قبل بداية الموسم .. رساله الى امير الهلال
 

بداية ..

صلب الموضوع:

‫صدى الملاعب - فقرة يوم في حياتي مع اللاعب سالم الدوسري‬‎ - YouTube

‫صدى الملاعب - فقرة يوم في حياتي مع اللاعب سلطان البيشي‬‎ - YouTube

يوم في حياة لاعب ..

لاحظتوا وجه الشبه في الفقرتين !!

نجوم المستقبل .. ما ينامون الا بعد نصف الليل !! هذا كلامهم .. ما ندري اش الصدق !!

نجوم المستقبل .. ما يصحون الا بعد الظهر !!

نجوم المستقبل .. ما يعرفون النادي الا تدريب المساء !!

سؤال ..

هل هذا احتراف !!

ما يحتاج اللاعب برنامج غذائي خاص !!

ما يحتاج اللاعب تثقيف في الاحتراف ؟ (اقصد الاحتراف في الفكر ومعرفه اللاعب مصلحته !!)

ما يحتاج اللاعب انه يكون في النادي في الصباح !! حتى لو لياقه بس !!

______

علشان اكون صادق .. ما اعرف اش النظام في الانديه العالميه .. لاكن في تصوري :

ضروري جدا ان يكون التدريب اكثر من تدريب بعد العصر !!

ضرووري جدا يكون التدريب على فترتين !! استحاله يتحمل الجسم كل التدريب في فتره واحده !!

ضرووري يكون في تدريب مخصص لكل لاعب .. مثلا تدريب عالكرات الثابته !! الضربات الرأسيه !! الالتحام !!
لو الدوسري مثلا لاحظ المدررب عدم دقته في التسديد .. يطلب منه تدريب الصباح يكون انه يسدد 100 كره ثابته !! يوميا الين يتقنها !!

يجب متابعة تطور اللاعب بالارقام .. ومعرفه نسبه تحسنه في التسديد !! كم نسبة الاهداف من هالضربات !!
وكلها تسجل في ملف يخص كل لاعب .. حتى بنهاية الموسم نعرف من اللي يفيد النادي !!

________
النظام الغذائي ..

مو معقوله لاعب محترف .. والنظام اضرب في الكبسه الين تدوخ !! والوعد الملعب !!

الجسم يحتاج فيتامينات ومعادن .. وخصوصا لشخص نشاطه بدني .. لازم يكون فيه نظام غذائي مخصص لكل لاعب ..

ضرووري يكون في شيف في النادي .. يتابع مع اخصائي التغذيه ويسوي وجبات اللاعبين !!

ضرووري قبل كل هذا .. تثقيف لاعبينا في اهمية النظام الغذائي .. وكيف يوازن الشخص اكله .. حتى وهو ياكل بالبيت .. يعرف ايش ياكل !!

مو معقوله .. نتكلم عن الاحتراف .. واحنا ما زلنا معتمدين عالموهبه فقط !! :s5s:
_________

قلتها قبل .. لاكن تصريح هوساوي اجبرني اعيد الطلب !!

اللاعبين الاجانب .. يجب انه يهيأ لهم دروس في الانجلييزي لو هم ما يتكلمون انجليزي !!

دروس في العربي .. الزاميه للمبادي .. واختياريه لو اراد الاعب الاستزاده !!

وضرووري يكون في شخص (موظف في النادي) يرتب لهم لو يبغون طلعه .. أو مطعم .. او اي معلومات عن المدينه أو الترفيه !! تجيب لعيبه بمية مليون .. وتبخل بمية الف راتب لشخص يساعدهم عالاستقرار !!

_______

ارجع واقول .. نجوم المستقبل في الهلال .. اذا ما كنتوا قادرين توفروا لهم جو الاحتراف .. خصوصا في وجود لاعبين اكبر سن وما راح يلتزموا .. ارسلوهم اوروبا .. بغض النظر عن النادي ..
اهم شي يكون نادي محنرف .. ويطورهم .. وبعد كم سنه .. يرجعون للهلال .. وهم راح يساعدون الجيل اللي بعدهم على تطبيق الاحتراف !!

_____
العابد .. عزوز ... سالم .. شافي .. والقائمه تطول .. نجوم لو كلنوا عند غيرنا دفعنا في الواحد 30 مليون علشان يجي .. اتمنى نعمل على تطوير مستوياتهم وتثقيفهم والحفاظ عليهم من الاصابات !!
ايضا ..توقيع عقود طوييييله معهم .. تجدد قبل نهايتها بسنتين او ثلاث !!
__________
طراطيش :d


** الهلال من افضل الانديه في جلب اللاعبين الاجانب .. فلا خوف علينا بوجود ادارة ابن مساعد :rose:

** الاسيويه غير عن الدوري .. وفي انديه مشاركه راح تجيب لعيبه عالميين لموسم واحد .. فقط لجب البطوله

** استغرب عدم حسم موضوع المدرب .. هل هو البحث عن مدرب غير مكلف ؟ ام اصبح الهلال مكروها بين المدربين ؟

** ما ادري هو احساسي انا بس .. لاكن الهلال صار بيئه طارده للاعبين الاجانب !! والمحليين صاروا يفشلون اذا راحوا للهلال !!

** طبيب الفريق من اهم المناصب .. ولا يمكن التوفير في هذه الناحيه !! طبيب مسؤول عن لاعبين قميتهم الاجماليه مئات الملايين !! اش يفرق التوفير في راتبه !!

_______

اخيرا ..

** هذا كلام محب للهلال .. واترك الامر للخبره في الهلال !! اترك الامر لمن هو اخبر مني في الرياضه !!:rose:

** لازم يجي اعضاء ويتفلسف .. انت مندس !! موضوع مو وقته !! ... الخ .. اذا ملزمين تردون حياكم :d

خبير دلاخه ..:alzaeem:

انت وين والناس وين
زين أنهم يجون التمارين

ماتلومهم والله كيف تبيه يأخذ حصة تدريبيه مع مدرب سباك ولا عنده شخصية
تذكر ايام قيرتس كان يلزم الاعبيين حصه صباحية

كلام رائع من يسمع بس الله يعطيج العافيه

اصلا ما فيه احتراف في الكرة السعودية ما عرفنا عن اللاعبين السعوديين الا انهم راعين سهر وبلوت

وضرب في الكبسات

شف والله غير انتف شاربي نتف إذا سالم الدوسري ومعه كم وااحد

من الهلال

المهم هذووول اللاعبين غير تصير نهايتهم زي نهاية فهد الغشيان واذكرك


ورع وشاف الملايين قدااامة وش يسوي بالله ؟؟؟؟؟؟؟؟؟؟؟؟؟

سجل اعجابي بما طرحته أخي الكريم
وليت الادارة تستوعب ما ذكرته وتضع هذا في شروط العقد
فاللاعب ملزم مثل الموظف له ساعات يداوم فيها بالنادي
وادارة النادي تضع لهم برنامج صباحي ومسائي
والصباحي يكون تثقيف تعلم لغات تعلم قوانين وانضباط ومن هالدروس التي تشغل وقتهم
وتنفعهم وأيضا تمارين جري وتقوية عضلات ومسبح وتدريبات خفيفة على الكرة
فلو عرف انه سيصحى بدري وانه الساعة 7 يكون موقع بالنادي لما سهر
ومن يخالف يخصم من مرتباته
ويكون حضوره من 7 الى 11 صاروا 4 ساعات
ووجبة الافطار بالنادي
وعنده من 11 الى 5 مساء يروح لبيته ومن 5 الى 9 بالنادي ومع المدرب 4 ساعات
صار مجموع حضوره ثمان ساعات يوميا وممكن تخفض ببعض الايام ووجبة العشاء بالنادي

ان شاء الله المدرب القادم عما قرأت عنه يقولون انه يأتي 6 الصباح ولا يخرج من عمله الا 9مساء
سيكون له وقفة مع اللاعبين وعلى الادارة أن تضبط ساعتها مع هذا المدرب
لينتج لنا لاعبين منضبطين أقوياء ويرتقون بفكرهم والا ما فائدة الاحتراف اذا لم يطبق بكل حذافيره .
أما طريقتنا الحالية فهذه طريقة حواري .. وسبب رئيسي في تدهور مستويات لاعبينا عموما .

شكرا عالاضافه ..:rose:

المشكله في عقليه الاداره واهدافها ..

هالبيئه تطرد اللاعب الملتزم .. وتخرب اللاعب الموهوب ..