|
التأخير في التعاقد مع المدرب وعديناه ؛ أما التأخير في التعاقد مع الاجانب ؛ مايعدي!! اللي جالس يصير فينا كثييييييير!! من المفترض من وقت ماشفنا ان (دول) غير مناسب؛ ان نبحث عن مدرب من منتصف الموسم الماضي بكل هدووووء؛ ونتعاقد معه للموسم الجديد.. ولكن!! (عديناها) من المفترض من وقت ماجانا (كومباريه) أن تكون اسماء الاجانب جاهزة؛ يختار ونوقع.. ولكن!! (مانعديها) قالوا؛ الاسماء جاهزة؛ طيب ليش ماوقعوا للحين!! المعسكر قرب ينتهي؛ والاجانب لسه ماندري مين يبقى ومين يمشي!! مايبغوا يخسروا ريال واحد من الجيب؛ لازم على قد مايبيعوا؛ على قد مايشتروا!! الهلال في محك وفي ورطة؛ لازم التضحية.. مثل ما الجمهور تجاوز عنهم وعدى اخطاء التأخير؛ في التعاقد مع المدرب؛ ع الاقل هم يتجاوزوا عن تفاصيل؛ المبالغ في التعاقدات مع الاجانب.. ياجماعة مافي وقت؛ ضحوا.. الاتحاد مفلس؛ واتعاقد مع (دي سوزا) ؛ ونعم التضحية!! لو ضاعت الآسيوية بسبب اللامبالاة؛ محد راح يسامحكم؛ احترموا (الهلال).. |
، اخي الكريم احترم رايك كثيراً ولكن الادارة وضحت امور المدرب ، مو ذنب الادارة ان المدربين الكبار رافضين العمل في منطقة الشرق الاوسط وتحديدا السعودية ، بالنسبة فيما يخص الاجانب تبقى وقت كافي للتعاقد باذن الله ، الامر لا تعتقد انه بسيط بهذا الشكل ، العربي مغادر وبديله صانع لعب والمدافع باذن الله سيتم التعاقد معه ، تاخر الادارة قد يكون هناك سبب في تاخر التوقيع ، علينا بدعم الفريق وباذن الله الامور بخير . ، |
ابشر طال عمرك بنخلصهم لك في اقرب وقت ممكن |
بخصوص عنوانك .... يعني ناوي تحاسب الإداره ولا وش ..... اما بخصوص الاجانب كانو جاهزين ولا زالو جاهزين ولكن المدرب طلب حضور الأجانب الحاليين للوقوف على مستوياتهم واليوم يعطي قراره النهائي عنهم جميعا العربي يغادر ويأتي بديله لاعب وسط هرماش يغادر والمدرب يضع اسمين بديلين عنه لأن هرماش محور هجومي والمدرب يريد محور دفاعي الكوري لديه عرض ولكن اتوقع انه باقي والمدافع يوقع يوم الخميس القادم يعني يوم الخميس القادم بإذن الله على حسب التصريحات وكلام الصحف إنه سوف يعلن عن المدافع مع لاعب كبير جدا بديل العربي وبذلك يكون عندنا 3 أجانب الكوري واللاعبين الأخيرين وبديل هرماش ان شاء الله يخلصون معه بدري وشكرا |
إقتباس:
عاجبك التأخير!! اجل اعترف انك هلالي صميييييييييييييييييييييم:s2: |
موسم الافعال اجل امممممم سيدي الرئيس لا لا لا ما هكذا تورد الابل انت تسير بالنادي الي الهاويه ولن تجد في حال اخفق النادي بسبب هذا الاستعداد السء للموسم القادم الا اقلام جارحه كالرصاص ولا لن تجد الا جماهير غاضبه كالاسد في البراري تزأر بصوت عالي من اجل انقاذ النادي منك يا سيدي الريس فهل من اذن صاغيه قبل فوات الاوان وقبل ان تقع الفاس بالراس |
إقتباس:
وبخصوص كلامك اني بحاسب الادارة؛ ايوا من حقي احاسبها؛ اي فريق بدوووون جمهور مايسوى شي.. مثل ما الجمهوووووووور له دوووور كبييييير في بطولات الهلال؛ المفروض ادارة الهلال تريحنا ع الاقل مو ترفع ضغطنا |
ياناس والله شي يقهر اقسم بالله ياناس ياهو الفريق لازم يكون متجانس وفريقنا لسا ماتعاقد مع اجانب والمعسكر خلاص على نهايته بالله متى يجيبهم ومتى يمديهم يلعبون ويوقف المدرب على امكانياتهم ويوظفهم التوظيف السليم الزبده اني متشائم |
.. يجب علينا كـ "مشجعين" لنادي الهلال ان يكون لدينا يقين بأن الهلال برئاسة الامير عبدالرحمن بين مساعد وإدارتة ، احرص منا جميعاً على الفريق وإعداده بالشكل المطلوب ، ويجب أن يكون لدينا قناعة إيضاً بأن الهلال ليس من السهل ان يتعاقد مع لاعب او مدرب بحكم الجهات التي تدخل في الصفقات الهلالية لغرض " التخريب " ، اتمنى من الجمهور الكريم الصبر على الادارة لكي تعمل في جو مناسب وتكون النتائج إيجابية دائماً ! .. |
طيب انت خلهم الحين يوقعون ثم بعدها حاسب على كيف كيفك تكفووون اركدوووووووا تراهم ماشين صح حسب نظرتي الفنيه وخططي المدروسه على ما اعتقد ينتظرون لاعب برازيلي ناديه يلعب اليومين ذي انتم خلوهم على راحتهم ... اي شخص يفكر بدون ضغوط نفسيه والله يتوفق في أختياراته بعد توفيق الله سبحانه وتعالى |
على هونكم يا جماعة على الادارة ، على سالفه المدرب انغسل شراع الادراة ، على سالفه ياسر ورجعته للنادي انغسل شراع الادارة ، على سالفه الفريدي نفس الحكايه ، والحين سالفه الاعبين الاجانب . استغرب من بعض الناس اللي جالس في بيتهم وما يدري وش خبايا الموضوع وليه الادارة تاخرت ويجلس ينتقد ويطرح مواضيع مالها اي هدف غير هجوم فقط على الادارة . انا معك ان اللاعبين تاخرو بس لا تنسى ان المدرب ما وصل المعسكر غير الاسبوع الماضي ، ولا نقبل احنا كجمهور هلالي ان الادارة تتخذ قرار الاعبين دون الرجوع للمدرب ، الحين المدرب وصل وبعد ما وصل بدانا نسمع ان هرماش رايح وما يبيه المدرب ، هذا يدل ان الادارة كانت تنتظر المدرب ، وحتى ان كانت الادارة متفقه مع لاعبين قبل ما يجي المدرب يمكن انه ما يبيهم ويبي غيرهم .. اللي اقصده ان على جمهور الزعيم يحط الف عذر وعذر لتاخر التعاقدات ، ولا احد يجي شاطح ويقول هذا يطبل للادارة ويدافع عنها ، بالعكس المطلوب من كل الجمهور الهلالي انتقاد الادارة بس مش الحين ، على الاقل بعد شهرين ثلاث من ابتداء الموسم ، انتقاد على اداء الفريق ، او نتائج الفريق ، او مستوى الاعبين سواء الاجانب او المحليين ، او اختيار المدرب ، احنا كجمهور اهم شي عندنا نتيجه عمل الادارة وحنا ما نبي غير مستوى فريق قوي يحقق نتائج ويحقق بطولات وهذا اللي لنا حق نحاسب الادارة عليه . تحياتي ،،، |
شلون مابتعديها .. وش بتسوي مثلا ؟ الله يصلحك ويصلحنا |
استغرب بعض الاخوه المطبلين للاداره وكأنها تعمل علي اكمل وجه ومخلصين المدرب والاجانب ومعسكرين وكل الامور تمام انا وغيري من الي ينتقد العمل حريصين كل الحرص علي الكيان الهلال اخذت علي عاتقي اني لا اطبل لأي شخص من الاشخاص مهما كان اسمه الاداره تتخبط وتعيييد سيناريو العام الماضي المدرب اخذنا معه شهور واحنا نفاوضه وهو عاطل والمدافع كذالك السالفه مو مدرب السالفه بالمفاوض الهلالي صراحه لم يمر علي غموض بالهلال مثل هالسنه والله يستر |
انا اقول نصبر ونركد ونشوف نهايتها كل مره سرعه سرعه وفي النهايه قرارات متسرعه وغير مفيده المره ذي المدرب هو المسؤول واظن التاخير هذا عشان المدرب يقدر يجلس معهم كم اسبوع عشان يقدر يحكم والله يختار مافيه الخير |
والله انا اقول توريه يماطل والعربي مالقو له عرض مناسب يعود على الفريق بل فأده وعلى كذا اذا زي ماتقول ضحو بكره والهلال مديون عشان ايش ابيع برخيص ازيد من جيبي يخوي باقي وقت وان شاء الله يتعاقدون مع لاعبين كويسين بعدين اتو اذا تعاقتو بسرعه قتو ليش ما انتظر وفكر في احسن من غيره ون تاخر قلتو متى يتعاقد وش تبون انتو بضبط اتركو هاذي الامو للاداره وماعليكم كلنا ثقه بالله ومن ثم بلامير عبد الرحمن الله يوفقه |
بعض الردود عايشين اهلها في القرون الوسطى ( سم طال عمرك والشيوخ أبخص ) بالنسبة للموضوع : عندما تعاقدت الإدارة مع كمبواريه وانتقدنا التأخير كان البعض يظن اننا ضد المدرب بينما نحن ضد الأسلوب والطريقة الآن مع الأجانب لازال مفاوضين الدجة يستخفون بالهلال ويغامرون بمستقبله والإدارة تجامل المعسكر على وشك الإنتهاء ولااحد يدري من الموجود ومن المغادر والفريدي يطقطق ويتجول في ميونخ على حساب الهلال وبيرجع يوقع لنادي ثاني |
اذا احد عاتب الاداره ياويله !!! وش هالتطبيل الاداره عندها اخطاء ومستمره علينا من حقنا كاجمهور نحاسبها على الاخطاء اخطاء موسمين والان جالسه تتكرر الاجانب قالوا جاهزين طيب وينهم؟؟ المعسكر كلها اسبوع ويخلص وين الاجانب؟ الانتقالات كلها اسبوعين وتقفل |
إقتباس:
الموسم هذا اذا نجح الفريق فيه راح يكون معجزة :cry: |
إقتباس:
حنا نقول انتقد الادارة وان بغيت ادخل عليهم النادي بعقالك اذا شفت الفريق مستواه هابط ولا يحقق نتائج ولاعبين اي كلام ، اما الانتقاد والهجوم الحين بدون معرفه الاسباب والاهم معرفه نتائج ها التاخير وتأثيره على الفريق اعتبره سابق لاوانه |
لا اوافقك الرأي اخي انت تظن اللاعبين جالسين قدام المعسكر يوقولو لك تعال اختار؟؟ الاجانب يبي لهم اختيار بعناية اكثر من المدرب ويبي لها صبر وتاكد ان الادارة تعمل عمل رهيب واحنا هنا جالسين ورجل على رجل واحجازات وشاي وتمشيات يعني الكلام سهل لو مكانهم اي واحد ينتقد لو يعطوك مائة مليون يورو ما قدرت تتعاقد مع اناس مناسبين بسرعة |
گــــل تـــأخــيرهـ فــيــــها خـــــيــــر هـ - |
أتركوا الأدارة تعمل ,, فهي ابخص ....... |
الإداره تترنح وهزت ثقتنا فيها بكل أسف بالتوفيق للملكي شكرا لك |
يعني وش تبغانا نسوي نروح نضرب الرئيس بعدين وضح الأمير عبدالرحمن بن مساعد الأسبوع الماضي إن الحكم على الأجانب راح يكون بعد منتصف الأسبوع القادم الي هو الأسبوع هذا حتى يكون فيه حكم للمدرب على الاعبين ويكون فيه تصور واضح |
اقول والله بربرنا ولا مابربرنا الاداره اللي في راسها بتسويه والتأخير تبي تتأخر .. لذا خلوا هالمنتدى لتحفيز الجمهور.. |
باذن الله الاداره تجلب اجانب يبيضو الوجه سمعنا بالاونه الاخيره اخبار عن التعاقد مع انيلكا وتوريه اتمنى ماتصدق هالاخبار هالاعبين في اخر مسيرتهم يا خي وش نبي فيهم نبغى لاعيبه شباب ويفتون |
كل شي متروك لقائد سفينة الزعيم ابن مساعد |
اولا صبرنا إلى أن مل من صبرنا الصبر ... ثانيا من العيب التهكم على صاحب الموضوع .... ثالثا ... الاداره وضحت قبل فتره ان الاجانب جاهزين لكن ينتظرون المدرب طيب جاء المدرب وين اختفو هالاعبين او بس كلام لاسكات الجمهور المغلوب على امره ..... اشكرك يا صاحب الموضوع على مصداقيتك وحبك للهلال وبعدك كل البعد عن التطبيل واخيرا ارحمو الهلال |
بالبداية قبل التعاقد مع المدرب كنت متحمس جداً بس بعد التعاقد مع هذا المدرب قل الطوح والتحمس وصار عادي جداً يتعاقدو إن شاء الله مع ريان بلال او رضاء تكر ما عاد يهم المهم يبداء الدوري وساعتها ربك وبـ دعواتنا يحلها |
الله يعين لكن احنا مع الفريق والمدرب واللاعبين والاداره قلبا وقالبا ومانقدر نحكم الان ستبدي لك الايام ماكنت جاهلا والله يوفق الزعيم يارب |
| الوقت المعتمد في المنتدى بتوقيت جرينتش +3.
الوقت الان » 12:57 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd