السلام عليكم ورحمة الله وبركاته وبعد ( ما شاء الله عليك ) . . . . . . .
مساء النور على البنور وعلى كل من يقرأ هالمقال ومن يدخل إلى منتدى الزعيم ( ؟؟؟؟؟؟؟؟؟؟؟؟؟؟؟ ) . . . . . . . . . .
الرسالة الاولى إلى الاخ العضو / ساميو / في ردك حول عودة خميس العويران قلت ان وقفه بفعل فاعل . . . بالله عليك اشرح لي القصة ( والناس هم فاضين لك ) . . . . . . . . . .

الرسالة الثانية لرواد المنتدى / الرجاء كل الرجاء ان تتركوا لأعضاء المنتدى كافة الحرية عند لقاءات الزعيم لكي يوافونا بالنتائج وبالأخبار ( يا زينك ساكت ) . . . . . . . . . .
واعتقد ان فيه واحد من العيال تطرق لها اليوم ( دامك عارف ليش تكتب ) . . . . . . . .. .

الرسالة الثالثة / لرواد المنتدى هل تريدون ان اوافيكم بتحليل مباراة النصر والطائي في حائل يوم الأربعاء 19 / 12 على كيفكم وانا موجود ( يعني اني بصير مراسل للمنتدى ) . . . . . . . .

الرسالة الرابعة / هذي بالله عليكم نكتة حارة ( وحنا فاضين لك ) . . . . . . .
السالفة حقيقية ...... مدير مدرسة في اجتماع اولياء الامور يلقي كلمة على فكرة المدير لا تحمس يضيع ويقوم يحط خيط وخيط المهم قال في البداية - لاحظوا - احييكم بتحية الاسلام اسعد الله صباحكم بكل خير !!!!!!!!!!!!!! ( هذا اولها ) . . . . . .

الرسالة الاخيرة / إلى رئيس نادي الهلال / ارجو منك مرافقة الفريق في رحلته إلى طهران فكما نعلم مدى تأثر اللاعبين بك ( والله خوش حكي ) . . . . . .
والكل يذكر رحلتكم الميمونة إلى اليابان في عز رمضان ( والله صار سجع ) . . . . . . . . .
الفريق بحاجة لك في هذا الوقت بالذات فلا تبخل عليهم بذلك ولكم كل التوفيق . . . . . . . . . . . .

حكمة / قال طلعت بالسيارة اليوم .......قال ايه ........قال تشغل اغنية يا هلال نادتك البطولة ........قال لا ......... قال أجل ما طلعت !!!!!!!!!!!!!!!!!

أخوي أبو هاجر
صحيح اني منيب ساميو ( والله انك ملقوف ) لكني دخلت
بخصوص الرسالتين الأولى والثانيه ما عندي تعليق .
أما الرساله الثالثه : فأرجوك رجاء خاص أخوي أبو هاجر انك ما تسويها
وش دخلنا ياناس فيهم وفي مبارياتهم الله لا يوفقهم قولوا آمين
ولا مستانس انك في حايل يا بعد حيي .
أما الرساله الأخيره للأمير سعود بن تركي تراه ما يقدر يسافر لطهران لأنه بيسافر لأسبانيا لحضور مراسم قرعة كأس العالم مع نائبه الأستاذ وليد الرواف و المهندس عبدالله الجربوع .
ويبي يتولى رئاسة البعثه الهلاليه لطهران الأستاذ فواز المسعد ( رجل المهمات الصعبه ) .
<br><font size=1 color="#000080" face="tahoma">[عدلت بواسطة الفارس التاريخ:03-03-2001 الساعة: 09:24 PM]</font>

مـســـــــــــــــــــــــــــــــــــــــــــاء الخير يالفارس ( وش رايك بالمسافة ) . . . . .
والله العظيم اني معكم في كل شي اذا تبون احضرها واوافيكم بالنتيجة مو مشكلة ( كثر منها ها المو ) . . . . . . .
واذا ما تبون بكيفكم ( اكيد بكيفهم اجل على كيف جدك ) . . . . .. . . .
وبالنسبة للرئيس والله اني نسيت انه بيروح يحضر القرعة والباقين فيهم الخير والبركة وما قصرت . . . .

صباح الخير يابو هاجر ..

وشقول أنت صاحي .. تبي تنقل مباراة النثر .. نسيت أننا في منتدى الزعيم ،، الزعيم وبس .