|
-نايف- وش جِمَعْ بين الفواسق والخوارج والمجوس ؟ غير فَرْح : الأمير عبدالرحمن بن مساعد السلام عليكم ورحمة اللله وبركاته ,, مدح الأمير عبدالرحمن بن مساعد بقصيدة للأمير الرآحل نايف بن عبدالعزيز الله يرحمه في تويتر .. :: -نايف- وش جِمَعْ بين الفواسق والخوارج والمجوس ؟ غير فَرْح :: :smilie47::smilie47: -نايف- وش جِمَعْ بين الفواسق والخوارج والمجوس ؟ غير فَرْح بموت نايف لاطِم خشوم العِدا نحْمِد الله جل شانه عد ما تغْرب شموس وعد ما تهوي نجوم وعد ما لُبّي نِدا و للذّي ربّي يقدِّر خاضعة فينا الرؤؤس مؤمنين بحكم ربّي ونرتجي مِنْه الهُدى غَطَّت الأرض الكآبه والوطن وجهه عَبوس والوجوم أضحى ملامح والحزن أمسى رِدا العَزا يجلي الخواطر يهدم هموم النفوس إلّا لا مِن جا فْ نايف العَزا يصبح سُدى عظَّم الله أجرنا بَه عَد ما قَدَّم دروس في السياسه والرياسه والكياسه والنَّدى قد أذاق اعدا بِلادَهْ من مرارات الكؤوس من شبابه بالمهابه والحرابه والفِدا ماهو لَجْل القافية قلت الفِدا والّا هجوس فادى بْمحمّد بِلاده واهْلَك الحق الرِّدا بْفضل ربّي ثم نايفْ كل حَرْب اْمن(ن) ضَروس ضامنين النصر فيها دام فِعْلَه يُقْتَدى يا إلهي حب نايفْ في ضمايرنا مْغَروس و كلِّنا شهودك في أرْضِكْ يوم هو فينا غَدا قايم بْسنّة نبيِّك ما رضى عَنْها جلوس إرْحَمَهْ يا غافر لْمن تابْ وامَنْ واهتدى حِكْمِتَك يا رب فينا تشْرِق وتغْرب شموس والبِقا ياربْ لِكْ في المنْتَهى والمبْتَدا :ba1::ba1: رحم الله فقيد الأمة وأسكنه فسيح جناته .. دمتم .. |
صح لسانه شبيه الريح و الله يرحم الامير نايف عوافي اخوي على النقل |
|
صح لسان شاعرها الله يرحم فقيد الأمة أسد السنة نايف بن عبدالعزيز-رحمه الله يعطيك العافية "صدى القناص" |
- صح لسانك ي شبيه الريح ورحم الله وغفر لاسد السنة |
فرحه المجوس بنايف اكبر من فررحتهم بعمر وابوبكر رحمه الله رحمه واسعه |
صح لسانك يابوفيصل الله يرحم ابوسعود ..اسد السنه.. ويجعل مثوااه الجناااان .. |
اسمها مرثيه مو مدح والله يرحمك ويغفرلك يانايف |
وش جِمَعْ بين الفواسق والخوارج والمجوس ؟ غير فَرْح بموت نايف لاطِم خشوم العِدا قصيده تعبر عن بعض ما في القلب رحمك الله يا اسد السنه و امير الامن و الامان |
اللّـه يرحم أسد السنُـــــه ويسكنه فسيح جناته عظم الله أجركم جميـع يعطيك الف عافيه صدى القناص على النقل .. |
الله يرحمك يا بو سعود ويسكنك الجنة |
صح لسان شبيه الريح رحمك الله يااناايف الامن يعطيك العاافيه خيوو |
إقتباس:
وصح لساااان شبيه الريح.... ومشكوور على النقل.... |
إقتباس:
الله يرحمك ي ( اسد السنه ) والله يغفر لك ويرحمك صح لسان شبيه الريح يعطيك العافيه |
والله كنت انتظر بفارغ الصبر قصيدة رثاء في والدنا نائف رحمه الله من عبدالرحمن بن مساعد مبدع الكلمه |
| الوقت المعتمد في المنتدى بتوقيت جرينتش +3.
الوقت الان » 07:45 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd