ولو بعد حين .. ستامي راح يكون المدرب للفريق الاول .. على حسبة شبيه الريح - نادي الهلال السعودي - شبكة الزعيم

ابوسهل الهلالي · #1 28/06/2012, 04:50 AM

صبحكم الله بالخير والعافيه ..

تبون العلم ياأخواني .. ترى ابوفيصل الامير عبدالرحمن بن مساعد متعاقد مع هالمدرب نصف موسم .. يعني افهموا اذا ماجاب الأسيويه بيجيب سامي الجابر مدرب للفريق الاول وبيعطيه الخيط والمخيط .. وعقبها قولوا ابوسهل ماعنده سالفه .. وراح تشوفون السالفه كلها ..

من عقولكم الامير عبدالرحمن بن مساعد مالقى مدرب يدرب الفريق غير هالسباك هذا ..اتوقع والعلم عند الله انها مرسومه رسم .. اذا اخفق المدرب هذا وزادت الضغوط عليه راح يقيله ويجيب سامي الجابر ويسلمه الامور كلها .. يعني بالعربي الامير عبدالرحمن يثق في سامي الجابر ثقه عمياء .. وراح يصير سامي مدرب كبير ولو على حساب الهلال .. والامير عبدالرحمن يبيها كذا ..

وراح تبدي لكم الايام ماكان خافيآ ....

دمتوا بخير ...

وافتخر اني هلالي · #2 28/06/2012, 05:08 AM

حتى أنا أثق في الأسطورة سامي ثقة عمياء

وأتمناه مدربا للهلال ولو بعد حين

ابوسهل الهلالي · #3 28/06/2012, 05:13 AM

^
^
^

اي بس بعد خراب مالطا !!! كلنا نثق في سامي ونتمناه .. بس الى متى هالتخبط الي يقهر ..

الله يخارجنا ...

أميـــر الليل · #4 28/06/2012, 05:17 AM

-

خلك من الكلام الفاضي اللي جايبهه من راسك ؟ العقد مدتهه سنتين وأعلن في جميع الصحف ؟
لآزم نوقف معه ونترك هالخرابيييط !

هلآلي جدآوي · #5 28/06/2012, 05:17 AM

اول شي سامي ارتبط بعقد في فرنسا
تاني شي ياهوو ليش مانسير زي الاندية الباقية نوقع مع مدرب كويس يجلس معانا اكثر من موسمين او تلاته
تخبط تخبط مدري الين متى والله شكلنا الموسم الجاي بنتنكب << بعيد الشر
احنا اللي علينا ندعم الهلال والمدرب والباقي على ربك

شيسكوب · #6 28/06/2012, 05:20 AM

عبد الرحمن بن مساعد لو يبي يحط سامي مدرب ،،،

حطه ولا فكر فيك طال عمرك ..

و أبو فيصل مأهو بجآآيب أجانب ويدفع ملآيين عشآآن يسوي الخطة الجهنمية حقتك

ياليت نرتقي بالفكر

*زعيمه جنوبيه* · #7 28/06/2012, 05:20 AM

لو فعلا مثل ماتقول كان خلوه مدرب وانتهينا أما يخسرون انفسهم ويخسرون الفريق عشان يصير في النهايه مثل افلام الاكشن ويجي ينقذ الفريق

ترى الهلال مو المنتخب وناصر الجوهر

تحيتي

....

ابوسهل الهلالي · #8 28/06/2012, 05:22 AM

^
^
^

ياناس حسوا .. هذا مدرب نكبه للفريق .. والله يخارجنا منه اللهم آمين ..

ياناس تعبنا والله من ابوفيصل .. وراح اكتبها له في تويتر .. بقول له .. رجاء اترك الهلال للي يقدرونه ...

ابوسهل الهلالي · #9 28/06/2012, 05:40 AM

الله يخارجنا من هالموسم بأقل الاضرار بس ..

ياليت عبدالله بن سعد حي ويشوف الي انا اشوفه ؟؟!!

أبـو حيـه · #10 28/06/2012, 11:39 AM

أتمناه مدربا للهلال ولو بعد حين

ابوسهل الهلالي · #11 28/06/2012, 06:57 PM

على العموم الله يوفق الهلال بهالمدرب الي يتذمر من الحين ..

f.rochemback · #12 28/06/2012, 06:59 PM

بسـم الله عليـك يآ صآحب الموضوع وش هالخثـاريق وش سآمي ووش ابن مسآعد الله يرحم حالك بس

بحر الظلام · #13 28/06/2012, 07:19 PM

ياقلب لاتحزن ....؟؟ ويقولون ايضاً ان المدرب اسلوبه دفاعي .. حنضيع وقت على الفاضي

بحر الظلام · #14 28/06/2012, 07:24 PM

إقتباس

الرسالة الأصلية كتبت بواسطة ابوسهل الهلالي


	[ عقولكم الامير عبدالرحمن بن مساعد مالقى مدرب يدرب الفريق غير هالسباك هذا ..اتوقع والعلم عند الله انها مرسومه رسم .. اذا اخفق المدرب هذا وزادت الضغوط عليه [/راح يقيله ويجيب سامي الجابر ويسلمه الامور كلها ..

هذا ترا خامس موسم للامير ع الرحم بن مساعد يعني عارفيييين زين وعارفين تردداته واعذاره وكثرة تبريرراته وعارفين اراءة .. هذا ماهوب الموسم الثاني ...

بس ترا ذا مايمنع ان سامي لابد انه يجي يوم من الايام يستلم الفريق لاننا جربناه كمدرب وحقق نتائج جيده فما يمنع انه يجي مره ثانية ......لكن لاتقولي ان المسئلة مطبوخه ..... حنا عارفين تخبطات الاداره من زمان ...