|
الهلال مُحارب.. دعوا القيادة لأبو فيصل واستمتعوا بالبطولات..!! نعم الهلال يحارب من بعض جماهيره الي في هالمنتدى،وتبغى تشوف الدليل خذ لك فره سريعه بمنتدى الجمهور الهلالي، وشف نسبة المواضيع الي تنتقد الاداره. يعني تونا خلصنا الموسم والمشكله يتغنون في جمله قايلينها <كل الانديه تعاقدت وخلصت ملفاتها وحنا جالسين> .؟! نفسي اعرف لو اليوم تعاقدنا مع مدرب و4 اجانب وش الفايده بس لاجل ارضاء الجماهير يعني؟؟ تبون الاداره تستعجل وتتخبط لاجل بعض الجماهير. يعني صراحه كلام صغار..المساكين باقي شهر ونص على الانتقالات ومن الان يصلخ بالاداره الله يهديك يابو فيصل طيرت النوم من عيون المتهلهلين وصارو ينتقدون بكل شي حتى لو الموسم مابدا من الان يتهجم الله يعييننا على بعض العقليات الي ماعرفت الزعيم الا من سنه وجاي وجالس ينتقد ويجرح ويصلح للادراه وهو يبغاله تصليح. وكل ماجانا اعلامي حب يرفع نفسه قال الهلال يتفاوض مع جيرتس او يتفاوض مع مانويل جوزيه او يتفاوض مع شحاته، وبعض الجماهير الي مجهز النقد والتجريح قبل لا يشوف نتايج فترة الانتقالات كامله مساكين. وربي اني ادخل بعض المواضيع واضحك على بعض العقليات صراحه يعني الصبر زين والواحد يمسك لسانه عن سب الاداره لين يشوف نتايج الانتقالات يعني بعد شهر ونص من الان ابد بعد شهر ونص اذا ما اعجبك شي تعال واصلخ هنا وهناك..؟! وماعليك من الي يعزز لك اما الان اغلب المنتدى يصلخ بالاداره وهي الى الان لم تعلن عن اي تعاقد حتى تحكم هو فاشل والا ناجح اهدووو يا اخوان وان شاء الله ترون مايسركم من ابو فيصل وكلي ثقه في الاداره يارب توفق الزعيم وتوفق ابو فيصل، والغرض من هالموضوع مابي ردود ابي بس بعض الجماهير تترك عنها الكلام الفاضي والسب بالاداره،، دعو القياده لابو فيصل واستمتعو بالبطولات |
اهلاً وسهلاً هلالي القريات اما لب الموضوع انا معك 100% اتركو القياده للأميروتمتعو بالبطولات ياحلو الكلام اللي عليه الزبده لاكن انت ماتعرف جمهور الهلال ليش مستعجلين يبغون يشحذون همة الاداره وحين الزنقه ماعندهم عذر قايلين لكم من أول وأنتم قاعدين بتويتر هههههههه سلام |
فعلآ أخوي كلامك صحيح . . بس شوف والله فيه بعض الجماهير ودها تعرف إسم المدرب بعضهم عنده فضوول << مثل هذا المعرف الماثل أمامك . . :laugh: نأتي للي أنت تقصدهم :naughty: :naughty: :naughty: بعضهم لا مستعجل يبي مدرب وأربعه محترفين جلدي جلدي :d معنى إن المعسكر باقي عليه أيام كثيرة . . وهذه فيها نوع من المخاطره وعلى فكره الإدارة طارحه محترفين كثر ويمكن إنهم عرضوا عليهم مبدئيآ بس يجي المدرب ويختار من هؤلاء المحترفين ويتم التعاقد معهم قبل إبتداء المعسكر . . بس ما يقهرني وأنا أخووك إن بعضهم حكم على الموسم بالفشل وبعضهم طالب بإستقالة الإدارة :ranting: تخيل إدارة نادي تستقيل في هذا الوقت الحساس وش بيكون مردووده ع النادي ! ! هذا أعتبره قمة الغبااء . . وبعضهم إنه يقهرك يشووف خبر مثل مانويل جوزيه وهي في الأساس يمكن إشاعه ويجيك واحد مدرعم ويهاجم الإدارة ويحكم عليها بالفشل وهو مو متأكد من الخبر . . إنتزعت منهم الحلامه :yes: . . ولمشكله إن هذه العينات كثرت ما أدري وش تبي بالضبطـ ؟ |
100% معكـ ........................................... عوضا عن كل كلامكـ مهااجمة اللاعبين .. عندما يأتي أحدهم ليهاجم ماجد المرشدي او الزوري او القحطاني او اي لاعب هبط مستواه .. ومن هذه المهاجمة تتوقعوا رآآح يلعب زين !! انتم ادعموووا اي لاعب هبط مستواه وليس تطابونه بالرحيل .. وشكرآآ |
نختلف في بعض الامور لكن نتفق في شي اكيد الا وهو حب الكيان |
يعطيك العافية ياهلالي القريات والجمهور مستعجل على بعض الامور وصحيح في وقت لانهاء موضوع المدرب والمحترفين لكن ماودي نقول عن كل من يكتب هذه الامور من الجمهور متهلهلين وانا ولله الحمد لا اتكلم عن نفسي ولا كتبت مواضيع انتقد فيها الادارة لكن اتكلم عن بعض الاخوان اللي وصفتهم بالمتهلهلين لانهم فقط يطالبون بحسم موضوع المدرب والمحترفين على كل حال يعطيك العافية ياجار |
اللي تتكلم عنهم خايفين بعدين يتعاقد الهلال مع مدرب واجانب مميزين ووقتها ما يقدر ينتقد و يجرح .. اظن الانتقادات لمجرد الانتقاد والتجريح واخبار التعاقدات الكاذبة اللي يسير بالاعلام انتقل للجمهور .. |
الله يعطيك العافية ويجزاك الخير --------------- |
للأسف هذا بعض الجمهور الغير واعي و يهمه فشل الأدارة ليثبت وجهة نظرة بل يتمنى أن يسقط الفريق |
مع احترامي لك، أشغلتونا لاتنتقدون قبل الموسم ولا بعد بدايته ولافي نصفه ولاقبل نهايته ولابعده، وكأن الادارة غير محترفه وكلمة توديها وكلمة تجيبها. يجب ان تقتنعوا بوجهات النظر وردوا عليها بواقعية ومنطقية، واتركو الاتهامات هذا مندس وهذا مطبل، فاكثر من نصف مليون عضو لن يكونوا على راي واحد، مهما حاولتم فالشبكة لطرح وجهات النظر، والتشجيع هو في المدرج فقط لمن يعشق الهلال. |
اتفق معااااااااك في مهاجمه بعض الجمهور الاداره او مثل ماقال ابو خالد مهاجمتهم الاعيبه امثال المرشدي و الزوري و نامي تحياتي... |
بارك الله فيكم جميع كلكم على عيني وعلى راسي واحترمكم كثير ولكن انا قلت بعض الجماهير مو الكل يعني فيه بعضهم باين من كتاباته انه خايف على الفريق وفيه بعضهم فاتح موضوعه للقدح في الاداره والاعبين فقط الانتقاد مطلوب ياعزيزي الي تقول غثيتونا لاتنتقدون لكن المصيبه ان مافيه شي تنتقده للحين الاداره ما اعلنت اي شي رسمي حتى تقيمه وتقول زين والا شين انت بس انتظر لين الاداره تعلن الاسماء وبعدها لكل حدث حديث الان انا كتبت موضوعي عن اتهام للاعبين وتجريح الاداره وهم اصلا ما اعلنو شي يعني بالله تتوقعون التعاقد هو بس قولة كم تبي 50 مليون خلاص وقع معه!!! تخيل انك رايح حراج الغنم واعتذر عن التشبيه بس بما اني راعي حلال:ae: تخيل انك رايح سوق الغنم او بتشتري ناقه تقوله هذي بكم يقولك ب10 الاف تقوله لا ما ابيها ابيها اقل يقولك 9 تقول لا ان كانت ب6 اخذتها وتروح وترسل له ناس حتى يخفظون السعر لين تاخذها باقل سعر وكذا تكون ريحت نفسك من 5 الاف مثلا الاعبين كذا يعني تقوله بكم الاعب هذا يقولك ب10 مليون يورو تقوله لا ابيه ب5 مليون يورو يقولك لا وبعدين تتركه كنك منت يمه و وترسل له ناس حتى تحاول تاخذه باقل سعر حتى تفيد النادي بقدر المستطاع وصدقوني ان الاداره تنتظر اليورو حتى يكشف لها الاسماء الي ناويه تتعاقد معها واتكلم عن لاعبين وراح تشوفون ان الاداره حاطه عينها على كم لاعب وتتنقى الافضل |
ولسى بدري ماشفت شي !! اصبر .. بتشوف العجب العجاب .. بس لاتصدق إنها هلالية المعدن والمنشأ !! الضيوف الأعزاء أذكياء ويستغلون الأحداث والفرص أيما استغلال .. تدري قبل فترة استغربت من واحد منهم .. أيام مباريات الهلال الى فترة قريبة ماتتجاوز شهرين .. كان ينادي بقريتس ويترحم على أيام قريتس .. ويقول قريتس وقريتس وفعل وسوى وياليته كان موجود السنة هاذي مع الهلال .... ( لاحظ ) ويوم طُرح اسم قريتس بالإعلام كخيار ( لاحظ خيار ) يعني مابعد صار شي .. ولا تأكد ولا تثبت ولا شي مجرد كلام بالهواء .. ثارة ثائرة الأخ وقعدى يسب ويشتم بقريتس وكلام يعني !! غريييب جداً غريب !! طيب وين كلامك اللي قبل شهرين ... ؟؟؟ يعني سبحان الله لاحياء من الله ولا حياء من الناس ؟؟ يعني عينك عينك ماعنده شغلة ووظيفة الا السب والشتم والنقد الجارح ( لاحظ قلت الجارح ) ولم أقل الهادف عشان مايطلع واحد مطفوق ويقول انتم تكممون الأفواه مثل مايقول القرشي وشلته .. ويمكن بعد ماتدري يمكنه موجود بالمنتدى معنا باسم واحد .. !! ماتدري يمكن! فأقولك من العينات هاذي بتشوف كثير فلا تتعب حالك |
إقتباس:
+1 كلام كبير شكرا لمرورك |
كلامك تمام التمام:alzaeem: بعض الاوقات اقول لنفسي اني داخل منتدى ثاني |
| الوقت المعتمد في المنتدى بتوقيت جرينتش +3.
الوقت الان » 06:16 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd