السلام عليكم ,,,

والله الي قاعد يصير شيء محزن صراحه !! الاداره قاعده تسوق للاعبين وتدور

مكاسب من وراهم وتاركه الفريق يسرح ويمرح بالضياع والله مصيبه الي قاعد يصير

يعني ياسمو الامير اذا كنت منت فاضي للرئاسه ليش ترشح نفسك وانت تعلم انك

ماتقدر تواصل بنفس الدعم السابق !! مع كامل الاحترام والتقدير لك لكن غير معقول

الي يصير الان مدرب مايحسم الا بعد فتره طويله من الانتظار وبالاخير ياتي مدرب

متواضع مع احترامي والان بيع عقد العربي وقريبااا بيع هرماش العربي قد اتفق

لانه لايريد اللعب بالسعوديه رغم انه لاعب موهوب لكن هرماش !!!!!!!!!!!

هرماش افضل لعب الموسم الماضي وواضح ان الاعب عنده الكثير والان يتم بيعه

والله مصيبه صراحه !! المضحك والكارثه الكبرى بقاء الكوري والله ياعالم مصيبه

اذا هرماش والعربي وويلي وايمانا يتم بيعهم والمفلس الكوري جالس !!!!!!!!

عين مااصلت على النبي اصابت الاداره بعد ان كانت الافضل ومضرب المثل

بالمدربين والاعبين الاجانب والان باقي على نهاية المعسكر 10 ايام والاداره

والمدرب لايعلمون من هم اجانب الموسم القادم سوى حبيب القلب الكوري !!!!

باعتقاد شخصي ان الاداره امامها فتره قصيره اذا لم تجلب لاعبين اجانب ومحليين

سوبر ستار لكي تنقذ مايمكن انقاذه فباعتقادي ان الموسم القادم سيكون كارثي !!!

اخاف انام واقوم واحصل الاداره بايعه الفريدي والعابد الله يستر



تم إقفال الموضوع + إنذار لأن العنوان يختلف عن المضمون

حمـ(الهلالي)ـد

والله العظيم قهر
اغلب الانديه حسمت موضوع الاجانب الا حنا باقيلنا ثلاث اجانب ولا واحد منهم انحسم موضوعه
والمشكله الكبيره ان فتره التسجيل بتقفل بعد اسبوعين يعني يمدينا نلحق ونجيب اجنبي عليه الكلام؟
ولا بنجيب اي كلام بس نسكت الجمهور؟ والله هذا شكله الي بيصير

لاكن اتمنى يا رب ان موضوع الاجانب ينحسم خلال هذا الاسبوع يا رب ونرتاح

الله يوفق الهلال يا رب

يالله ياطويل العمر ورنا شطارتك ونق فلوس الفريدي ههههههههههههههههههه

يآخوي الفريدي يبي فلوس فوق اللي يستحقها والعابد مستحيل يخرج برا اسوار النادي

وبعدين اذا تقول المدرب مو قد الطموح ...؟ من تبي يعني مورينهو ولا فرقسون
يعني نسينا ايام باكيتا وكوزمين ترا كانو مو معرفوين ابد هههههههه

وبعدين اذا على هرماش والعربي فا اشوفهم شي عادي
وشبيه الريح راح يجلب الافضل

تحياتي ..

كل الأجانب فااااشلين ..ومن ضمنهم العربي وهرماش يعني لازم يروحون ..
أنا عندي إتمنى يروحون العربي وهرماش ..إذا راحوا هالثنائي ماعندي مشكله على بقاء الكوري لأن الدفاع بيضبط بجلب محور دفاعي وقلب دفاع ..

يا اخي في اعضاء ما يدرون وين ربي حاشرهم
ينزلون مواضيع بكيفهم

ورا ما تصير انت رئيس النادي

اخي العزيز اللي كاتب كاكا ساحر الجماهير ههههههههههه أي ساحر الله يرحم والديك

شطحه ..

نحتاج لمنتدى تقييم المواضيع قبل طرحها في القسم.

ياقدعان وياقدعات

كل تآخيره وفيها خيره
ويكون بـ علمك اللاعبين الاجانب الجدد اللي طلبهم المدرب وبعضهم سبق ولعب مع المدرب يعني يعرفهم ويعرف طريقة لعبهم بدون معسكر ولا شي

وياليت تركدون شوي لما يجيكم الفرج

قصدك مو من مصادرك يا قلبي من توقعات
لأن رحيل العابد مستحيل لأن اللاعب محب للهلال وللهلاليين
لكن الفريدي مع الأسف شاف حاله علينا وما أدري وش يحسبه !!!
بس عندي نقطه حاب اوضحها لك مسئلت ان الكوري مفلس فحاب اقولك لو حصل مدرب يفهمه ويعطيه الفرصه بتشوف بارك سونغ ثاني لأن اللاعب لديه كافة الأمكانيات التي تساعد على نجاح اي مهاجم

الاداره فرطت في نجوم مثل خالد عزيز و عمر الغامدي ورادوي ونفيز والان الفريدي

لكن كلامك انه الكوري مفلس اختلف معاك

هو احسن الاجانب الموسم الماضي

ههههههههههههههههههههههههههههاي

جبرتني يا EPSON على تسجيل الدخول لي فترة ماسجلت دخول


اول شي احتفظ في مصادرك الخاصة لنفسك
ثاني شي انت جاي تبي تثير الفتنة في الموقع بين الزعماء وتحرض على الامير الشاعر الكبير
ثالث شي الامير الله يطول في عمره يعرف شلون يدير النادي ومن يجيب ومن يخلي


اتمنى من المدراء والمشرفين في الموقع الالتفاف لهذه العينات


وشكرا

الفريدي قلعته ودي يروح اليوم قبل بكره
اما العابد مستحيل يطلع من الزعيم
وبعدين شبيه الريح كفى ووفى ومو ذنبه اذا جاب اسماء كبيره وخذلته
وادارته افضل اداره في تاريخ الزعيم

راعي الموضوع هدي شكلك معصب ......................وصلي على النبي


انت معصب ومو عارف ايش بتقول

ويعطيك العافيه
وسلامتكم

ماضيعنا الا هذه المواضيع شتم ونقد قبل رؤية نتيجة العمل ..
الادارة تتعب وتشقى عشان رضا الجماهير . . لكن البعض لايدرك ذلك ..