مدري ليه مستعجلين على المدرب و التعاقدات .. باقي على المعسكر ٢٠ يوم .. و لو أعلنوا التعاقد مع المدرب الآن ما راح يمسك الفريق إلا في المعسكر .. الاستعجال مب مطلوب .. و لازم يفهم الجميع إن الإدارة أحرص من أي مشجع على الفريق و أوضاعه .. لأن نجاح الفريق يعني نجاحها و فشله يعني فشلها .. أما حنا نتكلم و لا ندري وش يصير في المفاوضات و التعاقدات .. لذلك خلوهم يشتغلون و تشوفون النتايج اللي تسركم بإذن الله ..

و إذا ما فيكم صبر على المدرب تراه ما راح يخرج عن ( جيريتس ) أو ( خورخي سمباولي ) ..

كل المؤشرات تدل على ذلك ..

أما ديشامب لن يكون المدرب القادم .. و الحمدلله إنه ما راح يصير مدربنا .. مدري ليه أغلب الجمهور يبيه ..

بالنسبة لعودة جيريتس أشوف فيه مؤيدين و فيه معارضين ..

عودة جيريتس فيها إيجابيات و فيها سلبيات ..

من الإيجابيات إنه عارف الفريق و الأجواء و الأهم من هذا يعرف البطولة الآسيوية و الدور القادم و أهميتها بالنسبة للإدارة و الجمهور

بالإضافة لكل ما سبق .. الفريق كان مقدم مستوى كبير أيام جيريتس و ما في أحد ينكر الشي ذا ..

أما السلبيات هي إنه تخاف يرجع و ما ينجح و الشي ذا بعلم الغيب .. يعني ممكن يرجع و يواصل نجاحاته مع الفريق و في نفس الوقت ممكن يرجع و يفشل أو ما يصنع الفرق كما كان ..

البعض يقول خاين و ترك الفريق في وقت صعب .. الظاهر إنكم ما سمعتوا كلام بو فيصل لما قال كنا نعلم بخروج جيريتس من نهاية الموسم و طلبنا منه يكمل البطولة الآسيوية فقط .. يعني شي متفق عليه من بدري و الرجال ما ترك الفريق فجأة ..


أما خورخي سمباولي فهو حسب ما سمعنا مدرب كبير .. و قدومه نفس الشي فيه إيجابيات و فيه سلبيات ..

الإيجابيات إنه مدرب طموح و قوي شخصية و تكتيكه مميز حسب ما نسمع ..

سلبياته إنه يحتاج وقت للتعرف على الفريق و اللاعبين ..

و على فكرة البعض يظن إن قدوم مدرب جديد على المنطقة شي سهل .. و إنه يسلك مع الفريق بسرعة ..

حط نفسك محله .. تخيل إنك مدرب و رايح تدرب في منطقة جديدة و فريق جديد و ما تعرف أي شي عنهم .. كم بتحتاج من الوقت ؟؟؟!!!

لذلك كما ذكرت قدوم أحد المدربين مو شي سهل .. و يحتاج للدراسة و التأني ..

و فيه مشكلة كبيرة عند جمهورنا العزيز .. اللي هي إنهم يقيسون نجاح المدرب من عدمه بتحقيقه للبطولة الآسيوية .. يعني لو جا جيريتس و حققها بيقولون نجح و نشكر الإدارة على تعاقدهم مع جيريتس و من هالكلام .. و إذا لا قدر الله ما حققناها .. بيقولون فاشل و ليته ما رجع .. و كنا نقول لا تجيبونه ..... إلى آخره.

و نفس الكلام ينطبق على خورخي سمباولي .. لو جا و حققها بيقولون مدرب جديد و طموح و عشان كذا حققها .. و لو ما حققها بيقولون لو جا جيريتس أزين .. لأنه يعرف الفريق و اللاعبين ..

في النهاية لازم يعلم الجميع إن التوفيق بيد رب العالمين ..

الله يكتب اللي فيه الخير لهلالنا .. سواء مع جيريتس أو سمباولي ..

( بالنسبة لرأيي الشخصي : ما تفرق معي جا جيريتس أو سمباولي .. لأن كلهم مدربين كبار و في حال تم التعاقد مع أحدهم فإني أشكر الإدارة لأنها سوت اللي عليها .. و اجتهدت .. و يتبقى التوفيق من رب العالمين .. )

آسف على الإطالة و أشكر الجميع .. و أطلب منهم الصبر ..

الحين وليد الفراج يقول وقع الهلال مع ديشامب
والمشرف حمد يقول جيريتس عشان قوة مساعديه


مدرب اللياقه له عقد خاص فيه مثله مثل طبيب النادي مثل المدرب


وقعو مع مدرب اللياقه وخلاص
جيريتس ما اتمناه يرجع
ولو رجع بنوقف معه
لا تهم الاسماء
مصلحة الهلال اهم
:rose:

من جدكم تبون جرييتتتس..؟؟

نسيتو وش سووا فينا ولا اذكررركم..؟!!
وبعددديييين جريتتس كان مووسمه قووي بوجوودد راادوي ونيفيززز ويلي ولي يوننج


واللي جااب جريتس يجيب افضللل منه


كل التوفييق لازرقناا الهلالي..|

https://si0.twimg.com/profile_images...age_normal.jpg عبدالله المحضار ‏<S>@</S>alteer3000:

إختصار قصة ديشامب والهلال: *وكيل اعمال المدرب هو من عرضه على ادارة الهلال في اجتماع قصير بأوروبا. *الاداره لا ولم تنوي التعاقد معه. يتبع..

*استغل الوكيل الموافقه الشفهيه وسرب الخبر للصحف الفرنسيه . * "الارجح"ان يعلن الهلال غدا الاحد اسم المدرب الجديد إما جيريتس او خورخي .

<< حسسسبي الله على ذآ الوكييل .. خلآص جيرتس أو خورخي ..!!

^

أعتقققد سمو الأمير وضح قصصصصة [ جيريتس ] بـ 21 تغغغريده :rose:
والمغرب عطوه شيك مفتوح , جيريتسس اخطأ واللي عرفته انه يبي الرجعه
والله يقول [ خير الخطآئين التوابون ] :ga:

بحآل رجعععة جيريتسس اسسيآ هلآليه من بعععد توفيق الله :ba:

يعني اذا المغرب طردت جريتس بتوقع معه الاداره..؟!!!

وش ذا متحممممسين للمدددرب واخر شي

((جريتس))


كننا نتمنى الافضضللل يابو فيصصلللل

يابنت الناس وش لاقييه فيه :to::to::to:

مانسسى حرككته في الهلال :ranting::ranting::ranting::ranting:حتى لو انه متفق مع الاداره

:cry::cry::cry:

وشسوا جيريتس باالله عليكك ؟؟؟؟؟
مشكلة جمهورنا ملعوب عليهه

جيريتس متفق مع الادارهه من قبل نهايةة الموسم انه بعد هالموسم يمشي ووافقت الادارهه وطلبت منه يكمل اسيا وكمل اسيا وطلعنا ومشااا

وع فكرهه يعني لو هو سوا فينا اشياء الادارهه احرص مني ومنكك اكيد ماراح تجيبهه وبتخاف يسوي فيهاا اشياء ع قولتك لكن اتممنى تغيرون مفهومكم عن جيريتس ممدرب اشوف بعدهه اسيا صراحهه
عارف اجوائنا وعارف اللعيبهه وبينسجمون معه بسسسرعهه كبيرهه ويعرف يمركز اللعيبه
وممدرب يعرف ان اسيااا هي طموحنااا وعارفف ضغط اللعيبهه باسيااا وعارف ثقلهاا

ارششششششششششح جيريتس واتمممناهه لان اسيا بعد الله اشوفهاا من عند جيريتس

يآآعزائي مباراة المغرب وساحل العاج الساعه كم بالضبط ؟

عودة قيريتس اعتقد انها سقطه كبيرة للادارة , مدرب يتركك و انت في امس الحاجه له
و ترجع تتعاقد معه و بعدين في كثير من التجارب دائماً تكون العودة للمرة الثانية لنفس المكان لا تنجح
و لا يكون الدافع موجود كبير ... و الله محسسني انه مورينهو
قيريتس مع الهلال امتلك افضل الاسماء كــ مجموعة في اخر 10 سنوات في الدوري السعودي و لم يحقق ما كنا نطمح اليه قدم عمل مميز و لكن ليس العمل الخارق