مشكلة المفاوض واسلوب التفاوض
 

السلام عليكم ورحمة الله وبركاته
احسن الله عزاء الجميع في سموالامير نايف

موضوع المفاوضات الهلالية مع المدرب واللاعبين المحليين والاجانب هو حديث الساعة وكل ساعة منذ التعاقد مع جريتس حيث كان هذاالمدرب هو اخر الصفقات الناجحة والسريعة حيث ان ماجاء بعدها هي مفاوضلت امابطيئة ومملة واماغير ناجحة على الاطلاق والسبب من وجهة نظري هو المفاوض الهلالي او حتى ان اكون اكثر انصافاً طريقة التفاوض الهلالية
شاهدنامفاوضاتنا مع ياسرالشهراني العام الماضي حتى مع رغبة اللاعب فشلنا والسبب المهايط اعلامياً حتى تدخل الاندية في مزايدات ولعلكم تذكرون تغريدة عبدالله بن مساعد ان ياسر سيوقع العقد غداً وانقلبت الامور بعدها
العام الماضي لقاءات مع مدربين في باريس والشانزليزية ويطلعون مع المدرب برج ايفل ويدرسون طريقته التدريبية في جولة على نهرالسين وخططه المستقبلية تحت قوس النصر وتاليتها بدا المعسكر وانتصف والمدرب اخرتها دول
اماالاجانب فلاننسى ايمانا وسالفتنا مع ريال بيتيس اللي طالت بسبب عدم الاحترافية في التفاوض وتضييق الخيارات وكذلك الحال مع العربي وهرماش
هذاالعام تكرر السيناريو من هاسيك الى اللاعبين المحليين اللي يدري الجمهور والاعلام بان الهلال يفاوض هذااللاعب بينمااللاعب والنادي مايدرون والدخول بعد هالصجة بمثالية وتقديم عرض ركيك حتى يدخل نادي اخر ويرفع السعر للضعف وندخل في مزايدات وبعدهاننسحب
والان الادارة تعرف ان هاسيك مغضوب عليه وانه ماراح يجدد فلماذا مابدات مفاوضاتها من قبل كاس الابطال وليش ماتم التفاوض مع مدربين انتهت عقودهم او ستنتهي مع نهاية الموسم حتى نبتعد عن المزايدات وقيمة فسخ العقد والمصيبة اللي يقول باقي وقت ونسي ان الاجانب الى الان مابداناالتفاوض معهم ننتظرمدرب الغفلة واذاجاء بنبدا معاناة المفاوضات مع الاجانب والمزايدات المعتادة واذا كان منهم احد لعب في بطولة اوروبا فان كان مميز سيزيد سعره بعد البطولة وستدخل اندية للظفر به وان كان سيء في البطولة فنحن اولى بعدم التفاوض معه والمحليين بعد ماجددوا عقودهم وننتظر الفريدي يتكرم ويرد ويتشرط
يعني التاخير بهذاالشكل غير صحيح ابداً وعلى ادارة الامير عبدالرحمن تغيير المفاوضين واسلوب التفاوض فحب الخشوم طريقة غير مجدية في عصرالاحتراف

شوف حتى الان الامور تبشر بخير باذن الله

المعسكر الخارجي محدد بالتوقيت
المدرب مخلصين معاه .. بسس باقي الاعلان لرغبة المدرب !!
مباريات ودية قوية مع .. كلوج الروماني .. مانشستر سيتي الانجليزي .. انتر ميلان الايطالي

والاجانب ذكر ابو فيصل ان احد الاجانب بيكون مدافع لتعويض هوساوي
وفيه 3 خيارات والمدرب بيفاضل بينهم

هذه بعض الامور المطمئنه ان اخطاء الموسم الماضي لن تتكرر

بسس اللي اتمناه وان اسمعه ان الهلال يتعاقد مع 2 اجانب بديلين لهرماش والعربي
( صانع العاب ومهاجم )

بالتوفيق للهلال يارب

مشكلتنا بافلام الاكشن اللي صايره لنا كجمهور مدري ليه على شان الواحد يطلع بطل او منقذ او شوفوني تراي سويت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يــاخي عندي ملاحظات أكثر بس اخاف أحد يقول مندس
الأجانب باقي ما تعاقدنا معهم
و المعسكر باقي عليه 10 ايام
لا حول ولا قوة الا بالله

فلنكن عقلانيين ..

نفس الاداره التي جلبت جيريتس ونيفيز وويلهامسون والشهراني واسامه وياسر والكوري وصعدت من الاولمبي ..

اذاً نجحت الاداره كثيرا وقدمت مواسم ممتعه واذا بتقيس نجاحه من فشلها .. اتمنى النقاش بالاقام والاحصائيات والانجازات فقط ام فلان راح وفلان جا هذه التنقلات طبيعيه وتحصل بكل اندية العالم ..


تحضر المفاوضات مع المفاوض .. ؟
انت معهم في الاداره عشان تعرف انهم فاوضو ولا ما فاوضو .. ؟
تدري ايش الظروف التي تواجههم ..

عندي تعليق على ايمانا .. بخصوص هذا اللاعب كانت هناك مشاكل بينه وبين النادي بسبب مغالاة النادي بمبلغ التفاوض فقط لا غير .. وهذا شي طبيعي ..


انت لو تروح تشتري سروال وفانيله ب 15 ريال بتاخذ يوم كامل وبتاخذ اجازه من الخرجات والفله فما بالك ملايييين في ظل ضعف المردود بالنسبه لأسعار اللعيبه ..

اذا الللاعب السعودي الفقير فنيا بالنسبه للاوربين يطالب بالاحتراف الخارجي و يفعل كل ما بوسعه للاحتراف.. فما بالك لمن تجيب لاعب محترف من اوروبا ترى حبيبي اقناعو صعب ..

والاداره الموقره ذكرت الصعوبات في التعاقد .. اعتقد بعد كلامهم ينتهي النقاش وننظر فقط ..

لازم الادارة ان تكون صريحة مع الجماهير وان لا توهمهم بان الامور على مايرام وان كل شي تم الانهاء منه فمسألة المدرب حتى الآن وتبقى اللاعبين الاجانب

مازالت الإداره تبذل كل الجهد ل اسعاد كل هلالي مع تحفظي البسيط على تأخرهم الزائد

عن التعاقد مع المدرب .

لكن بعض الظروف قد تصعب مثل هالامور ( التعاقد مع مدرب او لاعبين اجانب ومحليين ) والعمل والجهد لايأتي بسهوله لابد من الصعوبات

والمعوقات وبالنهايه مايصح الا الصحيح وكل خير ان شاءلله .

شكراً لك .

العرق دساس

سعوديين

عمرك شفت سعودي

يخطط الى اجازته قبل سنه

وفيه ناااس اذا يبي يسافر

خم الشنطه وعلى المطار

واذى المسلمين دورو لي حجز

ياعمي عالم فوضوي والله ماشين بالبركه

ما ضيع الاتحاد السعودي قبل الانديه الا الخطط المدروسه

وجاي تبي الانديه تطبق الاحتراف وتعمل با حترافيه مع المدرب والاعبين .

عالم ماله في الكوره ,,, ناس حق ترزز واستثمار فقط .

الأهم أن لا تضطر الإدارة للتعاقد مع مشجعين جدد للنادي</B>
<CENTER>
</CENTER>

إحنا مع الإدارة إن المفاوضات تأخذ وقت حتى تتم ولكن عتبنا إنه كان هناك وقت كافي من وقت ما قررت الإدارة عدم إستمرار هاسيك وكان من الأولى البحث عن مدرب وعدم إنتظار إنتهاء الموسم .

نفس أخطاء الموسم الماضي تتكرر




















...

ياعيني عليك
اذا بتشتري سروال وفنيلة لاتنتظر حتى ترمي القديم وانت ماشريت الجديد
انالم اقلل من عمل الادارة وذكرت ان اخر الصفقات الناجحة كانت جريتس وهذاانصاف لهم لكن المشكلة بعد ذلك واضحة وهي في المفاوض او طريقة التفاوض من توقيت وخيارات وغيرها

احترم كل اللي قلته لكنه يبقى كلام غير رسمي
مافي شيء مطمئن حتى المان سيتي والانتر ينتظرون المدرب على كلامهم يعتمدها يعني كلهاسوالف
والاجانب اللي تقول 3 جاهزين لطرحهم على المدرب افرض انه مايبي ولاواحد فيهم او افرض انهم وقعوا مع غيرك ماقعدوا ينتظرونك

حياك الله اخوي
اناماقلت نتدخل في عمل الادارة لكن علينا ان نطرح وجهة نظر حول المشكلة اللي اشوفها في المفاوض وفي الاسلوب