|
مشكلة جمهور الهلال ..! بسم الله الرحمن الرحيم السلام عليكم ورحمة الله وبركاته أحب أهنيكم بشهر رمضان المبارك والكريم ومابقى عليه شي وعساكم من عواده جماهير الهلال في الفتره الآخيره أشغلهم كثير موضوع المدرب وعوده ياسر القحطاني نجي للموضوع الأول واللي هو المدرب المدرب خلص وقع للهلال وإستلم الفريق صحيح ماهو طموحنا ولا كنا متوقعين بعد كل هالفتره يجينا مدرب السي في حقه متواضع ولكن خلص المدرب تم التوقيع معه ولو نسوي اللي نسوي مارح نقدر نغير شي لكن اللي نقدر نسويه ويكون تأثيره واضح و إيجابي وهو دعم الفريق ومساندته بشكل عام والمدرب بشكل خاص ثانيا موضوع ياسر القحطاني أنقسمو جماهير الهلال إلى قسمين الأول والثاني والثالث والترتيب عشوائي هناك من يرحب بياسر وهناك من يتمنى عدم عودته للهلال وهناك من يرى بوجهة نظره أن يكون ياسر بالدكه واللي كان يرحب بياسر كان يوصف بجمهور اللاعب ومن يرى أن ياسر يجب أن لايعود بسبب نزول مستواه أو أن يراه بالدكه كان يوصف بالجمهور العاشق للكيان ولكن بالواقع ليس العاشق للكيان اللي فعلا يعشق الكيان ويحب الكيان ويشجع الهلال أولا وأخيرا يجب أن يقف مع كل لاعب هلالي سواء ياسر أو غيره وبعدين يعني كبرتو الموضوع وعطيتو الموضوع أكبر من حجمه اللاعب راح إعاره لمده سنه وجا و قدم مستويات رائعه وكنا هذا اللي نبيه وبإذن الله يقدم كل مايملكه للهلال و يقدم أفضل من ماكان يقدمه لما كان مع الهلال أو العين ويجب أن أيضا يقف مع الإداره و المدرب ويجب قبل كل شيء دعم الفريق بالحضور والتشجيع والدعوات أيضا خلاصه الموضوع:- يجب علينا الوقوف مع الهلال كعادتنا ونرحب بكل من يأتي لخدمه الفريق الهلالي ونرحب بجميع اللاعبين محليين أو أجانب و أيضا الإداره والله اللي قاعد يصير أشبه بالفضيحه لما مانوقف مع المدرب الهلالي أو اللاعب الهلالي وعشان كذا حطيت هذا العنوان الغريب وكلنا نجدد الثقه بإداره الأمير عبدالرحمن بن مساعد وكلنا يد بيد لدعم الفريق الهلالي بكل مانستطيع أتمنى يكون هذا شعارنا دائما وأبداً مانبي نشوف كلام مايودي ولا يجيب زي مثلا مانبي ياسر أو مانبي هالمدرب أو أو أو إلخ نبي كالسابق نشوف كلنا مع الهلال اللهم وفق الهلال فوق كل أرض وتحت كل سماء آمين ...! |
اللي ما يبي ياسر في الهلال هذا مندس خذها مني فيه احد ما يبي ياسر من جدكم بغض النظر عن جماهيرته لاعب من الطراز الاول وراح للعين وجابلهم الدوري ذكي هداف كل شي فيه رائع بس بعض الجمهور اللي ينتقد ياسر ومايبيه يا مندس يا انه يعاني من حاله نفسيه ومشكور ع الموضوع سلام |
إقتباس:
كأنك تقول : إن لم تكن معي فأنت ضدي يا الغالي لك حق تطرح رأيك لكن مالك حق انك تخلي الناس كلهم بنفس رأيك هذي تعتبر حرية رأي الشيء الثاني : انا مع اخوي صاحب الموضوع يجب اننا ندعمهم ونشجعهم ونساندهم سواءاً كان ياسر او المدرب او غيرهم ويعطيك ألف عافية على الموضوع |
بعض الاشخاص بالمنتدى معاهم معاهم عليهم عليهم الله يوفق الهلال مع المدرب |
موضوع جمييل يعطييكك العاافية اخووي يجب علينا دعم الفريق من اول مباراة بالموسم لاخر مباراة تشوف اغلب الجمهور اللي كان ينتقد الموسم الماضي كان متكي ببيته وينتقد ولا حضر اي مباراة ياخي شوف جمهور جده كيف يساندون انديتهم وهم بادنى مستوياتهم يفووزون اول شي نحضر ونساند بعدين ننتقد |
إذا من يدعي الإنتماء للهلال , هاجم الإداره , إحتج على المدرب , جرَّح في اي لاعب , إستهزأ بالهلال إجمالا .. هل يسمى هذا عباطة او انتماءً او ماذا يمكن ان يسمى ؟ المؤكد ان مثل هذا هو منتمي لنادٍ آخر غير الهلال وناديه لم يستطع الوصول لمثل ما وصل إليه الهلال , فأراد أن ينتقم حسدا من عند نفسه وجاء إلى هنا لعل وعسى ان يجد اذنا من قاصري التفكير ليبث الفرقة او يؤثر سلبيا على إستقرار البيت الهلالي .. او على الأقل يشوه سمعته عند زوار الموقع من الداخل او الخارج !! |
اي لاعب يرتدي شعار الزعيم نحن معه سواء نزل مستواه او مانزل حتى لو على الدكة كل اللاعيبه مثل بعض وعشقنا الكيان الازرق مهما كان الالعب يرتدي الشعار فنحن معه بغض النظر عن ياسر أو اي لاعب اخر كلهم مثل بعض |
نعم يجب علينا دعم الكياااااااااان ..... ون شااااء الله تمشي الاموووور على احسن حااااااال...... |
موضوع جدا رائع صراحه في السنتين الاخيره تقريبا اصبح جمهور الهلال غريب عجيب نجي للمدرب نزل في هذا المنتدى مواضيع توضح قد ايه هو سيء يعني صرنا حاطين يدنا ع قلوبنا منه بس نتمنى له التوفيق مع زعيمنا وراح ندعمه قدر المستطاع لمصلحة الهلال اما بخصوص ياسر القحطاني انا ارى انه من افضل المهاجمين في السعوديه مهما قيل عنه ان شاء الله يحمل كأس اسيا مع رجالات الهلال يعطيك العافيه |
إقتباس:
مو علي كيفك تقول مندس اللي مايبي ياسر اللي مثلك المفروض يتصفح ولا يشارك عشان مايفشل اعضاء الشبكه بالتفكير السامج قاعدة اذا لم تكن معي فأنت ضدي هذي خلها لك وبحياتك الشخصيه مو بالهلال وجماهيره عجبــــــــــــــــــــــــــي لهكذا منطق |
إقتباس:
|
بكل تاكيد الهلال عشقنا الاول والاخير وسوف نقف معه فالسراء والضراء ولكن هذا لايمنع من ابداء عتبنا على الاداره التي تعدنا وتخلف في وعدها 0اسئل الله ان يوفق الهلال في جميع مشاركاته القادمه0 |
آوآفقك الرآي بعض الجمآهير مآنشوفهم الآ وقت :- ( الآعآره - التعآقد ) وؤقت المبآراه تحصله في ( مقهى الآمم ) ، والمدرج فآضي :smilie47: هذآ مشجَع مآيلَزم آلكيآن الههّلآليُ .. =$ |
s13s اشكر من جد ... كلامك متوازن وعقلاني موضوع رائع وسط كومه من مواضيع لاقيمة لها مع الاسف معرفات من ال 2001 و2002 لها 40 مشاركه وطلعت تشكك وتبكي وتتحلطم ؟؟؟؟! |
الله يكتب الي فيه الخير للزعيم اليوم المدرب وغداَ أن شاء الله الاجانب تفائلو بالخير تجدوه اهم شي الان الاجـــــــــــــــــانب |
| الوقت المعتمد في المنتدى بتوقيت جرينتش +3.
الوقت الان » 04:39 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd