|
قليلاً من العقلانيه ياجمهور الهلال .. حتى لانخسر أحمد الفريدي ! http://upload.alhilal.com/img/019/b3asmla-a2.png http://files.alhilal.com/images/5300...8314894756.jpg صباح الزعامه .. ومساء الهلال المتابع للأوساط الهلاليه .. ومايحدث من شد وجذب خصوصاً في موضوع التعاقدات او التجديد يعرف ان الهلال بشكل عام .. يتعب من هذه الناحيه بسبب تدخل اطراف كثيره .. اما لغرض التخريب او زيادة بلبله او ضرب الجمهور بالاداره وغالباً ماينجح الطرف الاخر بذلك .. واخرها موضوع أحمد الفريدي ! لاشك .. لايوجد عاقل يختلف على موضوع موهبة ومهارة وأهمية الكابتن احمد الفريدي في الهلال والجميع يعلم ان هذا اللاعب من افضل صناع اللعب في المملكه حالياً ونعلم ايضاً بعد مشيئة الله ان مدرب كبير يعرف توظيف الكابتن احمد داخل الملعب .. قادر ان يجعل هذا اللاعب من اخطر لاعبين آسيا فالمهاره موجوده .. والثقه موجوده .. والذكاء والعقل موجود .. والانضباط ايضاً موجود فأحمد الفريدي لاعب متكامل يتمناه اي فريق ان يكون مثل هذا اللاعب موجود المتابع لمشوار احمد الفريدي مع نادي الهلال .. يعرف ان هذا اللاعب وضع بصمه في الهلال سواء فنيه .. او انضباطيه .. او حتى قدوه حسنه للاعبين وللجمهور في هذا الموسم أحمد الفريدي غاب عن اغلب فترات الموسم هل شاهدنا احمد يتأخر عن تمرين ؟ او غياب عن تمرين ؟ بالعكس كان من اوائل اللاعبين الموجودين في النادي حتى لو كان احتياط ولا يدخل الا اخر 10 دقائق .. الا ان الانضباط موجود حتى الانضباط في التصاريح.. لم اشاهد احمد يتذمر من بقاءه احتياطي ! وهذه من ضمن الايجابيات الموجوده في أحمد الفريدي في قضية تجديد عقد أحمد الفريدي استبنط من احاديث كثيره .. اشياء كثيره : 1- في برنامج ارسال كان أحمد الفريدي متناقض في الكلام .. ودائماً المتناقض في الكلام يحمل اشياء داخليه كثيره لايستطيع البوح فيها استشف ان احمد مشكلته خارج الهلال .. مشكلته قد تكون عائليه .. او صداقات خارجيه .. او محاولة بعض المخربين من الانديه الاخرى التخريب واحراج احمد مع الجماهير بمثل هذه التصاريح 2- أحمد الفريدي محطم نفسياً داخلياً .. وكرر في برنامج ارسال كلمة ( اخاف اكون عاله على الهلال ) ( اخشى ان اكون غير مفيد في الهلال ) .. فحب اللاعب للهلال يخشى ان يكون طرف سلبي فيه ! وهنا يحتاج احمد الوقوف معه وحل مشكلته النفسيه قبل اي شي اخر وحتى لانكرر مشكله ياسر القحطاني ! 3- الامير عبدالرحمن بن مساعد في برنامج كوره ذكر" انه يتشرف في احمد الفريدي كلاعب في الهلال كاخلاق وفائده فنيه .. وذكر جانب اخر والد احمد الفريدي وانه رجل خير وتشرفت بالتعرف عليه " ونعرف ان " الوالد " دائماً يكون تأثيره كبير على الابن .. ويبين اكثر ان الكابتن احمد الفريدي يواجه ضغوط كبيره لدرجه ان الامير عبدالرحمن عرف ان لايحل هذه المشكله الا والد احمد الفريدي ! 4- احمد الفريدي من وجهة نظري من اللاعبين المظلومين في نادي الهلال .. فمهما يفعل ينتظر "بعض"الجمهور الزله منه حتى يسن السكاكين والاقلام لمهاجمته ! فبعد ماكان "احمد الفريدي"من نجوم مباراة الغرافه وبني ياس .. بعد التصريح صار اسوء لاعب وفرقاه عيد وبارد وسيء ! فـ " بعض " الجمهور لايبحث عن احتواء نجومه .. بل محاولة طردهم من ناديهم ! 5- مازلت متأكد ان احمد الفريدي يمتلك قلب "طفل" متى ماوجد الاحتواء من الجمهور والنادي راح يعطي كل مالديه .. وبالمقابل متى مالقى الاحتواء من الخارج راح يبحث عنه في اي مكان .. ومن شاهد كلامه اليوم في الارسال والتناقض في المداخله الاولى والثانيه .. يعلم ان حتى احمد الفريدي لايعلم ماذا يريد ! 6- وهو طلب للأمير عبدالرحمن بن مساعد .. ابحثوا عن مشكلة احمد الفريدي في الانديه الاخرى .. هناك من يحاول اللعب في عقلية احمد .. هناك من يشوش على تفكيره .. هناك من يحاول التأثير على احمد حتى عن طريق عائلته ! اخيراً .. ابحثوا عن المستفيد من رحيل احمد الفريدي .. وشاهدوهم في التويتر وتغريداتهم .. حتى تأليب الجمهور على الاداره وعلى الفريدي بشكل مقيت ومفضوح من حق الجمهور الهلالي ان يعتب على احمد وعلى طريقته ولكن بتأني وبدراسه وعدم التسرع في اطلاق الحكم والتهم ختاماً : ابحثوا عن سر تناقضات أحمد الفريدي وستحل جميع المشاكل بإذن الله ! |
طرح مميـــــــز ويشرح الحاااالهـ المتذبذبهـ للفريدي.... الموااااضيع الكثيره اليوم عن الفريدي والتجريح المبااااااالغ فيهـ سيكووون لهـ الاثر السلبي على الفريدي وسيجعل من الحبهـ قبهـ..... اتمنى ان نتركـ موضوع الفريدي للادااره...... والله يكتب الخير للزعيمـ...... |
سيندم ونحن سيرتآح بآلنآ ,, آصبح غير مضمون بآن يفعل بنآ كعزيز وآلجمعآن بيوم مبآريآت حآسمة آتركوه يرحل حتى يكون آلنآدي خآلي من كل آلشوآئب فهذآ جيل عزوز وآلعآبد وآلدوسري وسلمآن وآلشهرآني آلروح وبس</B> وأنه من الصعب بقاء الفريدي مع الهلال والبلوي مستشاره</B> أقول للفريدي:ranting:: الله يسهل عليك(وهذا رأيي) ونشوفك في ريال مدريد وأقول لشبيه الريح: الجمهوووووريقول :معذور يابو فيصل وخله يرووووووووح:yes: اللي يبيعك بريال بعه ببلاش الحمد لله رب العالمين لاحد يجي يقول لاعب فنان ومدري إيش اللي مايبيك لالالالالالالالالالالاتبيه طابت النفس |
اهنيك اخوي على طرحك المميز اتفق معاك في كل كلمه قلتها يجب ان نعرف من المستفيد الحمد لله مافات الاوان الهم وفق الزعيم في كل مكان |
يظل اللاعب الذي ترعرع ونشأ في النادي هو الذي يقدر النادي ومانُشاهده من الفريدي ليس بغريب فقد سبقه الكثير ممن جاءو من خارج النادي بعكس من ترعرع فيه سامي يوسف تمياط شلهوب والكثير من الامثله تدل على أن الانتماء للنادي محصور على ابنائه البقيه مُجرد عابرين يتزودون من خيراته ويرحلون |
انا اتوقع من ضغط. بعض الجماهير عليه تعب الرجل نفسيا ارجو الوقوف مع احمد للفريدي لبقائه في الهلال . والا سنندم على ذهابه . واتمنى من الادارة التجديد وعدم النظر الى كلام العقول الصغيرة . |
يعطيك العافيه واللاعب احمد الفريدي كبير بفنه واخلاقه وسيوقع بإذن الله رغم انف الحاسدين مشكلتنا هنا كثره المندسين دائما يريودن التخريب بين اللاعب والاداره وخاصىه المميزين مذا جرى لكوزمين ورادوي وسامي الجابر ويلهامسون وياسر القحطاني اكثر ما اشغلنا هنا المندسين ويتبعهم البعض بحسن نيه للاسف!!!! ياليت يطهر المنتدى من العابثين المخربين والفتانين. |
أهنئك ع هذا الطـرح ..!! اصبت بكـل حرفً كتبته هاهنـــا للـه در هذا القلم ..!! أوافق بعنفوان ..!! |
اذا م يبي يجدد موب لااززم نغصصبة بكيففة الله يوفقة بعيد عن الهلال بس موب يططلع بالبرامج ومدري ايش ويقول انة مايبي يجدد مفروض هالحككي يكون بينة وبين الادارة ! |
وش فايدة لاعب مستواه الفني عالي و هو داخلياً ما يبي يستمر ؟! لو اقنعناه جدلاً انه يوقع عقد و يستمر هلالي لـ 4 سنين وش يظمن لنآ انه بيقدم مردود جيد و هو اساساً مو مرتآح في النادي ؟؟ بالعربي مآلها سنع نخلي لاعب يستمر معنا فوق رغبتة و بالتالي يلعب بدون نفس و بالتالي ضرره علينا اكبر من نفعه و احنا بكره قدامنا استحقاقات هامة ما تستلزم لعب عيال و عناد و شغل ماله لزمة ! اذا يبي يطس بسلامتة .. يكمل الآسيوية و بعدهآ الله يوفقة .. اما انه في كل مناسبة و مناسبة بيطلع يصرح و يدوشنا معه لا و الله ما حنا ملزومين فيه و الهلال ما وقف على نجوم و اساطير اكبر و افضل منه فنيا و لا راح يوقف عليه |
الله يعطيك العافيه احمد الفريدي يملك المهاره يملك الثقه وبنفس الوقت يملك الغرور يملك المزاجيه لا شي يعلو على الكيان من خلال اربع مواسم شارك فيها احمد الفريدي مع الفريق الاول ابيها بالارقام كم سجل وكم صنع الكل يتشرف ويتمنى تمثيل الهلال ان جدد الفريدي فله كل الفخر وان رحل فالهلال لا يتوقف على اي لاعب كان تمنياتي للجميع التوفيق |
كتبت فابدعت اخوي عموماا احمد الفريدي ما رفض التجدييد عشان العقد للمعلوميه فقط لان بعض الجماهير قالت انه لاعب يبحث عن المال الاعب للحين ما قدمت له الاداره عرض ولا عقد تواصل شفهي هل بتجدد او لا وهنا المشكله ما يبي يجدد يعني وخرو مسالت انه يركظ ورا المال او انه بيروح للغربيه ما تدرون الشباب اقرب منهم الاعب متحطم وبصراحه ردت فعل الجمهور ما تشجع على التجدييد لو جمهور الهلال يحتوي الفريدي مثل ما احتوى ياسر صدقون بيطلعلنا فريدي جدييد الموسم القادم .... |
للاسف .. اغلب الردود ( صغار عقول ) و ترد ولا تقراء الموضوع الفريدي .. لاعب ذكر بإنه لن يجد آفضل من ادارة الهلال وان اللاعب لديه عروض خارجيه واحمد الفريدي مشكلته مع جماهير الهلال محارب من جماهير ناديه ! للإسف يقفون مع اشباه اللاعبين عبدالله الدوسري ومحمد نامي وغيره .. ويحاربون النجم الذي تتسابق الاندية المنافسه على خطفه و يشيدون فيه كبار المدربين للإسف نحن لا نملك جماهير تفقه كورة نملك جماهير لاعب ستايل ! |
أحد أسباب تردد الفريدي مسألة التجديد هو جمهور الهلال للأسف !! دائما ما نشاهد الجمهور يهتف ضد أحمد في كثير من المباريات .. بالرغم من سواء الفريدي في بعض الهجمات ويكون معهم حق في ذلك .. لكن الطامه لو يخطي لاعب له حضوه عند الجمهور يقولون عادي !!! الهلال أهم أم الاعب ..؟! الفريدي بالرغم من رتمه البطيئ واللي يصفها البعض بأنها برود مبالغ فيه دائماً ما يبدع ويمتع وهو ماطلبنا به لاعبين الهلال !! الفريدي وللأمانه من القلائل في نادي الهلال اللي يلعب بروح ويحترق داخل الملعب وشفنا كيف اشتراكاته والتحاماته مع الفرق الأخرى .. أتمنى من الفريدي أن يفكر بـ محبه الهلال والهلاليين وأن نسمع بـ خبر تجديدة في الأيام القليلة القادمة ! |
اللي يقول انه ما يبغى يستمر ولا نضغط عليه : سبب عدم استمراره هو الضغط من الجماهير والهجوم الغير مبرر |
| الوقت المعتمد في المنتدى بتوقيت جرينتش +3.
الوقت الان » 07:27 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd