|
الله واكبر .. الحين صرنا نضغط على الادارة عشانها ما تعاقدت مع مدرب لحد الان ..!! طال ليل الصابرين ولم يروى عطش الضما والمساكين خبر يسر او بارقه امل تلوح في الافق ليبدا منها صبح يوم جديد يجلي ظلمه موسمين من التخبط في جلب المدربين من مدربين الطواريء ليكنز وبونان وكالدريون وسامي ودول الجائع الي الاخير فلته عصرة واونه هاسيك وبعد كل هذا ياتي من يقول لا تضغطون على الادارة ...!!!!!! لا نضغط على الادارة ..لاننا نعيش الويلات منذ رحيل جيرتس المر والذي تواطات الادره معه للاسف لا نضغط على الادارة .. تجيب مدرب الي هو الاساس وكلها ايام ويبدا المعسكر لا نضغط على الادارة .. وعندنا لاعبين رحلو من النادي ونحتاج الي من يقيم من يبقى ويرحل والوقت يداهمنا لا نضغط على الادارة والادارة طوال موسمين وهو ضاغطتنا بوعود للاسف لم يتحقق منها شي فلا مدرب كبير ولا لاعبين افضل ممن رحلوا لا نضغط على الادارة والجميع انتهى او قارب من غلق ملف الاجانب والمدرب ارى ان تستبدل كلمه لا نضغط ان لا يكون قلبنا على نادينا ولا نحس بالخوف وعليه ونتبلد تجاه النادي هذا هو مطلبكم وهو مستحيل .. والحقيقه انه ليس ضغط انها ابسط حقوق المشجع المغلوب على امره ان يرى ناديه الكبير في القمه وليس في مؤخرة الركب |
انا خمسين في الميه كذا وخمسين في الميه كذا .. ابوفيصل قال خلال هالاسبوع بنعلن وانتهى الاسبوع ماعلن .. هذا يخوف .. باقي على بدايه المعسكر اكثر من 25 يوم فتره طويله وشي متوقع ان الاعلان يطول .. أفضل حل ان ابوفيصل يطلع ويعطينا موعد نهائي متى يعلن عن المدرب علشان نرتاح ونبطل الهواجيس .. |
نعم لا نضغط على الإدارة لأننا لا نريد أي مدرب نعم لا نضغط على الإدارة لأن أغلب المدربين المتميزين مرتبطين بعقود نعم لا تضغط على الإدارة لأننا لا نريد الأستعجال لأنه ليس المهم إعلان اسم المدرب بقدر أهمية من يكون هذا المدرب نعم لا نضغط على الإدارة لأننا نثق فيهاااا الله يوفق الزعيم |
- لا بالعكس كلنا واثقين بشبيه الريح والتكتم على موضوع المدرب شي يسعدنا واقدر اقول انه بدايه تصحيح الاخطاء اللي وقعنا فيها الموسم الماضي .. باقي وقت لازلنا بدري والله يكتب كل الخير.. |
الله يكتب الي فيه الخير.. يمكن خيره.. وبعدين الله اكبر.. موب الله و اكبر:yes: |
المعسكر مابقى عليه الا اسبوعين فعلا الوقت يداهمنا وياخوفي يتكرر سيناريو الموسم الي راح اليوم في برنامج ارسال يقولون ان سامي هو الي بيدرب النادي بعد رفض خمس مدربين تدريب الهلال .. نبي نعرف وش اسباب الرفض معقوله كل العالم تتعاقد الا احنا .. ليش رفظوا هل المبلغ المعروض عليهم قليل ولا فيه شروط حاطيبنها للتعاقد ياليت يكون فيه مصداقيه سوي نبي حل تعبنا والله |
لو نجرب سامي هالسنه ، مافيها شئ نحط ثقتنا بولد النادي ونخليه يدرب وممكن ينجح ويقدم مستوى رائع وممكن يفشل حاله حال أي مدرب، والمبالغ الضخمه نجيب فيها لاعبين اجانب مميزين يصنعون الفارق بالذات في الآسيويه. مجرد وجهة نظر |
الاداره جالسه تعمل انت احضر وشجع بالملعب وخلك ساكت .. حتى لو مدرب زي دول .. عادي وش وراك تعال احضر ولا تزعجنا ... مسوي فاهم .. .. هذا الي فاهمه من الاداره انا ... تبيناساكتين وبسس .. واخرتها .. منيب قايل.. يالله عليك العووض |
إقتباس:
|
شي يقهـر فعلا يخلي الانسان يتنرفز ويلطع عن طوره ياخي الكريم من حقنا كجمهور على الاداره ان نعتب على تاخير اسم المدرب لان نفس المشكله تكررت في العااااام الماااضي من نفس اداره الامير عبدالرحمن بن مساعد المفروظ من ايااااام دول وا اياااام هاسيك يتم التشااااور مع المفوضين على اسم المدرب مهو مع قرب المعسكر لاتعليـــق على تاخير اسم المدرب |
الفريق الوحيد بالعالم اللي مفاوضاته تستغرق وقت طويل ولاتتم الا بولاده متعسره هو الهلال 0 الفيصلي فريق لايقارن بامكانات الهلال اعلن عن مدربه والهلال مازال يفاوض |
اتمنى الوقوف مع الادارة ودعمها وانشالله مايقصرون في التعاقدات للموسم الجديد ويعطيك العافيه اخوي على الطرح وبالتوفيق للملكي الهلالي |
يعطيك العافيه الله يكتب اللي فيه الخير |
نعم لا نضغط على الإدارة لأننا لا نريد أي مدرب نعم لا نضغط على الإدارة لأن أغلب المدربين المتميزين مرتبطين بعقود نعم لا تضغط على الإدارة لأننا لا نريد الأستعجال لأنه ليس المهم إعلان اسم المدرب بقدر أهمية من يكون هذا المدرب نعم لا نضغط على الإدارة لأننا نثق فيهاااا الله يوفق الزعيم |
مشكور على الموضوع بصراحه قريت العنوان وبرد عليك من خلال فهمي الموسم الماضي تأخر الاعلان عن المدرب ثم تعاقد الفريق مع دول وقدم الفريق اسوء مستوياته كذلك المعسكر الان باقي عليه حوالي 24 يوم فقط يعني المدرب اذا تعاقد معه الفريق هو رآح يقرر من يبقى ومن يبعد من الاجانب وتسويق الاجانب يحتاج الى وقت وكذلك مفاوضات الاجانب يحتاج الى وقت اطول يعني ممكن تروح للمعسكر ومأكتمل اجانب الفريق وحنا مقبليين على مشاركه مهمه في دور8 ولازم يكون الفريق مكتمل ومنسجم مع بعض على العموم ننتظر الاعلان عن المدرب بأسرع وقت ممكن بالتوفيق للزعيم |
| الوقت المعتمد في المنتدى بتوقيت جرينتش +3.
الوقت الان » 11:14 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd