وصلت جماهير الهلال الى وضع سيء جداً ..
أصبح الوضع غير صحي ابداً وأصبح التشفي واضحاً ..
جيل الهلال الأخير اذا لم يتم ايقافه امام خطوط حمراء من أجل الهلال ..
فـ سيجد كل مدرب كل رئيس كل لاعب احباطاً الله به عليم

إقتباس الرسالة الأصلية كتبت بواسطة هلآلي زهرآني لآ صـــــــرآحه غلطـآنين ... آمسحهآ في وجه كومبآريه المرهـ هذي ...!!!! المفرووض يبلغوونكـ ... والمفرووض بعد يرسلون كرتـ شخصي لك ولي ولبقية الجمآهير ... الجماهير الان صارت الكل في الكل صرنا ندخل في كل عمل صرنا متطفلين بكل ماتعنيه كلمة تطفل لا وبعد نعصب على الاداره وودنا حتى نلاقي فرصه عليهم ونتهاوش معهم كيف يسوون فينا كذا ..؟؟ وش هالتخريف الله يهديك , وش هالفكر , الجماهير صارت هي الاداره وهي المسؤول الاول والاخير عن الصفقات وهي اللي لازم تسمع باخبار النادي في كل دقيقه وهي اللي لازم تجيب اللاعبين والمدربين الله يصبر الاداره علينا بس لا تزعل نفسك وانا اخوك من بكره نطلب من كبير الهلاليين يفتح لنا موضوع طلبات وموضوع يشرحون لنا كل صغيره وكبيره بالنادي ... حتى الطراريح اللي ينامون عليها اللعيبه لازم نعرف كيف لونها ومن ويش مصنوعه .. انا عكسكم تماما .. الكل ينتظر الاجانب وانا انتظر متى يتقفل الموضووع عشان من جد بعض الناس مصخوها ما ياخذون الموضوع بكل ادب وسهووله الكل داخل زعلان وليش ما سوو .. ومتى بيسوو .... فالكم تقفيل الموضووع والله

هذا رايه فماله داعي ترد عليه

كلامه سليم فيه فرق تلعب مع فريق اولمبي ولا فريق اول

واعتقد ماله فايدة المركز الاعلامي اذا ما يعطيك المعلومة سليمة وكاملة

بغض النظر عن تاخر وصوله

لكن اللي محيرني بالمنتدى ما احد يكتب رد الا وناط عليه واحد يهوشه ويسفل به

نحتاج حسن نية وظن

"والمشكلة بعضهم يقولك مالم تقله "

إقتباس الرسالة الأصلية كتبت بواسطة هلآلي زهرآني لآ صـــــــرآحه غلطـآنين ... آمسحهآ في وجه كومبآريه المرهـ هذي ...!!!! المفرووض يبلغوونكـ ... والمفرووض بعد يرسلون كرتـ شخصي لك ولي ولبقية الجمآهير ... الجماهير الان صارت الكل في الكل صرنا ندخل في كل عمل صرنا متطفلين بكل ماتعنيه كلمة تطفل لا وبعد نعصب على الاداره وودنا حتى نلاقي فرصه عليهم ونتهاوش معهم كيف يسوون فينا كذا ..؟؟ وش هالتخريف الله يهديك , وش هالفكر , الجماهير صارت هي الاداره وهي المسؤول الاول والاخير عن الصفقات وهي اللي لازم تسمع باخبار النادي في كل دقيقه وهي اللي لازم تجيب اللاعبين والمدربين الله يصبر الاداره علينا بس لا تزعل نفسك وانا اخوك من بكره نطلب من كبير الهلاليين يفتح لنا موضوع طلبات وموضوع يشرحون لنا كل صغيره وكبيره بالنادي ... حتى الطراريح اللي ينامون عليها اللعيبه لازم نعرف كيف لونها ومن ويش مصنوعه .. انا عكسكم تماما .. الكل ينتظر الاجانب وانا انتظر متى يتقفل الموضووع عشان من جد بعض الناس مصخوها ما ياخذون الموضوع بكل ادب وسهووله الكل داخل زعلان وليش ما سوو .. ومتى بيسوو .... فالكم تقفيل الموضووع والله

يا " محترم " أنا مشجع هلالي , ومن حقي أني أعرف وش اللي يمر فيه فريقي الحين
وآيضا ً من حق الجمهور أن تكون الادارة أو المركز الاعلامي واضح مع الجمهور ويعطي
معلومات صحيحة ..
وانا ردي السابق كان نقطة خلافي هي ليش المركز الاعلامي لم يذكروا بأن الفريق اللي راح نلعب معه أقل من 23 سنة
ليش دايم نبحث عن آخبار الهلال عن مواقع الفرق الآخرى حتى ناخذ المعلومة الصحيحة
يعني وش العيب لو الهلال لعب مع الفريق الألماني تحت 23 سنة يا المركز الاعلامي !!


وبعدين يا محترم من حق أي عضو يبدي رايه ويكون هناك نقاشات في المنتدى لأن المنتدى في نهاية
هو من آجل الجمهور الهلالي يعطي رايه ويعطي وجهة نظرة واذا كان مو عاجبك يا خي لا ترد
وآحترم الجمهور شوية يا محترم .. !!

إقتباس الرسالة الأصلية كتبت بواسطة عاشق الريال الملكي وصلت جماهير الهلال الى وضع سيء جداً .. أصبح الوضع غير صحي ابداً وأصبح التشفي واضحاً .. جيل الهلال الأخير اذا لم يتم ايقافه امام خطوط حمراء من أجل الهلال .. فـ سيجد كل مدرب كل رئيس كل لاعب احباطاً الله به عليم

اخوي هدئ من روعك ترى الانتقاد الهادف مطلوب بدون تجريح في الاشخاص صحيح انا معك بعضهم يزودها شوي
انت الان تعاتب المشرفين على السكوت

حان الان وقت صلاة العصر بمدينة الرياض ( الرجاء من الاخوة عدم التهاون في الصلاة جزاكم الله خيرا )

بالعكس انا اشوف الفريق الالماني الاولمبي افضل من التشيكي لانه الفريق الرديف للفريق الاساسي

وبالاخير مباراه وديه واتوقع راح تكون مفيده لسبب واحد الالماني يمتازون بالقوه والصلابه

لا إله الا الله محمد رسول الله



صلاة العصر بارك الله فيكم

كلها عشر دقايق



برب

أبغى مدرب ... أبغى لاعب بسرعة ... جيبوا لاعب جديد ... يارب تتم صفقة االاعب الجديد ملينا من الأول ..

ابغى ... مباراه وديه مع فريق لون ملابسهم تركواز .... يافاشلين ... اسيا طارت ...

معقووولة ماشرينا ملابس للعيد والعيد باقي عليه شهر.. وش هالادارة ...


انا هلالي ومن حقي اتكلم ... والا بس اتصفح انترنت و من موقع لموقع ومنتدى لمنتدى ... يروح تعبي وتضحياتي للهلال خسارة ...

........

شرهتونا مع الناس... وكرهتونا بالمنتدى ... متشبنتمنبنيسمبنت

مصدر في اروقة الهلال ‏@adgj34
حسب ماوصلني الان العربي باي باي ننتظر ونشوف

إقتباس الرسالة الأصلية كتبت بواسطة الدانا الهلالية الإدارة أنهت : * التعاقد مع يحي المسلم لتقوية خط الدفاع. ( نهائي ) . * التعاقد مع ياسر الشهراني لتقوية الأظهرة. ( إعارة منتهية بشراء العقد لو رغب الهلال ) . * التعاقد مع قلب دفاع بديلاً لأسامة هوساوي. ( 3 مواسم ) . * التعاقد مع جهاز طبي مميز. *التعاقد مع جهاز فني مميز. بقي : * التعاقد مع الأجنبي الرابع والخانة حسب ما يطلبه المدرب. * قدمت عرضها للاعب أحمد الفريدي وتنتظر ردهـ . * جلب رئيس رابطة مميز. مميزات: (الفريق الأول و الأولمبي) *معسكر ممميز وتوفير جميع المستلزمات. * اللعب مع نادي كبير لتحقيق الإستفادة من المعسكر. * متابعتها للمعسكر مباشرة مع الفريق وقربها منه . * الثقة الكاملة للجهاز الفني وتلبية متطلباته. سلبيات: *التأخير نوعا ما في جلب اللاعبين الأجانب ... وإن كنت أرى أن هناك نقطة إيجابية من التأخير وهي أن يرى المدرب اللاعبين ويتعرف على إمكانباتهم ويطلب ما يريدهـ .

أشكرك عزيزي على ما كتبت وسردت ..

وهنا يتبين ان شغل الاداره شغل جبار ..

الايجابيات اكثر من السلبيات وهي سلبية وحده (( التأخر ف التعاقد مع اللاعبين الاجانب )) ..

المسلم صفقة ممتازة .. ياسر الشهراني صفقة جدا ممتازة .. التعاقد مع منقان الكل يشيد فيه وان شاء الله يكون قد الطموحات .. طاقم طبي من احسن ما يكون كان مع ليون والمنتخب الفرنسي لـ 11 عام .. معسكر ولا اجمل .. مباراة مع مانشستر سيتي تساعد على الاستفادة بشكل اكبر ..

الجميع انتقد التأخر في الصفقات .. وانا بالنسبة لي اشوف اننا نجيب لاعب ممتاز متأخر احسن من لاعب فاشل ببداية المعسكر .. لا تنسون ورانا آسيا ويبيلها لاعبين اجانب زي العالم والناس ..

وثاني شي الادارة ما قد قالت اننا في مفاوصات مع لاعبين .. المتمصدرين هم من صاروا يرمون الاسامي ويرفعون من طموحات الجماهير ! كني اشوفكم الموسم الجاي تقولون نبي ميسي يجينا !

خل الادارة تشتغل .. واذا جاء اخر الموسم نحاسبها على تقصيرها ..! الجميع بدأ بالعتب على الادارة وحنا ما بدأنا الموسم !

تقبلوا ودي واحترامي

إقتباس الرسالة الأصلية كتبت بواسطة عاشق الريال الملكي وصلت جماهير الهلال الى وضع سيء جداً .. أصبح الوضع غير صحي ابداً وأصبح التشفي واضحاً .. جيل الهلال الأخير اذا لم يتم ايقافه امام خطوط حمراء من أجل الهلال .. فـ سيجد كل مدرب كل رئيس كل لاعب احباطاً الله به عليم

اتفق معك تماماً
جمهور الهلال للاسف اصبحت وسيلة ضغط سلبيه اكثر منها ايجابيه للزعيم
طول الوقت مطالبات ماتنتهي وانتقاد واحياناً هجوم
واذا جت المباريات لقيت الملعب فاضي وان حضرو غير مؤثرين كنهم بسينما مو ملعب
وولو طالبتهم بالحضور قالو قد حضرنا ودعمنا الفريق وانهزم ياالله حرام هالصبر فيكم
جمهور الزعيم الاكبر بلا منازع لكن اتمنى نوصل وفاء النصراويين وفاعلية ودعم الاهلاويين >> كلمة حق لو اني مااطيقهم

السلام عليكم ورحمة الله وبركاته
مساء الخير
كل الشكر لأبو فيصل لحسمه صفقة المدافع أخيراً : )
وكل الشكر للرشاش يوسف العربي على ما قدمة طوال الموسم الماضي وأتمنى له التوفيق مع غرناطة الأسباني
وبالتوفيق للزعيم الملكي فوق كل أرض وتحت كل سماء

إقتباس الرسالة الأصلية كتبت بواسطة نادر وجوده20 أبغى مدرب ... أبغى لاعب بسرعة ... جيبوا لاعب جديد ... يارب تتم صفقة االاعب الجديد ملينا من الأول .. ابغى ... مباراه وديه مع فريق لون ملابسهم تركواز .... يافاشلين ... اسيا طارت ... معقووولة ماشرينا ملابس للعيد والعيد باقي عليه شهر.. وش هالادارة ... انا هلالي ومن حقي اتكلم ... والا بس اتصفح انترنت و من موقع لموقع ومنتدى لمنتدى ... يروح تعبي وتضحياتي للهلال خسارة ... ........ شرهتونا مع الناس... وكرهتونا بالمنتدى ... متشبنتمنبنيسمبنت

لا لا شكلك ماتفهم كوره
نبي فريق لون طقمهم برتقالي نبي شي مميز
من جد وصل الحال بالبعض مثل ماذكرت