|
لم يعد لدينا ملايين فقد وزعناها على زملائك ، ما أشبه الليلة بالبارحة السلام عليكم ورحمة الله و بركاته . شعب الهلال العظيم ، الموج الأزرق ، جن الملاعب . أسعد الله صباحكم / مسائكم بكل خير . جميعنا نتابع ما يفعله إبن أكاديمية الهلال أحمد الفريدي من أساليب لي الذراع و مزايدة على الإدارة . صراحة تخيلت إن الفريدي هو كابتن الهلال و مسجل 30 هدف و صانع 20 بالموسم الماضي ، ترونه ما سوا شيء أبد أبد ، كل اللي سواه إنه خذل الهلال عندما إحتاجه . ليت الإدارة تتعلم من إدارة محمد بن فيصل في تعاملها مع أحمد الدوخي ، تم إمهاله فقط شهرين ، أعطوه الهلال مبلغ 3 ملايين لأربع سنوات ولو ما تبيها ترى نبي نوزعها كمكافأة لتحقيق كأس ولي العهد ، بعد يومين جاء الدوخي يبي يوقع ، قاله أبو سلطان خلاص وزعناها على اللاعبين ، إنتهت الفرصة . ما فيه لف و دوران ، تبي وقع ما تبي الله يستر عليك . وفعلا ما وقع الدوخي و راح و دفن نفسه مع الإتحاد و ما يحتاج أقول وينه الحين . الآن الفريدي نفس السالفة لكن بسيناريو مختلف ، أول شيء 3 ملايين كل سنة ، تصير 5 ملايين لكل سنة ، و الحين يبغاها 7 ملايين ، ياشيخ وين ميسي و حنا ما ندري ؟ الدعيع وقع مع الهلال على طول بدون أي مناقشة ، ياسر رغم إن مستحقاته تأخرت ، لكنه وقع على طول العقد الجديد ، وما يحتاج أذكر الشلهوب اللي لما جدد عقده 2007 وقع دون لا يلتفت للمبلغ اللي كان خمس ملايين لخمس سنين . عموما أتمنى أتمنى أشوف الفريدي مع نادي ثاني ، يبكي و يتحسر لما يشوف الهلال يطلع لاعبين أفضل منه و يتحسف على اللحظة اللي قرر فيها ترك الزعيم . لا أرى في الفريدي الشيء الكبير اللي نتحسف عليه ، لذلك إن جلس حياه الله رغم إنه خسر شيء كبير من حب الجماهير له ، و إن راح الله يستر عليه . بالتوفيق للزعيم |
الفريدي بـ أختصار مغرور وأناني تبي توقعـ بالمبلغ المحدد اهلآ وسهلآ امآ تماطل وتساوم , الهلال يتعذرك ي الفريدي الهلآل من وقف معكك , وجمهور الهلال من كان يهتف لك ويساندكك ! خسارة والله , المشكلة انك طلعت من الفئات السنية بالهلال > المفروض تصير اخر واحد يفكر فـ الاموال فكيف والهلال هو من ابرزكك |
من راح بكيفه يرجع بكيفه وان مارجعه كيفه بكيفه هذا الي عندي للفريدي تحياتي لك |
الله يعطيك العافيه وياخوي لاتصدق اللي يقوله الاعلام ماتعظت مع كثرة المدربين الي طرحوها وارجو تعديل في السطر السادس من احمد الفريدي لاحمد الدوخي تحياتي لك |
يعطيك العافيه اخوي ع موضوع |
الله يذكرك بالخير يا صالح الصقري |
والله وانا اخووك هذا احتراف يعني لعب من أجل المال فقط... الله يوفق الزعييم الملككككي... |
الكورة بملعب شبيهـ الريح...... اتمنى ان يلقى لهالموضوع حل وقبل دخول اللاعب فترة الست شهور لكي لانخسر اللاعب ونخسر المااااااال .... |
مع احترامي لاعب جيد فقط لدكة الإحتياط وعيب ان ادارتنا تخلي لاعب بامكانات الفريدي المتواضعة يجرجرهم يمنة ويسرى والله عيب يعطى مبلغ اكبر من حجمه لإن هالشي راح يسبب مشاكل كثيرة للإدارات المتلاحقة وهالموقف راح يجر كثير من الاعبين وراح يكون تجديد الاعبين اكبر هم لكل ادارة مستقبلية للهلال اتمنى من الأمير عبد الرحمن ان ينظر لكبرياء الهلال ومالذي سيؤثر على مستقبل الهلال قبل الإقدام على اي خطوة للبحث عن مجد شخصي له هوا والله المستعان |
تراه فقع مرارتنا يتشرط ياخي اسكت ووقع منت باحسن من الشلهوب اللي وقع بمبلغ عاااادي وهو لاعب كبير وطيب وانت مغرور واناني وباااارد يمكن الثلاجه اكثر حراره منك وتشرط احمد ربك ان ادارة شبيه الريح فكرت فيك غيركك يتمنون احد يفكر فيهم مثل مالك معاذ شفته وش قال في صدى الملاعب اركد ترى الركاده زينه ومافيه نادي احلى من الهلال الاا ان كنت تنتظر برشلونه او ريال مدريد فهذا شيء راجع لك |
ودي يطلع خارج أسوار النادي وبالتوفيق له |
الفريدي خسر جمهور الهلال بدون جدال ولكن اتمنى ان لايخسر الهلال ولا راح يلقى نادي بالقارة الأسيوية افضل من الهلال والادارة لم تهضم حقه او تطلب منه التنازل او التضحية بالتوقيع للنادي بمبلغ قليل الواضح ان الادارة قدمت له كل ماتستطيع وزيادة ولكنه لازال يبحث عن المزيد ولكنه قد يخسر ومايقدم له الان لن يقدم له مرة اخرى ولايوجد نادي بالمملكة يقدم اكثر من 4 ملايين بالموسم بالفترة الحالية لذا على الفريدي ان لايفوت الفرصة بتوقيع العقد لانه هو الخاسر وربي يوفقه يعطيك العافية |
الفريدي من جه نظري لا يبحث عن مستقبل بأي نادي .. انا اشبه بنور الاتحاد .. الفريدي من الشخصيه الذي يحب الاطراء والتمجيد وان يكون الحلقه الاقوى وكبرياءه لا يسمح بان يكون لاعب عادي .. الفريدي وبدن سابق انذار تفاجأ بسالم الدوسري وتأثيره في وسط الهلال بالاضافه الى العابد وعزوز وطبعا بمن سبقه الموهوب الخلوق الشلهوب .. ففقد الشي الكثير من توهجه بعد ظهورهم وابداعاتهم بالاضافه الى توجه الاعلام وتسليط الضوء على سالم و العابد خاصة بعد المستويات القوية .. لم يعد تاثيره واضح كما قبل .. ولم نعد نفقده كثيرا .. واخيرا اتمنى من الله الشفاء لعزوز ليكتمل عقد وسط الهلال " مع او بدون الفريدي " .. |
لو تسال مالك معاذ او احمد الدوخي او علي يزيد وتقول بنوقع معكم عقد كم تبون ؟ راح يطلبون شي فوق مستواهم فلاتشرهون على الفريدي وتلومونه الشرهه واللوم على الادارة اللي تطلع معه كنه على قولتك مسجل ٣٠ وصانع ٢٠ هدف وحسم ١٠ بطولات ادارتنا خذتها عناد انه مايروح نادي ثاني ولافكرت باحترافية هل سيفيد الهلال بمستواه العام الماضي وهل القيمة المدفوعة توازي عطاءه لوفكرت الادارة بعيد عن العاطفة لوجدت ان ٣٥ مليون تجيب لها فريق كامل من المواهب اللي في ناشئين وشباب واولمبي المنتخب السعودي |
انا اعتقد دام احمد ماتكلم عن العرض من ناحية القبول او الرفض هذا هو الظلم بعينه الحكم عليه واتهامه وانا اعتقد من وجهة نظري انه ان تمكن من الذهاب للاتحاد فأعتقد انه سيشكل ثنائي رعب مع ابو نورااااااااااااااااااااااااااااااان فمن الآن اعتبر احمد لاعب ناجح في اي نادي ولن يضيره سواء بقي بالهلال ام رحل لأنه لاعب موهوب ويكفي ان الامير ذهب الى منزله يطلب منه التوقيع لله درك وكفى ياأحمد ّّّّّ |
| الوقت المعتمد في المنتدى بتوقيت جرينتش +3.
الوقت الان » 03:00 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd