|
فهد العنزي موهبه لا تصدق بسم الله الرحمن الرحيم بعيداً عن المقدمات كنت في مناسبه ليلة البارحه في إستراحه شرق الرياض وكان هناك مجموعه من الأطفال يلعبون في ملعب سداسي في تلك الإستراحه فشدني أحدهم يلبس قميص الهلال وكان أصغرهم بنيه جسمانيه فتابعته ماشاء الله تبارك الله مهارات لم أرى مثلها في السعوديه من قبل إلا مهارة يوسف الثنيان حاولت التقرب من الطفل فسألته عن عمره فصدمني بأن عمره ثمان سنوات فقط فسألته عن ميوله ومن يحب من اللاعبين فذكر.بأنه يشجع الهلال ويحب الشلهوب فجلست مع والده وسألته هل تمانع من لعب إبنك في نادي فقال.لا لكن الولد صغير خله يكبر وبعدين يحلها ربك ،،، الطفل اسمه فهد العنزي من سكان حي النظيم ،،، تعرفت على والده وأخذت رقم جوال والده ووعدته بأني سأتابع إبنه بإستمرار أقسم بالله.أن الطفل يملك مهاره لم أشاهدها في لاعبين يلعبون في أكبر الأنديه سؤالي هل ممكن أن نشاهد الطفل فهد في براعم الهلال؟ أنا على إستعداد أن احظر الطفل للنادي لرؤيته في حال رغب المسؤولين. |
الله يخليه لأهله والله وانا اخوك المواهب على قفى من يشيل لكن الأنديه عندك واسطه تسلك امورك انت مر عليهم وشف اذا وافقوا اهلاً وسهلاً .. يمكن في الأمر خيره لانهم ماراح يقولون لك تعال انت بنفسك اخذ الولد وابوه وعلى النادي دايركت |
لازم تعرف احد ... الهلال ابعد سياسة انه ينشى الاعب من زمان وصار يعتمد على جلبهم من اندية اخرى .. فلو نظرنا اغلب لاعبين نادي الهلال من اندية اخرى .. قلت الاغلب عكس الاهلي و الاتفاق عندهم اكاديميه قبل 3 سنوات تابعت اخوي بشكل كبير كان عمره 14 وكنت العبه مع ناس كبار لعبنا مع فرريق سعود حمود الفاخريه لعبنا مع فريق مع فريق سالم الدوسري وكان بزر بس جسمه ما شالله طويل وحاول عادل سليمان ؛؛ نادي الشباب ان يجذبه لهم بباي طريقه وكنت رافض لاسباب احتفظ فيها ووديته اكثر من مرا لنادي الهلال وكل مرا يقولون تعال بعدين طيب جربوه شوفو لعبه المدرب مو موجود كلامهم بعدين عصببت وهاجرت السعوديه ورحت عشت بامريكا واخوي الحين يلعب بقالكسي << امزح امزح ما يلعب |
ماشاء الله عليه الله يخليه لاهله وتكفى حاول توديه النادي لايفوتنا وكلي ثقه بالله ثم بالمسؤولين عن الهلال انهم راح يقبلونه فهم يبون مصلحة الفريق |
والله يا ليته يلعب مع براعم الملكي شف نواف العابد بدأ مع فريق البراعم الى الناشئين الى الشباب للاولمبي للأول والحين يعتبر من اهم اللاعبين في المملكه |
أتمنى يكون من نصيب الهلال في يوم من الأيام . حبيبي قسم بالله فيه مواهب مثل الموهبه اللي شفتها وأفضل منها ولكن ما فيه عندنا صائدي مواهب وخصوصآ إللي يجوون في عمر هذا الطفل . . وأيضآ لاننسى دور العائله . كلمة أبووه اللي قالها لك هي أيضآ من تدمر هذه المواهب ((إذا كبر يحلها ربك)) والنعم بالله ولكن المواهب اللي مثل هذه الموهبه يجب أن تصقل وتطور من قبل نادي أو أكاديميه أو من العائله من سن الصغر يمكن يكبر هذا الولد ويواجه عوامل سلبيه وظروف تكرهه في الكووره وموهبته تذهب في مهب الرياح ! ! قسم بالله حرام . . بعطيك مثال صغير عندنا في نجران ماراح أقولك في الشرقيه أو الغربيه أو الرياض اللي تتمتع بمواهب كثيييره في نجران أنا لاعب كوورة وأمارسها بإستمرار وتابعت ولعبت مع أغلب لاعبي نادي نجران صالح الدويس وعبدالله راسان وعبدالله حيدر وكثير من اللاعبين طبعآ في أيام الصغر كان فيه مواهب أفضل من هذه المواهب بكثييييييير يمكن أجيب لك واحد من المواهب هذه عنده ترسانه مهارات وبنيه جسمانيه تعادل جميع مهارات هؤلاء اللي ذكرتهم ولكن للأسف مافيه كشاافه تكتشف هذه المواهب وأيضآ لاننسى العامل الأهم إللي هي العائله بعض الأباء هم من يدمر هذه المواهب . . أتمنى من غدارة إبن مسااعد يكثر من كشافة المواهب ويوزعهم في كل مكان الشرقيه الغربيه الوسطى الجنوب الشمال ترى المواهب تارسه الممكله ولكن للأسف ماعندك أحد . . وحبذا لو يركزوون على الصغار مره اللي في سن الثامنه والتاسعه والعاشره |
الصغارين دائما عندهم مهاره عاليه لكن اذا كبروا راحت المهاره وهذا طبيعي جدا انا اعرف لك عيآل الحاره مهارتهم احسن من لاعبين يلعبون بالمنتخب لكن ترا المهاره مو كل شيء .. فيه ناس عندهم مهاره لكن اي احتكاك اصابه كورة القدم محتاجه لياقه + قوه جسمانيه قبل المهاره وإذا اجتمعت اللياقه + القوه + المهاره + الفكر تنتج لاعب خطير جدا ويتمناه اي نادي فمثلا ميسي يمتلك رغم قصر قامته الا انه يمتلك القوه الجسمانيه تجده يحتك مع اقوى المدافعين وايضا لديه السرعه والمهاره لذلك اصبح افضل لاعب بالعالم |
الله يخليه لأهله والله وانا اخوك المواهب على قفى من يشيل لكن الأنديه عندك واسطه تسلك امورك |
قولوا ما شاء الله ع اللاعب لا تحسدونه ,, ان شاء الله نشوفه بالمستقبل مع احدى الاندية العالمية الكبيرة !! ربي يحفظه لاهله ,, ويخليه لهم ,, واتمنى من الجميع بذكر الله |
باذن الله يكون من نصيب الملكي |
ماشاء الله تبارك الله الله يحفظه لكن أخي الكريم كان الأجدى والأفضل التواصل برسالة خاصة لإدارة الهلال أو مشرفي الشبكة لنقل المعلومة بدلاً من أن تكون على المفتوح فلاتنسى ان هناك زوار من جميع الأندية |
ما شاء الله لا قوة لا بالله ,, الله يحفظه و يخليه لأهله ,, إتمنى تسجيل مقطع فيديو ( حتى لو بالجوال دقيقتين أو ثلاث دقائق ) للموهبه فهد و تعرضها على الأمير عبدالرحمن بن مساعد على الاقل خله يأمر بتجربته وعرضه على المدير الفني ,, |
مايبي لها معرفه ولا واسطه اطلب من والده تسجيله في النادي كلاعب هاوي ومن ثم المسئولين عن درجة الاشبال سيكملون الباقي اذا هو مثل ماتقول . |
لازم توديه لنادي الهلال المواهب الي زي كذا حرام تروح هدر |
يعطيك العافيه عزيزي .. بإمكانك اخبار سمو الامير عن طريق تويتر مع تسجيل مقطع كما اقترحو الشباب .. |
| الوقت المعتمد في المنتدى بتوقيت جرينتش +3.
الوقت الان » 04:53 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd