|
(اعلمه الرمايه كل يوما فلما اشتد ساعده رماني) هذا حال ابوفيصل مع جمهور الهلال السلام عليكم ورحمه الله وبركاته بدخل في الموضوع على طول انا اشوف هجوم كبير على ابوفيصل من بعض جمهور الهلال بس اللي ابي اسال كل اللي يهاجمون الاداره من رفع طموح جمهور الهلال لمدرب عالمي ولاعبين عالميين ؟ اداره الهلال افضل اداره في الانديه السعوديه ابوفيصل يتفاوض مع مدربين ووالده بالمستشفى ومع هذا شايل هم الهلال وانتم حتى لو انكم فاضين ما حضرتوا لمبارايات الهلال والمصيبه انكم جالسين تجهزون للاعبين الاعذار من الحين بحاله اخفاقهم ( المدرب فاشل ) راح يكون هذا عذرهم حنا شعب قدم له العذر وابشر انه ماراح يقدم لك شي ارجوا من كل هلالي دعم الاداره ودعم المدرب حتى في حال اخفاقهم شوفوا الجمهور الالماني حتى ومنتخبهم خاسر يشجعونه وحنا من اول هدف تشوف الجمهور طالعين متى تكون عندنا ثقافه الفوز والخساره متى نشجعهم حتى في حال خسارتهم تحياتي |
انآ لآ ألوم المشجع الهلآلي . . ! لأن بعد مباراة الهلآل وبني ياس < صرح الامير بنفسسه ووعد بالأفعآل :ba1: والان مافيه جديد سوى مدرب تاريخة اقل من عادي ّ~ والابقاء على الاجانب :mad: ورحيل ويلي فقطـ :cry: اعتقد ان هرماش والعربي بقاءهم اكبر خطآ : اين المحور الالماني والمحور الافريقي الي سمعنآ عنهمـ ؟ اين المهاجم الافريقي والبرازيلي الي سمعنآ عنهمـ ؟ قبل فترة كنآ نسسمع عن وجود كذآ لاعب متفقين معهمـ . . ؟ سوف يتم التشاور مع المدرب بخصوصهم والان اتى المدرب ولم نرى اي شي اسسسسسيآ 2012 - تبتسسم للهلال - وكأن الهلآل يقول لآأريدك يـآ أسيآ اسيآ تبغى اجانب على مستوى عآلي # اللي جابهآ للأتحاد 2005 : تشيكو و كآلون و جوب # اللي جابهآ للسد 2011 : مامادو نيانغ و كيتآ ونذير بلحاج و يونج لكن بكل الاحوآل الله يوفق زعيمنآ يآرب . . |
ياأخي احمد ربك على رئيسك اقل شي اذا مابيطور الهلال بيطور الكره السعودية شوف حالك الفرق الي حولك واحمد ربك صدقني لو الهلال في دوري غير الدوري السعودي كان جاب افضل المدربين والاجانب لكن دورينا الله بالخير والناس تتنحش والي بيجيك بيجي علشان الفلوس واداءه ماراح يأدي زين |
إقتباس:
أولا يعطيك العافيه ياصاحب الموضوع وبيض الله وجهك أخوي على هالكلام الذذي يدل على رقيكــ بس عندي رد على صاحب التعقيب الأول يوم يقول ما ألوم الجماهير بوعود رئيس النادي نعم الرئيس وعد وكان أمنيته أن يجلب أفضل المدربين والأجانب ولكن الظروف ماجات على كيفه ولاعلى هواه حاول بقدر المستطاع رغم الهجوم من الداخل والخارج عليه وهو وحده لامعين له إلا الله سبحانه نسيتوا وفات عمه ومرض والده ضربتوا بها عرض الحائط كل همكم مدرب وبس وأنت واعدت والرجال عند كلمته ومن هالكلام ويوم أحضر المدرب اللي ماهو أنتم طفيتوا وراه تقعدون للفجر من شان تشاهدون مباراياته ووجعلتم من صوره الرمزيه توقيعات تحسبون أنه بيجيكم ركض ضربكم عرض الحائط وما ألتفت لكم حتى بطرف عين وقعد يتحجج بالعقد مره وبمباراته القادمه مره بالشرط الجزائي مره لين ملت الإداره من المماطله توجهت لكومبواريه والرجل أحترم المفاوض وأحترم رغبة الإداره وكان عقلاني لأبعد الحدود أنقلبتوا عليه وقلتم مدرب بلاتاريخ وبلاطموح وفاشل من هالكلام الفاشل هو المدرب الذي يثق بنفسه أما من يعشق التحدي فالإصرار يولد النجاح أتمنى منكــ أخوي أن تكون أكثر واقعيه وعقلانيه وتقدر ظروف غير الرجل أجتهد وماقصر ويقولون من لايشكر الناس لايشكر الله لانبخس الرجل جهد هذا اللي قدر عليه عندما أمتنع الكثير وماطل المثل لم يجد إلا هذا المدرب الذي أرى فيه بعد الله سبحانه خيرا للزعيم فلنقف خلفه وندعمه فهو اصبح جزء من كيان لم يأتي ليدمر بل أتى ليحقق النجاح المنشود |
عيب توصف الجمهور الهلالي الكبير بهالوصف منهو عبدالرحمن بن مساعد بدون جمهور الهلال ناظر كيف كان قبل الرئاسه وشف الحين وش صار بيوصل لأكثر متابعه بتويتر والفضل لجمهور الهلال بعد الله وإذا على الطموح اللي تتكلم عنه احب اذكرك ان دخل الهلال السنوي 100مليون في عهد محمد بن فيصل ماكان فيه دخل ومع ذلك جلب كماتشو وتفاريس وياسر القحطاني واسامه هوساوي وبدون منه بلاااش تطبيييل للإدراره |
والله العظيم الاداره ما قصرت .. وما اظن في احد احرص على الهلال من الاداره .. والهلالي الحقيقي هو فقط من يعلم الاداره عملت وعملت وقدمت الوقت والجهد .. والله يصبر الاداره ويصبرنا على الامعات اللي يسمع من الاعلام المضاد ويجي هنا ينبرش على الاداره التي حصدت البطولات وافرحتنا كثيرا .. ولو كان مشجع نادي آخر بيعرف قيمة " الاداره " .. كل التوفيق للاداره والله يسدد خطاها .. وبالتوفيق للكيان الازرق .. |
إقتباس:
عبدالرحمن بن مساعد يبي الهلال يقوم على إراداته وليس اعضاء الشرف اللي اذا زعل منهم احد على الرئيس خلاء النادي في ضايقه ماليه |
هذه اول الصرعات يقولك مدرب بدون تاريخ رغم انه حقق بطولات ويسلبونه التاريخ مدري وش المدرب بتاريخ .. مابقى الا مورينهو نجيبه !!! ياعالم الى متى بنتجادل جدال بيزنطي .. مدري العيب في فهمنا ولا العيب في استيعابكم والله شي يجيب الملل .. اقسم بالله العلي العظيم صرت اتصفح المنتدى وانا متوتر ومحبط من ناس احسبهم هلاليين واثق في هلاليتهم لكن ردودهم ومواقفهم احس كأن اعلامي او مشجع اصفر يمليها عليهم . اتعجب والله لحال منتدانا بسبب تلك الردود وارجي الله ان الحال يتعدل ويرجعون لصوابهم الف مليون شكر على طرحك ويجب ان نصعد من تلك الأطروحات لعل وعسى ان يستفيقوا من حملتهم الغير مبرره |
| الوقت المعتمد في المنتدى بتوقيت جرينتش +3.
الوقت الان » 07:44 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd