|
ابو فيصل ان كنت تدري فتلك مصيبة وان كنت لاتدري فالمصيبة اعظم السلام عليكم ورحمة الله وبركاته بسم الله الرحمن الرحيم مدري والله من وين ابدا الموضوع لان الوضع مغلفص مثل غلفصت إدارتنا في بعض الامور شكلهم اعدوني الله يسامحهم. يجيني واحد يقول وش معنى الغلفصه الغلفصه يعني الدوران في حلقه مفرغه يعني تخبط يعني انسان يمسك عجينه ويعجنها ويتعب ويتهبد وفي الاخير تطلع العجينه ماتنوكل ولا يتعلم من عجنه اللي كل مره يفشل فيه. نعم فشل بكل معاني الفشل لا احد يقول لي مافيه فشل لان اللي بيقول مافيه فشل اصلا مو فاهم وش معنى فشل. لان احد اهم اسباب حصول الفشل هو اختلاق الاعذار وعدم التعلم من الاخطاء. لم انتقدك يا ابو فيصل شخصيا في جميع كتاباتي ولكن يجب ان نقول مانرى وهذا اول موضوع بتكلم فيه وانتقدك شخصيا . نعم يا ابو فيصل ادارتك وعلى هرمها انت احسن اداره في العالم في اختلاق الاعذار وتزيين الاخطاء لنفسها وعدم الاعتراف بأن هنالك خطاء وانكم معصومون من الخطاء وخصوصا انت. كالديرون جبته وقلت افضل لهذا الوقت ومافيه بديل وهو افضل الموجود وانت كنت تعلم بأن اريك راحل وقعدت تقدم مبررات وسوالف وان كالديرون يعرف الدوري تزين القرار لنفسك وفي الاخير وش المحصله اقالته . دول اتى لان الخيارات كانت ضيقه وان الوقت ما اسعفكم وهو افضل الموجود. الاصلع التشيكي نعذرك من دون ماتتعذر ولكنك تعذرت الوقت ومافيه مدرب محترم بيقبل يمسك فريق من نص الموسم وهو افضل الموجود. تعددت الاسباب والموت واحد سهل على كل انسان انه يختلق عذر لفشله في شي بس مو صعب انه يتعلم من اخطائه. هل كنت يا ابو فيصل تقول لنفسك قرار بأخذه واذا نجح ما احد يحتاج عذر واذا مانجح العذر جاهز وجمهور طيب يصدق له كم كلمه مرتبه ولا احتاج اني اخذ راي احد منهم لاني انا احسن واحد في العالم يفهم انا ومن حولي فقط. يا ابو فيصل ماسألت نفسك سؤال بسيط بس ليش الوقت مايسعف الهلال في اختيار المدرب والخيارات تقل علينا بس حنا :d الخلل في الوقت وقل الخيارات ولا في العقول اللي تدير الوقت !!!! طيب مو الشباب وقع مع برودوم من وين جابوه من المريخ !!!! والاهلي من وين جاب جالروليم نزل عليهم ببراشوت!!! مثل ما قلت سابقا في الموضوع سهل ان الانسان يختلق عذر وصعب عليه انه يبحث عن مكمن المشكله عشان ما ينصدم بالواقع المر. في اتصالك لبرنامج الهدف اتصلت متنرفز عشان العجوز جوزيه وتقول انه ماكان احد الخيارات وانك ضميته للخيارات وش المقصد من سموك الشغله عناد يعني!! من اللي سبب الصجه؟ جمهور الهلال ليش تسلب الجمهور حق من حقوقه وتقول للجمهور لا تتبعون الكلام طيب نفس الجمهور اتبع كلامك وصدق اعذارك ما انتقدتهم وقلت ليش تسكتون. ولمى ما وافقوك الراي طلعت قلت انا ضميته لان CV جوزيه ممتازه :d ممكن ما ضميته او ماراح يجي الهلال بس ليش تقول ضميته وتنتقد الصجه هل سياسة سموك ان لم تكن معي فأنت ضدي !!!! للجمهور حق التعبير وانت يا ابو فيصل من وضع نفسه في هذا الموقف لان الجمهور اخذ وعد من شهر تقريبا في تاريخ 22 ان خلال ايام المدرب بيعلن ولا حصل شي . وتطلع زعلان على الجمهور وتقول عندنا اربع خيارات والان مانويل الخيار الخامس! ماهكذا تؤكل الكتف يا ابو فيصل لان انت تتحمل جزء كبير من الخطاء تدري شلون انت عارف ان الاصلع التشيكي ما راح يستمر مع الهلال من قبل نهاية الموسم بفتره. كان بأمكانك تبحث من زمان عن مدرب وتخلص معه قبل ماينتهي الموسم ولا تتأخر كل هذا التأخير تنتظر اريك جريتس او غيره لان من عافك لا تلتفت فيه . اجل اربع خيارات يا ابو فيصل :naughty: انا بعطيك خياريين للاربع خيارات حقتك الاول ان مافيها فاتح العين لان لو فيها فاتح عين او مدرب صاحي كان ماقعدت تنتظر ووقعت معه لان حسب كلامك المدرب الصاحي مايقعد. والثاني يا انك عايش على امل ان واحد من الاربع خيارات هذي يوافق لانك ماقدرت تخلص معه واذا ماوافق جبتوا واحد من اللي مافيهم احد يفتح العين . والعذر جاهزززززززززز شخصيته قويه وهو افضل الخيارات الموجوده والوقت ما اسعفنا ونسوي قصه من لا شي . خلاص يا ابو فيصل لازم تقتنع قناعه كامله انك يجب ان تسمع للجمهور مو مثل مقولة سامي حنا مو مايطلبه المشاهدون!!! لان الجمهور فيه ناس كثيره محبه ومخلصه وتفهم كوره وتفهم اداره وتفهم اشياء كثير ما اطالبك انك تنفذ اللي يقولون اقلها اخذ ارائهم وبطريقتك تبني رايك وفق مشوره كامله مو مشوره مختصره لان النادي للجميع وحاول تبحث عن مكمن المشكله لتفاديها في الاربع سنوات القادمه . واتوقع ان مكمن المشكله هو احد شيئين 1- ان من تشاورهم في المختصر خلاص يجب انك تسوي تغيير لهم لانهم اثبتوا انهم ماعندهم الا تزيين القرارات والاعذار الجاهزه وسم طال عمرك . 2-ان من تشاورهم في المختصر خلاص يجب انك تسوي تغيير لهم لانهم اثبتوا انهم ماعندهم الا تزيين القرارات والاعذار الجاهزه وسم طال عمرك . :d:d:d 8 8 8 خيارين مالهم ثالث يا ابو فيصل ختاما لك يا ابو فيصل تقبل مني ماتقدم كصديق و (صديقك من صَدَقَكَ لا من صَدَّقَك ) اتمنى من كل قلبي ان ما اتوقعه يخيب لان جمهور الهلال محب للهلال وليسى بمحب لأشخاص ولولا الله ثم هذه الجماهير ما تهافتت الشركات على طلب ود الهلال. دمتم بخير واسف على الإطاله :rose: لكل من مر من هنا |
ننتظر لكن مافيه اعذار لبوفيصل ابد بتقولون ليه الحين الكل يعرف ان هاشيك ماراح يستمر وطريقته ماتناسبنا ولامستوى يعني صفر وما بحثتم عن مدرب !! ثلاث شهور او اكثر تكفي وزيادة بنتظر مع ان الواضح مايبشر بخير |
والله بربره على غير سنع ، جاي تبي تقنعني ان عبد الرحمن بن مساعد ماقدم شي للهلال فرحان بالادارات الي قبل ومحترفينهم رديغو الفن بالله هذا لاعب ، يجلبه نادي |
الصبر جميل ياخوي !! هالموسم راح يكون مغاير بأذن لله كلي ثقه ب سمو الامير :smilie47::smilie47: " والحمد لله ان شبيه الريح رئيس للهلال ولا تبي حالناا مثل حاال ناادي الشورماا ( الاتحااد ) ! :s5s: الله يهديك بس كلام كبير والمفروض ما ينقاال هناا لان ابو فيصل رئيس مثالي وللحين هو رئيس للهلال والرجاال شغال ليل نهار ل اسعاد هالجمهور !! |
يعطيك ألف عآفيةة ، آلي بقولهه إن كلنآ ثقةة في شبـيه آلريح وبإذن آلله تكون آلتعآقدآت سآرهه لنآ "$.............! |
والله كلام قريب من الواقع جداً ..لماذا هذا التأخير حتى الوقت الضائع علماً ان الادارة تعلم برحيل المدرب من تأريخ التعاقد معه انه لن يستمر اكثر من ستة شهور ويقولون انهم تعلموا من الاخطاء التي حصلت في الموسم السابق . وان الافعال هي التي سوف تتحدث في اعتقادي انهم لم يستفيدوا من الاخطاء التي حصلت حتى الان والدليل التأخير الـ غير مبرر الله يستر من الايام الجايه وش تتمخظ به والله انا لااجد عذر لسموا الامير/ عبدالرحمن في هذا التأخير الخطير على مستقبل الزعيم الملكي ولكن نتمنى ان يكون كل تأخيرة فيها خيرة اللهم آميين ويكون المدرب واللاعبين حسب تطلعاات الجماهير اللهم آميييييييين |
السلام عليكم كلنا ملتزمون و و وقعنا على ا ن نحترم و نرحب بكل ما يتم في حدود النادي و ضروري ان نكلل الشكر للامير عبدالرحمن و من هنا نبدا مناقشة و تحديد الافكار و توضيحها حقيقة عزيزي صاحب الفكره لازم تعرف ان الاتزام صعب و اللة يوفق كل من مصلحة الهلال مبتغاه و بطبع اتمنى لك كل خير على العموم مشكور |
مشكلة إذا ما خلصت أمورك قبل الصيف تحتاااااااااااس |
إقتباس:
ثانياً : أتوقع إن زبدة موضوعك كله ينحصر في كلامك أعلاه ..فإذا كان الأمر كذلك فسؤال يطرح نفسه : هل أنت فعلاً هلالي ؟ هل أنت فعلا عاشق ومخلص للهلال ؟ فإن كانت الإجابة بنعم وهذا المتوقع فيتبعه سؤال مهم جداً : سألتك بالله العلي العظيم هل أتعبت نفسك للمجيء للنادي وطلبت مقابلة سمو الأمير رئيس النادي وتقابله وبكل شفافية بكل أخطائه ، وتعطيه الأفكار والحلول ؟؟؟؟؟ أنا مستغرب منك ماشاء الله عليك يابرد أعصابك !! كيف هالمصائب هاذي كلها ومخبيها ماواجهتها لرئيس النادي ولنائبه أو لسامي الجابر ؟؟؟ إلا إذا طبعاً أنت شايف إنه رئيس النادي يمنع أحد من الجماهير يزوره أو يطلب طرح أفكار ومقترحات وتوجيهات وانتقادات هادفة !! هذا شي ثاني ...إذا انت شايف الشي هذا فأنا أعذرك لكن برضو أبغاك تجاوبني أمام الجمهور المتابع والمشاهد وأبغاك تحلف بالله وأنت صادق ( هل قابلت أحد مسئولين النادي بهذه الانتقادات والأفكار ) ؟؟؟؟ وأنت بطريقتك هاذي وبطرحك هذا تذكرني بسالفة ذلك الإبن الثوري الذي يرى تجاوزات وأخطاء من والده فلا يكلف نفسه ولو لمرة واحدة بأن يجلس مع أبيه جلسة لوحدهما ويصارحه بأخطائه ويناصحه ، ولكن ذهب إلى الجيران وجماعة المسجد وبدأ يتكلم عن أخطاء أبيه وعن تجاوزاته !!! طبعاً أنا في هذا التشبيه لاأقصد أن سمو الأمير رئيس النادي يحل محل الوالد ، فحق الوالد لايقارن بأحد من الخلق ولكن لتقريب الفكرة والصورة .. ثالثاً : الحين هذولا المستشارين اللي تقول عنهم يجب عليه إنه يسوي لهم تغيير ، ماأدري إنت تعرفهم زين ؟ وتعرف وش مستواهم ؟ فإذا إنت مهتم للدرجة هاذي لمستوى المستشارين لدى رئيس النادي ليش ياأخي ماتثبت لرئيس النادي مدى خبرتك ونصيحتك وعلميتك واحترافيتك وبالتالي تكون من ضمن المستشارين ، أما إنك طال عمرك قاعد لي تنتقد مستشارين لاتعرفهم ولا تعرف من يكونون ولو عرفت بعضهم قطعاً لن تعرف البقية منهم هذا إن لم يكن معظمهم !! فهذا غير مقبول لا منطقياً ولا منهجياً .. لذلك أعيد وأكرر والكلام هذا لك ولغيرك من الإخوة المحتقنين والمنتقدين : الإدارة لن تمانع نهائياً بأي إبداء وجهات نظر أو أنتقاد ( هااااااااااااااااادف ) وليس انتقاد لغرض التشفي أو لغرض تصفية حسابات كما هو حال الجار القريب ... وأبواب النادي مفتوحة بأي وقت لك ولغيرك ولكل هلالي بل ولكل سعودي .. أعجبتني كلمتك وأنت تقول : ( ماهكذا تورد الإبل ياسعد ) .. احترامي وتقديري لشخصك الكريم .. |
المشكله هي في إدارة بن مساعد وبس ياليت يستقيل ويفكنا |
اجبيااات شبيه الريح تشفعله ولازم نقف وقفه صادقه مع سمو الامير الوقت هذا ماانبي نتصيد اخطااء المااضي والله يوفقه ويوفق الهلال |
إقتباس:
|
اخوي انا احس انك كاتب موضوع من اجل الكتابه فقط يعني شوفوني تراني موجود اما من ناحيه انتقادك للاداره فاسمحلي اقولك ما عندك سالفه او خبره اداريه اعلى من بو فيصل لكي تنتقد عمله |
اللي ادري عنه ان ابو فيصل يعمل بإخلاص واجتهاد وتوليه منصب الرئاسة اتى في وقت طفره اعلاميه وطفره ماديه .فلا يلام حصوله على البطولات الموسم الماضي وبطوله هذا الموسم وتاهل الفريق لدور النصف النهائيه للبطوله الاسيويه . شافعه له .. انجازات تحسب له وحقيقيه في ظل تواجد الظروف .. الاعلام يتصيد واللاعبين والمدربين المميزين يتشرطون شروط تعجيزيه والاداره تسوي اللي عليها وتقدم عروضها .. الامور واضحه ورساله مني اوجهها لبو فيصل الله يوفقك اعمل ولا يهمك احد ولا تلتفت لأي انتقاد ضدك ولا تظغط نفسك اللي يرضى بعرضك المقدم سواءاً للاعب او مدرب مرحبا به واللي مايرضى الله يستر عليه الهلال لا يقف على احد .. انا مقتنع بماذا عملت وماذا قدمت للنادي فشكرا لك والله يحفظك ويسعدك .. |
حسستني ان الموسم انتهى والهلال بالمركز السادس والخامس وطالب دعم منك ب 20 ريال وحرمك من اكل الشاورما .. سؤالي لك يا كاتب الموضوع / بما انك تذكر الماضي ك كالديرون او دول .. ليه ما تذكرت نجاح الاداره بالتعاقد مع افضل اجانب قبل موسمين ولم تذكر ايضا جريتس .. الم تفرحك كثيرا هذه التعاقدات وتكلم عنها الكثيييييييييييييييير.. ؟ قبل جاروليم كم مدرب تغير في الاهلي .. وهل كانو بمستوى جاروليم .. ؟ قبل برودوم كم مدرب تغير في الشباب .. وهل كانو بمستوى برودوم .. ؟ الادارة اللي تتكلم عنها لمن تبخل على الزعيم .. الادارة اللي تتكلم عنها تدفع اكثر من كل الاندية فالتالي هيا التي تدفع وهيا احرص على مالها .. الاداره التي جردتها من النجاح وجعلت سمتها الوحيد الفشل " حققت 7 بطولات " فلا باس تفشل موسم ان فشلت .. عزيزي موضوعك مناسب وواقعي لو كنت غير هلالي .. واخيرا شكرا لك يا سمو الامير وبالتوفيق لك بالمواسم القادمة .. |
| الوقت المعتمد في المنتدى بتوقيت جرينتش +3.
الوقت الان » 02:41 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd