|
جمهور الهلال ؟؟ هو الجمهور الوحيد الذي يحضر المباريات لينام السلام عليكم ورحمة الله وبركته مساء الخير او صباح الخير يمكن يقولون اني ابالغ واني اهاجم الجمهور الهلالي واني اتجنى عليه لكن الحقيقه هي اللي قلتها اللي يبي يرضى واللي ما يعجبه كلامي انا عارف وهو عارف ان الكلام اللي صحيح جمهور الهلال يحضر المباريات ويجيب معه اكياس فصفص ؟؟؟ كن الفصفص ما يوكل الا بالملعب وبعضهم يجي للملعب مشحون بس ياليت مشحون عشان يشجع لا مشحون عشان يلعن ويسب ويشتم يرمي اللعان والشتائم يمين ويسار ما يفرق بين لاعب هلالي ولاعب غير هلالي والحكم والمدرب واللي يلحقون الكور حتى الهنود اللي يبيعون الببسي والكيك ما سلموا من اللعان يعني اللي يبي يروح للملعب يبي يقرف ويبي يحلف انه ما عاد يحضر للملعب مرة ثانيه وبالمناسبه اذا قام احد يشجع قامو يتريقون عليه يعني لا خيرهم ولا كفاية شرهم ويقولون المباراة في الملعب لها طعم ثاني انا طول عمري احسب انهم يقصدون التشجيع والحماس اللي اذكره يوم كنت صغير تخيلوا مباراة الهلال وناغويا الياباني الجمهور واقف على رجل من الدقيقه 15 الشوط الثاني ويشجع بكل حماس بس هذا جمهور الهلال منول مهوب هالحين بس اكتشفت انهم يكذبون على انفسهم وش الفرق بين اللي يجي للملعب ولا يشجع ويسب ويلعن ويشتم وبين اللي يجلس في بيته يتفرج على المباراة بالتلفزيون ويتقهوى شاهي ويفصفص ويسب ويلعن على كيفه ؟؟؟؟؟؟؟ مافيه فرق على الاقل اللي في بيته ما زاحم الناس على الفاضي انا قاعد اتكلم من خلال واقع ملموس شفته في مباريات الهلال اللي حضرتها خلال الثلاث سنوات الاخيره ودي يكون كلامي كله غلط بس للأسف انه صحيح تخيل استاد الملك فهد الدولي مليان والجمهور ماله حس يمكن نايمين ؟؟؟ لا والله لو نايمين كان على الاقل تسمع شخيرهم لكن هذولا لا حس ولا خبر والادهى والامر يجيك عضو شرف ولا مشجع متحمس يستأجر فرقه علشان يجون يطقون ويشجعون ولا جيت شفت الرابطه المستأجره في وادي والمباراة في واد اشر بالمنديل وحبيبي يحب الشكشكه وبابا فين وانت ماشي ويقولون يشجعون ؟؟؟ والله ان قعدتهم ببيوتهم اصرف المهم ما ابغى اطول عليكم بس بقول شئ واحد اذا ما كانت مدرجات استاد الملك فهد تهتز بتشجيع الجمهور الهلالي كله مهوب بس الرابطه لاعاد تقولون ان الهلال صاحب اكبر قاعده جماهيريه استحوا على انفسكم نادي الهلال نادي القرن الاسيوي وافضل نادي خليجي وعربي واسيوي واكثر الانديه شعبية في الخليج والوطن العربي واللي يشوف الحضور الجماهيري للهلال في المباريات والا تشجيع الجمهور الهلالي يضحك علينا بالله ذا جمهور اكبر نادي في الخليج والوطن العربي ونادي القرن الاسيوي ما اقول الا الله يرحم اول الهلال ما كان عنده بطولات خارجيه والجمهور من يدخل الملعب الين يطلع وهو يشجع لكن الظاهر جمهور الهلال هالأيام يوفر الطاقه للي بعد المباريات من دوران في الشوارع وتكسير السيارات ومواكب وخرابيط اقول ان كان الجمهور ما راح يشجع زي الناس والجمهور كله مهوب بس رابطه الشكشكه واللي افضل انها ما تجي لالومون اللاعبين اذا ما فازوا بالكاس اعنبو داركم المباراة على ارض الهلال واللي يحضر المباريات يحسب ان المباراة على ارض الاهلي من صوت جمهوره واللي يقول ان هالكلام غير صحيح يشوف المباراة بكرة يسجلها من التلفزيون وبيسمع صوت جمهور الاهلي طول المباراة وجمهور الهلال ما راح يسمع له حس ولو الجمهور الهلالي يقولون اني غلطان يثبتون لنا العكس بكرا في مباراة الاهلي ولا يخلون الناس اللي يشوفون المباراة في التلفزيون يسمعون صوت جمهور الاهلي والميدان ياحميدان وسلامتكم ابوطلال |
كل الي قلته صحيح.... وخاصة انه يشجع باول ربع ساعة من المباراة .... ثم يناااااااااااااااااااااام هذا وقت جلاااااااكسي الملاعب.... وليس جمهور الملاعب... طبعا (((أقصد البعض... وكل واحد يعرف نفسه))) |
لالالالالالالالا شباب انتم غلطانين انا اقولكم السبب الحقيقي سيدي الفاضل السبب الحقيقي انه الاداره لازم توفر ناس يمثلون رابطة الجمهور الهلالي اما مسألة الاسئجار فهي غلط غلط غلط كما انها لازم توفر لهم جميع مستلزمات الرابطه واللي حنا في جده نسميها عده بكسر العين من طبول وطيران وخلافه ومن ثم الاهتمام من قبل الجماهير بتأليف الكلمات والالحان والاهازيج وشوي شوي بتلقون فيه رابطه كبيره اخوكم اهلاوي محترم الحيرااااان |
شكرا لكم على التواصل والله شفتوا المباراة وسمعتوا صوت جمهور الاهلي اعلى من صوت جمهور الهلال مثل العاده والله عيب المباراة على ارضنا وصوت جمهو ر الاهلي اعلى من صوت جمهور الهلال الاخ l.kjl ياليتهم يشجعون لو ربع ساعه الا اول ما يدخل الفريق واذا بدت المباراة على طول يسكتون الاخ اهلاوي محترم يااخي انا زعلان عليك ليش حاط اسمك اهلاوي محترم ما يحتاج تحط محترم ؟؟!! حط اهلاوي بس لأن غالبية جمهور الاهلي محترمين عموما بالنسبه لشغلة الرابطه وتنظيمها ما اعتقد انها تصلح للهلال ولجمهور الهلال مهوب راعينها ,,, وبعدين حنا نبي منهم كلمه وحدة يقولونها وهي ياهلال وما قالوها وانت الله يهديك تقول رابطه واهازيج و ما ني عارف ايش شكرا لك على النصيحه عموما الف الف الف مليون مبروك البطولة للهلال وهارد لك للأهلاويين الفريق اللي يعتبر ثاني فريق اشجعه بعد الهلال تحياتي ابوطلال |
تبي الصدق ........؟؟ هذا اللي قاهرني !!!!!!!!!!!!!!!! جمهور يغطي الملعب ... وكن الملعب فاضي الا لين سجل هدف ...... وبعدها ......... دورهم !! متى ........ تحقق الامنية ؟؟ والله اني تعبت اكتب اهازيج .......... يا ناس غنوا .......... شجعوا ............. شيلوا معي ....... وعمك اصمخ :( :D |
إقتباس:
|
والله صادق مادري ليه كذا والأدهى منكذا مباراة الطائره اليوم والله افتكرته في جده ليش كذا ياشباب يعني إذا مره اتحمستو ردتو ياهلال ياهلال ولا سامي سامي سامي0 إلى متى والله حاله 0 على العموم الان خلينا نفرح والمواضيع هذه لاحقين عليها 0 الف مليون مبروك للجميع |
والله معاك حق وصادق من جد نايمييييييييييييييييين |
يا شباااااب انا حااضر المباارااة وشااايف وحااضر مبارااة الاتحاااد وشااايف برضو الجمهووور بالنسبة لى انا بصرااحة مو فاااضى انى اقعد اشجع وازاااعق واخلى المبااارااة بصرااحة ابى اشووف المبارااة بهدؤء مررة وبعدين التشجيع مو لااازم زعااااق وهبااال بعدين الاعب الهلااالى خلة يلعب كورة خطا تشووف الزعااق والعتااب لة يعنى الاعبين عاارفين ان ورااهم جمهووور يتاابع ويرصد جميع الاشيااء من خلااال هدوءة . وملااازم اهاازيج وموااويل يااخى شف مبارااة بعض المبارايت الكبيرة العاالمية واللة ما تسمع شى هدوووء تركيز ومتاابعة اخطااء واللة انا من النااس الى ابغى اشوووف المباارااة بهدوووء ... بس لااحد يقووولى شفها فى بيتكم لا واللة بشووف فى الملعب واحضرها واتاابع واركز واشوف اخطااء المدرب ومستوى الاعبين... ... ومشكوووور على حماااسك وغيرتك تحيااتى لك باى |
السلام عليكم ورحمه الله وبركاته لاتنسا الحذف اخوى ...... انا من جده .... ومباريات الهلال فى جده احضرها.... لكن عمرى وحياتى ماشفت جمهور زى ماشفته فى الرياض.... يجى الواحد ووظيفته الحذف والرمى والمشكله يرمى على جمهور فريقه.... لكن فعلا يظل جمهولا جده راقى ويشجع بحماس مع ناديه سواء الاتحاد او الاهلى او الهلال فى جده الجمهوووووور حمااااسى ويساند الفريق... تحياتى |
| الوقت المعتمد في المنتدى بتوقيت جرينتش +3.
الوقت الان » 06:09 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd