|
هكذا يكون الدعم ..عاش مصرّح ..!! و أنا أقرأ تصريح عضو شرف النادي صالح الصقري وبما فيه من لغة إستعلائية وتهكّم و استخفاف بجهود رجل فاعل بحجم شبيه الريح خيّل لي أن من يتكلم هو أفضل رئيس مرّ على نادي الهلال أو افضل عضو شرف من حيث الدعم المتواصل !! ولكن .. وبعد عدت من خيالي تذكرت أن من يتحدث هو الصقري فما كان مني إلا أن رددت في نفسي عبارة ( مهيب غريبة عليك يالصقري ) .. هذا أنت و كما عرفتك ... تستغل أي إخفاق و أي زلة حتى تطلع بدور البطل و الغيور !! و أنت من أقل أعضاء الشرف دعم للنادي .. بل إنك إستفدت من النادي أكثر مما أفدته .. وهذه المرة الثانية التي تحدث منك مثل هذه التصريحات .. المرّة الأولى كانت ضد عبدالله بن مساعد !! وهذة المرّة ضد عبدالرحمن بن مساعد !! وكلى اللقائين كانا مع أحمد العجلان إن لم تخني الذاكرة .. يالصقري والله لو إنك مكان عبدالرحمن بن مساعد لما كان منك إلا أن تحظر مدرب بمرتبة مقاول معماري في البرازيل وهو صديقك الخاص المدرب " أوسكار " الذي كنت تحظره لمباراتين أو ثلاث وبعد ذلك يرجع بعد ما يأخذ من النادي عشرات الألوف من دولارات ومن ثم يعود يكمل عماراته و مشاريعه الخاصة بالبرازيل .. صدقني بالعامي ما عندك إلا "الدجّة ".. و تبحث عن " الترزز " بمثل هذه التصريحات قليلة النفع و البركة !! وعندي إحساس كبير إن بينك وبين عيال مساعد شيء .. لأنك طلعت في وقت عبدالله بن مساعد بتصريحات إنتهازينة ثم إختفيت و بعد ذلك ظهرت في وقت عبدالرحمن بن مساعد وبنفس التصريحات الإنتهازية !! يعني عضو شرف إنتهازي قبلك ما مرّ علي ولا على الهلال ؟!! أين حُمرة الخجل وأنت لا تدعم النادي و تساهم مع الرجال الذين يتواصلون مع الإدارة و تقوم ببعض التكاليف كأن تقوم بتكاليف الرابطة ولو لـمباراة واحدة ـ أقل شيء ـ فضلاً عن دعم النادي بالصفقات سواء للفريق الأول أو للفئات السنية ولكن لم يحدث أبداً شيء من ذلك ولن يحدث .. أما من جهة التصاريح .... فخذ رجال .. تصريحاتك لايقولها حتى الملياردير الروسي إبراهيموفيتش أو برلسكوني !!؟ إلى متى هذه الإنتهازية يالصقري ..؟ و إذا فيك خير وغيرة على الهلال من تلاعب الفريدي ..فك الكيس وأحظر يحيى الشهري من الإتفاق و دع الفريدي يعرف من هم أعضاء شرف الهلال الداعمين !!!! ولكن للأسف لست منهم لتفعل أقل من ذلك.. ألا تخجل مما تقول عن شبيه الريح ؟؟ ولو قارنا ما قدمه عبدالرحمن بن مساعد في سنة واحدة من جهد وتعب وبذل فكري ومادي يساوي بل يتفوق على ما بذلته بعمرك كله مع الهلال !! صالح الصقري .. عيب .. عيب .. عيب عليك والله .. |
ياخي حتى يناقض نفسه مره يقول لن ارشحه وفي النهايه يقول مع الاغلبيه اذا رشحته واقول هذا ماهو وقت للمزايده على الهلال وبذات في هذه الاوقات العصيبه في مفاوضات المدربين مدرب الهلال القادم فرنسي او خوخي وشكرا |
:rose::rose: إقتباس:
مفروض ينقال له تم التصوير :ranting: شكله يبي ادارة النادي ! هههههههه يبطي عظم والله كلنا فدا لبو فيصل على الحلوة والحلوة لان ما في مر :wub: |
من وين طلع لنا العضو صالح الصقري لايكون الي بجدة ما يحضر للهلال الا اذا كانه المبارة بجدة الشكوى لله ... الله يسامحك يا ابن مساعد الي خليت كل من جا يتكلم على الكيان الهلالي و عليك انت !!! |
((( كل يؤخذ من كلامه و يرد إلا محمد صلى الله عليه وسلّم ))) |
المشكلة اذا كان الصقري يصرح نيابة عن أحد ما |
السلام عليكم ناقصينك ياصالح الصغري موقتك تتنتقد وللاسف تصريحة في هذا الوقت له دافع بس الله اعلم بلغيب والله يستر من هذه الاشكال الي الناس والنادي في وادي ولاخ صالح الصقري في وادي والله ابي افهم هو ايش يبي في التصريح الي مالة داعي ابدا ويا استاذ صالح الصقري . اذا عندك مشكلة مع الادارة ارجاء حلها بينك وبين الادارة بدون الاعلام لانه انت عارف الاعلام اجواءة مسمومه وخصتا في الصيف . الانه على حد قولك ان ادارة نادي الهلال واعضاء الشرف على يدوحدة وانت الان تحول تفكيكها بتصريحك في هذا الوقت . |
السلام عليكم ورحمه الله وبركاته الان الوقت مو مناسب لبعض التصاريح في اوقات حساسه وتبدأ تطلع المشاكل للاعلام .. وش فرقنا عن الجار اللي يشتغل ويكرف ويصرف ويجيك واحد ما سدد العضويه الشرفيه وينتقد و يهاجم الاداره بكل بساطه ولا يوم من الايام سمعنا بأسمه بدعم خزينه النادي ... او على الاقل دعم الجماهير بشراء التذاكر او دعم الرابطه او معدات |
آكيد لكل عمل مميز فيهه ناس تنآظر بعيون سلبيهه لو مهما عملت يبقى رأيه سلب تحياتي |
الزعيم أبو فواز :) حياك .. لا تستغرب إنه متناقض لأن الرجال بعيد جداً عن النادي وكل كلامه موجود في زوايا الكتاب والمنتديات .. بس هو أهم شيء عنده الصورة أربعة في ستة تطلع مضبوطة .. |
mo7im :) صدقني لو يقولون له أمسك رئاسة النادي والله إن يهج لتورابورا !! رئاسة النادي فيها دفع فلوس .. وهو رجال تخصص تصاريح ماهيب لم سنع ..! فرك الأصابع بالمخابي له رجاله .. وهرج الخشش له الصقري .. ههههههههههه |
كل الجمهور زعلان على الادارة لتأخيرها بالمدرب وبعض النقاط السلبيه التي لا تذكر بجانب اجبياتها وانجازاتها .. تصريح في غير محله للأسف ..!! ومن واحد يسمي نفسه عضو شرف هلالي ويصرح ضد افضل ادارة هنا نقف ونقول له حدود حمراء لا تتعداها نحن نبحث عن الاستقرار والوضع الحين متوترالجمهور على اعصابه ما يتحمل تصرح من عضو شرف بنفس هالقوه ..!! بعدين ما عرفنا هالعضو الا بالتصاريح وين الدعم ولا بس شوفوني انا غيور على الهلال ..!! لا بطل ما شاءالله عليك اتمنى من اعضاء الشرف الكبار دعم الادارة الحاليه بتصريح قوي ويقف مع الادارة وخاصه من الامير بندر بن محمد ليسكت بعض الاقزام !! |
لمن لايعرف دعم صالح الصقري للهلال هو من احضرالعجلاني مدرب للهلال ومعه الهلال خسر بالخمسه مرتين لاول مره في تاريخه 0 |
من وين طلع لنا العضو صالح الصقري !!!!!! |
شاف الجمهور ينتقد قال فرصه اضرب في المليان:d ياخي رئيسنا نمون عليه ويمون علينا ننتقد نتكلم لكن يجي منافق بيسبب فتنه نوقف بوجهه كلنا ونقول موشغلك لاخيرك ولا كفاية شرك |
كل ادارة ناجحه طبيعي ان يكون لها اعداء مزروعين ف النادي وهم لاينتمون للنادي انما وضعوا من اجل تصيد اخطائهم وتخريب صفقاتم الله يكتب اللي فيه الخير للزعيم الملكي |
والله لو مايسري معنده الى البربره اذا عندك شي روح ساعد الاداره وحط فلوس اتمنااا انه يروح موو في حجته الهلال ولا الاداره ولا الجمهور وجوده زي عدمه |
والله أنه صادق بكل كلمة قالها .. |
إقتباس:
|
الصقري ينطبق عليه المثل : طالع وجه العنز واحلب لــــبــن |
انا الصدق مادريت عنه ولكن بشكل عام يضل الأمير عبدالرحمن بن مساعد رجل قدم للهلال الكثير ونتظر هم منه الكثير والكثير. ولا اخفيكم بأن الجميع متوتر في ضل عدم الأنتهأ من ملف المدرب ولكن هذا مو عذر للأنقاص من حق هذا الرجل ابداً فالرجل قدم ومازال يقدم الكثير . وبالتوفيق للزعيم ان شألله .. |
لبىىىىىىىىى والله قلبك صراحه صحيت على التصريح اللي مدري وش يبي ؟ لكن كفيت ووفيت وقلت مايجول في خاطر كل هلالي |
الصقري قل خيرآ او اصمت |
عبدالمجيد الشمري :) الرجل هذا تطلعه التعثرات فقط وإلا أربع سنوات فيها ستة بطولات ما شفناه رفع برطم عن الثاني وإذا فيه إشادة يشيد بالكيان مع إغفال دور الإدارة في ذلك !! وما تشوفه إلا بالجريدة بعد كل إنجاز .. وبالجريدة مع كل تعثر صعب .. لكن تبغاه يدعم مع كل ضائقة مالية <<< مستحيل تشوف الشيء هذا .. |
المشكلة اذا كان الصقري يصرح نيابة عن أحد ما ...... |
إقتباس:
صدق منقولك :) ،،،،،،،،،،،،،،،،،،،،،،،،،،،،،،،،،،،،، |
إقتباس:
البريداوي :) كلامك هذا جاي بالعظم :yes: وهو شيء متوقع بل أكيد .. ومن يعرف الصقري ويتابعه يعرف جيداً أنه لا يتبنى مثل هذه المواقف من تلقاء نفسه .. فهو يمثل دور ( قوي الوجه ) لشخص آخر يستتر وراء الحرص على الكيان !!! وهذا ماحدث سابقاً وهاهو يحدث حالياً ... :( |
لو كان محب صادق لتواصل مع أعضاء الشرف ومع الإدارة بعيداً عن الإعلام لو كان صادق ما ضرب أمثلة مزيفة لفترة الهواية اللي فيها النادي يملك اللاعب مؤبد ويتحكم فيه زي ما يبي بالفترة اللي حنا فيها واللاعب حر والأمور كلها بيده إذا كان نجم مطلوب ونفس خويه اللي قابله هو اللي تسبب بمشكلة الفريدي ,, العجلان هو أول من سأل الفريدي عن بقاءه بالهلال ومن بعد تصريحه انهالت عليه التخريبات من البلوي ومن النصراويين الصقري رغم أنه يدفع لكن بأسلوبه هذا سوسة ينخر بجسد الزعيم المترابط طول عمره , ابتعاده هو ريالاته أنفع وأجدى للهلال ,, خصوصاً أنه عضو شرف ترززي غير فعال وقليل الدفع |
بركان الشوق :) والله لا توقيت و لا الكلام نفسه ولا حتى الشخص اللي يقوله .. يعني لو تكلم غير الصقري هو وقعاطته كان يمكن نتقبل منه .. |
| الوقت المعتمد في المنتدى بتوقيت جرينتش +3.
الوقت الان » 07:04 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd