|
فينغر انت جشع ! السلام عليكم http://www.sabotagetimes.com/wp-cont...1603041688.gif لي تقريبا سنه ونص اتابع الجمهور العربي المتابع للكره العالميه على التويتر تقريبا 90% منهم , من يوم يجي طاري ارسنال بعدها تجي الاسطوانه المعتاده 'سياسة فينغر بيع الاعبين' لو باع المدرب لاعب وش رح يستفيد ؟ اكيد بيخسر , ابيع افضل لاعب عندي وش بستفيد ! مثال : خروج نصري بسبب الراتب الاعب يبي راتب عالي , هل المدرب يتحكم برفع رواتب الاعبين ؟ طبعا لا الاداره المعنيه بهذا الشي برضو اتابع الجمهور الارسنالي من الانغليز في التويتر ما احصل مشجع يتكلم ان فينغر سبب 'سياسة البيع' الا نادر , جمهور واعي السبب 'الادارة' + دين ملعب الامارات + الرواتب المرتفعه عند بعض الاعبين الفاشلين + عقود الرعايه من يصدق ان عقد قمصان نايكي لـ ارسنال في الموسم 8 مليون يورو فقط ! اسلوبي سيء في كتابة المواضيع , بس حبيت اوضح هالنقطه |
يعطيك الف عافيه :rose: :rose: |
إقتباس:
|
اشوف كل الاسباب الموجوده في موضوعك يامبارك له نسبه من اللي يصير في الارسنال مثلا نصري وفابري طلعو المفروض انك كمدرب فريق تحاول تناقش الادارة بأرضاء لاعبي بزياده في راتبه اذا كان لاعبي مب مقصر ! ولا وش دورك كمدرب ؟ لنفترض انه كلمهم وماعطوه وجه موب من المفروض تعوض اللاعبين ؟ انت عوضت نصري بأرتيتا .. طيب فابري ليش ماعوضته ؟ فينغر كرأي شخصي سبب من الاسباب لسكوته على اللي حاصل ! مبارك :smilie47: |
إقتباس:
فينغر مالومه لما يطلع كل موسم او كل موسمين نجم او نجمين والاندية الثانية تشتغل وتدعم فريقها بـ صفقات والادارة النايمة تشوف الاندية الثانية تشتغل ولا تسوي شيء ..!! فينغر صعب يحافظ على نجوم الفريق بسبب سقف الرواتب والاندية اللي صارت تدفع مبالغ عالية صارت كثيرة . |
موضوعك ممتاز ومشكور ع التوضيح . |
شكراً على محاولتك على تصحيح تفكير البعض, لكن صدقني محد بيغير رايه الا لين يفوز الارسنال ببطوله و يجون يشجعونه زي ما سوو مع أفرقه كثير قبل !! |
أرسنال في ضل الأزمة الي مر فيها من منتصف الألفية تقريباً ، كان منافس محلياً و حاضر أوروبياً ، المشكلة كانت " دائماً " في إنهاء المنافسة كـ بطل ، هذا الأمر طبعاً يحسب لـ فينغر في المقام الأول . على كلٍ هي سياسة إدارة نادي مثل ما هو واضح ، إذن بقـى فينغر أو رحل ، الأخوان مستمرين عليها مستمرين :D ! |
فينجر مدرب ضعيف شخصيه لو كان قوي شخصيه كان ماقدرت ادارة النادي بيع الاعبين بس خائف على منصبه |
يعطيك العافية مبارك:smilie47: بعض الامور في الارسنال يجهلها المشجع المتابع والقريب من النادي ومشجعي الفريق بلندن وبعضهم حمله اسهم بالنادي فـ كيف حالنا عندهم وكيف حال اللي ما يعرف الارسنال ويتكلم من غير علم وما يظهر الا لما يباع لاعب او يخسر بطولة ... الخ فينغر بالتأكيد يتحمل جزء من سياسة النادي اللي اُجبرت عليها الادارة بطريقة او اخرى قبل ان يتم بناء الملعب كانوا عارفين ان هالشي راح يصير وان النادي مستحيل ينافس " مالياً " في الساحة بغض النظر عن تواجد الملاك الاغنياء مثل ابراهيموفيتش ومنصور من بعده لكن كنا مضطرين لبناء فريق شاب ومحاولة البقاء بين الرباعي الاول بالدوري النادي الان هدفه تسديد كل الديون + الاستثمار فقط من ارباح النادي السنوية من دون تدخل اي مستثمر اجنبي ثم الوصول الكامل للاكتفاء الذاتي http://cdn.alwafd.org/images/news/1577466251lpas72.jpg بإشارة وحدة من الدجاجة هيل وود :s2: ممكن يطب عثمانوف :s5s: وهذا معروف كم تبلغ ثروته حتى انه تجاوز ابراهيموفيتش واصبح الرجل الاغنى في روسيا + ثاني اغنى رياضي في بريطانيا طبعاً بعد منصور :wub: احياناً هالشي يقهرنا كمشجعين انهم مقفلين الباب بوجهه كان بإمكان النادي يعمل شي بسيط لو كانت العقود التجارية بوضع افضل وهذي حكاية ثانية عقدي تزويد القمصان من نايك + اعلان طيران الامارات على القمصان = 15 مليون باوند بالسنة فقط ولو رجعنا لاقرب مثال ممكن ,, نشوف ان ليفربول وقع قبل سنتين تقريباً مع شركة بيرة اعتقد للاعلان على قمصان النادي بمبلغ = 20 مليون باوند بالسنة عقد رعاية واحد تجاوز عقدين رعاية بالارسنال !! واليونايتد ما يقل عن هالمبلغ اذا ما كان اعلى يقال ان النادي كان يحتاج لسيوله وقتها واُجبر على توقيع العقود بمثل هالقيمة والمصيبة انها لفترات طويلة فـ عقد الامارات 8 سنوات حتى 2014 !!! بالسنوات الاخيرة وحتى الان النادي يعتمد بشكل كبير على الدخل التلفزيوني من دوري الابطال يعني لو فرضاً هالسنة او اللي قبلها ما تأهلنا للابطال كان الله اعلم بحالنا الحين :s2: يعني بالاخير مع سداد جميع المستحقات ما يبقى الا شي بسيط بيد فينغر حتى يصرفه الى متى يستمر وضع النادي على هالسياسة الله اعلم لكن مع ايجاد رعاة افضل وبالسعر الحالي للسوق ومع مواصلة التأهل للابطال اتوقع الحال بالسنتين القادم بيكون افضل شوي نرجع للموضوع الاساسي وهو فينغر مافيه شكّ انه عمل شي من لاشي تقريباً وصعب جداً على اي مدرب اخر يعمله لكن معروف ماراح تحس بقيمة الشي الا لما تفقده من عيوب فينغر انه ما يحاول يضغط على الادارة ببعض الامور وانه بالعكس يظهر كمدافع لهم قدام الصحافة وعيب اخر انه يتردد كثير بسوق الانتقالات واتوقع انه يخاف انه يحط مبلغ على لاعب ممكن بالنهاية يطلع ما يستاهله |
سؤالي وحيد ليه ما يطلع فنغر و يبري نفسه ؟ ٧ سنوات مو شويه |
إقتباس:
معليش انت لاقينا في زاويه يا عزيزي انا لي فتره طويله مبتعث و في دوله يعتبر الدوري الانجليزي هو الدوري الاكثر متابعه طبعا اتقابل مع كافة الطبقات في كل اسبوع ( لان اغلب المشجعين يشوفون المباريات في شي زي المقهى :s2: ) نسبه كبيره جدا جدا جدا من الجمهور اللي يشجع الارسنال سواء كانو ايرلنديين او انجليز يتهم فنقر زي ما يتهم الاداره و السبب هو سكوت فنقر عن الموضوع |
إقتباس:
إقتباس:
بعدين انا تكلمت عن الي انا اتابعهم الي هم "المشجعين المعروفين + الصحفيين الارسناليين" ماقلت كل المشجعين الانغليز يا ابو الزاويا فيه احصائيه سوتها رابطة AST عن اعضائها .. اكثر من 75% راضين على فينغر |
^^^ ترى أقصد انه يتكلم .. مو يطلع من النادي |
موضوع بالصميم يا مبارك :smilie47: والتحية ايضا لابو علي :smilie47: لخص الكثير والكثير كل ماخذي على فينغر :smilie47: هو التعتيم فقط لا غير ولا عمله عندي غير قابل للنقاش الفريق بملعبه الجديد كان لديه ديون تقارب ال 500 مليون جنيه استرليني والان تقلصت الديون هذه بشكل كبير جدا طيب ليه هذه الهيلمانه كلها ونحنا كنا في الهايبري معززين مكرمين ولا ديون ولا شي الجواب ان كرة القدم متطلباتها اصبحت اكبر بكثير اعتي المتطلبات المالية بمعنى لو بقينا في الهايبري لما استطعنا ان نواكب الثورة الاقتصادية في عالم كرة القدم ابدا اما يسال مشجع النادي او مشجع الفرق الاخرى الذين كما قال ابو علي يظهرون ساعة خسارة بطولة او انتقال لاعب ليغثوك بمقولة فينغر يربي اللاعبين ويبيعهم :s5s: ما سالو نفسهم بعد سداد الديون المتراكمة ... هذا الدخل الى اين سيذهب ؟؟؟ بلا شك تجديد عقودات .. رفع سقف الرواتب .. التعاقد مع لاعبين هذا الامر بكل بساطة ليه مستبعدين عثمانوف؟؟ سياسة الاعتماد ع الرجل الواحد ممكن تؤتي اكلها على المدى القريب .. لكن ماذا عن المستقبل؟؟ .. اذا ما توفي هذا الشخص مثلا :d ... او اي ظرف حصل له .. امن الافضل الاعتماد عليه؟؟ ام الاعتماد ع الذات وعلى مداخيل النادي الذاتية .... الجواب لكم اذا ما يقوم به فينغر هو شيء يفوق الخيال ... وجعله للنادي يقف على قدميه في السبع سنوات الماضية بتاهل دائم لدوري الابطال رغم ان الميزانية المخصصه له للانتدابات اقل ربما من ميزانيات سندرلاند واستون فيلا .... انا المطلع على حيثيات الموضوع ارى انه قام بعمل خرافي بالنظر الى ما فعلته الديون والميزانيات المتقترتة في فرق مثل ليدز وديورتيفو لاكرونيا وبارما .. والاخر والذي لا يعلم عن الارسنال سوى اسمه يرى انه ضياع وابتعاد عن البطولات وياللعجب يضع فينغر على راس القائمة في هذا الابتعاد .. وشتان ما بين النظرتين بالتاكيد مبارك :smilie47: .. ضربت فاوجعت يا صديقي :smilie47: .... ووش علي بالتنسيق اذا محتوى الموضوع تحفة :smilie47: .. سلمت اناملك يا صاحبي :smilie47: فتك بعافية |
| الوقت المعتمد في المنتدى بتوقيت جرينتش +3.
الوقت الان » 06:34 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd