|
الحين سامي راحت وظيفية مدير الكورة .... وسامي الحين ما عنده وظيفة بالزعيم ... عندي وظيفة لسامي تجعله جوارديولا جديد ! مين يأيدني ؟ السلام عليكم بدون مقدمات ادخل بالموضوع الحين سامي الجابر بدون وظيفة مدير الكرة حيث اسقطت هالوظيفة من سامي واعطيت جميع الصلاحيات للمدرب ....... الحق القرار صحيح 100% طبعا الأمير صرح وقال سامي له شؤون اخرى منها يجيب لاعبين ويودي لاعبين ... الخ طبعا هالأمر جيد لكن سامي نقدر نستغلة في امور اكبر واكبر وقد تصل إلى مرحلة التدريب بنادي الهلال مو جيب لاعب وودري لاعب وجيب مدرب وودي مدرب , سامي عنده طاقة اكبر من كذا انا مع ابعاد سامي عن منصب مدير الكورة واعطاء جميع الصلاحيات للمدرب سامي عنده شهادات وانجازات قادرة على صنعة كمدرب كبير ويستاهل ابو عبدالله .... مهلا !!! انا ابغى سامي يدرب فريق الهلال ...... اوكي طيب كلنا نحب سامي ونقدره لاعب خدم الهلال سنوات كبيرة تصل إلى 25 سنة ..... ربع قرن وهو يخدم الكيان الهلال بو عبدالله طبعا أي عمل يعمل في هالدنيا مصيره شيئين : يإما النجاح وإما الفشل لو نجح ....... راح نكون معاه وراح نرقيه السماء طيب لابد ان نشوف الطرف الآخر في المسألة طيب لو فشل ....هل راح يسلم من غضب الجماهير بشكل عام !!!! هل الصحافة راح تتركة !!!!!!! الكل راح ينهش في سامي والكل راح يتكلم على سامي .... افضل وقت للكلام على سامي لو درب الهلال !!!! ....... واحنا مانرضى احد يسيئ لأبو عبدالله الحين لو رئيس النادي فشل ..... عادي راح نرميها على المدرب !!!!!!.... الحين لو مدير الكرة فشل ...... عادي راح نرميها على المدرب !!!!!!.... الحين لو الاعب فشل ........... عادي راح نرميها على المدرب !!!!!!.... الحين لو المركز الإعلامي فشل ..... عادي راح نرميها على المدرب !!!!!!.... الحين لو عامل النظافة فشل ........... عادي راح نرميها على المدرب !!!!!!.... لكن لو المدرب فشل ......... راح نرميها على المدرب وراح نسيئ له وراح نقول فيه كلام مو حلو ............. فكل شئ ولا سامي احد يتكلم عليه عشان كذا لايمسك التدرب ويضع نفسه امام وجه المدفع المدرب !!!! الحين وش الحل سامي ماراح يمسك منصب مدير الكرة وسامي يريد التدريب ونحن نخاف على سامي من وضعه امام وجه المدفع والكل يتكلم عليه لو فشل وسامي يبي يدرب !!!!! جميعنا يعرف ملك التدريب جوارديولا ماذا فعل ليكون مدرب ناجح هو انه مو من اول الطريق مسك ميسي وتشافي ودربهم وجاب بطولات !!!! لا جوارديولا مسك افرقة صغيرة في برشلونة , مثلا مسك تدريب فريق الناشئين ونجح وحقق بطولات .... بعدين مسك تدريب فريق الشباب ونجح وحقق بطولات , بعدين مسك فريق الأول الرديف ونجح وحقق بطولات بعد ماعرفوه المسؤولين في برشلونة وعرفوا انه مميز وناجح اعطوه فريق ميسي وتشافي ونجح معاهم وحقق البطولات الخمسة والستة والأربع عشر بطولة .... كل هذا بسبب التدريج ...... مو اول الطريق وامسك ميسي وربعة ونبي بطولة !!!!! كذالك سامي مو توه جايب له شهادة تدريب وصاير مدرب من اول الطريق تعال درب وامسك الشلهوب والفريدي والعابد ودربهم !!!! ..... لا اكبر غلط !!! الصحيح سامي بالتدريج بالتدريج بالتدريج بالتدريج بالتدريج يمسك تدريب الناشئين في الهلال ونشوفة ينجح او لا ...... اوكي سامي نجح واكتسب خبرة وبطولات طيب الحين نوديه يدرب فريق الشباب بالتدريج اوكي سامي نجح واكتسب خبرة وجاب بطولات ..... طيب الحين نودي سامي يدرب الفريق الأولومبي .... اوكي سامي درب الأولومبي وحقق بطولات ...... طيب الحين نودي سامي يدرب الفريق الأول الرديف اوكي سامي دربهم واكتسب خبرة وجاب بطولات الآن سامي نعطيه منصب المدير الفني بنادي الهلال ويدرب الاعبين النجوم الفريدي الشلهوب والعابد ...... بعد ماتعب وتدرج بالتدريب واكتسب خبرة وحقق بطولات يستاهل تدريب الهلال ولا احد يقدر يعترض على سيفيه التدريبي هذا طبعا لو نجح سامي مع الناشئين وتفوق ...... ولكن لو فشل لن احد سوف يهجم عليه ويقول له انت مدرب فاشل ولا احد راح يقول له اي شئ ..... ويطلع من التدريب كما تطلع الشعرة من العجينة اما مدرب بدون سيفي تدريبي + لم يسبق له التدريب + اغامر فيه واعطيه الفريق الأول والنجوم بدون تدريج لو فشل الله يكون في عونة من الهجوم الجماهيري والإعلامي عليه .... مع ملاحظة انه لن احد سوف يهجم عليه لو فشل مع فريق الهلال درجة الشباب او الناشئين مثل الفريق الأول !!!! بم ان سامي ماعنده وظيفية المدير الإداري في الفريق + سامي مصر على التدريب + الإدارة الهلاليية خايفة على سامي من الهجوم الشرس عليه لو لم ينجح فإنها لمصلحة سامي مستحيل تعطيه تدريب الفريق الأول لأن سامي رمز هلالي كبير الإدارة الهلالية لاتسمح لأحد ان يتهم سامي او يقول فيه شئ سيئ سامي يبي يدرب اوكي نخليه يدرب بالهلال لكن من خوفنا عليه كجماهير نطالب بجعل سامي بالتدريج مدرب فريق الهلال للناشئين او الشباب او الأولومبي وإذا نجح راح يصعد إلى الفريق الأول ولو فشل لا احد راح يهجم عليه وهذا حل يرضي المدرب سامي ويرضي الإدارة والجماهير الي خايفة على سامي من خطر المهمة القادمة ارائكم بتدريب سامي الجابر الفئات السنية بنادي الهلال ...... رأيكم يهمنا ويهم سامي ويهم الإدارة :alzaeem: ::::::::::::::: رجاء خاص علق في صلب الموضوع رجاء ::::::::::::: لقد تم تعديل الخط ومسح الكلمات المربعات وترتيب الموضوع أكثر رجاء علق وادخل في صلب الموضوع لاتجلس تقول لي خط وما خط :d :d :d ترى اكلتوا راعي الموضوع بقشوره الخط وما الخط علق على رأيك في تدريب سامي للناشئين بدل خط وما خط :d |
التدرج هو أساس نجاح أي عمل سامي محارب وأي خسارة تعتبر هفوة له بينما أي فوز ضربة مو جعة لهم |
اخووووي خطك ما خلاني اكمل الموضوع صدعت خخخخ |
اخوي يعطيك العافيه بس موضوعك حيل طويل مغطته تمغيط لو مختصر احسن انت اللي تبي توصله ان سامي خلو يدرب الفئات السنيه لين يوصل للفريق الاول وهذ الافضل |
الله يعطيك الف عافيه الهم وفق الزعيم في كل مكان |
سامي محارب وأي خسارة تعتبر هفوة له بينما أي فوز ضربة مو جعة لهم |
الموضوع طويل .. و لكن قريته كامل الموضوع ما يستاهل اكثر من سطرين |
والله أنا كنت أتمنى ذلك . رائينى جورديولا ومدرب مونبيلية ومدربين كثر وينجحون . مدرب مونبيلية والله مع أحترامي له مدرب عادي وفريقه أيضاً عادي لا يوجد به لاعب نجم إلا بلهندة ونجح بأخذ الدوري والسبب أنه تدرج معهم من فئة الناشئين ومن ثم الشباب إلى أن وصل الفريق الأول وبكذا مشى هو وياهم من صغرهم . تقبل مروري ... |
كلالام جميل طرح جميل ابدعت لكن دوختني والله خطك مدري كيف جااي شكرااااااااااا لك |
والله ياريت يمسك فريق من الناشئين و يتصاعد معاه يعني يطلع معهم للشباب بعدين الأولمبي بعدين الاول |
الموضوع طالع لي مربعات كان ودي اقراه دام العنوان فيه سامي وجوارديولا اكيد موضوع جونان بس مالي في الطيب نصيب |
موضوع غريب و مبالغ فيها أعتقد 5 أسطر كافية لإيصال الفكرة و الخط يالغالي سيء جداً و أنا أرى أن سامي بنفسه يريد الإبتعاد عن الوسط الرياضي ليكمل مسيرته الشخصية بعيد عن الصحافة و يصنع نفسه من جديد في عالم التدريب |
لا حـول ولآ قـوة الا بالله تركـواا مضمـوون الموضـوع .. وتككلمـوو فـي الخطـووط وان الموضـوع طوويـل اكلتـوو الرجـآآل بقشـورهـ ع الاقـل كلمـة شـكرر :s2: ... وبالفعـل التـدرج اسـآآس نجـآآح اي عمـل ... يعطيـكك الـف عـآآفيـهه :rose: ... |
طيب وووووووووضح خطك عشان اقراااه والله لو انك ماسك قلم رصاص وبااااااااااااريه لاخر شي مايصير كذا خطك اوف اعماني برووووووووووووب |
كلآآم عقلآني الف شششكر خيييو ..! |
| الوقت المعتمد في المنتدى بتوقيت جرينتش +3.
الوقت الان » 04:21 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd