|
موضوع منرفزني وابي الرجال خاصه يجاوبون عليه .. بسم الله الرحمن الرحيم صباح ومساء الخير لكااافة اعضاء احلى منتدى فيه موضوع صراحه نرفزني بقوووووووه لاتقوووولون طووويل اقروه للاخراللي هو هذا الدريهم يصف المرأة ذات الميول الرياضي بأنها “ﻻتستحق اﻻحترام” !!!!!!! نشر الدكتور سعد الدريهم تغريده في الموقع اﻻجتماعي تويتر اثارت الجدل لدى المتابعين , حيث ذكر بالنص بأن المرأه ذات الميول الرياضي ﻻتستحق اﻻحترام ! وعاد من جديد ليفسر ذلك بتغريده اخرى عندما قال اعني المرأة التي تشجع كرة القدم , مما اثار حفيظه المتابعين الذين هاجموه بحجه ان مثل هذا الكﻼم يعتبر تعدي على المرأه وسلب لحقوقها البسيطه في التشجيع الذي لم يحرمه ديننا , يشار إلى أن الدكتور سعد الدريهم يعتبر خطيب وامام ﻷحد الجوامع وعضو هيئه تدريس في احدى الجامعات :mad:. انا من وجهة نظري بغض النظر عن كوني من الذين لايستحقون الاحترام ع قولة الشيخ الموقر ولكن ابي منكم بكل صرااااحه الجواب :ranting: عزيزي الرجل ليش تنظر للمرأة التي تشجع كرة القدم ع انها لاتنظر للعادات والتقاليد او ع ان اللاعبين الشورت الرياضي الذي يرتدونه يكشف العوره والمرأه حرام انها تنظر الى عورة الرجل التي هي من السر الى الركبه ؟؟؟؟؟؟ شوفوا انا انتظر اجاباتكم بس قبلها برد على اللي قالو الحكي هذا اولا:: المرأة التي تتابع كرة القدم لم تخالف عادتها وتقاليدها (بقلبها عااامي،) ماراحت وحذفت عابتها ولبست سبور وراحت لعبت كورة ومانست ان دينها وشرفها فوق كل شيء ولو جينا ع اللي طبق العادات والتقاليد حتى وقتنا الحالي نجد ان اغلبهم النسااااااء بينما الرجال معظمهم نسي عااااادته وتقاليد بلده ماعلينا هذا مو موضوعنا النقطه الثانية:: انا عني شخصيا اللي خلاني اكتب النقطه ذي عمتي مرأة كبيرة بالسن وتشجع المنتخب بس ومره كان عندنا عزيمه عائلية وانا كنت اتابع مباراة للهلال والاتحاد قبل كم سنه قالت حنان يابنتي ترى حرام تتابعين كورة وطبعا هي قبل كم شهر كانت متابعة المنتخب وعادي مو حرام عليها المهم قلت ليش قالت عشان اللاعبين عوؤراتهم واضحه وبعدها صرت اقراء كثير عن نفس الكلام انا اقول مثل مو حرام علينا نتابع الكورة بعد الرجال حرام يتابعون البرامج والمسلسلات اللي فيها بنات لان المرأة كلها عورة الاوجهها في الصلاة »»وحده بوحده بس لو نظرنا لها من جهة ثانية كل شخص مخير يعني اللاعبين مخيرين بين انهم يتركون الشورت ع الوضع الحالي وبين انهم يطولونه والمرأة اللي تطلع بالتلفزيون مخيره بين انها تستتر وبين انها تبقى ع وضعها صح ولا خطا يعني بكل الحالات للجنسين حرااااام انهم يطالعون لبعض بالتلفزيون انا انتظر الاجابات بكل شفافية وابي تقولون اللي بخاطركم تجاه هذا الموضوع واتمنى التفاعل |
الدريهم ما قال اللي قاله إلا بعد ما شاف اليوزرات والنكّات التالية : محبوبة ياسر .. عاشقة فهد المفرج .. مجنونة نواف .. ذايبة في شعر خالد الغامدي .. متشعمطة في ركب عبده برناوي ..الخ حتى البيشي البزر اللي توه ما بعد لعب .. شفنا الهبل والعبط اللي سووه بعض البنات في تواقيعهم وفي البي بي !! طبعاً هذا ما يعني إن تغريدته صحيحة .. فالدريهم عليه شطحات أليمة أكبر من هذي ! فيه بنات من زود احترامهن وأدبهن تحسين إنهن ماجد مقبل في عزّه !! أما بالنسبة لعورة الرجل .. فالظاهر عندي والأصح إنها مش إلى الركبة وإنما لمنتصف الفخذ والله تعالى أعلم !! |
ماراح اتكلم عن كلام الشيخ بس بقول وجهة نظري في تشجيع المرأه اول شي عندنا هنا ان الكوره للرجال بس هم متعودين على كذا بس لما تشوفين برا تلقين رجال وحريم ولا يستنكرون هالشي تشجيع البنات طبعا بنات عن بنات يفرق بعضهم تتابع الفريق الفلاني عشان لاعب !! صح كذا تقهر اتابع كوره عشاني احب الاعب الفلاني احس انه شي مب زين:d وبرضو بعض البنات ينفتنون بالاعبين وهذا شي مايصلح خصوصا احيانا يرتفع الشورت مره تستحين تناظرين وصراحه هنا اقترح يلبسون الشورتات اللي تصير ماسكه حيث اذا ارتفع الشورت يصير ماتطلع عورته بس بتكلم عن نفسي ماعمري انفتنت بلاعب او شجعت فريق عشان لاعب احبه اتابع كوره لآني اعشققهها والعبها بعد يعني برأيك انا هنا مااستحق الاحترام ..!! وليه مااستحق الاحترام؟! في احد قال الكوره للرجال بس ؟ محد قال بس لآنهم تعودوا هنا ان الكوره للرجال نرفزني الموضوع احس عندي كلام بس عجزت اطلعه:s2: |
إقتباس:
............................... |
الدريهم بين كل فترة و فترة يشطح شطحات غريبة و اخرها شطحة الفرقة الناجية :d شجعو ولا عليكم منه و ترى مباراة الهلال و مان ستي بكره الجمعة :yes::d |
والله انا اشوف من حق البنت تتفرج بس الي يسوونه بعض البنات يتابعون فريق عشان لاعب زي ماذذكر المجلس العام هالشي ماله داعي بصراحه |
على اي قناة يافيصل ؟؟؟؟ ض1 اضم صوتي لابو خالد |
تخيل معاي مجموعة بنات تاكيات في الملجس وفصفص باجه وبراد شاي ويتابعن مباراة وانواع الصياح والمناقز والازعاج< لايستحقن الاحترام |
انا معكم صدق في بنآت قليلآت حيآء :ranting:<< آعذروني على اللفظ يعني استحي من عمرك يوم تكتبين عآشقة فلآن وعآشقة علآن طيب وبعد هذآ وش يتستفيدين :yes:..!!!! هذولي الي مآ يستحقن الأحترآم , آمــــآ اذ البنت تشجع عآدي وتحب فريقهآ وش المشكلـه ؟؟ والحمد لله مآ تجآوزنا الحدود الشرعيه ,, وترى اذ قمنا نشوف بالتلفزيون بعد الناس يروح فكرة بعيد اننا قاعدين نركز بششي ثاني :ranting: !!!! واتوقع البنت الي تشجع اهون من الي يطآلع وحدة مذيعه بالأخبــــآر ولا مسلسل خليع وغيرهآ من الأششيآء الي يحرم على المرآة والرجل النظظر إليهــــــآ :yes: كلمه اخيره اذ المرآءه الي تآبع كورة لا تستحق الأحترآم !!! نفس الحآل ينطبق على الرجل الي يششآهد امرآءه في التلفآز :yes: لا يستحق الأحترآم آيضضآء |
السلام عليكم اختي العزيزة سواء اخطأ الشيخ ام لم لا انتي مو في وضع يسمح لك تنتقدين شيخ من شيوخنا ..وهذا يدخل من باب قذف العلماء والمشائخ بدخل في زبدة الموضوع عشان ماطول عليك قبل سنين طويله < ترى محاكيك شويب من طقه 1398 يعني موب شايب ولا شباب يوم ميلادي متوهق هههههه المهم كان شايبنا الله يرحمه والوالدة يتسابقون من يسبق الثاني والي ينهزم يطبخ الغداء ..؟ وقبله كانت جدتي العزيزة الله يخليها تتحدانا من يطلع فوق الوايت :( ماشاءالله عليها التيته في زمانها قويه هههه الحين الله يرفع عنها وحبيبنا فداها المال والبنون كان يتسابق مع امنا عائشة مره سبقته ومره سبقها هذا دليل بأن الرياضة ليست محرمة بحد ذاتها ولكن الي قاعد يصير بأن البنات فاهمين الرياضة غلط مثل سالفة اولمبياد لندن .. بيروحون لابسين لبس فاضح وتعري واخرتها باسم الدين وباسم الوطن !! لا فيه حدود وفيه خطوط حمراء ماحد بيتجاوزها والي بيتجاوزها رجله تنقطع مثلا في فرنسا محرم على السيدة المسلمة تلبس الحجاب .. وفي اغلب الدول الاجنبية والاوروبيه طيب هذا ديننا ليش ماندافع عنه سؤال لك ياوخيتي واتمنى تجاوبي بصدق س/ هل تعلمين بأن الدين المسيحي يحرم على المرأه كشف وجهها ..؟ الاجابة بكل بساطه نعم ومن سفرهم بأن المرأه اذا كشفت وجهها يجب قص شعرها !! والي يقهر بأن دعاة الفجور اصبحو من اوطاننا مجملا العبو رياضه انبسطو شجعو الفرق الي تبونها بس بحدود الادب والدين اختي الغاليه ربطك لموضوع التشجيع النسائي بعورات الرجال ربط ماله داعي لأن الي يكشف عورته هذا انسان مريض سواء لاعب والا انسان عادي وماله اي مستند في شرعنا العوره من السره للركبة ومن يخالف هالشرع معروف جزاءه ودمتي بكل ود |
للمرأه كامل الحق ان تشاهد ما تريد وتمارس ما تريد ما دام هذا الشئ لا يغضب الله سبحانه وفي اطار الشريعة .. يعني مافيها شئ لما تشجع المرأه (كما الرجل ) فريق معين أو منتخب معين لكن وفق ضوابط معينة مثل 1- ما تكون معجبة بلاعب أو بعيون لاعب أو بوسامة لاعب .. وتشجع الفريق عشانه !! مثل الكثير من البنات اللي يشجعوا منتخب ايطاليا لعيون بوفون و كاسانو وبيرلو !! 2- ان تحاول قدر المستطاع غض البصر لما قد يظهر من عورات اللاعبين .. وكلام الهنوف الهلالية اعجبني بهذه النقطة .. 3- ان تحافظ على انوثتها وعفتها في التشجيع .. يعني مو تصور نص وجهها وهي عاملة شعار الهلال .. او تصور عيونها وتكون عامله ظل نصراوي أزرق واصفر ههههههه .. او تكتب في النك نيم حقها عاشقة رضا تكر !! وغير ذلك من حركات المراهقة الخارجة عن النص .. التعميم لغة الحمقى للأسف .. والدريهم استعمل هذه اللغة .. ! لكم ودي |
هذه وجهة نظره وهي ليست ملزمة للآخرين .. وحقيقة اتمنى من بعض من يتصفون بأنهم أهل علم أن يحرصوا على انتقاء الفاظهم ويتذكروا قوله تعالى : ( وجادلهم بالتي هي أحسن ) .. صدق الله العظيم ،،، حتى لو افترضنا ما تفضل به حبيبنا ابو خالد ( المشاغب ) ان الشيخ رأي الموضوع من زاوية بعض الفتيات اللاتي قد يصدر منهن بعض التصرفات الغير لائقة او التسمي بيوزرات غير مناسبة .. فيفضل التوجيه والتعليم بعيدا عن التهجم على شاكلة غير محترمات او خلافه .. فهذه الفاظ تنفر ولا تقرب ،،، صدقا هنالك شباب وفتيات قد تصدر منهم افعال نراها كبيرة ولكنهم بالفعل لا يقصدوا سوء النيه .. وجرمهم الوحيد ان هنالك من لم يعلمهم او يوضح لهم أو اتى احدهم يلعنهم ويلعن والدينهم فنفروا منه ورفضوا ان يستمعوا له وأمثاله ،،، رفقا بأنفسنا :yes: كما انني اشعر بضرورة اننا في حاجة ان نحترم ديننا ونرتقي به عن العبث الذي نسمعه ونشاهده والزج به في كل شاردة وواردة بحجة خوف الله وتقواه ! أحدهم يتصل باحد الشيوخ ويسأله ما حكم نتف شعره ظهرت في ارنبة أنفه ! يعطيكم العافية ،،، |
هلا حبيبتي انتي طلبتي الصراحه وانا بجوابك من وجهة نظري صحححححح عليه تشجيع البنت للرياضه وخصوصا كرة القدم تقلل من انوثتها كنت مره مع صاحباتي في جمعه وكان فيه مباراة الهلال والاتحاد والله كانت جمعه خايسه وععععععععععع طول الوقت صراخ وهواش بس ترى انا مع انو البنت تمارس الرياضه بجميع انواعها ب إستثناء كرة القدم والملاكمه والمصارعه يعني بالعربي انا ضد اي رياضه فيها عنف لأنو جسد البنت مايتحمل وإلا لا ؟:wub: |
والله انا بالنسبه لي اول ما بدات أتابع مباريات كان عام 1425 كنت بالابتدائي وقتها ابوي كان ينصحني ما اتابع مو عشاني بنت عشان لا اتهاوش مع اخوي الاتحادي ههههههههه :d وليتني سمعت كلامه وقتها للحين كل مباراه تصير نتهاوش وفريقك فيه ولاعبكم فيه :naughty::naughty: << طبعا هواش مزح :ap::ap: والجانب الايجابي من تشجيعي صرت اتناقش مع ابوي على المدربين عاللاعبين وصرت اقيمهم بعد ... :rg::s2: ولا بعد من كثر ما ازعجت وحده من صحباتي تركت تشجيع الاتحاد وصارت تشجع الهلال:naughty::naughty: وبعدين احنا ما عندنا اي أماكن ترفيهية سواء للرجل او المرأة فخلينا ياختي نشجّع ونتابع ونتونس :s3s:s13s عمتك تهاوشك عشان تتابعي وهي كانت تتابع << ما هذا التناقض:ci: جدتي تتابع معانا وتبغانا نتفرج من دون صوت وكل ما صرخنا على هدف ولا هجمه ضايعه دعت علينا نخسر :d:d << ترا اشك ان التعادلات وقت دول بسببها:naughty: بخصوص الدريهم واضح انه بيكثر شطحات والله يعيننا مره ما يحترم اللي تشجع والحين الفرقه الناجيه والله يستر من الجاي :cry: |
إقتباس:
.......... |
| الوقت المعتمد في المنتدى بتوقيت جرينتش +3.
الوقت الان » 05:58 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd