ياناس خلاص !!

ان جدد للهلال بسعر معقول فالله يحييه ...

واذا رفع خشمه على الهلال فليضفن وجهه !!

اللاعب قاعد يدمر نفسة بالمكابرة على النادي

النصر بيناسب الفريدي مثل ماناسب خالد عزيز

يدقون عليه قبل المباراه بيوم ويجي يلعب

إقتباس الرسالة الأصلية كتبت بواسطة هلالي القريات. نبدا بسم الله بدون مقدمات الفريدي لاعب صغير وباقي عنده مايقدمه الكثير وانا الصراحه اقيمه بالاهميه والمستوى بلاعب ماهو عادي ولاهو نجم يعني متوسط ان جدد للهلال في ظل مستواه هذا المتواضع يكون هو الكسبان وان جدد معه الهلال في ظل مستوياته السابقه والارقام الي قدمها يعتبر الهلال معطيه قيمه كبيره فوق قيمته تدل على ان الامير عبدالرحمن بن مساعد يحاول الابقاء على ابناء الزعيم حتى لو انخفض مستواهم بارك الله فيك ابو فيصل على مجهودك وفقك الله احمد الفريدي ولكن الهلال فوق الجميع اذا احمد يبي الماده يبشر فيها النصر ناقصهم لاعبين والنصر يدفعون ويوقعون على شيكات وعقود بدون مانظرون للخزينه هي تكفي للتعاقد هذا والا لا يعني الله لايعوق بشر متعاقد متعاقد وفي نهاية كل موسم نجد لاعبين او ثلاث مشتكين على نادي النصر لانهم ما استلمو فلوسهم وصراحه واقسم بالله اني اتمنى الفريدي اذا ماجدد للهلال يروح للنصر لكي يعرف قيمة انه كان بنعيم يحسد عليه والنصر ينفع معهم اسلوب الفريدي ويجلسون يلاحقونه وحالتهم حاله يعني اقسم بالله وضع الفريدي كذا مطابق للنصر وافق شن طبقه اذا حب الفريدي يجدد للهلال عليه تغيير سياسته الاعلاميه والي فيها تقليل من الزعيم لاجل اغراضه الشخصيه ومصالحه شفنا عمر الغامدي طلع مكره من الهلال وتم الاستغناء عنه في خطأ لايمكن نسيانه من الاداره الحاليه ومع ذالك ضب ماه بسماه وضل ساكت ولم يتكلم بحرف واحد على الكيان الهلالي شفنا المحياني تم الاستغناء عنه مع انه يخلص للكيان الهلالي وهو عارف انه بيمشي مع ذالك حط الكيان الهلالي اولا ولم يساوم وقال للادراه لاتتعبين نفسك انا احبكم وانا ودي اكمل معكم لكن الفريق مرصع بالنجوم ولا اقدر العب اساسي ومطلبي هو اللعب اساسي يعني اعطانا الزبده وريحنا شفنا اسد الدفاع اسامه هوساوي وكيف رفض كل المغريات وكل الانديه فاوضته قبل ينتهي عقده وقدمو له مبالغ كبيره ومع ذالك قال لكم ياجماعه انا مخلص للهلال ولن العب لغير الهلال ولكني اطمح للاحتراف الخارجي وانتظر لفترة الست اشهر واصبح بمقدوره الانتقال من الهلال بدون اي مشكله ومع ذالك قال لهم وقفو يامفاوضين لن العب لغير الهلال بالسعوديه هذول كلهم امثله صارت الموسم هذا والموسم الي قبله يعني من جيلك وافضل منك مستوى يافريدي ارقى منك تعاملا مع الهلال ومع الجماهير الزرقاء شكرا واعتذر عن الاطاله لاني ماعمري تكلمت عن الفريدي وحبيت اطلع كل ماعندي

اللهم وفق الهلال الملكي ويسر لة جميع امورة

االسلام عليكم
شكرا لك اخي الفاضل
بصراحه اتمني ان الفريدي ينتقل للنصر عاجلا غير اجلا
اللاعب اذا ماحب النادي من قلب وشوله يلعب له اذاكان يلعب
من اجل الماده والمساومه لان الهلال يحبه جمهوره لاعبيه
حب صادق
ولا اقول الا يادارة الهلال غضو النظر عنه واطلقو صراحه
باي ثمن كان وراح يعوضنا ربي خير
احبتي تفائلو بهلالنا خير هذه السنه
وفقكم الله وسدد خطاكم انتم ومحبوبنا جميعا ال
الهلال

تقصد ضد النصر لأنه بيجدد و يبقى معنا إن شاء الله ..

الرجل المناسب في المكان المناسب بسلامته بس خساره ليتهم يسرحونه

انا كنت من المدافعين عنه حتى تأكد انه لايستحق ارتداء الشعار الملكي

يذهب غير مأسوف عليه لنادي الرجيع والفقر او اي فريق الهلال مايوقف عليه

انا مايهمني الفريدي ان جدد او رحل انا يهمني الزعيم وش سوو في الاجانب يهمني اشوف الزعيم وبطولة اسيا

دخلت انديه اماراتيه وقطريه بالخط

اقولها وكلي ثقه بالزعيم
الزعيم لا يتوقف على اي لاعب كان
وقع الفريدي اهلاوسهلا انتقل الله معاه
مع اني بصراحه اشوف المبلغ المقدم له اكبر منه حاليا لان مستواه نازل
بالنسبه للمبلغ المقدم سمعته لكن غير رسمي

الله يوفق احمد وين ماراح سواء للاتحاد او النصر اتمنى يروح للاتحاد ويقودهم للعالميه مع نوور المرعب!!!!!

اهم شي الهلال
ما يهمنا الفريدي وغيره
هو قال ما اقدر اقدم اكثر

ان شاء الله الهلال ما يتأثر

خذ أكبر من حجمه هالفريدي

اتمنى من المشرفين عدم رفع اي موضوع بخصوصه

الى متى يعني

كل يوم موضوعين ثلاثه أو أكثر وكلها نفس المضمون

صار عندي نفسيه من طاريه

فكونا الله يرحم والديكم