسب فيه مبلغ 20 مليون جنيه استرليني بدال ما ينتقل بالمجان بعد 12 شهر وش اللي يخليني ما أبيعه حتى لو كان لفريق غريم ومنافس ؟؟؟

وبعدين الميركاتو للحين ما تقفل يعني ممكن فينغر يستفيد من المبلغ ويشتري مهاجم آخر ، واليوم أقرأ في الصحافة الاسبانية ولو انها صحافة اشاعاتها كثيرة مثل ما تعرف تقول انه الارسنال يفكر بصفقة مهاجم اتلتيكو بلباو فرناندو لورينتي وهو الظاهر وضعيته مثل فان بيرسي عقد ينتهي نهاية الموسم ورافض انه يجدد عقده مع الباسكيين .

صباح الخير جميعا
وكل عام وانتم بخير قبل الزحمة

مبروك لعشاق الريدز الصفقات الحلوه والشغل الكبير الي مسويه رودجرز وباذن الله يبشر بكل الخير اتمنى فقط يختمها بديمبسي وجناح وعدم بيع اغيير ويكون التشكيلة نار >
رينا ,, اغيير ,, سكرتيل ,, انريكي ,, جونسون ,, لوكاس ,, الليدر ,, شاهين ,, الين ,, ديمبسي ,, سواريز

= احتمال الين احتياط بوريني اساسي والجناح المنتظر بعد عموما ملامح التشكيلة بدت تتضح والله يوفقنا
واتمنى من الجميع عدم الحكم من البداية لاان المدرب في موقف حرج اول 5 جولات بتكون ظالمة لنا ايضا الدور الثاني سوف نعاني والسبب الجدول الظالم لريدز الدور الثاني سوف نلعب مع اقوى الفرق خارج ارضنا للعلم بداية الدوري سوف نلعب مع مانيو سيتزنس قنرز اي اجحاف لنا واي حظ منحوس لك يارودجرز الكل يعلم عند مرورك لدور الثاني وغالبا تحتاج لنقاط وجمعها ولحاق الفرق وتوضيح لك الهدف من الموسم ايضا الفرق تكون في اقوى رتم .. عموما الله يوفقنا يارب لو جبت المركز4 انا راضي 1000%

بخصوص فينغر بصراحه تعبو منه جماهير القنرز
اول شي لما تدري انه بيطلع بيعه من قبل ووفر المال سريع لكي تشتري النجوم وتلعب من البداية مو تجلس الى ذا الوقت وتضع الفريق في موقف حرج لايحسد عليه
ثانيا
لاعب مثل فان بيرسي تتركة ل اخر سنه من عقده كذا سعرة بيطيح للجميع والاندية تتحكم فيك مو العكس نشاهد السوق الحين نار ليفاندوفسكي مهاجم بروسيا 30 مليون ورفضت الادارة كافاني 35 مليون هالك وطلب بورتو الاعجازي 60 مليون مورا 43 مليون هازارد 40 كارول 35 اجويرو 35 هيغوين 30 اسعار نار بتقول لي كل ذولي افضل من فان قول بقول يبطووون بتقول العمر 29 بقول ذا فان قول على موسمة الماضي يستاهل اقل شي 35 مليون
فعلا فينغر يعبث بالنادي والحين بن سميث صحفي البي بي سي يقول والكوت سعره 20 يالليفر سونغ ايضا كل الموشرات توكد قرب الرحيل ب17 فقط وصدقني بينزل سعره وبيتم بيعة ب13 للبارسا بجد ادارة فاشلة تبيع النجوم والسنة ذي كملتها نجوم واسعار تقهر عشاق القنرز الحين لسان حال مشجعين القنرز صفقة مربحة 24 والاعب بعد 8 شهور يطلع ببلاش بطل فينغر >اسف بالعامية انتم تسلكون لنفسكم ليش من الاول تخليه يوصل لااخر سنة يافينغر ... عموما مبروك لعشاق المانيو صفقة بيرسي .. ويومين ونبداء مع احلى مشوار ينطلق الدوري الاول في الكرة الارضية .. طولنا عليكم

تقبلو تحياتي
دمتم بود

إقتباس الرسالة الأصلية كتبت بواسطة THE KOP اعاره .. مع اولوية الشراء

عفواً أخوي على المداخلة

بس عندي تعليق بسيط

بخصوص نوري شاهين ما أعتقد ريال مدريد راح يوافق على خيار أولوية الشراء بعد إنتهاء فترة الإعارة

لأنه الصحف الإسبانيه القريبة لـ ريال مدريد تقول صفقة تنتهي بإعارة لموسم فقط وبعدها يرجع للريال

هذا حسب اللي سمعته تقريباً من الصحف , لكن طبعاً راح يتم الكشف عن التفاصيل بعد ما تتم الصفقة

اللاعب تقريباً بينتقل لكم إعارة بعد ما يتم التوقيع مع مودريتش

دخلت ابي اشوف اخبار شاهين .. طلعنا موقعين مع لاعب غيره ! ، اسامه السعيدي تخبرونه ؟ .. ميسي هولندا .. موهبه مغربية قادمة بقوه ومكسسب كبير لنا .. نظرة روجرز بالمواهب ثااقبة .. مدرررب رائع ، لا يوقف ياروجرز .. اليوم السعيدي وبكره شاهين !

سعر الصفقة 3 مليون يورو !

مقطع عن الاعب

http://www.youtube.com/watch?v=CKfGItAC8fU&feature=player_embedded

الموقع الرسمي

http://www.liverpoolfc.com/news/latest-news/reds-agree-deal-for-winger


اسمه طلع فجأه .. مافي صحفي او صيفة اخبروا بقدومه ، ومافي اي ارتباط ستبق لنا فيه ! .. يالله روجرز استمرر

توني باريت صحفي التايمز .. يقول ان ليفربول تلقى رد برشلونه بخصوص تيلو وتوجه فوراً للسعيدي الي صفقته كانت 80% منتهيه لأياكس وحصل عليه بسرعه .. الحمدلله .. تيلو لاعب مقلب كنا بناكله !

السعيدي 24 عام و 3 مليون .. لعب 84 مبارة مع هيرنيفن سجل 21 هدف وصنع 23 هدف .. افضل من تيلو بمليون مره !



ثلاث مسلمين في صفوف ليفربول ان شاء الله " السعيدي - نوري شاهين - ناثان اكليستون "

الظاهر ان شاهين بيطير منا !

مصادر تقول ان الارسنال داخل بقوه عليه .. ورد الاعب لهم ان لكم مهله ليوم الاثنين والا سينضم لليفر ! .. خساره كبيرة لو راح للأرسنال .. ان شاء الله يكون من نصيبنا !

إقتباس الرسالة الأصلية كتبت بواسطة THE KOP الظاهر ان شاهين بيطير منا ! مصادر تقول ان الارسنال داخل بقوه عليه .. ورد الاعب لهم ان لكم مهله ليوم الاثنين والا سينضم لليفر ! .. خساره كبيرة لو راح للأرسنال .. ان شاء الله يكون من نصيبنا !

اتوقع بطاقة التشامبيونز راح تلعب دور كبير لـ إنتقاله لنا ، إن شاء الله نشوفه ارسنالي !

إقتباس الرسالة الأصلية كتبت بواسطة Hilali 3asal معليش يالغالي لكن اسمح لي اللي سواه فينغر هو عين العقل والمنطق وهو نفس الشي اللي راح يعمله أي مدرب في العالم لما يكون عنده لاعب بنفس وضعية فان بيرسي .. يعني لاعب عمره 29 سنة وينتهي عقده نهاية الموسم وأعلن انه رافض تجديد العقد مع الأرسنال ، وعندي فرصة أكسب فيه مبلغ 20 مليون جنيه استرليني بدال ما ينتقل بالمجان بعد 12 شهر وش اللي يخليني ما أبيعه حتى لو كان لفريق غريم ومنافس ؟؟؟ وبعدين الميركاتو للحين ما تقفل يعني ممكن فينغر يستفيد من المبلغ ويشتري مهاجم آخر ، واليوم أقرأ في الصحافة الاسبانية ولو انها صحافة اشاعاتها كثيرة مثل ما تعرف تقول انه الارسنال يفكر بصفقة مهاجم اتلتيكو بلباو فرناندو لورينتي وهو الظاهر وضعيته مثل فان بيرسي عقد ينتهي نهاية الموسم ورافض انه يجدد عقده مع الباسكيين .