|
شوية حياء في وجه الأجواد ياوقت !!! بسم الله الرحمن الرحيم ( لو انها بين النحر والتلابيب .. من الحيا وجهي مهو بـ مغسولي ) (طبع لنا نشب عليه ونشيب ... وطبيعـــة لعلها مــــا تزولي ) .. اذا كانت الفلوس وهي اللتي لاتقوم الحياة الكريمة الا بها ... يسمونها وصخ دنيا .. وش عاد تصير الكوورة ؟؟!!!! للأسف الوقت هذا اصبح وقت قليل حياء ... وفعلاً كما تقول العبارة الرائعه : (اسمك المستعار... لايعني ان اخلاقك مستعارة !! ...) وشهي الكورة اللي تخلينا نسب ونشتم ونخوّن ... ؟؟!!!!! واللي ادهى منها وااللي مالها طب ..ابو فيصل مع ابوهـ في العناية المشددة ... وفيه ناس بكل بجاحة تطالبه وتلومه بوضع الفريق.. والمدرب ..!!!!! وين وصلتنا الكوورة ؟!!! عسى عمره ماجانا مدرب !!! وطز في اسيا وبطولتها !!! و طز في المطالب اللي هذي اخلاق من يطالبون فيها ؟!!!! بالله هذي اخلاق ناس ... صادقين في محبتهم ؟؟!!!! منهو الرئيس او اللاعب اللي يبي ينتمي لناس هذي اخلاقهم .. !!! المنتدى ... هذا... يمثل الراي العام للجماهير... اذا كثرت المواضيع اللي مثل كذا .. فلم يعد يمثلنا.. وعليه السلام .. ---------------------------- ادارة المنتدى : من هذا المنتدى بإمكانك ان تقود ما لا يقل عن مليون شخص ... فاختر اي طريق .. واي فكر ... وأي خلق ... تريدهم ان يتمثلو به .. !! |
عليكـ نور .. وانا معاك بكل حرف كتبته .. بس ما ظنتي إن المنتدى بهذا السوء الي وصفته فيه ؟؟ وما اتصور ان الشتم والسب ديدن المنتدى ,, الاشراف مو مقصرين بعملهم .. اتفق معاك في مضمونكـ بشكل عام . واختلف معاك في ما ذكرته بخصوص المنتدى ’ لك وافر تقديري ’ |
الله ينور عليكـــ قلت مايجوش بالخاطر هذا هومعدن الهلالي الحقيقي |
هذا المنتدى من أفضل المنتديات واعضاؤه جلهم يكتبون بأدب وعقلانيه والشواذ قلة لايؤثرون على الكل خذلك لفه على المنتديات المجاورة وبتفهم كلامي وانا معك ان الاخلاق والحياء اهم مايميز المسلم |
- كلامكك صحيييح أخوي .. في منتدى الهلاللَ قليل من هم من هذه الاشكاللَ الحمد للههَ ! |
إقتباس:
والله ادري ان المنتدى مو بهذا السوء ولكن ... الشغلة كل مالها وتزيد ... يابعدي... وانا ما اشوف تركها تنتشر الا منفر ... اشكرك :) |
اقسم بالله هذا الكلام الصح وانا معاك والله لو ماتجي هالبطولة هالسنه هذي طز فيها ما فرقت سنه والله يعوضنا السنه الجاية خير والله يكون في عون ابن مساعد ويشفي ابوه ويعافيه واهم شي بالدنيا الوالدين ,,,, |
السب والشتم ماهي من اخلاقنا كمسلمين .. ولكننا كهلاليين سنطالب من هذا المنبر .. وسنقول أرائنا بكل حرية ومن دون مجاملة |
والله العظيم سجلت دخول لعيونك ونعم الرجل انت ونعم التربية تربيتك فعلا انت نادر وجوده ولا يهنون البقية فيهم الخير ياليت يثبت الموضوع للابد |
إقتباس:
|
الحمد لله أن اللي تقول عليهم قلائل ولا يمثلون هذا المنتدى ,, |
إن جات من طيب شقاها على الطيب / لو أنها اعوج من رقبة الذلولي وإن جات من مسكين منطق واساليب / حطيتها بين الثرى والنعولي ماحركت شعره ولا طلّعت شيب / ولا ضيقت صدري ولا طق جولي ................. ياخوينا اللي يبرك للحمل يشيله. واللي يفتل شنبه يكون قدها والا يجّنب . والرجاجيل ليا تزهلوا بشيء جابوه وافي وعلى حله . والمطمطه والشغل الرخو . يلحق صاحبه لوم . وقبيلة الهلال يشرهون على شيخهم أنه يحطهم بمقدمة القبايل ( ما دام أنه تروسهم ودق صدره ). والا ترى الي مسكرن بابه وجالسن عند اهله . ما لاحد عليه طريق ولا احد يقدر يلومه بشيء . واللي يتعرض له ضالمٍ نفسه. ... . |
بسم الله الرحمن الرحيم لله درك كتبت فأبدعت وقلت كل مايجول بخاطر كل هلالي رزين ,, فعلا ما نثرته اخي الفاضل واشد على كلامك في مضمونه وهدفه النبيل واتمنى ان لا تأخذنا كرة القدم بعيدا عن النبل والاخلاق فهي رياضه اولا واخيراً ,, شفى الله والد الامير عبدالرحمن وامد في عمره وادام عليهم النعمه والعافيه دمت بخير اخي الكريم " عبوّد الهلال " |
إقتباس:
يمال الشحم .. اللي مثل هرجتك ومنطقك ... يبي يبشر بالدسم ... .... انا بلاي من اللي كل ماطق عود بـ عود ... جاك يولول ... مايراعي شي ... وبعدين يا طويل العمر .. الشيخ يبي عزوهـ ... يعضدونه ... يوم يدحم الرياجيل .... ماهو اليا دوبه صد حدو له السكاكين .. هذولا ماهم ربع ولا شرهتهم شرهه.. ثم عاد وانا اخوك دق صدرك لهم وقل وش تبون ... وخل يجيك واحد يقول ابي مدرب ماهو اصلع ... ؟؟ يارجل شرهونا مع العالم :) والا ابو فيصل انشهد انه يبرك للحمل ويشتاله ان الله ستر عليه ... وبيني وبينك الايام ... لكن الحين حقه علينا نكون معه ... لين والده يقوم بالسلامة ... ماهو وقت تشرهـ |
إيييييييه إييييييييييييييييييييه صح لسانكم جميعا ومشكور على الموضوع وبالتوفيق للجميع |
| الوقت المعتمد في المنتدى بتوقيت جرينتش +3.
الوقت الان » 01:50 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd