|
هلاااا بالجوعاان في معقل الزعمــــــــــــــــااء السلام عليكم ورحمة الله وبركاته يعلم الله اني احبك يابن مساعد ولكن حب الهلال فوق كل شي ماقصرت في الاربع سنوات المااضيه وسويت اللي عليك وااكثر لاكن اسمح لنا بالنقد لو مره واتمنى تقرى رساالتي ان كان صحيح كومباري هو مدرب الهلال القادم فهذي سقطه ياسمو الامير وعدتنا بمدرب كبير واخر شي يطلع لناهالمدرب اللي ماله اي انجازات في عهد تدريبه لحد يجيني الحين ويقول كوزمن مانعرفه وشف وش سوى بالهلال مهوب كل مره تنجح مع مدرب مثل كوزمن يمكن ينجح واحد من عشره مدربين غير معروفين مثله وحنا ملينا من التجاارب من بعد جيرتس جانا مدرب كالديرون وعقبه دول وهااسيك وشف وش صار بعد الهلال بعد ماامشى على قاعدة النصر رخيص وكوويس أتمنى ياسمو الأمير توضح لنا هالمره ماسبب تعاقدتكم مع المدرب المغمور جدا كومباري أذا كان الكلام صحيح بخصوص التعاقد معه هل المدرب نجح بالمقابله الشخصيه ؟؟ أو انه جووووعان |
بعد التوقيع معه تذكروا رئيس النادي بيقول هذا المدرب طموووووح مثل ماقالها لتوماس دول وهذي تعتبر تلميع للمدرب نبي سبب مقنع من الاداره لتعاقدها مع كومباري مو يقولون طموح لأن سامي الجابر مدرب طموح وزلاتكو مدرب طموح ايضأ ومئات المدربين مدربين طامحين |
بأناس اذا وقع اتمنى تدعمونه لاتكررون غلطة دول |
يا جماعةة اصبروا إلى ان يتم التوقيع الرسمييي ونشوف ترا لحد ألحين لم يوقع رسمي اذا وقع والله اني معك |
: كنت من ضمن الداعمين لسياسة الصمت ودعم الاداره ولكن ان صح التعاقد مع ( كومباري ) فلا بارك الله في الاداره ولا في المدرب ، اذا كان بعد كل هالصبر يجي هالسباك اللي اكبر طموحاته المركز الرابع فهذ كارثه واتمنى عدم تجديد ولاية الاداره بعد هذا المدرب : |
العالم نتظر لتاريخ المدرب وخططه وشخصيته وقرائته للعب واحنا جبنا حاجه جديده عنده طموح ههههههه وبالنسبه للسي في هذا يمكن العن من دول طيب دول جلستوا معه وطلع عنده طموح هذا ماجلستوا معه يعني ممكن تعاقدوا معه علشان يشبه ايتو؟؟؟ |
والله أنكم تنتقدون لمجرد الأنتقاد كذا وربي لو ينحشر وأحد فيكم بسبب الإنتقاد وماهي المسببات وعلى ماذا بنيت وماهي نقاط الضغف والقووة عنده وماهو الحل برائيك لتفادي الجوع عندما تكون شبعان وترفس النعمة بيجي واحد ها الحين ع ددسن مطفي النور ويقول مطبل أنا باقول له قوم ارقص ((ع خيبتك)) يأخوان والله العظيم الي يشوف حالنا صرنا مثل بعض الناس ((كلن يبي مايشتهي )) وماخذا الناس بكيفة مايدري عن العقبات التي تواجه الإدارة ومنها ((التخريب )) وإتصال ثلاث مفاوضين أكبر دليل على التخريب . بس كذا اسمي أني أنتقدك وأنا أحبك يلعن بو حب((ن)) تعرفة ياشيخ ترا كذا تقال أحترمك وأقدرك بس أنتقدك |
إقتباس:
سجلني معك الله لايهينك |
سيرة المدرب على ما اعتقد جيده واعتقد ان كل مدرب له طموح في انجازات الفريق اللي حاب يتعاقد معه اعتقد انه مناسب للهلال بالتوفيق للمدرلاب والتوقيع اليوم في فرنسا يعطيك العافيه |
اقول الله يرضى عليك :D حسستني ان الهلال متعود مايدربه الا مورينهو وفينقر المدرب الفرنسي اللي ذكرت مدرب ممتاز .. وقياساً على دوريّك النايم ..يعتبر مدرب قوي .. لا نعطي عذر للاعبين للتخاذل من الآن ... عشان ماتتسرب الى انفسهم كلمة مدرب سباك .. ويبدأ التخاذل من اول الدوري انت هلالي خلك مع الهلال بالحلوه والمره .. وان شاءالله خير .. اهم شيء نخلص موضوع الاجانب .. وترى اسيا لسى بدري عليها باقي خمس جولات بالدوري .. |
متى يتم عقد الماتمر الصحفي بكره ان شاء الله |
بكرا الاعلان واذا ماعلنوا فالمدرب زلاتكو او ناصر الجوهر |
الادارة تبي الفكه من إيمانا و العربي ووليهامسون تبي تبيع عقودهم لكن محدن شاري عقود هلاعبين والإدارة ودها توقع مع خورخي بلي يبي لكن محدن شاري عقود إيمانا و العربي و ويل هامسون فهمتوا |
اقول لو يجينا مب سباك الا سمكري خلوه بس يدرب الله يرحم والديكم نبي مدرب لنا شهرين ندور مدرب ولا جاء اخلصوا علينا بس !! |
جوعان أجل ؟!؟! ياخي يكفي إنه جايب كاس فرنسا مع باريس سان جرمان ، ويوم يقال من الفريق كان ترتيبه الأول بفارق 4 نقاط عن مونبيليه .. غير الكوره الجميله الي كان يقدمها مع الفريق .. وغير إن نادي مرسيليا ورين ، ألحين يفاوضونه . وتقول جوعاان ؟! ياناس الي مايدري عن المدرب ، وحكم عليه من الشكل لآ يتكلم !! |
الله يكفى الادارة شر السماسره واتباعهم لان صراع السماسرة سمعناه في عرض العجوز مانويل وكيف تقاطعت المصالح وفاحت روائح الخلاف على صحفنا واليوم سينقم الموالين للمدربين السابقين على التفات الادارة عن موكليهم صراعات ارجوا ان ينتبه لها مشرفينا الافاضل لن يلتفتوا لمصالح الهلال لان السماسره مصاصي دماء للانديه كان الله بالعون سنجد معرفات لم تبداء هنا الامع بحث الادارة عن مدرب |
إقتباس:
أحيان تراودني فكرة إعتزال المنتدى وحتى بداية الدوري ...أظن إنه أفضل حل في حق أصحاب المواضيع (شد لي واقطع لك ...أنا أفهم منك ...أنا الكل بالكل ...أنا مشجع كيان ) ..إلى متى التمويهات من اجل هدم الكيان ؟؟؟:alzaeem: |
إقتباس:
ورجاء خاص لاتكثر الحلف مره ثانيه والله + وربي ثاني شي بالنسبه لي ايه انتقد بس احب عبدالرحمن بن مساعد أحبه خارج العمل الرياضي لاكن أنتقده في خصويات الهلال وهذي الاهم عندي ماتبينا نقول شي مره حتى الكلام ممنوعين منه وشف هلالنا العام اللي راح وشف وش صار فيه بسبب التطبيل اللي مثلك انت وأشكالك وهي مميزات التطبيل للعام الماضي .. التعاقد مع يوسف العربي واللي ماسوى ربع اللي سواه ياسر القحطاني مع ان صفقة العربي تعادل بالموسم الواحد معدل رواتب ياسر القحطاني في اربع سنوات 3 . التعاقد مع هرماش ومشكلته جاء بعد الداهيه رادوي وللاسف مافيه ذيك الميزه اللي تخليه يصير أجنبي بالفريق 4 . التعاقد مع طاقم طبي ليس له خبره وشفنا كثرة الاصابات 5 ..التعاقد مع فواز فلاته ولو واحد منكم يشوفه بالشارع مايعرفه هو لاعب هلالي ولالا لقلة مشاركاته مع الفريق 6 .. اعارة ياسر القحطاني وكان الفريق بأمس الحاجه له 7 . التعاقد مع الاعب الكوري ولو بيدي والله مايجلس بالنادي ولا دقيقه بس الدنيا حظوظ سباعية بني ياس جت في صالحه وصار الاعب الاولى أنه يستمر |
يا ناس اذا وقع اتمنى تدعمونه لاتكررون غلطة دول |
الله يحلل السي في حق توماس دول عند هذا .. اربع سنين لرئاسة جديدة المفترض يبدا الرئيس بحماس مو بصفقات رخيص وكويس بصراحة الله يعيينا عليك يابو فيصل مدام هذا طموحك ،، ثانيا قمة التناقض لما كان الرئيس يبي يتعاقد مع مانويل جووزيه كان يمجد السي في حق مانويل جوزيه وكان متحمس له والحين مدرب بلا سي في ولا شي تبي تتعاقد معه ،،، بصراحة اقدر اقول يا ان الشغلة عناد للجمهور او ان جميع مفاوضات ال 24 مدرب كذب في كذب وكانت المقابلة تمهيد للتعاقد مع مدرب رخيص وكويس |
إقتباس:
|
:d إقتباس:
+11111111 هذا الرد الي اعجبني مع احترامي للباقين من قريت الانتقاد على المدرب وسيرته حسيت ان دورينا دورينا دوري عالمي:d هههههههههههههههههههه بيجيك واحد شااطح بيقول آسياا ومو شرط اذا فشل في نادي ان نقول ان فاشل بالمره وبالاول والاخير الله يوفق الزعيم ومع ذالك لحد الان مافي شي رسمي ونفس الوقت اشوف أسمااء جديدهـ بالمنتدي طالعين ههههههههه:d:d |
السلام عليكم ورحمة الله وبركاته سبب فشل النادي ليست الادارة بل العنصر الاول هما الجماهير وليس كل الجماهير بل الجماهير التي تنتقد بل فقه ولا عقل مااقول غير الله يصبر الادارة من هذا الفيئة واذا نجح المدرب مع الفريق يقولون والله انك داهية وملك ومن الكلام هدا اصبرو فالصبر جميل |
إقتباس:
ينصر دينك ياشيخ والله نفس الكلام الي في بااااالي من زمان. ياخي في عينة من الجمهور عندنا محسبين الموضوع سهل كلم اي مدرب عالمي ويجيك مطفي النور على الدوري النايم حقنا. |
مواضيع لا تودي ولا تجيب :( :( |
إقتباس:
إذا ماحلفت بالله وهو ربي تبين أحلف بمين يعني ((ياعلي )) أنا مطبل (( وإذا عجبك تطبلي )) قول ((رئصني يأأأأأدع )) ياأخي عندما تريد الأنتقاد لازم تبني أساسيات الانتقاد مو لمجرد الأنتقاد ((اسم أني فاهم )) وأنا أدري أنك ماعرفت أسمه الامن قريب ((لاتسوي علينا فاهم )) وبعدين أن صدق المصدر ووقعوا معاه فـ (السي في دي أف جي ) حقه كويس يعني بصراحة . أعارة ياسر وأحنا بأمس الحاجة له وهذا أعتراف آخر لم نسمعها من قبل ((كان ياسر محل إنتقاد الجميع لأنخفاض مستواه )) بل الحاجة التي دعت الأعارة ((تدري هنا الأنتقاد الهادف )) في مستوى ياسر وهذا تطبيل منك ((والفريق بأمس الحاجة)) ياخي ياسر مارجع مستواه الآبعد الإعارة وتغيير الجو قبلها الله بالخيرمنخفض مستواه (نقطة ياسر تكون برهان ) على الأنتقاد لمجرد الأنتقاد يعني عكس الهدف المرجو منه تماما وهي مصلحة الكيان لاتنتقد قبل إكتمال العمل ((الموكل له)) يعني قيم العمل بعد الأنتهاء ((وبعد التقييم أنتقد أنتقاد جزئي أو كلي)) عندها يكون الأنتقاد هادف وبناء اما الأنتقاد في البداية ((فأنت لم تقيم العمل )) يعني ((قيمت الشخص)) وبنيت أنتقادك على الشخصنه ولم يكن للعمل بل المقيم الشخص يعني لم يقم العمل لاجزئي ولا كلي حتى يكون الأنتقاد مشروع وأذا بني على الشخصنه فهود إنتقاد هدام بمعنى آخر إنتقاد باطل من حقك الأنتقاد عند التقييم والتقييم على العمل المؤدى ولكن عندما تستبق الأعمآل ((هنا يكون الخلل )) إنتقاد هدام مبني على الشخصنه أحبك ((بس بخالفك )) وأقدرك بس كلامك مو محلة أعذرني كنت مشننج يوم قريت موضوعك بس نصيحة لاتقدم الأنتقاد قبل التقييم |
بانتظار الاعلان الرسمي الله يكتب اللي في الخير للملكي |
موضوع ماله اي داااعي جوعان وعطشاااان وكلام فاااضي |
| الوقت المعتمد في المنتدى بتوقيت جرينتش +3.
الوقت الان » 09:11 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd