|
أنـــا هـــلالـي أذا مـــن حـــقـــي أتـــســائــل .. !! بسم الله الرحمن الرحيم ببتدي بالموضوع على طول .. وبدون اي مقدمات .. في البدايه يجب على الكل يعرف أن ودي أمور الهلال عال العال ودي أن يكون الهلال مخلص الامور كلها قبل المعسكر .. باقي للمعسكر أيام قليله ودامني هلالي مخلص ومحب للكيان الأزرق أحب أسئل !! .. من بعد مباره الهلال مع بني ياس طلع لنا شبيه الريح وقال سنذكر أسم المدرب بعد أيام والحين شهر مانعرف من هالمدرب ؟ .. عبدالعزيز الدوسري بعد أصابه نسمع رايح يسوي عمليه وبعدها تقرر عدم أجراء عمليه الاعب متشتت وين دور الاداره خصوصا المعسكر على الابواب والرجال مايعرف وش يسوي في أصابته والكل يعرف كيف كان الوسط ضعيف بعد عزوز ؟ .. هرماش العربي الكوري ويلي ماندري وش مصيرهم باقين ولا مقادرين خصوصا المعسكر على الابواب .. اللاعبين الاجانب ماندري عن أي أسم فيهم هم للاعبين دوليا ولا مجرد لاعب محترف ؟؟ .. طبيب النادي للحين ماندري من خصوصا الكل يعرف أن الاصابات كثيره بالفريق وهذا أكبر غلط يجب جلب دكتور له أسمه والاداره للحين لاحس ولا خبر ؟؟ .. ياسر القحطاني راجع وياسر القحطاني رايح للعين متي يحسم الأمر هذا ونخلص ؟؟ .. الفريدي للحين مافيه شي جديد هو باقي ولا رايح عن الزعيم ؟؟ يأداره الهلال ياشبيه الريح يانواف بن سعد ياحسن الناقور نثق بالله ثم فيكم بس والله قهر نخش التويتر ونتبع الي يسوي والي مايسوي عشان نعرف وش الجديد بالهلال مافيه مدير مركز اعلامي المفروض يطلع ويقول بعض الاخبار ويصحح بعض الاخبار الي يقول مو شرط يطلع عبدالكريم الجاسر وينفي كل شوي نقول ياخي .. اقل شي ينفي عشان مانفكر بالموضوع اذا كان اشاعه اذا عبدالكريم يدري ان اكثر المواضيع اشاعه طيب أحني جمهور الهلال نحب ونغار ونحترق قل لنا انها اشاعه عشان مانفكر . عبدالرحمن بن مساعد نواف بن سعد الفرصه ماتجي ثاني مره مبارتين ذهاب واياب وبعدها نفس الشي ذهاب واياب وراح يكون النهائي الاسيوي في الرياض والقرعه مريحه جدا فقط شوي جهد منكم مانبي بعد الخساره يجي شخص ويقول انا اتحمل المسؤوليه واذا تحملت المسؤوليه وش يفيدنا كجمهور هلالي .. أتمني البطوله الاسيويه من نصيب عشقي الهلال |
إقتباس:
|
امور الزعيم , مش ولا بد , لكن نتمنى التوفيق لزعيمنا الملكي بأذن الله |
والله محد يلومك وصادق بكل شي لدرجة صرت اخش التويتر ادور اخبار الزعيم اكثر من المنتدى والمواضيع المثبته لكن مالنا الا الصبر |
اشكرك على الموضوع ماقصرت انا مستغرب الصمت الغريب من الاداره لاكن ماقول غير ان شاء الله خيره للهلال |
حآآل الهلال ما يسر لآآكن ما نقوول الا "وبشر الصابرين الذين اذا اصابتهم مصيبة قالوا انا لله وانا اليه راجعون" .. الله يعين ==" |
ياحبيبي مانقلو المعسكر من النمسا الى المانيا الا بقرار من المدرب يعني المدرب موجود بس مكتمين عن الاعلان بسبب شرط المدرب |
يمدحون السياحه بالنمسا وسويسرا وباريس |
يعطيك الف عافيه ,, بالتوفيق للهلال في القادم |
والله يااخوي الشمري انك صادق والله اننا تعبنا نبحث عن الخبر ونقرا الجرايد ونحلل ندور اى خبر عن الزعيم |
الاداره متكتمه ع كل شيي مو مثل الموسم اللي راح كل درا عن ايمانا ودخل الاتحاد ع الخط اتوقع الاداره استفادت من درس العام الماضي والحين قاعده تطبخ كل شي ع نار هاديه وسريه تامه الله يكتب اسيا من نصيب الهلال |
بالعكس الوضع طبيعي جدا جدا... شكوكك هذي معناها ماعندك ثقه بالاداره الهلاليه .. مابهمني من المدرب ولا اللاعبين الاجانب والاالجهاز الطبي يهمني الهلال فقط انه الموسم القادم يبداء وهو مستعد لو مايعلنون عن المدرب الا قبله بيوم .. ثقتي بالاداره كبيره وبالله اكبر واكبر .... ريح بالك واستمتع باجازتك واترك الناس المسؤوله تشتغل براحتها ... |
موضوع في قمة الخيااال كل التوفيق ل الزعيمطرحت فابدعت<?xml:namespace prefix = o ns = "urn:schemas-microsoft-com<img src=" /><o:p></o:p> دمت ودام عطائك<o:p></o:p> ودائما بأنتظار جديدك الشيق<o:p></o:p> |
عوافي ع الموضوع انا معاك بكل التسأولات بس ان شاءلله خير الصبر مفتاح الفرج |
صدقت ’ لكن وش نسوي الله يستر من الموسم الجاي الامور ماتبشر بخييييير ’, |
| الوقت المعتمد في المنتدى بتوقيت جرينتش +3.
الوقت الان » 11:22 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd