|
ممنوع دخول المتعصبين !!! السلام عليكم ابارك لجميع العقلاء فقط المتعصبين مع نفسهم التأهل لدوور الثمانيه لكل الانديه الاربعه الاشقاء الموسم هذا من اسوء مواسم الزعيم وانا ماتوقعت بصراحه نتأهل لدور الثمانيه لكن احساسي يقول انا لو تأهلنا بأذن الله البطوووله لنا لأن موسمنا كان سيئ والاداره راح تعوض مع بداية الموسم القادم بلاعبين جدد ومدرب مميز افضل من الاختيار السابق دووول وهاسيك وانا اقوول لكم من الحين مبارتنا مع بني ياس هي البداية القويه للموسم القادم وان شاء الله راح نشووف هلال غير بأذن الله وراح تكون بطولتنا الثانيه لموسم 2012 الاسيويه ثاني شي الفريدي وما ادراك ماالفريدي ابيكم كل واحد يحكم عقله الرجال لو مايبي الهلال كان وقع ع طووول مع اي نادي صح ولا لا اذن ليه طلب من الاداره مهله 3 اسابيع اكيد فيه مشكله داخل النادي ومايبي يتكلم بالاعلام ويبغاها تنحل داخل النادي واتوقع بأذن الله راح تنحل المشكله ويوقع ولو تتذكرون سالفة الرساله ماجات من فراغ اكيد فيه مشكله رأيسيه اتمنى محد تاخذه العاطفه ويتسرع بالحكم ع اللاعب لو اللاعب فعلا مايبي النادي كان الامير عبدالرحمن وقف المفاوضات معه لأنه صرح قبل كم يوم بخصوص ياسر انه اذا جاله تمديد اعاره من العين ماراح يقبل واذا طلب شراء العقد يتشاورون مع اعضاء الشرف ومع اللاعب اذا وديه يروح الله معه ليه لأنه لو ماراح اولا ماراح يخدم الفريق بشكل مثالي ثانيا اذا انتهى عقده الهلال ماراح يستفيد شي وراح يوقع ببلاش بتقولون ياسر وش دخله بالفريدي اقول لكم ان المقصد انه لو ان الفريدي فعلا مايبي الهلال كان وقع مع نادي ثاني والهلال استفاد من باقي عقده ولكن واضح ان اللاعب وده يستمر ومين يعووف الزعيم ولكن اتوقع فيه مشكله داخليه ومحد يبغى يصرح فيها لا هو ولا الاداره وهذا الاحتراف الصح بدال ماتشرشح فريقك وتفضح بمشاكله فأتمتى منكم يالجمهور العاقل والواعي لحد يلتفت للأعلام لأن الموسم انتهى والجرايد ماعندهم شي غير الكذب عشان يسوقون صحفهم واتتمنى من ادارة المنتدى توقف اي موضوع عن الفريدي . وبالنهايه اتمنى انه يوقع واتمنى الاداره تتخذ القرار الصحيح سواء بتوقيع الفريدي او الابقاء ع السبب الي ينفر اللاعبين من النادي واخر شي اتمنى بقاء الكوري لأنه بصراحه لاعب مشاغب ومو من اخر مباراه عجبني من زمان لكن عيبه الوحيد ان الحظ مو جاي معاه وكان ناقصه التوفيق ولمن توفق ماقصر سوبر هاتريك فيكف لو انه من بداية الموسم كان متوفق كان هو هداف الدوري واتمنى الابقاء ع ولهامسون او جلب واحد افضل منه مانبغى تتكرر مشكلة الموسم الي راح وانا اشووف ان سياو لاعب الشباب الاماراتي مثل ولي اول ماجانا لاعب سريع ومزعج العربي ماقصرت والله معك اتمنى اعطاء الفرصه لفهد الشمري لأنه حارس ممتاز لكن مالقى فرصه او اعارته لفريق ثاني لنصف موسم ع الاقل يدخل بجو المبارايات |
ياخي ما قدرت اكمل موضوعك كبر الخط لو سمحت خط صغير + سطور متقاربه + موضوع طويل كيف بنقرأ وانا اخوك ؟ |
الخط كبير وواضح اذا عندك ضعف نظر البس نظاره لاتتعب عيونك |
إقتباس:
لا يستطيع الفريدي التوقيع لأي فريق الآن لعدم دخوله فترة الـ6 أشهر الأخيرة من عقده بعد |
إقتباس:
لانه اذا كان ناوي يروح فأنه رايح رايح سواء الحين او بعدين |
هذي السنه بيسمونها سنة الفريدي ... ردد يا فريدي خلاص اشبعنا من هالمواضيع ... |
كيف يوقع مع نادي ثاني او عقده مازال ساري او مادخل الست شهور |
الفريــــــــدي لسى مااادخل ال6 شهوور |
طيب أنا متعصب .. ارد ولا اسوي روتيرن :d . . . انت ذكرت نقاط كثيره ، أتفق معك في أغلبها اما فيما يخص موضوع توقيع الفريدي ، فالاخوان فوقي كفوا ووفوا وأخيراً : المتعصبين مثلي وش وضعهم عندك ، بتبارك لنا ولا ممنوع :d |
ياشباب انا عارف انه باقي مادخل ستة اشهر وهذا الي اقصده لو انه مايبغى النادي كان ابن مساعد باعه عشان يستفيد من الصفقه لكن اذا دخل الست شهور راح يروح للنادي الي يبغى وبدون مقابل للنادي هذا الي ابي اوصله |
إقتباس:
|
مرحباً بك موضوعك وتحليلك لموضوع الفريدي يدل على انك لديك عقل متقد ماشاءالله عليك وانا اوافقك في موضوع الفريدي بكل كلمه ... ياسر ..! ماهي الاسباب التي تجعلك لا تريده اتوقع معظم جمهور الزعيم الان يطالب بياسر ولو رجع والله ما بيطب اساسي الا بجهده وتعبه وخصوصاً اذا ربي وفقنا و وقعنا مع سامبولي ... تحياتي |
يا اخي انا متعصب ! بس برد علشان حكاية بيع الفريدي !! يا ابن الحلال ما يقدر يبيعه او بالاصح من بيشتريه وباقي على عقده 6 شهور |
اتحدى فيه نادي راح يدفع اكثر من عرض الهلال الا عناد في الهلال وجمهوره اما ان النادي راح يستفيد من خدمات الاعب ما باعه الهلال |
أنت تحاول تبري ساحة الفريدي وتلمح أن فيه مشكلة داخلية في النادي وحنا عارفين وش تقصد ؟ وكان غيرك أشطر.. باحبيبي الفريدي مايبغى الهلال وفي قلبه هوى غربي بالعربي الفصيح ويحاول يجد أي مبرر عشان يسند موقفه ومطالبته بالإنتقال أوتعويضه بعقد أكبرمن حجمه بكثير لوكان الفريدي يرغب البقاء في الهلال لوافق على تجديد عقده لمدة 5 مواسم قادمة ولو كان يرغب البقاء في الهلال ماسحب فيهم إلين يدخل فترة الستة أشهراللي تكون له حرية الأنتقال فيها دون الرجوع لنادي ودون حقوق للنادي عليه اوعلى النادي الذي ينتقل إليه يعني الفريدي رايح يجرجر الهلال لفترة الستة أشهر حتى يضعهم أمام أمرين : أما مقدم عقد فلكي ضخم عن طريق لي ذراع الهلاليين أوالتوقيع لأي نادي آخر بدون الرجوع للهلال من واقع دخوله فترة الستة أشهر وأغرب شيء من الفريدي الغريب هو أنه يقول أبغى أبحث عن مجد جديد ؟ أبعد الهلال أمجاد؟؟ لكن العمى عمى القلب الله ينور بصيرتنا وبصيرة كل مسلم ومرة ثانية يقول أبحقق مع الهلال الأسيوية ثم أنتقل .. لاعلى هونك ياسامي الجابرأويوسف الثنيان أوياسرالقحطاني ؟ أنت يالفريدي لاعب تحظرفي شوط أومباراة وتختفي في ثلاث مباريات وتلعب في مباراة .. وتكون عالة على الفريق في مباريات أخرى . ووينك الله يهديك .. وأساطيرالهلال وين ؟ |
| الوقت المعتمد في المنتدى بتوقيت جرينتش +3.
الوقت الان » 05:02 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd