نادي الهلال السعودي - شبكة الزعيم - الموقع الرسمي - كومباري او خورخي .... المعسكر.... ملف الاجانب.

- منتدى الجمهور الهلالي (http://vb.alhilal.com/forumdisplay.php?f=28)

- - كومباري او خورخي .... المعسكر.... ملف الاجانب. (http://vb.alhilal.com/showthread.php?t=1106581)

كومباري او خورخي .... المعسكر.... ملف الاجانب.

بسم الله الرحمن الرحيم
السلام عليكم ورحمة الله وبركاته
صراحة اليوم شفت بالمنتدى شيء مو معقول عن المدرب الفرنسي كومباري
ويجيك واحد يقول يابن مساعد انت مو كفو تكون رئيس
والثاني استقيل فيه غيرك يشتغل
والثالث يقول الاندية تشتغل وحنا قاعدين
مدري وش الاندية هذي الي انهت ملفات محترفيها وجهازها الفني وارضت جمهورها
يعني كل الي يسويه عبدالرحمن بن مساعد مايسمى شغل 24 مدرب وش معناه
والله لو نوقع جوزيه او اي مدرب اقل من امكانياته
اني راضي على شغل عبدالرحمن بن مساعد
يعني يكفي فاوض مدرب تشيلسي بجدية
وليبي واكثر من مدرب عالمي
والى الان لوران بلان يتفاوضون معه
نرجع لسالفة كومباري
الي ماذكره عبدالرحمن بن مساعد من ضمن ال 24 مدرب حتى
يعني مادري من وين جبتوا مصدركم
صحيفة قول اون لاين؟؟؟
ترى نفسها الي قالت عن جوزيه قبل مايدري عنه عبدالرحمن بن مساعد وقالت عن جيريتس وقالت وقالت وقالت ولا شيء صار الى الان
وهي ذكرت مع كومباري خورخي ليش ماتتفائلون بالخير ويكون خورخي وتشكرون الادارة على عملها
يعني الى الان ماطلع ولا تصريح من عبدالرحمن بن مساعد يأكد هالخبر او عبدالكريم الجاسر
وثانيا انا بثبت لكم ان المدرب ماراح يكون كومباري
لاني شفت السي في حقه وشفت نتائجة ماتنطبق عليه اغلب شروط عبدالرحمن بن مساعد بالمدرب القادم
ولاتخافون الادارة تعرف ان المعسكر يبدء بعد 4 ايام او 3
يعني مافيه شيء نستعجل عليه
ومثل ماذكرت بموضوع سابق ان الادارة احتمال كبير تكون حسمت موضوع المدرب الي هو خورخي لو كان وافق ولو ماوافق وقعوا مع البديل له واتوقع انه لوران بعد خروجه من اليورو من يوم الجمعه الماضي
وبهذي ال4 ايام الماضية استشاروه بالاجانب وقد يكونون الان وقعوا مع اغلبهم او كلهم وبكرة او بعده يعلنون عنهم مع المدرب

تحياتي لكم جميعا

عندي احساس كبير ان المدرب وقعوا معه وانتهى الموضوع بس باقي موضوع الاعلان

لأن مستحيل المدرب زلاتكو معسكر مع الاولمبي في النمسا ويقود الفريق الاول في ألمانيا !!!

اكيد ان افضل ادارة مرت على تاريخ الهلال حاسبين حسابها ولا ماكان غيروا المعسكر وتوهقوا

باذن الله يتم الاعلان قريبا ونفتكك من هالسالفه !!

الله يعين والله المدرب صبرنا عليه كثير هو والاجانب

ياااليتهم يفهمووووووووووووووووونك يا زعيم
انا مادري كيف حكمووو ان المدرب هو كومباري

يعني الامير ماصررررح بذا الشي ولا اي عضو شرف تكلم عن المدرب ذا
يالله عوووافي

والله يعطيييك الف عافيه

استغفر الله العظيم
انا مادري كيف حكمووو ان المدرب هو كومباري

بإذن الله بكرا او بعد بكرا يعلنون عن المدرب والاجانب جميع

بقولكم شيء ..

بعيدا عن اسم المدرب القادم و المتوقع بأن يكون ( كومباري ) ..

فريقنا ما يستحق البطولة الآسيوية و ما راح يحققها ..

في فرق أقوى منا و مستقرة و استغلت الفترة الحالية في زيادة قوتها .. مثل غوانغزو الصيني و سابهان الإيراني و أولسان الكوري ..

و حنا إلى الآن بدون مدرب و الأجانب مع احترامي ما يقدمون أي إضافة للفريق

و مشاكل الفريدي و تجديد عقده ..

كل الأمور ذي ما انحلت ..

أنا مصدوم مثلكم من كومباري .. لكن الظاهر إنه هو المدرب القادم ..

لا تتأملون في الآسيوية .. و تذكروا كلامي ..

كل اللي أتمناه إذا فعلا هو مدربنا .. إنهم ما يجيبون أي لاعب أجنبي للفريق .. حرام خساير على الفاضي ..

نقطة أخيرة : أسوأ شيء لما الواحد يخرب اللي بناه بيده و سلامة فهمكم ..

الله يكتب الى فيه الخير ,, الله يستر نصبر نصبر و في الاخير مدرب c.v حقمه مخبع

الدوري السعودي يعتمد على 75% لاعبين 25% مدرب مدري ليه حريصين على المدرب !!!!!

عندي احساس كبير ان المدرب وقعوا معه وانتهى الموضوع بس باقي موضوع الاعلان

لأن مستحيل المدرب زلاتكو معسكر مع الاولمبي في النمسا ويقود الفريق الاول في ألمانيا !!!