|
تمنياتي للفريدي التوفيق مع النصر نبدا بسم الله بدون مقدمات الفريدي لاعب صغير وباقي عنده مايقدمه الكثير وانا الصراحه اقيمه بالاهميه والمستوى بلاعب ماهو عادي ولاهو نجم يعني متوسط ان جدد للهلال في ظل مستواه هذا المتواضع يكون هو الكسبان وان جدد معه الهلال في ظل مستوياته السابقه والارقام الي قدمها يعتبر الهلال معطيه قيمه كبيره فوق قيمته تدل على ان الامير عبدالرحمن بن مساعد يحاول الابقاء على ابناء الزعيم حتى لو انخفض مستواهم بارك الله فيك ابو فيصل على مجهودك وفقك الله احمد الفريدي ولكن الهلال فوق الجميع اذا احمد يبي الماده يبشر فيها النصر ناقصهم لاعبين والنصر يدفعون ويوقعون على شيكات وعقود بدون مانظرون للخزينه هي تكفي للتعاقد هذا والا لا يعني الله لايعوق بشر متعاقد متعاقد وفي نهاية كل موسم نجد لاعبين او ثلاث مشتكين على نادي النصر لانهم ما استلمو فلوسهم وصراحه واقسم بالله اني اتمنى الفريدي اذا ماجدد للهلال يروح للنصر لكي يعرف قيمة انه كان بنعيم يحسد عليه والنصر ينفع معهم اسلوب الفريدي ويجلسون يلاحقونه وحالتهم حاله يعني اقسم بالله وضع الفريدي كذا مطابق للنصر وافق شن طبقه اذا حب الفريدي يجدد للهلال عليه تغيير سياسته الاعلاميه والي فيها تقليل من الزعيم لاجل اغراضه الشخصيه ومصالحه شفنا عمر الغامدي طلع مكره من الهلال وتم الاستغناء عنه في خطأ لايمكن نسيانه من الاداره الحاليه ومع ذالك ضب ماه بسماه وضل ساكت ولم يتكلم بحرف واحد على الكيان الهلالي شفنا المحياني تم الاستغناء عنه مع انه يخلص للكيان الهلالي وهو عارف انه بيمشي مع ذالك حط الكيان الهلالي اولا ولم يساوم وقال للادراه لاتتعبين نفسك انا احبكم وانا ودي اكمل معكم لكن الفريق مرصع بالنجوم ولا اقدر العب اساسي ومطلبي هو اللعب اساسي يعني اعطانا الزبده وريحنا شفنا اسد الدفاع اسامه هوساوي وكيف رفض كل المغريات وكل الانديه فاوضته قبل ينتهي عقده وقدمو له مبالغ كبيره ومع ذالك قال لكم ياجماعه انا مخلص للهلال ولن العب لغير الهلال ولكني اطمح للاحتراف الخارجي وانتظر لفترة الست اشهر واصبح بمقدوره الانتقال من الهلال بدون اي مشكله ومع ذالك قال لهم وقفو يامفاوضين لن العب لغير الهلال بالسعوديه هذول كلهم امثله صارت الموسم هذا والموسم الي قبله يعني من جيلك وافضل منك مستوى يافريدي ارقى منك تعاملا مع الهلال ومع الجماهير الزرقاء شكرا واعتذر عن الاطاله لاني ماعمري تكلمت عن الفريدي وحبيت اطلع كل ماعندي |
للأسف هذا اللاعب في طريقة للهآوية .. دمر نفسه بنفسه .. الله يهدينا ويآه .. عوآفي يالغالي . |
ماننكر ان الفريدي لاعب مميز ونتمنى ان يوقع للهلال ولكن اذا الفريدي ما يبي الهلال ياخي يروح ويريحنا من القيل والقال راح الثنيان قبله راح النعيمه ,,,, بعد ابو اثنين لحق فيهم الجابر نواف التمياط وخالد التيماوي و نجووووووكثر رحلوا وبقى الكيان شامخ بالبطولات والانجازات نحن مع الهلال ككيان وليس مع لاعبين ضد الكيان |
ماشاء الله عليك وصفت حال الفريدي بالضبط فعلاً هو لايق على النصر واذا يبيهم الله يسهل له |
* الله يكتب اللي فيه الخير لنا وللاعب وإن جدد حياه العين أوسع له من المكان وإن راح الله يسهل له و يوفقه ودي |
الفريدي كان بالامكان حسم موضوعه من زمن لكن الاداره أهملت موضوعه أو بمعني أدق عشان مايزعلون علينا مطبلين الاداره أجلت موضوعه!! الفريدي كان واضح أن الهلال راح يعاني معه وقت تجديده لكن خصوصا بعد تصريحه في لاين سبورت أحب التغير مرور بتصريحه عهد الولاء انتهي مرورا بتوقيعه مع سلطان البلوي مرورا برسالته الشهيره !! كل هالاشياء كانت تدل ان التجديد مع هاللاعب صعب ومعقد وكان يجب حسم موضوعه من بدري لكن الاداره اهملت موضوعه الى حد ماصار كل شي بيد الفريدي ووكيل أعماله الان على الاداره أما التجديد معه بالمبلغ اللي طلبه أو تجعله يرحل بالمجان على طريقة هوساوي والمحياني والخسران في كل الحالتين الهلال! الفريدي لاعب جيد التجديد معه مهم لاسيما أن الفريدي الان في قمة نضوجه أتمني من الاداره حسم مووضوعه وان شاء الله الفريدي باقي في الكتيبه الهلاليه. |
إقتباس:
:thumbup::thumbup::thumbup: |
ماشاء الله عليگ وعلى اسلوبگ والله الفريدي مايدري وش يبي الله يهديه اذا جدد إهلا وسهلا اذا رحل الهلال مايوقف على لاعب مهما كان مستواه ....... |
اتمنى من الله العلي القدير ان يكتب الخيره لزعيمنا وللفريدي وإذا كان له خيره يبقى وإذا الخيره بنقله الله معاه يهمنا مصلحة الهلال ولا غيره شي يهمنا وكلنا عارفين الفريدي وش سوى فينا العام الماضي جميع الجمهور حاقد عليه ومن لعبه البارد وكلنا عارفين وش سوى للزعيم العام الماضي كان له بصمات خطيره ولك تحياتي وتقبل مروري |
للأسف هذا اللاعب في طريقة للهآوية .. دمر نفسه بنفسه .. الله يهدينا ويآه .. عوآفي يالغالي . |
إقتباس:
لكن خلني في جزئية عمر الغامدي !! ماأدري إنت تتكلم عن شي تعرفه يوم تقول أخطأت الإدارة الحالية ولا بس قاعد تسمع كلام وتردده ومع احترامي لك مو عارف أبعاده ؟؟ الآن بسألك وابغاك تجاوبني بأمانة : إذا عندك لايقل عن خمس محاور اثنين أعمارهم ماتجاوزت 23 سنة واثنين اعمارهم ماتجاوزت 28 وواحد عمره تجاوز 37 ، وباالنظام مطلوب منك بالقوة إنك تضحي بواحد منهم فأيهم برأيك يستحق أن يذهب من هؤلاء ؟؟ ابغاك تجاوب كذا بس من شكل الموضوع بصرف النظر عن الأسماء !! مع العلم إنه وقتها عمر الغامدي ماكان عنده الرتم الحالي من المستوى ، فكان المستوى عنده منخفض ، فتخيل معي بتجمع كل هالأمور هاذي إنت لو مكان الإدارة وش راح تسوي مثلا ؟ هل راح تضحي برادوي أو بالشلهوب أو بالغنام او بالدوسري أو أو النظام ماراح يسمح لك إلا بعدد معين من اللاعبين ، والخانة يتطلب فيها عدد محدد فبالله كيف تبغى الإدارة تتعامل بظرف مثل كذا وباحترافية مهنية ؟؟ أتمنى إن الواحد قبل مايكتب أي شي يعرف أبعاد الكلام وأبعاد مايكتب ... لك مني كل التقدير والإحترام .. |
إقتباس:
حيث ان الرسائل التي ذكرتها كانت واضحه لكن ليس لدينا تفاصيل المفاوضات بين الادارة واللاعب هذا درس للادارة في تجديد العقود القادمة :mad: |
إقتباس:
الاداره المفروض تعلمت من درس هوساوي والمحياني وانهت موضوع الفريدي بدري خصوصا بعد تصريحات الفريدي أحب التغير وعهد الولاء انتهي وتوقيعه مع البلوي ورسالته الشهيره! كل هالاشياء تدل أن تجديد عقد الفريدي راح يكون صعب لكن الاداره أجلت موضوعه وصار اللي صار الان كل شي في يد الفريدي ووكيل أعماله! أما نوافق ع شروطه أو يرحل بالمجان ع طريقة هوساوي والمحياني! |
الفريدي حالياً من ابناء النادي وسيبقى ان شاءلله . ان رحل نتمنى له التوفيق وان جدد يستاهل والله يوفقه ويقدم الافضل مع الهلال . لكن الاعلام هو من كبر موضوع عقد الفريدي ولانعلم ربما المفاوضات مع احمد قد توشك ع الانتهاء بتجديد عقده . يعطيك العافيه . |
بالتوووووووووفيق له ... واتمنى فعلا يروح للنصر |
| الوقت المعتمد في المنتدى بتوقيت جرينتش +3.
الوقت الان » 02:14 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd