|
- وبما إن الموضوع يعنيهم م نشوف لهم حس ! شي طبيعي دامهم " أطفال " طلعو مع طلعة أنديتهم أو خلينا نقول نجومهم الي أبلشونا وكرهونا فيهم شخصياً أشوف الموضوع زاد عن حده وبما إنك ي كاتب الموضوع تطرقت لها النقطة ف ياليت يكون فيه تشدد وضبط لها النوعيات للمصلحة العامه يعني مو معقولة الواحد داخل إستديو اليورو ويشوف ثلاث أربع صفحات هواش على كريس وميسي والأخير ماله دخل بالموضوع من أساسه ياخي أقلها إذا عقليتك كذا رح نابح وطبل وبجل للاعبك فرابطتك لين تفطس ، بس لا تجي عندنا وتبلشنا وتحوم تسبودنا الله يرحم لي والديك الثورة معها قلباً وقالباً ، ومسستعد أساهم وأساعد للحد من ها الظاهرة الي إجتاحت عالميتنا وصار الوضع فيها " لايطاق " أتمنى أشوف تغيير مع بداية الموسم الجديد ، عزيزي كاتب الموضوع ( كن بخير ) |
|
إقتباس:
بكل آمانة أنا اشوف الحل "للحد" من هذه المشكلة تكمن في يد رؤساء الروابط،،، يعني ما شاء الله "اخوان و يمونون على بعض" و لو كل رئيس رابطه وعى اللي معاه في الرابطه أكيد راح نطلع بنتائج جيدة "و اي شخص عنده اقتراح يتفضل يقوله،،،بس يا ريييييت لو نبعد عن "الاسلوب التهجمي أو الاستفزازي" لانه نحن نحاول نصلح مو نزيد الطيبن بله" |
معكم قلبا و قالبا اللي يسون مشاكل في كل الاستوديوهات معروفين و المفروض شوية حزم من المشرفين احيانا التعصب يطال اعضاء لها مركز بالمنتدى و بغض النظر عن الاعمار احترام مكانة العضو شي مهم اتمنى اصدار قوانين جديدة تخص هالموضوع بالذات |
السلام عليكم اخوي أنا ضد التعصب والتعصب الاعمى لكن فيه لي رأي بهالموضوع اقصد موضوع برشلونه وريال مدريد و ميسي وكريستيانو هذا منتدى ومساحه لطرح الفكر الرياضي ، وكل شخص حر برأيه .. يشجع من يشجع ، ويدافع عن من يدافع ، لا يوجد مشكله ، ولا يمكن مصادرة أراء اي عضو. يمكن هالشي زاد بالفتره الاخيره أكثر من اللازم وهذا غلط . لكن لا ننسى ان برشلونه وريال مدريد من أكبر إن لم يكونا أكبر اندية اوروبا حاليا كأسماء واعلام . وميسي ورونالد الاكثر تنافسا على الساحه الكرويه حاليا ، ف بالتالي لهذا النقاش ما يبرره . أنا مع النقاش وضد الجدل ، والفرق كبير . يوجد اعضاء يوضح فكرته بالارقام وبالألقاب وبالمنطق ، وفيه من يعارضه بنفس الاسلوب ---> هذا النقاش كلنا مستفيدين منه ، معلومه وفكره . لكن ما أنا ضده واللي مسبب مشاكل في المنتدى بعض الردود اللي تكون فيها إساءه أو غلط على طرف النقاش الاخر ، يعني أنا ما عندي مشكله انه يسيء عضو لميسي او رونالدو لاني ما اشوف بهذا مشكله ، أما المشكله لما العضو يسيء للعضو الاخر او يرد رد استفزازي يخلي الطرف الاخر يغلط عليه . مثلا من بعض الكلمات اللي اشوفها تساهم بتحول النقاش لجدل ، عضو يثبت وجهة نظره بالارقام والمصادر ( لحد الان الامور مافيها شي ) لكن عضو ثاني ويقتبس نفس الرد ويكتب تحته ( +1 : رد ملجم ). او ان يكتب عضو : جمهور أطفال ، او نباح ، او اي شيء من هالقبيل . بالنهاية اللي يجمعنا : دين ، لغه ، الهلال أكثر من اللي يفرقنا أقتراح التالي : اعطاء صلاحية للعضو اللي ينشر الموضوع بحذف أي رد يرغب في حذفه في الموضوع اللي تعب عليه ترجمه ونقل . شكرا للجميع سبحان الله وبحمده سبحان الله العظيم |
إقتباس:
كلامك زييييييييييييييين و الله زين:smilie47::smilie47::smilie47: و ترى نحنا نتكلم عن نفس الفكرة لاني ذكرت و قلت انه "التعصب الاعمى" يحرمنا من التحليلات الرياضية اللي دائما ما كانو يتحفونا فيها الاعضاء و دوووم كانو يحلولن بطريقة "حيادية" و يقولون الحق حتى لو على فريقهم اللي يشجعونه... أما الان فنادر ما صرنا نشوف هالشي مشكووووووووووووووووور على اقتراحك و ننتظر باقي الاخوان و رد المشرفين ايضا |
يعطيك العافية حازم وضمني معك في ثورتك :smilie47: ما منعني من المشاركة في استديو اليورو بعض الردود الطفيلية من "بعض" الأعضاء ! أرى المشرفين يتعاملون مع هالردود بشكل لا يرضي لا يكفي فقط الحذف سيعود بالكتابه من جديد .. سالفة هالردود أصبحت هي سبب تدهور العالمية لماذا لا يتم التعامل مع أعضائها بقوه والإيقاف هو الوسيلة الأفضل للحد من تلك الردود المسيئة للقسم , بالرغم أن الإيقاف سيقلل من نسبة التفاعل في القسم في البداية لكن سيحيي القسم من جديد ويعودون أكثر الأعضاء اللي اكتفوا فقط بالرد بالروابط بسبب تلك الردود .. عذراً للمشرفين قسيت عليكم شوي , لكن يشهد علي الله أني أحبكم وكلكم على راسي يالغالين :smilie47::d |
يعطيك العافيه اخوي ،، احياناً النقاشات تكون جداً جميله ، واحياناً لا ، اشوف الي حاصل بالعداوه الكبيره بين الناديين ، ماهي الى ردة فعل على ماقام به مورينهو خلال سنتين ، جعل اسبانيا بـ أكمله كـ منتخب متفكك ، وخنقات وهواش وطقاق بالمباريات ، طبيعي جداً الاجواء الحاصله ، لكن بعض الاحيان تاصل لسالفة العناد :d ، ومن اجل هالشيء معكم بهالثوره . :d يعطيكم العافيه مره اخرى :rose::smilie47: |
إقتباس:
و الحمله حقتي سحبت علي :d ما كانت تعتبر حل ؟ و شكرا ًصاحب الموضوع :smilie47: |
^ ضاري مسوي طالع منها انت المقصود ي بعدي :d بخصوص الموضوع / شخص يرد باستفزاز اكيد راح يقابله رد مستفز اخر يعني الدعوة هي من الرد الاول او من يشعل الاثارة كل شخص له الحرية في التعبير عن الراي لكن بحدود بدون استفزاز او استنقاص وشكراً :rose: |
المقارنات وميسي وكريس الي فيها الردود توصل لـ صفحات بدون نتيجة |
يعطيك العافيه صاحب الموضوع .. المشكله الوضع زاد عن حده كثير مبزرة كريس وميسي بلشوا الاستديو نقاشات عقيمه وتحاول تكلمه بمنطق العاقل يرد برد سفيه يدل على صغر عقله او بيئته الحل فيه قسم روابط اختر رابطة فريقك مجد للاعبك لين تفطسون سوا وفي الاخير مادرى عنك .. وانت مسوي ملجمهم والمشكله فيه ناس تقول احنا مانحب التعصب وفي الاخير هم اعمدته واسبابه في كل موضوع الحل في نظري / نفتح رابطتين لـ كريس و ميسي ونعطي تحت عمر ١٥ سنه المساحه للتعبير |
موضوع جميل جدااااااااااااااااااااااااااااا |
وش صار بالثورة ؟ توقفت :rose::rose: |
إقتباس:
لا ان شاء الله الثورة مستمره و ان شاء الله تحقق نتائج طيبة بتضافر جهود كل الاخوان |
| الوقت المعتمد في المنتدى بتوقيت جرينتش +3.
الوقت الان » 11:41 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd