|
فرصة لا تعوض .. ( يحيى الشهري ) البديل المثالي لـ ( أحمد الفريدي ) معروض للبيع .. كيف الصيف معكم يا زعماء أدري إنكم مشغولين مع المدرب و موعد الإعلان عنه .. بإذن الله نشوف المدرب اللي يسرنا و يصنع الفرق .. الكل يعلم بأن الفريدي ما رد إلى الآن على العرض المقدم .. و من الممكن إنه بعد الوقت ذا كله يرفض العرض .. الفريدي من وجهة نظري لاعب كبير و مهم و من أفضل اللاعبين في مركزه ( خلف المهاجم أو صانع لعب ) .. لكن بعد تصريحاته الأخيرة و تصرفاته بداية من توقيعه مع سلطان البلوي و كأنه لا يرغب بالبقاء في الهلال .. الهلال لا يملك في هذا المركز سوى الفريدي و الشلهوب اللي أعتقد قدم كل اللي عنده و ما عاد الشلهوب اللي نعرفه .. بالصدفة سمعت إن عبدالعزيز الدوسري رفض كل عروض الإعارة المقدمة للاعب المبدع ( يحيى الشهري ) و حدد قيمة 25 مليون لمن يرغب بشرائه .. للعلم المدة المتبقية على عقد اللاعب يحيى الشهري هي سنتين و شهرين من الآن .. بمعنى إن نادي الاتفاق يرغب ببيعه في الانتقالات القادمة لأن لو ما باعوه الآن بيمشي الموسم بعد القادم ببلاش لأنه رفض التجديد لناديه .. أنا أشوف إنها فرصة ذهبية .. لو ما شريناه حنا أكيد بيروح للشباب أو الأهلي المنافسين الحقيقين للزعيم في الفترة الحالية .. بالإضافة إلى إنه مميز و في نفس مركز الفريدي ( خلف المهاجم أو صانع لعب ) .. تجديد عقد الفريدي بكل تأكيد لو تم ما راح يكون بأقل من 25 مليون .. و لو تم التفاوض مع الاتفاق من الممكن أن نحصل على اللاعب بأقل من المبلغ المطلوب بشرط أن يقود المفاوضات شخص حاسم .. عندنا في الهلال الدوسري عزوز و سالم و العابد و كلهم شباب و مميزين لكن كلهم يلعبون في الطرف و لا يجيدون اللعب خلف المهاجم .. عموما يحيى الشهري مكسب لأي نادي و أتمنى أشوفه في الزعيم .. آسف عالإطالة و أشكر الجميع .. |
مشكووووور على الموضوع يحي الشهري لاعب ممتاز |
مشكوور اخوي لكن الفردي والله نجم كبير لاكن انشاءالله يغير رايه |
والله يحيى الشهري افضل بكثير من الفريدي ومظلوم مع المنتخب الشهري يعرف يسجل من كرات ثابته +يتحرك بدون كره +يعرف ينفذ الكرات الروكنيه +يلعب بحماس كل هذي صفات مو موجوده بالفريدي الشهري لو يجي الهلال يصنع الفارق بس الاداره ماظنتي تقدر تجيبها اذا الشهراني قعدنا موسم نفاوضه اخر شي جا اعاره |
فعلا لو جاء الشهري راح يسد خانة الفريدي بكل اقتداااااااار وقد يكون أفضل منه .. مشكور حبيبي على الموضوع |
إقتباس:
لو كلامك صحيح فأتمنى أن يجلب أعضاء الشرف هذا اللاعب لأنه شاب و يمتلك كل الأمكانيات التي تؤهله أن يكون أساسي بالفريق و ممكن أنه يحل مشكلة صانع الألعاب بالفريق و المنتخب أيضاً بالأضافة أنه من دفعة العابد و الدوسري بالمنتخب السعودي ولو أقارن أمكانيات يحيى و الفريدي فأنه سيتوفق على الفريدي بكل تأكيد |
مع احترامي لك الفريدي افضل من الشهري بمراحل فقط الفريدي يعاب علية البط في بعض الكور والا الفريدي من افضل لعيبة الوسط في السعودية وهو افضل صانع لعب بعد الشلهوب في الهلال |
اقول اركد نواف العابد يفوقه وبمراحل بعدين ان شاء الله الفريدي باقي باقي |
اتمنى جلبه للهلال لكن ليس بهذا السعرالعالي جداً يعني من 15 الى 18 مليون لخمس سنوات كافية جداً |
احمد الفريدي افضل من يحيى الشهري بمراحل يحيى يظهر في مباريات قليله جدا .. وايضا لا يظهر طوال المباراه الاتفاق محدد قيمة يحيى بـ 30 مليون وليس 25 مليون ..! وبوجهة نظري يحيى سعره لا يتجاوز 10 مليون نجدد للفريدي بـ 25 مليون احسن |
انا معك وبقوووووووووووة يحي افضل وبكثير على الاقل يحي الشهري ينقل الكره بسلاسه والفريدي يقتل الكره ويوقف اللعب |
- يععطيك العافيةة .. والله يكتب اللي فيه الخيير لزعيمناا ! |
أولا كل الشكر للجميع .. ثانيا .. مسألة المقارنة بين لاعبين أمر نسبي .. يعني البعض بيقول الفريدي أفضل و البعض الآخر بيقول الشهري أفضل و هذا بالضبط اللي حصل .. أنا ما قارنت في الموضوع بين اللاعبين .. حسب رأيي كلهم لاعبين مميزين .. و أنا اقترحت الشهري في حال لم يتم التجديد للفريدي .. من يضمن إن الفريدي بيجدد ؟ ما في أحد يضمن لذلك يحيى الشهري خيار ثاني و مميز .. مرة ثانية أقول لا تقارنون بين اللاعبين .. لأن كلهم رائعين .. كل واحد فيهم له إيجابيات و سلبيات .. لكن في النهاية ما نختلف إنهم لاعبين كبار .. |
اتمنى قدومه لاعب منضبط ومفيد وهذا ما يحتاجه الهلال |
فعلا لو جاء الشهري راح يسد خانة الفريدي بكل اقتداااااااار وقد يكون أفضل منه .. مشكور حبيبي على الموضوع |
| الوقت المعتمد في المنتدى بتوقيت جرينتش +3.
الوقت الان » 11:46 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd