من العام الماضي ,,,وأنا أحس إنك قاعد تطق طق علينا ياسمو الرئيس ..بتبريرات مالها داعي ....!!!!!
 

بسم الله الرحمن الرحيم

السلام عليكم ورحمة الله وبركاته <<<< ترى يجب رد السلام :rose::rose::rose:


بإختصار أدخل على الموضوع

في موضوع مانويل جوزيه لم استغرب أن يحضر مثل هذا المدرب المفلس لكن استغربت الإستخفاف الكبير بالجمهور والمتابعين في تبرير التعاقد مع مثل هذا المدرب
,,

كان بالإمكان يقولون أن سامباولي سحب علينا مثل ماسحب علينا مارتن اونيل العام الماضي لكن تجيب أعذار سخيفه معليش !!!!

الرئيس جاب تبرير جديد وغير طبيعي بقوله إن المدرب يجيد ثقافة الذهاب والإياب هههههههه
بالله قد شفتوا cv لمدرب مكتوب فيه إن عنده ثقافة الذهاب والإياب :s4s:
نلعب على بعض

يعني تبغى تلعب على وتر الآسيويه ياسمو الامير عشان تمتص غضب الجمهورر ترى آسيا موكل شيء يعني لاقدر الله و خسرنا الاسيويه عندنا دوري وعندنا بطولات ننافس عليها

للأسف إدارتنا تكرر نفس الأخطاء في كل موسم وهذا غير مبرر وخصوصا أخطاء المدربين والمعسكر واللاعبين الأجانب

حقيقه نتمنى فسح المجال لإدارة جديده طموحه تقدم العمل الدؤوب ثم العمل ثم العمل
فإدارة عبدالرحمن بن مساعد قدمت كل مالديها ولم يعد هناك جديد ...

ياااخوفي انك من المندسيين اللي يقولون عنهم >>>



بالتوفيق لادارتنااا في تحقيق طموحات جماهيره

المشكله جاب تبرير يقول نشكر من طلع اشاعة تعاقدنا مع جوزيه

وبنفكر نجيبه لأن عنده cv ممتاز وو

وهم اصلاً مفاوضينه من اول

طلع شغلنا مثل شغل النصر

النصراويين يجيبون مدربين ولاعبين علشان يفوزون على الهلال ويفشلون

وحنا نحاول ونجيب مدربين علشان الآسيويه

الآسيويه ليست كل شي >>>> الدوري وكاس الملك مهمين

نعم تأهلنا لدور الــ8 بدون الزخم الأعلامي والجماهيري وبدون ضغط على الاعبين

لاكن في المواسم السابقه كان الأعلام والجماهير كل تركيزها على الآسيويه وفشلنا فيها

ياناااس ياعاااالم ترا الآسيويه مثل اي بطوله في السعوديه

الآسيويه بطوله ضعيفه لاكن عطيناها اكبر من حجمها والاعبين جتهم رهبه منها


الله يكتب اللي فيه خير للهلال يارب

(الصعب المستحيل) ياخوفي إنك من المطبلين أنت بعد .. في كل موضوع وأنت قاعد تكتب بالتوفيق لابن مساعد ليتك تقول بالتوفيق للهلال الكيان مو الاشخاص

تاريخ التسجيل: 17/08/2003
المكان: أرض الحرمين
مشاركات: 564

لالالالالالا تعليــــــــــــــــق
بالتوفيق لزعيم اسيا

(الزعيمه أمولي ) بما إن مشاركاتك كثيره ماشاء الله نحتاج جزء منها في منتديات الطبخ لعلك تفيدينا هناك أحسن....

أنا ما أدري من طلع قانون ( عضوية قديمة مشاركات قليلة ) يعني مندس !!!!!

ثانيا حرية الرأي حق مشروع للجميع,مثل ماللإدارة أعمال بارعة في الهلال أيضا

لها سقطات كبيرة,لكن في نهاية الأمر نحن مع الإدارة - من أجل الهلال-نعزز فيها

الجانب الإيجابي ونحذر من الجانب السلبي, حتى تصل لنقطة محددة نقول حينها كفى

الإخوه (عشقي موج أزرق) & ( فصاد ) الله يفتح عليكم يارب قلتم ما في خاطري لكم تحياتي

مشكلتنا يا نجيب افضل المدربين او نجيب اسوء المدربين

عندك مثلا السنه الي راحت جبنا دول

ليه جبناه وهو مفلس قالو لأنه طموح <<< الله وكبر يالإنجاز

بعدين جبنا الداهيه العالمي هاسيك

ليه جبناه لأنه يعرف المنطقه << يازين الطموح والله

والحين نفاوض مانويل ( يابلادي واصلي )

مانقول غير الله يكتب الي فيه مصلحه الهلال

الحمد لله اننا لا ندير الهلال والا تعاقدنا مع 70 مدرب 230 لاعب و خمسة رؤساء.

الهلال في ايدي امينه ومتمكنه ومقتدره باذن الله. وما عليكم الا ان تستمتعو وان تدعمو ان امكنكم ذلك.


الاخ عبود الهلال : بصراحه استغرب ردك على من يخالفك اراي

تقبلو تحياتي

الأخ هلالي قديم .. حياك الله وشرفني مرورك بالعكس أخوي الواحد له الحق إبداء رأيه مافيه أي مشكله ,,,
مثلك محترم نرد عليه بإحترام بس اللي يستهبل ويطلع برا الموضوع نستهبل معه شوي

لك تحياتي يالغالي

يارجال الاداره خلاص مأعتقد عندها شئ تقدمه
كل سنه يقل طموحها يعني السنه الجايه +لاتعليق
على العموم انا كمشجع هلالي لأتمنى استمرار ادارة ابن مساعد
لأن اربع سنوات قادمه ماهي سهله
تحتاج لطموح ولخبره في التعاقدات والقدره على حسم المفاوضات
بالتوفيق للزعيم