اسعد الله اوقاتكم بكل خير ......

بصراحه االي صاير في ادارة الفريق في الفتره الاخيره حاجه غريبه جدا والاغرب من ذلك ان الاداره عندها الخبره الكافيه وماهي اادارة جديده على الوسط الرياضي ومع ذلك تقع في اخطاء بدائيه وغير مبرره ابدا ...
الحين كلنا ندري ان الكابتن اسامه هوساوي بينتقل من قبل نهاية الموسم وكلنا ندري ان المدرب هاسيك عقده الى نهاية الموسم ومراح يستمر وتاكد ذلك بعد المستويات المتذبذبه الي قدمها الفريق خلال الفتره السابقه .. يعني معقولة الاداره ما فكرت في الشي هذا من وقت مبكر ورتبت امورها من بدري ؟؟؟ سوال اشغل الكثير من الجماهير ومع الاسف لا المركز الاعلامي ولا ادارة النادي وضحو السبب الحقيقي في هذا التأخير ..ومع الاسف الفريق الان يدفع ثمن التاخير بعد مطالبة المدرب بابعاد هرماش والعربي فبدل ماكنا نبحث عن محترف واحد اصبحنا نبحث عن ثلاثه في توقيت سيء جدا
وهذا مؤشر خطير على ان وضع الهلال في الموسم القادم اسواء بكثير عن الموسم الماضي خصوصا ان العامود الفقري للفريق لم ينضمون الى الان وهم المحترفين الثلاثه قائد الدفاع وقائد في الوسط والهجوم عن اي معسكر تتحدثون
في الموسم الماضي تعاقدنا مع ايمانا في الوقت بدل الضائع ويبدولي ان في هذا الموسم سنتعاقد مع 3 ايمانا ......تحياتي

كلمة راس بيني وبينكم ولاحد يدري ((ادرتنا وبالتحديد الامير عبدالرحمن كان ينتظراقالة السيد جيرتس من المنتخب المغربي بعد مباراة ساحل العاج وكان هو الي بيمسك الفريق والاداره كانت معتمده عليه في كل شي حتى في موضوع المدافع ولاكن مع الاسف تم تجديد الثقه من قبل الاتحاد المغربي وهذا الي لخبط امورنا كلها )) يالله وش نسوي ومن العشق ما قتل ...

إقتباس الرسالة الأصلية كتبت بواسطة فيليبوانزاجي لم تأتي بجديد يا غالي الإداره انتهت من الموسم الماضي ومن المؤكد أنها لن تكمل ال4 سنوات القادمه لأنها لن تتحمل ضغط الجمهور وسيُخلع الرئيس كما خُلع أخوه بعدما دنس تاريخ الهلال بالخمسات

وانا اتوقع ان الاداره لن تكمل الموسم القادم ومدري ليش دايم اتخيل ان التونسي فتحي الجبال هو الي بيكمل الموسم معنا بدل كومباري الله يستر

إقتباس الرسالة الأصلية كتبت بواسطة معااالي الهلالي وانا اتوقع ان الاداره لن تكمل الموسم القادم ومدري ليش دايم اتخيل ان التونسي فتحي الجبال هو الي بيكمل الموسم معنا بدل كومباري الله يستر

هذا الي بيصير عبدالله بن مساعد جاب العيد في الهلال في فترته السودا جاب اجانب افارقه لانهم رخاص ولا يحتاجون مبالغ كبيره .. وجتنا كارثه وراهم بالخمسات من انديه ماتسوى

والحبيب شبيه الريح الان يمشي على خطا اخوه بيجمع هالافارقه وبيدخل في سالفه الرخص وبيضيع الهلال

الله يفكنا منهم ويرجع بندر بن محمد ولا محمد بن فيصل هذولا الي رسخو الذهب في الهلال

تفاءلوا بالخير تجدوه

عندي احساس ان الزعيم ب يجيب اسيا .. بهذا الفريق المتواضع (كما تقولون)

الصبر وتفائلو وادعمو الفريق عشان
تحصلو الي تبغونه الاداره اخطات في
تاخر تعاقدها مع المدرب لاكن اتوقع هالشي
مايفيد الكلام فيه

تفائلوا بالخير تجدوه ، كل هذه المسلسلات من التعاقدات ومن المعسكرات ومن المفاوضات راح تروح هوى ، لا مش معقوله ، الله سبحانه وتعالى لا يضيع تعب إنسان ، تعب وبذل وقدم كل مايملك من أجل ملايين الجماهير الهلاليه

ودي

موسم متوسط اتوقعه بطولة محليه وخروج اما م الفريق الكوري

ماندري وش المكتوب لكن إن شاء الله يكون كل شي على مايرام



الله يوفق زعيمنا



:-)



....

انا اتفق معك اخوي وكلامك صحيح
وخصوصا موضوع المدرب والمدافع
يعطيك العافيه

وانا مثلكم اتوقع ان الامير عبدالرحمن سيقدم استقالته نهاية الموسم

أتفق معك أخوي 100% ..

الوضع فعلا ما يطمن .. والأدارة هالموسم شكلها بتفشل فشل ذريع ..

الله يستر .. لكن الله يوفق الهلال ...

والله لو انك انت رئيس النادي كاان حنا في دوي المناطق من زمان...
الرئيس ماقصر اجتهد وفاوض اكثر من25 مدرب ويالله حصل كمباري..
والحين انت وش درااك انه بيجيب 3 ايمانا بيجون محترفين عليهم الكلام..
اقوول اذا بتكتب اكتب مواضيع زينه مو الرئيس والرئيس ترى الانتقاد موب عندنا
تدري ان الرئيس هو اهم شي شوف جيرانك وتعلم جماهير الاتحاد ينتقدون بن داخل
والحين يتمنون رجعته عبده راح وحسني راح والمدرب يهدد بالاستقاله..
اتمنى منك اخي الكريم ماتكتب مواضيع زي كذا لانه صدقني الموسم الجاي اهم موسم
وحنا نبي ندعم بكل مااوتينا من قوه فلا تحااول تزرع الكره لشبيه الريح في قلوب الزعماء..

هو فعلا الوضع ما يطمن

بس الله يستر