ياخي حتى يناقض نفسه

مره يقول لن ارشحه وفي النهايه يقول مع الاغلبيه اذا رشحته

واقول هذا ماهو وقت للمزايده على الهلال وبذات في هذه الاوقات العصيبه في مفاوضات المدربين
مدرب الهلال القادم
فرنسي او خوخي

وشكرا

إقتباس الرسالة الأصلية كتبت بواسطة المختـار و أنا أقرأ تصريح عضو شرف النادي صالح الصقري وبما فيه من لغة إستعلائية وتهكم و استخفاف بجهود رجل فاعل بحجم شبيه الريح خيّل لي أن من يتكلم هو أفضل رئيس مرّ على نادي الهلال أو افضل عضو شرف من حيث الدعم المتواصل !! ولكن .. وبعد عادت من سرحاني تذكرت أن من يتحدث هو الصقري فما كان مني إلا أن رددت في نفسي عبارة ( مهيب غريبة عليك يالصقري ) .. هذا أنت و كما عرفتك ... تستغل أي إخفاق و أي زلة حتى تطلع بدور البطل و الغيور !! و أنت من أقل أعضاء الشرف دعم للنادي .. بل إنك إستفدت من النادي أكثر مما أفدته .. وهذه المرة الثاني التي تحدث منك مثل هذه التصريحات .. المرّة الأولى كانت ضد عبدالله بن مساعد !! وهذة المرّة ضد عبدالرحمن بن مساعد !! وكلى اللقائين كانا مع أحمد العجلان إن لم تخني الذاكرة .. يالصقري والله لو إنك مكان عبدالرحمن بن مساعد لما كان منك إلا أن تحظر مدرب بمرتبة مقاول معماري في البرازيل وهو صديقك الخاص المدرب " أوسكار " اللي كنت تفزع تجيبه مباراتين أو ثلاث وبعدين يرجع بعد ما ياخذ من النادي كم 100 ألف دولار ويرجع يكمل عماراته و مشاريعه الخاصة بالبرازيل .. صدقني ما عندك إلا "الدجّة ".. و تبحث عن " الترزز " بمثل هذه التريحات قليلة النفع و البركة !! وعندي إحساس كبير إن بينك وبين عيال مساعد شيء .. لأنك طلعت في وقت عبدالله بن مساعد بتصريحات إنتهازينة ثم إختفيت و بعد ذلك ظهرت في وقت عبدالرحمن بن مساعد وبنفس التصريحات الإنتهازية !! يعني عضو شرف إنتهازي قبلك ما مرّ علي ولا على الهلال ؟!! أين حمرة الخجل وأنت لا تدعم النادي و تساهم مع الرجال الذين يتواصلون مع الإدارة و تقوم ببعض التكاليف كأن تقوم بتكاليف الرابطة ولو لـمباراة واحدة ـ أقل شيء ـ فضلاً عن دعم النادي بالصفقات سواء للفريق الأول أو للفئات السنية ولكن لم يحدث أبداً شيء من ذلك ولن يحدث .. أما من جهة التصاريح .... فخذ رجال .. تصريحاتك لايقولها حتى الملياردير الروسي إبراهيموفيتش أو برلسكوني !!؟ إلى متى هذه الإنتهازية يالصقري ..؟ و إذا فيك خير وغيور على الهلال من تلاعب الفريدي ..فك الكيس وجب يحيى الشهري من الإتفاق و دع الفريدي يعرف من هم أعضاء شرف الهلال الداعمين !!!! ولكن للأسف لست منهم لتفعل أقل من ذلك.. ألا تخجل مما تقول على شبيه الريح ؟؟ ولو قارنا ما قدمه عبدالرحمن بن مساعد في سنة واحدة من جهد وتعب وبذل فكري ومادي يساوي بل يتفوق على ما بذلته بعمرك كله مع الهلال !! صالح الصقري .. عيب .. عيب .. عيب عليك والله ..

كتبت فأبدعت
مفروض ينقال له تم التصوير
شكله يبي ادارة النادي !
هههههههه يبطي عظم والله


كلنا فدا لبو فيصل على الحلوة والحلوة
لان ما في مر

من وين طلع لنا العضو صالح الصقري

لايكون الي بجدة ما يحضر للهلال الا اذا كانه المبارة بجدة

الشكوى لله ... الله يسامحك يا ابن مساعد الي خليت كل من جا يتكلم على الكيان الهلالي و عليك انت !!!

السلام عليكم

ناقصينك ياصالح الصغري موقتك تتنتقد

وللاسف تصريحة في هذا الوقت له دافع بس الله اعلم بلغيب والله يستر من هذه الاشكال

الي الناس والنادي في وادي ولاخ صالح الصقري في وادي

والله ابي افهم هو ايش يبي في التصريح الي مالة داعي ابدا

ويا استاذ صالح الصقري . اذا عندك مشكلة مع الادارة ارجاء حلها بينك وبين الادارة بدون الاعلام لانه انت عارف الاعلام اجواءة مسمومه وخصتا في الصيف .

الانه على حد قولك ان ادارة نادي الهلال واعضاء الشرف على يدوحدة وانت الان تحول تفكيكها بتصريحك في هذا الوقت .

السلام عليكم ورحمه الله وبركاته
الان الوقت مو مناسب لبعض التصاريح في اوقات حساسه
وتبدأ تطلع المشاكل للاعلام .. وش فرقنا عن الجار اللي يشتغل ويكرف ويصرف
ويجيك واحد ما سدد العضويه الشرفيه وينتقد و يهاجم الاداره بكل بساطه
ولا يوم من الايام سمعنا بأسمه بدعم خزينه النادي ... او على الاقل دعم الجماهير بشراء التذاكر او دعم الرابطه او معدات

آكيد لكل عمل مميز فيهه ناس تنآظر بعيون سلبيهه لو مهما عملت يبقى رأيه سلب

تحياتي

الزعيم أبو فواز

حياك .. لا تستغرب إنه متناقض لأن الرجال بعيد جداً عن النادي وكل كلامه موجود في زوايا الكتاب والمنتديات .. بس هو أهم شيء عنده الصورة أربعة في ستة تطلع مضبوطة ..

mo7im

صدقني لو يقولون له أمسك رئاسة النادي والله إن يهج لتورابورا !!
رئاسة النادي فيها دفع فلوس .. وهو رجال تخصص تصاريح ماهيب لم سنع ..!
فرك الأصابع بالمخابي له رجاله .. وهرج الخشش له الصقري .. ههههههههههه

كل الجمهور زعلان على الادارة لتأخيرها بالمدرب وبعض النقاط السلبيه التي لا تذكر بجانب اجبياتها وانجازاتها ..
تصريح في غير محله للأسف ..!! ومن واحد يسمي نفسه عضو شرف هلالي ويصرح ضد افضل ادارة هنا نقف ونقول له حدود حمراء لا تتعداها
نحن نبحث عن الاستقرار والوضع الحين متوترالجمهور على اعصابه ما يتحمل تصرح من عضو شرف بنفس هالقوه ..!!
بعدين ما عرفنا هالعضو الا بالتصاريح وين الدعم ولا بس شوفوني انا غيور على الهلال ..!! لا بطل ما شاءالله عليك
اتمنى من اعضاء الشرف الكبار دعم الادارة الحاليه بتصريح قوي ويقف مع الادارة وخاصه من الامير بندر بن محمد ليسكت بعض الاقزام !!

من وين طلع لنا العضو صالح الصقري
!!!!!!