|
ياكاتب الموضوع اسأل نفسك نفس السؤال ليش ماحاربت الجماهير هوساوي أو المحياني؟؟ لأنهم لم يتصرفوا تصرفات أطفال ولم يستغلوا النادي للمساومة على حقوق لايستحقها تقدر تقولي ايش سوى الفريدي هالسنة كإنجاز له مع الفريق غير انه هرب وقاعد يفاوض ويلوي ذراع الادارة على لاشيء وكل هذا علشان يوصل لمبلغ ((بالشطارة)) بطريقة محمد نور (كيفية استغلال حب الجماهير والادارة واستخدام التغلي عليهم) هذا ماوجدناه مع الفريدي وياليت على مجهود يذكر او مستوى واذا كان كل من ينتقد مندس فأرجوا منك كجمهور لاعب بأن تكتب عن حبك فقط له ولا تذكر منتقديه لأنه مثال اللاعب الفاشل الي أخذ مقلب في نفسه وبمهارته ونسي أن من صنع نجوميته بعد الله هو الهلال أتمنى أن نحكم بالعقل ياعاقل...ولا تحكم بالقلب ...لأن الهلال ماضيعه غير المجاملات لياسر والمرشدي والفريدي وغيرهم وسالم بالطريق الغرور وطريقة ليي الذراع المكشوفه بالتصريح للاعلام ثم النفي ثم التاكيد ثم يطلب شهرين للتفكير ليــــــــــــه ؟؟ علشان يساوم وعلشانه أخذ مقلب بنفسه ويفكر أنه الوحيد بالهلال (تكفي يادلبييرو زمانك) فكونا من هالموضوع العقيم الي اخذ اكبر من حجمه وكبر اللاعب وجعله من الاساطير الهلالية وهو ماجاب نص نجومية وبطولات الشلهوب ولا حسم أي نهائي بس أذكرله تسحيبات تنجح احيانا واحيانا تكلف النادي الكثير |
من حق اللاعب يطلب المبلغ الي يبغاه ( لحد يقول لا مو من حقه لان مو انت لاي بتدفع ) يا اخي انا جايبلك سيارة سعرها 150 الف ريال وانت شفتها برا بي 148 الف وتقولي لا سعرك غالي هذي مشكلتك انا عندي قناعه ما رح ابيع غير بي 150 الف ريال والفريدي من حقه يطرح رقمه المناسب واذا النادي لا تستطيع توفير مبلغه او تراه مبالغ فهناك انديه مستعده تدفع له والمكسب رح يكون للفريدي وجزء للنادي وهذا حق من حقوق الفريدي التفكير المادي وبي تأمين مستقبله نجي لنقطه يقولو خليه يمشي من الفريق والهلال ما وقف عليه صحيح الهلال ما وقف على سامي ولا على يوسف حيوقف على الفريدي !!! لكن بنفس الوقت ما نبي نخسر مواهب حتى لو الهلال منبع للمواهب نبي نحافظ على مواهبنا وهم نجوم من حقهم يطالبو بعقود ترضيهم لان هالعقود في انديه ثانيه ممكن توفرها لهم نجي على نقطة يقولك البعض خليه يروح ورح يفشل ومن طلع من داره قل مقداره ( تفكيرك قديم يبو هذا ايام جدي الكلام ) حالات كثيرة طلعت من دارها وزاد مقدارها واقرب مثال اوربا ( لويس فيجو خرج من برشا وصار اكبر بالريال واصبح الافضل بالانتر ) رونالدو البرازيلي ترك البرشا وهوا بالقمه وراح الانتر وهوا بالقمممه ورجع لمدريد منافس فريقه القديم وكان الافضل وذهب لي ميلان منافسه التقليدي ايام كان بالانتر وابدع وفان نستروي ترك اليونايتد وقدم الكثير لي مدريد + كريستيانو رونالدو ترك مانشيستر وابدع واثبت انه الرقم الصعب بي مدريد حيجي واحد يقولي يبووووووووو انت بتتكلم عن اوربا لا يا حبيبي الله عطى الاوربي رجول ومخ وجسم وما عطاه لنا مثلا !!! لكن هنا مقوله ( الزين يفرض نفسه ) الفريدي انا ما امدحه لكن هالكلام على اي لاعب لمن يجي يترك الهلال يقولو عنه انت الخسران وانت اصلا فاشل وانت وانت وانت ( مقصدي عن اي لاعب يبي يترك الهلال ) يا اخوان الموهبه والفنان يفرض نفسه لو انه يلعب بي فريق الرائد او نجران او التعاون ( حيجي واحد طاير بالعجه لا ياخوي مو لهل درجة ) اجل كيف ياسر الشهراني فرض نفسه بالقادسيه ؟ كيف ياسر القحطاني فرض نفسه بالقادسيه ؟ كيف عمر الغامدي ( عمر الي تخلو عنه الادارة بي اسباب يمكن ماديه ) اثبت نفسه واحد اهم اعمده الفريق الشبابي واحد اسبابهم بتحقيق الدوري ترا االامثله من هنا لبكرة لو ا قولها ما رح اخلص بالتوفيق للفريدي سواء كان بالهلال او انتقل لفريق اخر الله يوفقه |
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ رد بسيط على الي فوقي.... ياعزيزي يطلب أي مبلغ أوك لكن مو بطريقة لي الذراع والتهديد بانه اخر ايامه او انه ماعنده اصلا طموح وبعدين يطلع للاعلام ويقول بفكر!!!!!!!(الكتاب باين من عنوانه) ويطلب مبلغ 30 او 40 مليون ......................؟!!!!! أنا من هنا أتحداك لو نادي واحد من أندية المملكه دفع للفريدي 30 أو 40 مليون أتحدااااااااااك لسبب بسيط لم يقدم لم يقدم أي شي وكلنا نتذكر من متى بدأ يساوم من يوم مباراة الاهلي 4-0 وأسلوبه المقزز ولعبه بدون نفس ياخي لانقبل بلاعب مزاجي ويلعب لغرض الماده فقط واذا ماعجبه الراتب ممكن يضيعلك بطولات برعونته وفعلها من قبل في كاس الملك وضحك بعد اضاعه الضربه الجزائيه المشهوره هذا لاعب يريد المساومه فقط واذكرك في قادم الايام بأنه منتهي من كل مواضيعه وموقع لنادي اخر وبسعر أقل فقط ليثبت شيء لنفسه ان الهلال بدونه ولا شي وهذا مايعتقده هو (العاله) |
إقتباس:
صعبه بي نادي سعودي اتفق معاك صعبه نادي سعودي يوفر له 30 مليون و 40 مليون لكن ممكن الاهلي فقط لانه عماد الحوسني و فيكتور سيموس يستلمو بالموسم الواحد ما يقارب 7 مليون دولار عموما سواء لم يرغب بالهلال او يرغب فيه بالنهايه صعب تحكم وتقول رح يروح نادي اخر لأن توقعي الادارة رح توقع معه عقد جديد معلومه بس احب اقولك هيا لو ترجع لي ردودي ومشاركاتي رح تستغرب اول كنت اهاجمه واليوم معاه لا انا مو معاه انا مع الكيان مب هوا الي يخليني اترك تشجيعي للهلال لكن انا مع الحريه الشخصيه الرجل يبغا يأمن مستقبله لا تقولي لوي الذراع هذا مفهومك او مفهوم البعض ياخي من حقه يفكر بالملايين وتأمين المستقبل كل من يبي يأمن مستقبله صار يبي يلوي الذراع !! معلومه شايف كل هالتضخيم الي صاير قرأت احد الردود من احد الاعضاء ولفت نظري انه ممكن الفريدي ترا يكون موقع وخلص وجدد عقده لكن هالاشياء عشان نبعد عن الادارة ونتركهم بي تعاقداتهم وطبعا عشان الاعلام يبعد عن الادارة وينشغلو بي موضوع الفريدي عشان الاعلام عندنا شفنا الموسم الي راح كل شوي متدخلين الهلال وقع لم يوقع الهلال اتفق لم يتفق الهلال سيجلب المدرب الفلاني الهلال سيجلب اللاعب الفلاني ولو انه الفريدي بجد موقع وهذي حركة ادارتنا رح اعتبرها حركه ذكيه جدا لأبعاد الاعلام عنهم بالتعاقدات بالمدرب والاجانب :D |
ما اعاب الفريدي رسالة الجوال .. وبعد مقابلة الامير عبدالرحن بن مساعد والحديث عن الفريدي يخرج الفريدي ثاني يوم ببرنامج اخر .. وغلطه الشاطر بعشره .. وكرأي شخصي ويخصني " الفريدي لاعب كبير مهاري ممتع ولكن مزاجي وبالتالي لا يفيد كثيرا ".. |
الله يعطيك العافيه اتمنى التجديد لاحمد بأي ثمن |
الهلال لم ولا ولن يتوقف على الفريدي الذي لا يشفع له تاريخه بمساومة الهلال!! نعم إنه يساوم ويبحث عن المال أولاً وتعودنا في الهلال أن الولاء للنادي هو الأساس وأكبر مثال على ذلك الشلهوب وقبله نواف وسامي والأسطورة التي لن تتكرر يوسف الثنيان. الفريدي لاعب جيد فقط.!! وليس فلتة زمانه ولا يقارن يالعابد ولا عزوز ولا غيره من اللاعبين المخلصين للنادي. تذكر ماذا فعل رادوي لولا الحرب التي شنت عليه جدد للنادي وكأنه أحد براعم الهلال وجعل النادي يستفيد منه. في نهاية المطاف هذه آراء الجمهور ولك رأي ولكن لا تنعت الجمهور الوفي الحريص على مصلحة النادي بعدم الفهم.. وأجزم لو أن بامكان الجماهير أن تساهم بطريقة منظمة في أي صفقة لساهمت بكل ماتملك.. عزيزي لمن لا يعرف ما هو الهلال الكيان فعليه أن يدرك أن الولاء والانتماء لزعيم القارة هو الأساس ويمكن أن تطالب بتحسين عقدك عندما تبذل ربع مابذله عظماء الزعيم كسامي ونواف والدعيع والشلهوب وغيرهم كثيرون وليس الفريدي بأحدهم حتى الآن. تحياتي والاختلاف في مصلحة الزعيم لا يفسد للود قضية. |
طرح اكثر من رائع سؤالي بس هل يوم الفريدي لعب اساسي بالمنتخب راح ديرة المنتخب ومو قصدي ان الفريدي سبب بالمنتخب لكن اذا بتقنع احد بايا كان فاتي بمثال نجاح مو فشل الفريدي لاعب لا يفيد الفريق بطريقة لعبة ممكن بوجهت نظري عقدة لاربع سنوات 2 مليون لكل موسم500000 |
أخوي الكابتن احمد لاعب كبير وفنان هذا شي لا يختلف عليه اثنان. لكن بصراحة تبريراتك غير مقعنة, استشهدت بالمدرب ريكارد, ممكن تذكر لي اي انجاز لـ ريكارد غير اللي حققه مع برشلونة الفريق الذي بإمكان أي مدرب النجاح معه, كلامك كأن ريكارد داهية تدريبية لدرجة قولك ومين انا او انت عشان نحكم احنا جماهير, (جماهير بس نفهم ونحكم وش ناقصنا عن اللاعب والمدرب وغيره, نسمع ونستوعب ونفصل الامور, فمن حق الجمهور يبدي رأية) اما كلام الفريدي يقول ما اشوف ان عندي شي ممكن اقدمة اكثر مما قدمت, فإذا احترف خارجياً وهو قادر عالبروز بأقوى دوريات اوروبا عندها يكون تأكيد لأنه يطمح للأفضل, اما اذا انتقل داخلياً فهو يغالط نفسه لأن السبب وقتها بدون شك المادة, شي من حقه لكن كلامه كان واضح انه كثير متذبذب في اتخاذ القرار على فكرة انا لم أقرأ رسالتك كاملة لأن كان فيها تكرار كثير لك ودي واحترامي |
إقتباس:
تتكلم من جدك انت ، شكلك ماتعرف وين الكورة رايحه ماتعرف ريكارد وانجازاته كلاعب ومدرب بعدين تاريخ تسجيلك قديم ومشاركاتك 1 فقط ، وجاي تنتقد اقدر اقول عنك مندس |
إقتباس:
اكيد مايشفع له تاريخه لاعب عمره 23 مدري 24 هو والعابد والقرني والفرج صغار سن من وين يجيهم تاريخ ! انت انسان متناقض تبي له تاريخ وعمره صغير تستهبل ! برد عليك بمسالة المال ، مع ان الامير عبدالرحمن بن مساعد ذكر آن الاختلاف ليس على قمية العقد ! الفريدي يحق له يطلب اللي يبيه لان في النهاية هذا مستقبل ماهو شغل حواري والرجل متزوج ويبي يأمن مستقبله وانت ماراح تدفع من جيبك ريال ! حياك الله ، |
إقتباس:
كيف لوي ذراع وتهديد آشرح لي ؟ |
إقتباس:
ياعزيزي لا تشكك في مستوى الفريدي ، الفريدي لو ماهو لاعب مميز ماكان جته عروض من الاندية المنافسة للهلال ، وجته عروض خارجيه ! لاتقلل من قيمة الفريدي الفنية داخل الملعب ، لكي تشفي غليلك الكل يتفق حتى جماهير الجار وكل جماهير الانديةة السعودية بان الفريدي نجم موهوب ويتمنونه بانديتهم ! واللاعب يحق له يطلب اي مبلغ ، مع ان الامير عبدالرحمن بن مساعد ذكر ان الاختلاف ليس على قيمة العقد يبيه هذا الشيء بينه وبين الادارة مو بينك انت وياه بعدين عطني مصدرك بان اللاعب طلب 40 مليون ، و 30 مليون لا تجيب لي كلام من عضو هنا في الشبكة ابي مصدر موثوق ! و اشرح لي كيف لوي ذراع وكيف تهديد وكلام فاضي ! بانتظارك |
>> ياناس ازعجتونا بالفريدي هذا اللي مسوي فيها زيدان لاعب عادي واقل من عادي والله حرام يلعب بنادي مثل الهلال لاعب اخلاقه قذرره ولاعب بطيئ ولاعب شايف نفسه على الفاااضي ودليل على حقارة اللاعب هذا مساومة الهلال حتى ينتهي عقده وينتقل مجانا وبكذا الهلال مايستفيد ولا ريال لكن ماقول الا جعله للرباط الصليبي اللي مايقوم منه اذا خان الهلال |
الفـــــــــريدي من اساطير الكوره السعوديه والتفريط فيه وصمت عار ودليل قوي ان هذه الاداره مازالت في تخبطاتها وانها تسر في نفق مظلم ولا تستطيع التفريق بين الصالح والطالح |
| الوقت المعتمد في المنتدى بتوقيت جرينتش +3.
الوقت الان » 10:27 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd