فعلاً ، الزوري المباريات الماضية يقدم مستويات رائعة ، يمكن راجع حساباته بعد الجلوس ع الدكة.

الشلهوب لاتنساه هو من صنع الهدفين الثاني والثالث بالملي متر .

سلمان تمريراته غير دقيقة ، كان رافع ضغطي البارحة ولما جاب الهدف هدأت شوي.

الحمد لله ان الزوري سجل الثالث وافتكينا من دخول عزوز ، ان شاء الله هو والسديري ومن على شاكلتهم يغادرون بسرعة لنادي يناسب أمكانياتهم .

لاعبين كبار

يطربون بفنهم

اللهم اجعل البطولات فالهم

لاعبين كبار

يطربون بفنهم

اللهم اجعل البطولات فالهم

فعلا سلمان الفرج البارح احسه كان يلعب وفيه نوع من الغرور ما اعرف ما هو السبب لهذا الشعور . والله يسعد ياسر الشمراني الي دائما ما يأبى أن يدخل هدف في المرمى رجل مواقف فعلا . الشلهوب كان بيروح فيها مرتين وهذي غلطة المدرب في اللعب بالخطه هذه ولكن الحمد لله انه ما اصيب شكرا لجمهور مكه على جوهم الجميل ليلة البارح والرابطة ابدعت تشتيتها للعقول حتى المعلق كان بيرقص مزمار مع الموال ههههههههههههههه وهذي مشكلة جديده الله يستر منها .

اتوقع مع اكتمال الفريق ومعرفة المدرب بإمكانيات اللاعبين من خلال المباريات سيكون لدينا فريقا مكتملا فقط أتمنى أن تكون مشاركة الشلهوب وكريري لمدة شوط من المباراة وإذا لم يمنح المدرب عطيف وعبدالكريم الفرصة الان فمتى تمنح لهم ؟

المباراة الشوط الاول الكل تقريبا كان دون المستوى، نعذر اللاعبين انها اول مباراة بعد التوقف في الدوري ،

اما بخصوص نرفزة الفرج ومناقشة الحكم ، اقولك انظر للدكه ، المدرب دونيس وجهازه الفني والاداري حتى برمية التماس يحتجون ويقومون على الحكم ، فطبيعي الفرج وغيره من اللاعبين عندما يرون المدرب والاداريين يحتجون على كل شارده ووارده ، طبيعي ينتقل هالتوتر والنقاش لداخل الملعب ، وكما ننتقد دونيس ، نشيد فيه في طريقة لعبه امس وعدم الاستعجال على الفوز ، ايضا بعد ما اخرج ادواردو وعطيف ، واحس بالضغط على مرمى فريقه ودخول هدف في مرماه ، لم يكابر ويدخل ياسر القحطاني بل كان منطقي وادخل سعود كريري ، ايضا نزول الشمراني ، وكعبي ، كان له هدف فني ، تجهيز الشمراني ، و كعبي ، شكرا جميع نجوم الهلال ،

ولكن رغم اشادتكم بالفرج وغيره الا ان النجم الحقيقي هم : جمهور الهلال ، المدرج المحب شكرا جمهور الهلال بمكه والغربيه ، شرفتونا كما شرفنا حضور جمهور الشرقيه ،.

نفسي اعرف ميسي ونيمار ورونالدو مايصيبهم غرور
وهم الحجر يمدح فيهم
عندنا التعالي والغرور شي أساسي في اللاعب السعودي
سلمان الفرج لو يرمي كلام المحللين ومدحهم له خلفه والله افضل لاعب سعودي وآسيوي

لا أبدا بلعكس الله يعطيه العافيه سلمان نجم مميز بامكانيات كبيره ولا يضره ولن نزعل لمجرد نزول مستواه في
مباراه سلمان اكثر لاعب شارك اساسي ورجوعه لخانته السابقه مهما يكون راح يكون فيه نوع من الاختلاف وفرق في ادوار كان متعود ويتدرب عليه ومساحات حفضها مع التمارين والآن يحتاج لوقت اقصر حتى يعود
اكثر ابدع فَلَو سلمان نزل مستواه في مباراه او مباراتين من عشر مباريات بمستوى ممتاز لن نلتفت لذلك
ولن نفرد مواضيع عشان نقد لا داعي له لسبب بسيط تغيير المراكز يحتاج لبعض الوقت.
كنت اتمنى تكتفي بلاشاده بشهراني والزوري وعطيف واضيف عليهم شراحيلي
انسو سلمان فهو من طينة الاعبين الي بلعبه وحده قد يقلب لك المباراه فقط ادعموه وغضو الطرف .

اوافقك سلمان كان متنرفز لكن لانلغي ابداع موسم كامل بنص شوط الفرج رغم نرفزته ببداية المباراة لكنه عاد من اوسع الابواب
وسجل هدف لايسجله الا النجوم الكبار
وكان بالشوط الثاني من اميز اللاعبين
مثل جميع نجوم الهلال
اشكرك واتمنى ان يكون التحفيز ديدن الزعماء في هذه المرحلة
مرحلة كسر العظم والثبات

والبريك صانع الهدف؟

الظهير العصري الي يمتر الملعب رايح جاي ويخدم الهلال بكل تفاني...

والي يلعب اصول مركز الظهير يركض مع الهجمه ويركض لمسانده الدفاع مثل الشهراني ليه ماذكرته؟

الشمس ما تغطى بغربال... والبريك انسانا هم مشكله الظهير الايمن... ورجع لنا افضل لاعب في الخليج "الشهراني" لمركزه المفضل "الجهه اليسرى"

ما اتوقع عدم ذكرك للبريك كان بمجرد الصدفه... إنما دعما لمن؟

كل من يخدم النادي على العين والراس... شي لازم تحطونه براسكم إذا انتم تشجعون الهلال...

وكفانا دعم للاعب (بطريقه مباشره او غير مباشره) على حساب آخر إن كنا فعلا نريد مصلحه الهلال

ولولا الله ثم وجود البريك مع الهلال لكان الشهراني يعلب بالجهه اليمنى ونص الجمهور غضبان عليه

الي يقول لاعب مايعرف يلعب... والثاني يقول لعيب ومايعرف يرفع... وكلن مطلع له عله

تذكر الاوضاع قبل البريك لمده ثانيتين... وبعدها بتشكره اول واحد بالموضوع

إقتباس والبريك صانع الهدف؟ الظهير العصري الي يمتر الملعب رايح جاي ويخدم الهلال بكل تفاني... والي يلعب اصول مركز الظهير يركض مع الهجمه ويركض لمسانده الدفاع مثل الشهراني ليه ماذكرته؟ الشمس ما تغطى بغربال... والبريك انسانا هم مشكله الظهير الايمن... ورجع لنا افضل لاعب في الخليج "الشهراني" لمركزه المفضل "الجهه اليسرى" ما اتوقع عدم ذكرك للبريك كان بمجرد الصدفه... إنما دعما لمن؟ كل من يخدم النادي على العين والراس... شي لازم تحطونه براسكم إذا انتم تشجعون الهلال... وكفانا دعم للاعب (بطريقه مباشره او غير مباشره) على حساب آخر إن كنا فعلا نريد مصلحه الهلال

هذه هي المشكلة الكبرى التي تكمن في بعض العقليات

أنا تحدثت عن الزوري لأنه كانت هناك حملة من الجمهور عليه وأردت أن أشكره لأنه أجتهد على نفسه وأبدع

أما التشخصة اللي تريدها أنت لم أذكرها في موضوعي وإنما أنت من تحاول التشخصة بذكرك البريك وعدم ذكرك إدواردو والشلهوب وغيرهم من اللاعبين فإذا رجعت الى الموضوع فستعرف أنني شكرنهم جميعاً

التركيز مطلوب قبل المشاركة