|
اكاديمية الهلال ... حلم أم حقيقة !! السلام عليكم ورحمة الله وبركاته كما تعلمون ان الاساس مهم بكل شئ في حياتنا اليومية و أي شيء اساسه جيد راح يستمر جيد ويتطور مع الوقت وطبعا هالمثال ينطبق على كرة القدم بالتحديد ... اكاديمية الهلال هل هي حلم نتكلم عنه في كل موسم ونناقشه في المنتديات ام سيكون واقع سيطبق بأذن الله في القريب العاجل ؟؟ سؤال يتبادر في ذهني منذ مدة طويله واتمنى أن يتحقق ، الأكاديمية مطلب اساسي للهلال فبعد مدرسة الهلال في السابق التي خرجت اجيال خدمت الهلال اراها الآن متوقفه عن اخراج شباب نعتمد عليهم خصوصا في المواسم الأخيره اغلب لاعبين الهلال ليسوا ابناء النادي وانما قدموا من اندية اخرى لنا خير مثال في ألمانيا ماذا فعلت عام 2002 اخرجت جيل نافس العالم وتفوق عليهم حتى اصبح من افضل منتخبات العالم في ذلك الوقت والسبب الاعتماد على الاكاديميات واخراج جيل متعلم لأساسيات الكره منذ الصغر . انا اقترح على ادارة الهلال واتمنى ان تكون اكاديمية الهلال ضمن الملف للأداره الجديده فالأكاديمية تحتاج الى دراسه من جميع النواحي والأهتمام بالموقع والمدربين في الدرجه الأولى ، وتعتمد على سن معين يكون من عمر 7 سنوات حتى 15 وتدريبهم على اساسيات الكرة من تثبيت واستلام وتسليم وتحرك بدون كرة واللعب بكلتا القدمين ويجب الاهتمام ايضا بالجسم القوي بأستثناء الموهوبين اللي اجسامهم صغيره فيكون لهم نظام غذائي خاص واهم نقطه تعليمهم معنى الأحتراف وكيفية تطبيقة على ارض الواقع مو مثل اللي فاهمينه اغلب اللعيبه الحين أن الاحتراف معناة فلوس وعدم ولاء للنادي وهذا شيء غلط ولو تلاحظون الفترة الاخيره كيف اهتم الكوريين واليابانين بالأكاديميات ونشوف اجسامهم تغيرت وفكرهم تغير وصاروا يجارون المنتخبات الأوروبيه وهذا كله بسبب الأكاديميات اللي للأسف مابعد تطبقت عندنا بالشكل الصحيح لكن لو نحسبها بتكاليفها اولا راح نتعب عليها في البداية لكن بنشوف نتايجها مستقبلا وبأذن الله ماراح نحتاج لعيبة من احد الأنديه و نوفر فلوس التعاقدات والمبالغ العاليه في الصفقات كل التوفيق لزعيمنا في المنافسات المقبلة واتمنى ان يصبح هذا المشروع حقيقه نقاط .... * اتمنى ان لاتتدخل الواسطات في الأكاديميات على حساب موهوبين * موقع الأكاديمية مهم جدا و أن كنت اتمنى يكون في شمال الرياض او الشرق * عبدالرحمن بن مساعد كلي امل ان يتحقق هذا المشروع في فترة رئاستك * رئيسنا الغالي اتمنى انك ترفع نفسك عن الأعلاميين الحقودين وماتعطيهم اكبر من حجمهم لأن مجرد ردك عليهم يعتبر انجاز وشهره لهم ولا تهتم للأعلام بشكل كبير |
كلامك سليم طالبنا كثيرا بتأسيس أكاديمية الزعيم لما لها من فوائد كثيرة على مستوى النادي والمنتخب بمخرجات الأكاديمية بإذن الله سيحتكر الهلال البطولة الآسيوية لسنوات عديدة كما احتكر برشلونة بطولات اسبانيا و الشامبيونزليغ |
الاكادميه يبدوا انها لن تتم على العموم الهلال ما شاء الله ينتج لاعبين بدون اكادميه والفضل يعود بعد الله للامير نواف بن محمد |
الكاديميه اصبحت حلم كحلم اسيا وياخوفي ان كأس الملك يصبح حلما اخر |
لا تروح بعيد شوف اكاديمية الاهلي كم نجم خرجته وعلى وشك الوصول للاول الجيزاوي من الاكاديمية وشوف اولمبي الاهلي كيف كلهم من الاكاديمية نحتااااااااااج اكااااااااديمية |
إقتباس:
|
والله الأكاديمية شيء أساسي للنادي , خصوصا إن موجودين لاعبين في الحواري يبون من يهتم بموهبتهم , بصراحة أنا مستغرب ان الهلال مايحاول حتى انه يفكر بهالمشروع , واللي يقول الأمير نواف بن سعد مايقصر , صحيح هو مايقصر لكن مايكفي , والأكاديمية غير انها تصعد ناس موهوبين الا انها تحبب اللاعب بشعار الفريق اللي هو لابسه مو يحسبونه لأولمبي الهلال وميوله نصراوي والا شبابي وكذا. |
إقتباس:
صحيح اخوي واذا تطبقت عندنا راح نطلع جيل محترف وفاهم وعنده فكر كروي بعكس اللاعبين حاليا اللي ماخذوا من الاحتراف الا اسمه |
إقتباس:
الخليجيين عموما والسعوديين خصوصا يمتلكون مهارات عاليه في الكره هذا وهم لاعبين حواري يعني لاتدريب ولا شي ! فكيف لو صقلنا مواهبهم في الاكاديميات وعلمناهم اساسيات الكوره والفكر الاحترافي والله ان يطلع جيل عندنا ينافس في كأس العالم والأوربيين مو احسن منا خصوصا احنا نتفوق عليهم بالمهارات والسرعه وهم بالفكر الاحترافي يعني لو تطبقت عندنا الاكاديميات بالشكل الصحيح بأذن الله نتفوق عليهم |
لماذا على أحلامنا أن تبقى مجرد أحلام مع قدرتنا على جعلها واقع؟ ---------------------------------- |
إقتباس:
الجواب عند المسؤولين عن الكوره في الاندية والرئاسة |
اكادميه يبدوا انها لن تتم على العموم الهلال ما شاء الله ينتج لاعبين بدون اكادميه والفضل يعود بعد الله للامير نواف بن محمد |
اه ياليت يتحقق حلمنا وتكون للهلال إكادمية كا أي إكاديمية عملاقة |
اتمنى ملعب للهلال اكثر من الاكاديميه |
يعطيك العااافيه اول شي خلهم يخصصون ويسون ملعب للهلال وبعدين يسون اكاديميه للهلال .. ................................ |
فعلآ الاكاديميه شئ مهم للكشف عن المواااااهب منذ الصغر ..... ويالليت ايضآ يكونون لجنه من اللاعبين القدامى ككشااااافين للبحث عن اللاعبين المميزين بالحوااااري. مشكوووور..... |
هذي من أهم المواضع وأنا أدعوك لمشاهدة أهداف لتعرف أهمية الأكاديميات من الصغر |
تكفوووون كلموا الادارة تسوي اكاديمية . انا اتمناها من زمان والله ... يالبيه بس لو يحطون اكاديمية اللي يقدر يوصل الكلام للادارة يروح يوصله بليز |
فعلاً مهمة وضرورية ياااليت |
الاكاديميه تحتاج مال وليسى تمنى من يدفع مئات الملايين ؟ |
إقتباس:
|
الأكاديمية شي لازم لازم يعطيك العافية |
يارب انا نشوف اكاديمية للزعيم في اقرب وقت يا زعماء شوفوا الأهلي مستحيل يمر الموسم وفريق الناشئين والشباب والبراعم ماينافسون على الدوري او الكأس وكلها بعدما حطوا الأكاديمية فعلا الاكاديمية حلم للهلاليين لكن على يد من من اعضاء شرف الزعيم يتم تحقيقه ؟ انا استغرب من اللي يقول الملعب قبل الأكاديمية !!! يعني اللي يجيب البطولات والمواهب والانجازات مكان الملعب وشكله او وجود اكاديمية مميزة تخرج الكثير من المواهب والمبدعين للزعيم ؟ الهلال بحاجة ماسة للأكاديمية لأننا نلاحظ اكثر اللاعبين الآن موهوبين لكن ماعندهم مهارات اساسية ومن اهمها الكنترول والسيطرة على الكرة وهذي يتعلمها اللاعب في الأكاديمية وايضا التحرك بدون كرة هذي يتعلمها اللاعب في الاكاديمية والأكاديمية تحتاج امكانيات متكاملة واجهزة فنية ومرافق مميزة شكرا اخي كاتب الموضوع على كتاباتك الجميلة واسعدني مشاركة ( اللاعب بدر صيام ) |
الحقيقه كما يلي : 1- سمو الامير بندر بن محمد هو المسئول عن ناشيء وشباب النادي والادارة لا تريد التصادم معه وتاركه الموضوع له .. 2- يوجد أرض بجانب النادي من الجنوب يمكن بناء أكادمية تشمل ملعبين ومباني ادارية.. 3- لا زم يتدخل أعضاء الشرف الكبار ويحاولوا أن يقنعوا الامير بندر بن محمد ان يكون العمل جماعي وهو لم يقصر ويحتاج تكاتف أعضاء الشرف لبناء الاكاديمية ودعم فرق الناشين والشباب.. 4- للمعلومية الشباب لدية 6 ملاعب غير الملعب الرئيسي والرديف والنصر لدية 7 ملاعب غير الملعب الرئيسي والرديف ؟؟؟ 5- لازم العمل يكون عمل مؤسساتي وليس افراد ... 6- الامير بندر ماقصر وأخرج لنا نجوم على مدى السنوات الماضية أمثال الثنيان والتيماوي وفيصل ابو ثنين وتركي العواد والتيماوي والتمياط اخوان والعابد وعزوز والفريدي وغيرهم الكثير .... ولكن نريد فتح المجال ليعمل معه بقية اعضاء الشرف ... 7- التكلفه لن تكون كبيرة لأن الانجيله الصناعية رخيصة وتتحمل الطبيعه ورخيصه وهي معتمده من الفيفا ونفس الملاعب مطبقه بأكاديمية الاهلي والشباب....... 8- سبق أن ارسلت ايميل للادارة بالتفاصيل اعلاه .... |
إقتباس:
|
ياما طالبنا وطالبنا في الأكاديمية ولكن لا حياة لمن تنادي .. الله كريم |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 06:22 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd