^^^^^

هههههههه هذا خبل وواصل

ما عقب يوم يبيع ميليتو وموتا للانتر وهو موقف وما خذا الا شهرين ايقاف !!

كثيره حركاته هابو اسم صعب الغريب بس وقفوه ست شهور ،، يعني ما سوو شي بالنادي ؟ ماهم مهبطينهم ولا خاصمين ؟

^^^
دام الفريق ابو كلب مايسوون له شيء انت متخيل واحد يوفاوي مسويها ؟!! اتوقع يسحبون دوري العام ويرجعون جوفنيكو ايسلا واسامواه لانديتهم ..!


فيه طراطيش حكي ان اليوفي بياخذ بيرسي وبنفس الوقت مقايضه راس براس بدزيكو !!. حركة حلوة خاصة وان السيتي قالوا نبي اكثر من 20 بدزيكو !! بهالحركة هذي تاخذ دزيكو بسعر بيرسي اللي هو 20

السلام عليكم ورحمة الله وبركاته

إقتباس الا كل الأندية حصلت لها وعليها أخطاء تحكيمية لكن الميلآن هو أكثر المتضررين ! في آوآخر شهر أبريل اليوفي واجه تشزينا .. وكالعادة اذا انحشر اليوفي وواجه خصم منظم حتى لو كان تشيزينا متذيل الترتيب راح يلقى الدعم من الحكام .. ركلة جزاء قممممة في المسخرة احتسبها الحكم بمباركة من المساعد مع ان اللمسة كانت واااضحة خارج المنطقة .. صحيح ضيعها بيرلو لكن الموضوع صار واضح .. متى ما عانى اليوفي راح يلقى الدعم زي ماحصل طوال الموسم .. اللي سواه ميلان هذا الموسم معجزة يستحق عليها التحية وهو البطل الغير متوج للأسف .. فريق يلعب بالبدلاء معظم فترات الموسم لكنه يتصدر لعدة اسابيع ومع بقاء 4 جولات على النهاية يبتعد بفارق 3 نقاط عن المتصدر بسبب جرائم تحكيمية افقدته 9 نقاط مستحقة .. حقيقة شي اعجازي مايسويه الا فريق كبير بعكس يوفنتوس اللي مايعرف ينافس ابداً ولا يحقق بطولات إلا بهذه الاساليب .. المضحك من بعض جماهير اليوفي الاستشهاد ببعض الحالات التحكيمية من باب الحشو على اساس حتى احنا تعرضنا للظلم ! لكن في الواقع ان بعض هذه الحالات غير موجودة ابرزها ركلة جزاء بيرلو في مباراة بارما .. كانت عملية تمثيل ومبالغة في السقوط وكان قبلها بدقائق ركلة جزاء اوضح منها لبارما وجيوفينكو تحديداً .. وبعض الحالات غير مؤثرة .. ركلة جزاء في مباراة فاز فيها الفريق 4-0 ! وبعضها حالات صحيحة مثل لمسة اليد على مدافع سيينا اللي حصلت بعدها فوضى من كونتي وادارة اليوفي واعلامهم وتباكوا عليها اسبوع كامل لكن نفس اللمسة حصلت مرتين في مباراة كالياري على بونوتشي ومااحتسبها الحكم ولا احد تكلم ! هذا النوع من الاخطاء عادي جداً وياما حصل للميلان ولو حبينا نذكر بعض الحالات المشابهة .. بلنتيين في مباراة فيورنتينا وحدة من لمسة يد والثانية شد واستمرار في الشد حتى سقط باتو .. وفي مباراة اودينيزي نفس الشد حصل لانزاجي وفي المباراتين تعثر ميلان بالتعادل .. بالإضافة لركلة الجزاء الواضحة لـ كاسانو في مباراة تشيزينا لكن الفريق فاز فيها وماصار لها اهمية لكن مو كل مرة يقاوم الفريق اخطاء الحكام ! كانت فيه اخطاء للحكام لمصلحة ميلان وهذا شي طبيعي .. كل فريق في كل موسم تكون له وعليه اخطاء تحكيمية لكن الفرق كبير بين الاخطاء البشرية و الفضائح المتعمدة .. ميلان حصل على ركلة جزاء غير صحيحة ضد بولونيا لكن في نفس المباراة الحكم مااحتسب ركلة جزاء واضحة 100% لابرا .. وهذا تكرر لما كان لجنوى ركلة جزاء بعد لمسة يد على نيستا لكن أيضاً الحكم كان في موقع ممتاز وشاهد كالادزي يعرقل ابرا ومااحتسب ركلة جزاء واضحة للميلان .. احنا مانتكلم عن اخطاء بشرية تحصل في كل موسم ويستفيد ويتضرر منها كل الاندية الـ 20 زي لمسة اليد داخل المنطقة أو تسلل على جزء من جسم اللاعب او احتكاك داخل المنطقة .. نتكلم عن فضائح وكوارث تحكيمية اقسم بالله انها متعمدة وامتداد للحالات اللي كانت تحصل في موسمي 2004/2005 و 2005/2006 واللي ثبت بعدها وجود تلاعبات هبط بسببها اليوفي .. سكوديتو العار ! يوفنتوس كان مرتاح ومتفرغ للدوري في المقابل ميلان واجه ضغط كبير وجدوله كان مزدحم بالذات في الربع الاخير من الموسم واجه ارسنال - يوفنتوس - روما ومباراتين ضد برشلونه كل هذا خلال شهر وبغياب 13 لاعب وكان يلعب معظم الموسم بغياب اكثر من 13 لاعب ولهذا كانت خيارات اليجري على الدكة معدومة وزاد ارهاق اللاعبين اللي اضطروا للعب مباراة كاملة كل ثلاثة ايام بدون راحة لعدم وجود بدلاء .. كل هذه الظروف تجاوزها ميلان بالعمل الكبير من أللغري واللاعبين وبشخصية الفريق البطل وما كان لها تأثير في حرمان الفريق من اللقب لكن الشي الوحيد اللي عجز الفريق عن مقاومته هو الفضائح والقرارات التحكيمية المتعمدة واشدد على نقطة المتعمدة .. نتكلم عن اهداف يسجلها الفريق وتلغى .. وبلنتيات تحتسب وبعد كذا يتدخل المساعد يلغيها .. اقسم بالله فوضى وفساد زي كذا ماشفت وماراح اشوف الا في دوري المافيا .. تكلمت عن البلنتيين في مباراة فيورنتينا اللي ما احتسبهم الحكم لكن هدف صحيح وواضح يسجله سيدورف يلغيه نفس المساعد اللي الغى بعد كذا هدف مونتاري في مرمى اليوفي وكان نقطة التحول في الموسم وبسببه نافس اليوفي حتى النهاية ولولاه لاستمر حتى الان ينافس نابولي وانتر على مركز مؤهل لدوري الابطال .. ركلة جزاء يحتسبها الحكم في مباراة لاتسيو يتدخل المساعد ويلغيها !! .. هدف في مرمى كاتانيا بعد ماتجاوزت الكرة خط المرمى وما احتسبه الحكم .. في الوقت اللي احتسب فيه هدف لروما وهدف لليتشي من حالات اصعب بكثير من هدفي مونتاري وروبينيو !! وبعد كل هذا وحتى لما تساوى اليوفي مع ميلان في النقاط يصر الحكام على حرمان ميلان من اللقب ويتم الغاء هدف صحيح بالجولة 34 في مرمى بولونيا باحتساب تسلل أي مساعد مبتدئ مستحيل يحسبه ! والله اللي صار الموسم الماضي كآن في قمة المهزلة بأتم معنى الكلمة وفضيحة اسوأ واقـذر من فضيحة 2005 و 2006 وهناك من سعى لحرمان ميلان من اللقب هذا الموسم ونجح .. ! الكالتشيو للأسف مجرد خدعة ولعبة قـذرة جداً تأكدت بعد سلب اللقب من الميلان انه مستحيل ينظف بالذات في ظل وجود نادي زي يوفنتوس نادي المافيا ما كان ودي أنكث المآضي ، وأتكلم بشكل جدي في أشياء دقيقة بالموسم المآضي قد مضت وولت لكن أخوي سكرو أنت ألحيت علي ولك مآ أردت يا جماعة الخير .. الميلان تعرض لأخطاء تحكيمية في الموسم الماضي واللي قبله واللي قبله وفي الشامبيونز ليغ أمام مدريد والبرسا .. انلقمنا اربعة من المانيو ولا قلنا شيء لأنها كانت مستحقة بسبب ضعف الميلان اللي كان متأثر بالغيابات وفي وجود ليوناردو زادت الطينة بلة .. لكن حنا هنا ما نتكلم عن أخطآء تحكيمية .. ما نتكلم عن بلنتي أو ركنية .. نتكلم عن أهداف تسجل ولكن لا تحتسب بل تلغى !! الميلان كان بطل وكان يهجم ويوصل ويسجل .. لكن الأهداف كان تلغى !! وش تبونا نسوي أكثر من كذا عشان نفوز .. ؟!

محد جاب طاري الميلان اطلاقا
وانت بردك طبقت المثل " فسر الماء بعد الجهد بالماء " انا قلت ان كل الفرق لها اخطاء تحكيمية وعليها

وانت رفضت هالفكرة ورديت رد وهو نفس الشيء

واخطاء الميلان مثل ماقلت مالها علاقة بالموضوع, انت تتكلم عن استحقاق اليوفي للدوري وعمالة الاتحاد الايطالي معه وووو
وانا قلت لك وين الاتحاد الايطالي عن الاخطاء الفلانية
ووين الاتحاد الايطالي العام قبل الماضي ليه ماخلى اليوفي يتاهل للابطال على الاقل مو الرئيس نفسه انيللي
وليش الاتحاد العميل ظلم اليوفي بكذا مناسبة واحرق اعصابنا لين اخر جولتين ليه ما ريحنا في كذا مباراة انظلم اليوفي فيها ؟

بالمناسبة الاعلام الميلاني ضلل الجمهور بهدف مونتاري الصحيح 100% واشغل اللاعبين والجمهور فيه وبعدها سلمو الصدارة لليوفي على طبق من ذهب يوم انهزمو من فيورنتينا 2-1 وبعدها من الانتر

اسأل رابطة اليوفي عن اللي ماياكل بيده ما يشبع
لاتنتظر غيرك يخدمك, فز ولاتنتظر احد

اول رد لي بخصوص الميلان لان كل اللي صاير قبل هجوم على اليوفي

إقتباس شوي شوي ونصير نقارن بيب مع كونتي خخخخخخخخخ يا الحبيب بيب وين وكونتي وين !! بيب سحق مدريد قبل موري وبعد موري وبنتائج تاريخية .. بيب طقطق على مانشستر فيرغسون .. بيب له صولات وجولات في الشامبيونز حتى وإن لقي دعم من بلاتيني إلا أن عمله كان واضح .. وكان مقدم برشلونة بشكل جميل .. لذلك ما فيه مجال نقول فيه أن مافيا أسبانيا خلف بيب .. هذا غير أن ما فيه نادي سجل على برشلونة وألغيت أهدافه كل أهداف مدريد اللي كانوا يسجلونها في برشلونة كانوا الحكام يحتسبونها وكان فالديز له ذمة وضمير

اتمنى انك تقرا الرد ثاني مرة /

إقتباس لكن مافيا ايطاليا دعمت المدرب الشاب !!! منطق غريب !! مافيا اسبانيا دعمت جوارديولا اللي اول مرة يدرب بحياته بالليقا وحقق الدوري مافيا ايطاليا دعمت كابيللو اللي اول خلف ساكي واول مرة يدرب فريق اول وحقق الدوري منطق غريب واكيد منبعه التعصب الزايد

اانا قلت ان كونتي نفس جوارديولا ؟

ياناس احد فهم اني اقارن بينهم واشبه كونتي فيه ؟
رجاء من الاعضاء هل احد فهم من كلامي اني اقارن كونتي بجوارديولا ؟

انا ارد على كلامك يوم قلت انه مدرب شاب وقف معه الاتحاد الايطالي
قلت يعني الاتحاد الاسباني وقف مع جوارديولا الشاب
والاتحاد الايطالي وقف مع كابيللو الشاب يوم يمسك الميلان بعد ساكي

انت فسرته على كيفك وقمت تسقط على كونتي بعلاقته مع جوارديولا واخترت اللي تبغاه ولا حاولت تستوعب ردي اطلاقا بدليل انك تغاضيت عن كابيللو

إقتباس من كل اللي قلتهم خذ منهم بس زوف وجنتيللي وتارديللي وكانافارو وبوفون .. بس معليش تقحم أسماء مثل كامو وديل بييرو وزامب مع منتخب إيطالي كان شايلهم بنجومه هنآ ما يسمى بـ ( التغرير ) تخيل الآزوري 2006 بدون بيرلو وبوفون ؟ بينفعونك كامورانيزي وزامب ؟ أكيد لا .. لكن تخيل الآزوري 2006 بدون زامب وكامورانيزي ؟ بينفعونك بيرلو وبوفون ؟ إيه أكيد بينفعون وبيفرقون .. لذلك لما تقول اليوفي مؤثر بالآزوري كان من المفترض أنك تقول الأسماء اللي كانت مؤثرة مو مجرد سرد هويات وبس .. لأكثر مصداقية فقط ! ديل بيرو لحاله حكاية .. أدري أنه أسطورة إيطالية واليوفاوية يحبونه وكذا لكن تدري كم مرة نكب منتخب بلاده باليورو خصوصاً وأنتم اعرف مني بهالسالفة ! - كانفارو كان كما قالوا .. جدار برلين .. لكن جائزة أفضل لاعب بالعالم ؟! بوفون وزيدان وبيرلو استحقوها أكثر منه .. لكن بسبب الكابتنية فقط أخذ الجائزة ..

نقطة اليوفي والمنتخب لاتعليق صراحة ليتك قلت لاتعليق بدل هالرد
ما ادري هل اللي تبغى توصل له ان اليوفي ماله علاقة بالمنتخب
او اليوفي لاعبينه عاديين بالمنتخب
او ايش بالتحديد ؟

انا قلت ان هالنقاش منتهي لانك مو مقتنع واختزلت المنتخب الايطالي بتمريرة من كاسانو الميلاني !!
اي فكر هذا اللي تختزل منتخب كامل لعب 5 مباريات بتمريرة واحد ميلاني وتلصق الفشل باليوفنتوس !!

الاندية الايطاليه كلها لها فضل على منتخب ايطاليا لكن كل نادي له نسبة ونسبة الفضل الاكبر لليوفي
اذا بتختزلها بتمريرة ترا توتي مرر لدل بييرو يعني روما افضل داعم للمنتخب
وياكونتا مسجل على غانا يعني اودنيزي هو المنتخب
او هدفي بالوتيلي على المانيا يعني مانشستر سيتي بخير اذن منتخب ايطاليا بخير

إقتباس نتكلم عن فضائح وكوارث تحكيمية اقسم بالله انها متعمدة

قاعد تنصحنا عن صور الحريم والاسلام وانك رايح للحرم وبالاخير تحلف انها متعمدة
هل فتشت عن اللي داخل قلوبهم
هل فيه احد يعرف النوايا ؟
اتق الله الله يجزانا واياك الخير





================


شباب ترا الفكر هذا سائد
البطل ماراح يعجب المنافسين اطلاقا

في اسبانيا يقولون البرشا فريق التحكيم , ويوم اخذ الريال الدوري قالو البرشا ان مدريد فريق التحكيم
الانجليز يقولون الاتحاد المانشستراوي بدل الانجليزي وان مانشستر فريق التحكيم
وكنا نقول الاتحاد الانتراوي يوم كان الانتر يجيب الدوري
والهلال هنا فريق الحكام وفريق الحكومة وكل شيء

وهذا عرف صاير بين الجمهور, لكن الجمهور اللي بيتمسك فيه بيدج واللي بيقتنع ان هذي كورة القدم اخطاء بيتطور

على طاري الانتر يذكرون الاخوان الانتراوية هنا كلامنا عن الانتر

كنت اسميه قطار الانتر السريع ولا استنقصت من اي دوري جابوه من بعد الكالشيو بولي رغم اني اكره الانتر كره العمى ودايم اقول هالشيء بالاستديو وبرابطتهم حتى لكن يوم جابو الدوري اهنيهم وابارك لهم كل موسم واقول انه قطار سريع يدعس الفرق

لهم اخطاء تحكيمية ؟ نعم لهم مثل هدفهم على سيينا وهدف مايكون باليد
عليهم اخطاء تحكيمية ؟ نعم انظلمو مثل مالهم اخطاء خدمتهم

وهذي حال كرة القدم , الفريق القوي ما يعتذر بالتحكيم دائما مثل ماقال الغرناطي وقلته انا يوم ادارة اليوفي التزمت الصمت وشبت في الحكام كنت اكتب بالرابطة واقول يداك اوكتا وفوك نفخ خلو بوريللو ينفعكم وخلو تحفظ كونتي ينفعكم

مشعل يا أحمق لماذا كشفت إستعداداتنا و الإكتفاء و النقص لدينا في الزاد البشري ، عنـد الأعداء ؟؟


روما اليوم طـرب ، باقي الدفاع يُدعم و أمورنا تكون بـ التمام إن شالله في الموسم الجـاي ..

^^^^

من العام وروما طرب وعنده عناصر قويه بالوسط والهجوم وكمجمل بهالخطين هو أفضل فريق بالكالتشيو العام ،، وكان تكتيك ابو حنك عاجبني بقوه والفريق كان استحواذه بطل ،، لكن كان عيبه ما يعرف يدافع ولا يوظف المدافعين ،، وتوظيف بعض عناصر الهجوم غبي ،، أوزفالدو جناح وبويان رأس حربه وأحيان يخلي لاميلا احتياط وهو من أفضل اللاعبين مهاره بالدوري الإيطالي لو انه بزر وعليه شطحات تحتاج جزمة فيرقسون الله يكرمكم ،، لكن مهاري بطل ،، وبرضه كان يعيب على روما انه انريكي ما يستقر على تشكيله ثابته ،، الظاهر انتهى الدوري ومافيه مباراتين ورا بعض نفس العناصر ،، عموما الفريق عناصريا ممتاز بالوسط والهجوم لكن باقي الدفاع وماندري عن زيمان ،، لأني سمعت انه يلعب توتي جناح ههههههه ،، اذا يبي يصير زي توظيف الحنتس اجل ماعنده سالفه

حظيظ ..

أما روما إنريكي طرب ، إلا قل طوال الموسم حواق و تجريب على قل سنع ، هذا غير التذبذب و السوء في المستوى ، و الي كان من أهم
أسبابه قناعاته الرهيبه بسم الله عليه ، روما إنريكي كانت معقدة ، و ما تملك حلول فعليه ، الفكرة كانت إمسكوا الكورة و خلوها تدور بينكم
لين الله يفرجها ، روما إنريكي أيضاً كان فيها بهرجة تكتيكية ، مثل عندك توتي رأس الحربة ولكنهو يعود و يكونو خلف الجناحيني .
لكن اليوم وش شفنا ، شفنا كورة سلسة ، تنقلات جميلة بين اللاعبين ، هجمات منظمة و تشكيل خطورة على مرمى الخصم طوال شوطي
المباراة ، بـ عكس روما إنريكي ، الي غالباً روما شوط عال العال و شوط زي زفت " مباراة نابولي إياب كـ مثال "


زيمـان غير ..

إقتباس طقطقه عيالنا على ليفربول قبل شوي

جمله تكتيكيه و سرعه و تحركات هبلت في دفاع الانجليز

أنريكي كانت لديه الفكرة و يفتقد للخبره و لم يستطع أن يدير فريق كـ روما .. ربما بعد عدد من السنوات قد نجد

لويس انريكيه ينجح و يعود للكالشيو بعد ان يعلم أن الإستقرار على تشكيلة = نصف النجاح .

زيمان ربما يكون الرجل المثالي لـ روما في هذا التوقيت .

وششسمه الصروة اهداء للاتسيالي مدري ابو اريج خوياك طلوزة ف اجازة وشوف وش صاد لك ناقص روما ظهيرين وقلب دفاع وقبل ما يبدا الدوري زيمان يدق ف التوفي

قرارات المحكمه ،،

إيقاف كونتي لمدة 6 شهور لعدم الإبلاغ عن التلاعب ،، مع العلم ان الي اتهمه شخص واحد بس و28 لاعب وقعو انه ماله دخل
والأغرب انه بيبي نفس الحكايه متهم انه مابلغ السلطات او عدم تعاون مع السلطات ،،
طيب لاعبين سيينا كلهم ليش ماوقفوهم بتهمة عدم التعاون مع السلطات ؟
بونوتشي إيقاف ثلاث سنوات ،، طيب رانوكيا كان معه بالفريق ليه ماوقفوه أو على الأقل نفس كونتي وبيبي واعتبروه عدم عدم تعاون مع السلطات ،، وش معنى بس هذولا اتهموهم عدم تعاون وهم مالهم دخل بالسالفه. وتركو لاعبين سيينا كلهم وتركو لاعبين باري كلهم وركزو بس على اللي انتقلو لليوفي وصارو نجوم ؟

اتحاد فاسد

السلام عليكم ورحمة الله وبركاته

إقتباس الرسالة الأصلية كتبت بواسطة حظيظ قرارات المحكمه ،، إيقاف كونتي لمدة 6 شهور لعدم الإبلاغ عن التلاعب ،، مع العلم ان الي اتهمه شخص واحد بس و28 لاعب وقعو انه ماله دخل والأغرب انه بيبي نفس الحكايه متهم انه مابلغ السلطات او عدم تعاون مع السلطات ،، طيب لاعبين سيينا كلهم ليش ماوقفوهم بتهمة عدم التعاون مع السلطات ؟ بونوتشي إيقاف ثلاث سنوات ،، طيب رانوكيا كان معه بالفريق ليه ماوقفوه أو على الأقل نفس كونتي وبيبي واعتبروه عدم عدم تعاون مع السلطات ،، وش معنى بس هذولا اتهموهم عدم تعاون وهم مالهم دخل بالسالفه. وتركو لاعبين سيينا كلهم وتركو لاعبين باري كلهم وركزو بس على اللي انتقلو لليوفي وصارو نجوم ؟ اتحاد فاسد

جابو كونتي بتهمة التلاعب
لاعب واحد متهمه وبقية الفريق في صف كونتي
يوم المحكمة شافت كونتي بريء وجهت له تهمة التستر على التلاعب

المباراة كانت بين اودنيزي وباري في 2010
وتركو كل اللاعبين ولا استدعو الا بونوتشي اللي كان مع باري وبيبي اللي مع الاودني

حظيظ رانويكا كان مصاب في ذيك المباراة

محامي كونتي بيستأنف , ومحامي موجي يقول شكلها توقيف 10 شهور

الغرناطي

انا اسأل نفس السؤال
لان الاتحاد الايطالي يوقف ولا يتنفذ مدري وش جوهم
دائما يوقفون الرؤساء ومع ذلك يمارسون عملهم ويحضرون المباريات


الغريب انهم مستدعين بونوتشي وبيبي اللي ماكانو وقتها باليوفي مثل ماقلت
لكن الحين بتجيك الصحافة ويقولون ايه من يومهم صغار يوفاوية علشان كذا الغش في دمهم من يومهم بفرقهم القديمة

هالتهمة مالها اساس من الصحة لان بونوتشي انتراوي ولاعب مع الفئات السنية الانتراوية وجمهور اليوفي طقطق عليه يوم يحلق صفر ويخلي 3 نجمات بالصلعه بعد اسكديتو العام الماضي وقالو وشلون يحتفل ببطولة 2006 مع الانتر بعد قرار المحكمة, والحين يحتفل بـ30 بطولة مع اليوفي ارسى لك على بر يا بونوتشي