|
يافريدي هل يستحق عبدالرحمن بن مساعد كل هذا !؟ اكيد الكل متابع المد والجزر بين ادارة الفريق وبين الاعب احمد الفريدي الخاص بموضوع تجديد عقد احمد ،مهما كان الجمهور زعلان من طريقة احمد في المفاوضات الا المنطق يقول ان الفريدي لاعب كبير وفنان وهالشيء اللي خلا الاداره تحاول مشكوره مع احمد الى آخر لحظه لان اللعيبه المهاريين من نوعية الفريدي يعتبرون عمله نادره ويمكن يكون الفريدي الآن الاعب السعودي الاول مهاريا وكلامي هذا يفهمه اللي لعب كوره وعاصر يوسف الثنيان. لاتنسون ان مغادره احمد غير انه رح يقلل من قوة الهلال بغض النظر عن درجة تأثير غيابه في نفس الوقت رح يقوي الخصم اللي ممكن ينتقل له الفريدي . اللي ابغى اوصل له اتمنى من الاداره مواصلة جهدها في اقناع احمد وفي نفس الوقت ياليت الجماهير تبتعد عن مهاجمة الاعب بالكتابه الجارحه الخارجه عن الحدود لان اللي قاعدين نقراه من كتابات الكثير حتى من الصحافه الهلاليه تجاه الفريدي اكيد رح تخلي الاعب يكره البقاء الاستمرار وبلاش نكابر ونردد اسطوانة الهلال ماعمره يوقف على فلان وعلان لان انتقال احمد الدوخي بصراحه اتعبنا ودخنا ملقينا له بديل علشان المكابره والعناد يعني لابد من اللين والتعامل بعيد عن الشد والانتصار للرأي وهالشيء موجود في الرئيس المثالي والاب الحنون عبدالرحمن بن مساعد. كمان احمد الفريدي ياليت يفكر الف مره قبل مايتخذ قراره النهائي لان مافي فريق في المملكه يملك اللي يملكه الهلال من بطولات وجماهير واعلام واضواء وميزانيه ماليه واعضاء شرف وقبل كذا ياليت يا احمد تجلس مع نفسك وتسألها هل يستحق صاحب القلب الكبير عبدالرحمن بن مساعد كل هذا الجفاء والاسلوب الغامض منك !!!كنا نتوقع منك التوقيع مباشره بعد زيارته لك في مكه ولكن مانقول الا الله يسامحك... نتوقع منك ان تفكر في الموضوع بطريقه افضل وتأكد ان الهلال رح يغنيك عن غيره ...تحياتي للجميع. |
- الموضوع بإختصار " الفريدي ينتظر دخوله فتره الـ6 اشهر يمكن يجي له عرض افضل من الهلال ! لكن صدقني يا احمد مستحيل نادي يعطيك افضل من عرض الهلال .. اتوقع احمد يدخل فتره ال6 اشهر ب3 رمضان ! |
والله الفريدي هو الخسران لاعب صحيح كبير وفنان لكن بنفس الوقت غير مؤثر لازم يعرف الفريدي ان الهلال بمن حضر واذا مو عاجبة يشوف لة نادي ثاني نحبك ي فريدي لكن انت طماع وماوقفت عليك راحوا اللي اكبر منك |
الفريدي راح يوقع للهلال .... قريبا .. |
انا عن تفسي اتوقع الفريدي راح يجدد... لانه اذا دخل 6 اشهر اتحدى احد يعطيه زي الهلال وقتها رااح يجدد هو معتقد ان بتجيه عروض خياليه لكن بيجدد ان شاء الله.. اللهم وفق الملكي فوق كل ارض وتحت كل سمااااء.,., |
اشكر الناس المتفآئلين ويارب نشوف الفريدي الموسم الجاي باللون الازرق لاني شخصيا ما اتخيله بلون غير الهلال. |
اتمنى من لادارة ان لاتنجرف وراء هذا المغرور وربي بديت اكرهه ع ايش راز خشمه لايفكر انه ميسي هالبارد ذا |
اذا جددنا للفريدي بمبلغ كبير يبي يجينا لاعبين يقولون نبي مبلغ مثل الفريدي |
آتمنى ما يجدد للهلال .. مشاكله واجد ولاعب مزاجي وبطييي .. " " " " |
إقتباس:
|
بأذن الله الفريدي هلالي ،،،،،،،،،،،،،،،،،،،،،،،،،،،،،،،،،،، |
ان شااااء الله يبقى وذا رحل الله معااااااااااه...... |
ان شاء الله ما يوقع مع الهلال حتى تقول بعدين: الي طلع من داره قل مقداره |
لاعب غير مؤثر بقاءه او رحيله اتمنى عدم التجديد له |
الي يقول الفريدي غير مؤثر مع احترامي لة مايفهم كورة |
إقتباس:
|
ان شاء الله الفريدي يبقى في الززززززززززززززعيم |
لازم يعرف الفريدي ويعرف بعض من جماهير الهلال ان الفريدي رحيله لن يؤثر |
بصراحه... لاعب احصائياته ضعيفه جدا... صناعه اللعب تعد باصابع اليد الوحده كل موسم... نسبه الباصات الصحيحه اقل من ١٥٪ اناني... ويتمسك في الكوره... لا ويتسبب في مرتدات ضد الفريق!!!! والطامه الكبرى بالنسبه لي.... ان بعض المرات لي تعب يناول ويلف راسه.. عشان اللاعب الثاني يتركه في حاله يرتاح طويل العمر!!!!! مايبي يتحرك من دون كره!!!! على ايش ٥ و٧ مليون في السنه... اذا اللاعب مايستوعب ابجديات الكره الحديثه؟؟؟ الهلال صاير يجيب مدربين اوربيين.. يعني تكتيك عالي... وبكل بساطه... الفريدي مايخدم اسلوب الفريق.. لا وما ننسى اسلوب المواجهه... ولي الذراع بالتوقيع مع سلطان البلوي.. اللي باسلوب غير مباشر يهدد الهلاليين بمنصور البلوي اخوه.. لان لنا مواقف معه.. واصلا اللاعب اللي له وجه يطلب هالمبالغ.. بدون اي انجازات.. لا لنفسه ولا لفريقه... هو جايب لنا الآسيويه؟ او العربيه؟ او الخليجية؟ كل الاجوبه لا... اجل يستاهل ٥ او٧ مليون في السنه؟ اكيد لا الى الحين هو اخذ كامل عقده السابق.. ولا جاب لنا بطولات كبيره.. ليه نزيد عقده الحين؟ يا قوي وجهه يطلب هالمبالغ؟؟ وانا متاكد لو اي احد شال العاطفه بيقول برا... مانبيه انا بالنسبه لي.. يتوكل على الله.. الله يسهل له.. والهلال بالوسط ماينخاف عليه... يارب لك الحمد في عندنا رجال يسدون محل مليون فريدي... وفي الاخير الهلال باذن الله سيظل شامخا... حتى ولو راح فريدي او غيره... وحتى ان بقيت الاداره الحاليه ام ذهبت وحنا من يوم فتحنا عيوننا عالدنيا حبينا الهلال.. ما قدسنا احد.. مصلحه النادي فوق الجميع وشكرا |
آالخوف آنه الاعبين بيحذون حذوهـ في طلب نفسس المبلغ |
خمسة مليون كل سنه وماهي عاجبتك وصلني خبر ان التحاد اتفق مع الفريدي ان يزيد على عرض الهلال مليونين مهما كان عرض الهلال |
روقنا يا بيرلو العرب الفريدي مقلب و ثبات مستواه السيئ دليل على ذلك |
يعععطيك آلف عآفيه سبقتني وكتب الموضوع هذا لانه صراححه نعاني من بعض العقول هنا اللي يقول الهلال عممره ما وقف على لاعب ، طيب وينهم بعد خميس العويران وتعبنا عشان نحصل واحد مكانه وبنفس الوقت العويران ابدع مع الاتحاد ولا انتهى على حد كلمهم ، الدوخي نفس الكلام الي هذا اليوم واحنا نعاني ، الناس اللي تعرف كوره صح ،، بيقولون لو راح الفريدي من الهلال خساره كبيره للهلال لان الفريدي يمثل ثلاثين بالميه من قوة الهلال هذا الناس اللي يعرفون مش انت او انا هذا كلام النقاد والمحللين ، عزيزي الهلالي لا تكابر وتقول الهلال ما يوقف على لاعب ومقولتك الشهيره الهلال بمن حظر ، غيرك بـ هالمقوله نايم الين الحين ، الفريدي بآذن لله هلالي رغم انف صغآر العقول ، ومن حقه يطلب اللي يبيه ويآمن مستقبله ، آسف ع الاطاله |
اتمنى الهلال بعد دخوله الستة اشهر يسحبون عرضهم وساعتها بيعرف قدره |
شوف في ناس تسميها مساومه اللاعب يساوم النادي وفي ايضا كتاب بالصحف الورقيه والالكترونيه يصفونه بالمساوم يا جماعه الخير اقسم بالله راجعو ردودي اكثر واحد انا هاجمت الفريدي من ناحيه المزاجيه والبطئ وووو اشياء كثيرة وانا مقتنع بنفس الوقت الفريدي لاعب والله له لمسات رائعه ويقدر يطور نفسه للأفضل ويعدل مزاجه اكثر واللاعب لسه عنده الكثير والكثير وهوا مؤثر رح يكون مع اي فريق انا عن نفسي اتمنى التجديد معه رغم ( هجومي الكبير عليه من الانتقاد ) وبنفس الوقت للناس الي تحكم عليه يساوم النادي وخصوصا الكتاب بالصحف الالكترونيه والورقيه هما الي يأثرو على اكثر الاعضاء هنا ويقولو يساوم النادي اوكي صحيح يبغا ملايين كثيره لكن والله يا جماعه من حقه الي رح يجي يقولي لا مو من حقه حقوله ليه انت بيدك عقده مثلا !!!! اول شيء اقول من حقه لسبب واحد انت يلي تشتغل بي جريدة فلانيه ويا كاتب بي جريدة فلانيه او الكترونيه حبيبي انت موظف صحيح اللاعب يستلم اكثر منك بي قيمه عقده لكن اللاعب لو انصاب مثلا بي مبارة امس بي رباط صليبي لا سمحالله او بي مبارة اسيا مع بني ياس هل تعتقد رح ياخذ الملايين الي جالس يحاول يجيبها ؟؟؟ او جاته اصابه قوية مثل رونالدو البرازيلي ؟؟؟ انت ضامن انه رح ياخذ العقد الي بيحلم فيه وخصوصا انه عمره الحين يمكن 27 يعني الان يقدر يجيب لنفسه ويستغل اقوى عقد له لانه لو كان عمره 32 ما رح يكون عطائه مثل 27 او 26 يعني اقوى عقد لجميع اللاعبين حتى بي اوربا هوا بي سن العشرينات فقط الان كريستيانو رونالدو الموسم القادم رح ينتهي عقده مع مدريد ومعروف انه عقده 93 مليون يورو طيب الموسم القادم عمره 29 او 30 تتوقعو عقده الجديد رح يكون بي 93 مليون شي طبيعي لا رح يكون اقل بكثير واقل من نصف المبلغ الي هوا 93 مليون من حق الفريدي يطلب المبلغ الي يبغاه وايضا من حق الادارة اما بالرفض او التجديد يعني انا يا جماعه الخير عرضت خدماتي انا ابغا منكم 50 مليون ريال بكيفي هذا سعري انا حتى لو اني ما استاهل هالمبلغ لكن هذا طلبي انا وسعري تبغاني اشتريني بي هالمبلغ ما تبغاني خلاص انتهى الموضوع ليه مكبرين المسألة بي المساومه بس احب انتبهكم على شيء زمن ولاء ومدري وشو انسوه يا جماعه الخير وصدقوني كلها سنه سنتين او ثلاث سنوات رح تجينا الخصخصه ووقتها بقوة رح تنسو الخصخصه وتقولو يلا ادفعو لي هذا كم مليون وادفعو لي هذا كم مليون طيب اشترو هاللاعب من الاتحاد او الاهلي او النصر او او اواو خلاص كل شيء رح يكون نظام الخصخصه فا اتركو الفريدي من ناحيه التجديد وخلي مسألة التجديد بيد الادارة واهم شيء ركزو عليه وانتقدوه او امدحوه من ناحيه ادائه بي المبارة فقط احنا كمتابعين نحكم على على المباريات اما مسالة عقود وتجديد وفلوس وادفع ولا تدفع اتوقع مالنا شغل ثم انتو الي بتدفعو 50 مليون من جيبكم ؟؟؟ عشان كذا ريحو راسكم واستريحو ومالنا بشغل الادارة اهم شيء كل موسم حنا طموحنا كجماهير بالبطولات اهم شيء كل موسم ما تغيب علينا |
إقتباس:
على الاقل الفريدي يلعب بالهلال واساسي بعد ولو انتقل رح ينتقل بي مبلغ وقدره اما انت وين مين طلبك ؟؟ وين تلعب ؟؟ يمكن حتى فريق الحاره ما يلعبوك احتياط الاحتياطي |
اللاعب هذا مزاجي بشكل كبير وبطىء جدا وأناني في بعض الاحيان واللي شاف التحليل اليوم للكابتن عبدالله الوبران يؤكد على كلامي ... ما أهضم حق اللاعب لانه في بعض الاحيان يكون ذو فائدة ولكن سلبياته غطت على إيجابياته اللاعب لا يستحق أكثر من 8 مليون وصدقوني أكثر من كذا خسارة عليه . وشــــــــــــــكرا |
الفريدي ليت ابن مساعد نسقك نهاية الموسم مستوى سيء - لعب بطيء - استهتار - تحركاته قليلة اثناء فترات المباراة - غير كذا يوجد لاعبين كثر في نفس مركزه وافضل منه مستوى وسناً |
تشرفت بمشاركتكم في الموضوع والاحسن احترام الرأي الآخر اللي كان من الجميع ....اللي لفت نظري اليوم في مباراتنا مع مانشيستر سيتي كلام المعلق اللي قال فيه ان المدرب طالب بالتجديد للفريدي مهما كان المبلغ لان المدرب على كلام المعلق معجب بالفريدي ..ومانقول الا يارب يستمر معنا الفريدي. |
إقتباس:
عموما المدرب هوا ابخص مني ومنك ومن باقي المشجعين بي امور الفريق اذا قال المدرب الفريدي ما يحتاجه الفريق فا اتمنى الادارة ان تنفذ كلام المدرب واذا قال المدرب احتاج للفريدي اتمنى ايضا تنفيذ الامر للمدرب بالنهايه يجب على الادارة تلبية حاجات المدرب وبعد تلبية حاجات المدرب وقتها رح نقدر نقيم المدرب وعمله انا ايضا سمعت المدرب يرغب بالتجديد مع الفريدي اجل معقولة كلنا الي هاجمنا الفريدي كلنا نفهم اكثر من ا لمدربين الي مرو على الزعيم وشافو الفريدي !!! لو كل مشجع كانت له كلمة بالفريق وتنفذ صدقوني رح نشوف كل لاعبينا منسقين :s2: خلو شغل الادارة والمدرب بحالها وخلو لنا احنا الجماهير المتابعه والاستمتاع ومن حقنا ان ننتقد مستوى الفريق او مدحه هذا حق مشروع لنا ان نعبر عن رأينا من هذه الناحيه فقط وشكرا لي صاحب الموضوعs13s |
الفريدي عنده مشكلة فكر وكم لاعب قبله أغواه بريق السراب وركض يم السراب وترك الماء والنهاية ضياع وفي النهاية نقول ( كلن بعقله راضي , أما بماله لا ..) |
ياجماعه والله احمد لاعب كبير ولانضحك على بعض الهلال بحاجته بس عسى الله يهديه ويوقع للزعيم لاني مااتخيله بأي نادي غير الزعيم الله يكتب اللي فيه الخير تكفى يابو عمر لاتترك الهلال ترى الهلال ماراح تلقى زيه ابد دام الزعيم سيداً للانديه |
- الموضوع بإختصار " الفريدي ينتظر دخوله فتره الـ6 اشهر يمكن يجي له عرض افضل من الهلال |
يعني حركته مع عبدالرحمن بن مساعد بايخه موب عاقل ميسي |
| الوقت المعتمد في المنتدى بتوقيت جرينتش +3.
الوقت الان » 07:23 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd