اخوانا المتمصدرين الله يهديكم
 

السلام عليكم ورحمة الله وبركاته

حقين المصادر نحترمهم ونقدرهم صح انهم يرفعون الضغط ومدري ايش يستفيدو من الاخبار الغير رسميه من السنه الماضيه الى الحين الهلال وقع مع 200 مدرب اوربي و200 قلب دفاع و200 لاعبي وسط و200 لاعبي مركز هجوم ويجينا بعض وهم اصلن يخربون على الاداره اذا تبون مصلحة الهلال تحفظو على الاسماء المطروحه يكفي طارو كثيرين من مصادركم اتمنا محد يجي ويقول مصدري من ادارة النادي او يجب على ادارة المنتدى معاقبتهم لانهم يطلقون شائعات ليس لها اساس من الصحه قسم بالله اني اتوتر من الاخبار ذي اذا خشيت مواضيعهم اقول الهلال بياخذ كل البطولات السنه الجايه قالو دروقبا في الطريق والمشكله مصادرهم صحف وليست من النادي طيب اذا فيهم خير وصادقين خلهم ينطقون اسم المصدر الي خبرهم بالمعلومه لانه متئكد ان الهلال خلص مع المدرب ومع اللاعبين الاجانب ومافاد كلام الرئيس في برنامج كوره قال ماراح نوقع مع لاعبين اجانب حتى يتم التوقيع مع مدرب ومازال التمصدر شغال وكل واحد يجيب اسم من راسه في الفتره الاخيره الهلال وقع مع كرستوف دوم ومارتن اونيل الي موقع مع سندرلاند ومازالو المتمصدرين يقولون في طريقه للهلال ووقع مع لورن بلان ووقع مع ديديه ديشامب وتعاقد مع خمس قلوب دفاع خلال اسبوع ثلاث افارقه وواحد برازيلي وواحد تشيكي والعربي راح وباعه الهلال والكوري بيجلس بامر المتمصدرين وهرماش بيجلس بعد ورئيس النادي يقول كل شي بيد المدرب والمدرب ماتم التوقيع معه وولي ماراح يجدد وحكمو على كل شي ومافي شي رسمي اتمنا ان نتوقف عن الكذب والشائعات الي مالها داعي بس توتر الجمهور وتخرب على الاداره وتشتتهم ياجماعه خلونا نتكلم بسلبيات الفريق الموسم الي طاف ونخلي الاداره تشتغل بهدوء بدون ازعاج ومصادر ليس لها اساس من الصحه عبدالرحمن بن مساعد قال انتظرو الافعال لا الاقوال خلاص قفلو مانبي مصادركم الي عنده شي يحتفظ فيه لنفسه الا اذا بيذكر اسم المصدر


اتمنا محد يزعل من الكلام الي قلته لاكن الموسم الي فات كل الاخبار طلعت خرطي هرماش والعربي والكوري لم يطرح اساميها المتمصدرين وجلبتهم الاداره اتمنا نستفيد من اخطائنا



ولكم الشكر واتمنا الرد يكون في صلب الموضوع والاختلاف في وجهات النظر لايفسد في الود قضيه

كلامك 100 %

بس العنوان غير مطابق للمحتوى

فرحت وقلت بداية الغيث قطرة

فكرت عندك خبر عن أي تعاقد ولكن .......

يعطيك الف عافيه على الموضوع الرائع

ناقص مووضووعك عنواان مثل النااس

يااخووي تراا فيه نااس تدخل من جولتهاا وتبي تشوف وش اخر التعاقدااات ؟

اناا ماتكلم عن نفسي لا والله اناا دااخل بلاب

لاكن اعرررف ان الكثيرر يدخل بجوال يبي يشووف تعااقداات شي وانت كااتب مووضووع زي كذااا ؟

ع العمووم يعطيك العاافيه

شكرا لك يامبدع الله  يوفق الملكي

عيني عليك بارده بكل كلمه قلتها

فعلاً ابن مساعد قال لا نوقع مع اي لاعب ولن يتخلون عن اي لاعب

الا بعد التوقيع مع المدرب

ومن ناحيه ثانيه الاعبين :

لاحد يجي بكره ويقول نبي الاعب الفلاني او يجيب فديو عن لاعب .. الخ

اتركو المجال ذا للاداره هي ابخص واعرف

بدون زعل يازعماء , بس والله من مصلحه الهلال

يعطييييييك العاااااااافية ع الطرررح الجمييييييل ,,

كلام سليم 100% تحياتي لك يا راقي
وأتمنى يخفون علينا راعين المصادر وأتوقع مو مشكلتهم
مشكلة الإدارة الي ما خلصة شيء ننتظر على أحر من الجمر لموسم ناري

يااااااارب وفق الـــمــــلـــــككـــــــي في كاس اسيا

المتمصدرين ينزلون 10 مواضيع .. و اللي ينتقدونهم مثلك ينزلون 20 موضوع بعناوين خادعة

موضوعك لا يختلف عن مواضيع المتمصدرين ..

حالة موسمية كئيبة!

البلا بادراتك اللي مصادرها واجدة ومحد ينكر شي

في عهد الامير المصادر كثرت والسبب أخبارهم تروح لفلان وعلان

على فكرة توقيع الادارة مع مارتن صحيح لكن مارتن رفض بعدها

وتفرج على تصريح الامير في برنامج العجمة

بتسمعه انه قال زي ما قلت ك الحين عن مارتن


مؤ كل اللي يقول مصادر ما عنده سالفة في ناس جاييه الاخبار من عالم موثوقة

وجايين يبشرونك

عنوانك يختلف عن لب الموضوع بارك الله فيك

ليمتى ,,

الشرهه على المشرفين اللي يعتمدون مواضيع زي كذا ,,

ياخي اكتب عنوان يناسب الموضوع (صعبه يعني) ,,,

رايك سليم


ونقدر لك هذا التفاعل


والمتمصدرين على قولك

مجرد تشويش على المتابع

وفاضين جالس قدام هالنت

ومسوي نفسه فاهم كل شي

وهو للاسف لا يفقه شي