|
ارقام ياسر القحطاني في دوري ابطال اسيا بسم الله الرحمن الرحيم اسعد الله اوقاتكم بكل خير الكل في المنتدى منشغل بموضوع ياسر القحطاني وعن امكانية عودته للنادي او بيع عقده فالبعض للاسف لايفكر في مستوى اللاعب وانما يركز على امور جانبيه خارج الملعب والليب بالاشاره يفهم المهم اليوم دخلت على موقع كوره وبحثت عن مشاركات الهلال في دوري ابطال اسيا منذ قدوم ياسر للهلال وبصراحه صدمت من الارقام فياسر القحطاني شارك في 6بطولات اسيويه ولم يسجل سوى 12 هدف فقط بل انا هناك مهاجمين كانو يتفوقون عليه بعدد الاهداف مثل العنبر والصويلح والفين المحترف البرازيلي ولكن ضروف مغادرتهم جعلت ياسر يتخطى ارقامهم الان العربي لديه 4 اهداف قابله للزياده في بطوله واحده الكوري لديه 5 اهداف قابله للزياده في بطوله واحده ملاحظه هذه الارقام والاحصائيات موجوده في موقع كوره اتمنى ان نبعد العاطفه عنا قليلا ونجرب الكوري والعربي في بطوله واحده فياسر لعب مع الهلال 6 بطولات اسيويه ولم نستفد منه اي شي يذكر |
الله يهنيك بالكوري والعربي نبي ياسر يرجع ياسر قد سواها وسجل خمس اهداف في بطوله وحده مشكور ع الموضوع |
انا في رأيي المتواضع .. علشان تحصل فريق قوي ويجيب اسيا لازم اربع مهاجمين كلهم عليهم الكلام .. وكلهم ينافسون على هالخانه !! انا اشوف ( سعد الحارثي , ياسر القحطاني , الكوري , مهاجم قوي بديل للعربي ) وبخصوص ان ياسر مايسجل بالاسيويه .. صراحه ياسر يصنع ويسجل وتقدر تعتمد عليه .. واشوف انه جدير بالخانه !! عموماً .. كلامنا كله اعتقادات .. ونتمنى التوفيق للزعيم في اختيار التشكيله السليمه للازرق !! يعطيك العافيه |
الله يعطيك العافيه الهم وفق الزعيم في كل مكان |
الله يهنيك بالكوري والعربي نبي ياسر يرجع ياسر قد سواها وسجل خمس اهداف في بطوله وحده مشكور ع الموضوع |
بالنسبة لكلامك عن ياسر الهلال كان يعتمد على الوسط بشكل كبير جدا وبعدين ياسر مو راس حربة مثل يو والعربي والعنبر والصويلح وريدريقاو الفان ياسر مهاجم ثاني وانا اطالب ببقاء يو ويكون امام ياسر وتشوف ثنائيته مع جيان مع يو وياليت سحب كلمتك (لم نستفد منه اي شيء يذكر) لا تنسى 2008 يوم حسم لنا الدوري قدام الاتحاد ورجعنا للمنافسة اكثر من مرة قدام الاهلي هدف التاكسي بالدقيقة 94 وهدف الفيصلي الدقيقة 90 وبالذهاب الفاول الدقيقة 90 لكن انت من جمهور (قول يجيبني وقول يوديني ) مع احترامي |
ياسر يلعب في أربع خانات في المقدمه صانع لعب مهاجم ثاني مهاجم صريح على الأطراف تذكر كلام ماردونا حينما قال(أنه حاول قدر الإمكان محاصرة القحطاني وجيان وسط الملعب للقضاء على خطورتهما، ولكن الأمر لم يتم كما خطط، خاصة أن القحطاني أزعج الدفاع وشغله كثيرا، مما اعطى الفرصة لزميله في التسجيل) هذا كلام ماردونا الذي جعل من فريق لا يعرفه أحد بل في درجة الظل الى بطل أروبا وليس شخص مثلك يمكن تلعب بالحاره أو يطردونك من اللعب |
انا من شفتك تقول يو وانا غاسلن يدي جالس مقابل هاللاب وتقيّم ياسر ؟!؟!!!! من انت ؟! انا ماراح ارد على الموضوع ب أي شي بس شكراً على الوقت اللي ضيعته وانت تكتب بس ترا تعبت نفسك وانا أخوك |
ان شاءالله بيرد عليك ياسر بنفسه يعطيك العافيه |
ارقام ياسر ضف لها كم صنع هدف وتسبب بكم ضربة جزاء وان شاء الله يرجع القناص ويقود هجوم الهلال يعطيك العافية |
اقول كيف الحال عساك طيب شخبارك شكلك مواصل ولسه ما نمت روح ارقد ونام احسن |
والله ما ازعجتنا بالكووري الا بعد اخر مباراة قدام بني ياس ولا كان الحين اول واحد يطالب بإبعاده انت اذا تبي تجيب لاعب محترف وتدفع فيه فلوووس لاتجيبه عشاان تقول ما تأقلم ويبغاله كذا وكذا انت تجيبه عشان يلعب ويسجل ويمشي انت قدام مؤسسة خاصة اللاعب اللي ينتج يكمل معك واللي ماينتج انت ماتستفيد من مقابلة وجهه اللاعب الغاني (جيان) جاء في منتصف الموسم واخذ هداف الدووري ماقال باقي ما انسجمت ومدري وش الاعذار حقتكم للاعب الكوري وبالنسبة ليوسف العربي يقوولون انه اكبر من الدوري السعودي اذا هو اكبر من الدوري السعودي ليش تجيبه بالاسااس وليش يوافق على العرض اذا يشووف نفسه اكبر من الدوري السعودي جاء قبله لاعبين كبار وافضل منه بمليون مرة امثال ريفالينيو ورادوي ونيفيز وبهجه وغيرهم كثير وقدموا مستويات رائعة ياسر القحطاني بمستواه هذا يفووق مستوى الكوري والعربي مع بعض ..اتمنى عودتهم وجلب مهاجم صريح من نوعية اسامواه جيان |
ليس ذنب ياسر القحطاني ان يحقق افضل لاعب اسيوي 2007 وبشهادة اتحاد اسيا ليس ذنب ياسر القحطاني أن يؤهل الزعيم في مباراة الغرافة لنصف النهائي ومع ذلك بعض الجمهور نسف مجهوده ليس ذنب ياسر القحطاني ان يلعب وهو مصاب في نصف نهائي آسيا ويتسبب في ركلة جزاء اضاعها ويلهامسون اما ذوب اهان ليس ذنب ياسر انه في طيلة تواجده في الزعيم أصبح لاعبي الوسط هدافون ليس ذنب ياسر أنه وبعد ذهابه للعين مات الوسط واصبه المهاجمون الهدافون فقط أتمنى انصاف هذا اللاعب ولو قليلا ..فلست مشجعا له وانما مشجعا للكيان الازرق العظيم ولكن ان نجحف في حق أي لاعب بسبب انه لم يسجل اهداف كثيرة ..فهذا قمة العقلية الكروية (الطاحسة المنتهية) لتنظر الى تأثير اللاعب على مجريات الفريق الفنية ونجاحات الفريق ...ولا ننظر الى كم اهداف اللاعب لو نظرنا الى اهداف اللاعب لكان عيسى المحياني أفضل من ناصر الشمراني عندما كان هداف الدوري قبيل سنوات ولو نظرنا الى اهداف اللاعب لراينا سولدادو افضل لاعب بأهدافه رغم ان فريقه (مايسوى) |
اعتقد ان الكوري سـ يتفوق على ياسر القحطاني في سجله التهديفي في بطولة اسيـا اذا ما اسستمر الكوري بيونغ بـ تقديم مستويات مميزة مثل ما حديث في مباراة الهلال و بني ياس في دور الـ 16 من دوري ابطال اسيا :yes: |
ياسر القحطاني هو اكثر لاعبين السعوديين تسجيلا بعد محمد نور ان ما خانتني الذاكره والهلال اقل معدل تهديفي من الاتحاد بالبطوله وياسر مشاركاته اقل من نور بعدين ناصر الشمراني هداف الدوري السعودي 4 مرات جايب 11 هدف يعني اقل من ياسر واخيرا ياسر اذا ما سجل صنع ومزعج جدا للفرق المنافسه |
| الوقت المعتمد في المنتدى بتوقيت جرينتش +3.
الوقت الان » 07:21 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd